新品香粥麵店

灣仔鵝頸橋街市隔離有一間殘舊小店叫新品香，他常常自己去食，我問為何不帶我去，他便説地方很污糟。今日一場黎到，無理由唔去試，便同佢入去試試。環境的確不太理想，不過無問題，反正食完便走。我們點了雲吞麵和豬潤炒米粉。雲吞麵 一黎先試湯底，哇！不得了，十分鮮味，麵條很彈牙，還送上數塊生菜。雖說不是食過最好的雲吞，但只是$22一碗雲吞麵還是要給很高分的。豬潤炒米粉米粉即叫即炒，加埋蔥段芽菜，炒得很香很有鑊氣；豬潤也很爽口，只是油下多了一點點，味道仍然是上佳的。整體十分滿意，因為價錢十分便宜，而且質素比起其他名牌麵店毫不輸蝕。這裡還是24小時經營，隨時都可以黎食…查看更多

幫襯了廿年。食物一直保持水準。太子女落單煮面出餐收錢執枱一腳踢，最叫我佩服。最重要是她說“好耐無見你啦靚女。都有一兩年“。親切感滿瀉。推介了朋友吃羌蔥撈面。整雲吞。及第粥。讚不絕口。依餐加罐汽水豆漿。100蚊找6蚊。真的平到無人有吖。最重要是有親切感調味…查看更多

為了寫呢個小故事開account。我幫襯咗新品香十幾年，講真你問我係咪真係咁好食又未至於，食係食𠹭份人情味。老闆會記得我口味，撈麵問我加唔加薑蔥(因為之前加過)，油菜記得我要腩汁，呢啲小節都係小店令人留戀嘅地方。記得大概十年前我由灣仔方向行過去，差不多到天樂里，叫到有個婆婆起馬路除褲大便(我想講係呢個婆婆睇落明顯係精神有問題)，我冇特別理照去新品香坐低食麵，點知見到頭先個婆婆行左入嚟坐低，老板自動波捧上一碗青菜麵，婆婆食完就行食出舖頭(當然唔使俾錢)，睇得出成件事已經係習以為常，呢件事令我感受好深。希望老板好人有好報，身體健康。次次見到又有老店結業都好驚會到新品香... 一定要長做長有呀！…查看更多

友人推介這裡的撈麵於是點了牛筋腩撈麵麵及牛筋腩的份量都很多牛筋腩稔滑~~不會韌撈麵汁也很夠味!!確實不錯!!不過友人覺得附送那碗湯的味道很鹹個人認為撈一些湯在麵上,,會沒那麼乾身呢!價錢也不貴啊!…查看更多

凌晨時份在CWB, 又試肚餓, 經過這間24小時營業的粥麵店, 決心一試, 今晚試牛腩麵:牛腩夠淋，有八角味，份量亦多，湯底？？唔知乜味，可能腩汁？麵質可以，有點皂水味，勝在平價，20蚊碗。食完見到隔離枱叫雞蛋炒腸粉！餐牌唔覺有？但好像相當吸引，下次宵夜再试先…查看更多

炒米不會預先炒好，即叫即炒確保新鮮。 最愛雞絲炒米多薑蔥夠鑊氣，鑊仔細細但料永遠不會少。 米粉不會過淋，料又炒得香，永遠能夠保持水準，色香味俱全嘅自家炒米！全天后嘅食物 …查看更多

星期日去完工展會後，周圍試下，買下野食，行完之後雖然已經夜晚～但又未有太餓嘅感覺～原本打算食煲仔飯～最後竟然搵唔到，最後就走咗入一間24小時粥店，食碗熱粥～始終是舊式粥店，店內環境只屬一般，燈光暗淡之餘，衛生環境也只屬一般雖然是粥店，但除了粥品外，還有麵食及小吃類，當然還有腸粉、鹹肉糉及糖水滑雞粥 $24［評分：5/10］雞粥賣相只屬一般，感覺粥底稀稀的，油份甚高，粥底入口尚算香口，但真的比較稀身，似是喝粥水多於吃雞粥，完全沒有線滑的感覺，至於雞件，切得細細件的，幸好肉質尚算嫩滑，但雞骨較雞肉多呢. . .鹹肉糉 $13［評分：7/10］切開後，發現了原先以為沒有鹹蛋黃，雖然只有半粒，但已是整隻糭的主角了！綠豆份量不多，沒有太多的綠豆香，以糯米為主，味道較淡，而內裏也沒有大大件的腩肉，只有少量脂肪，沒有瘦肉部分，整體來說味道不太香口炸兩 $9[評分:5/10]外層腸粉皮較厚，入口不夠滑膩，加上油炸鬼不多熱而且已經變淋了. . .吃了兩件就交給友人了綠豆沙 $12［評分：7/10］只有熱食供應，綠豆份量蠻多的，啖啖也充滿了綠豆，可惜沒有加入臭草及海帶，令味道及口感也比較單調，但終眾多食品中，算是質素最好的一項了新品香粥麵店 (灣仔)灣仔灣仔道253號地下～～～～～～～～～～～～～～～味道：6/10環境：5/10服務：5/10衛生 : 4/10抵食 : 7/10…查看更多

半夜有啲肚餓, 食咗幾塊曲奇都未頂到肚, 好彩附近有間24小時o既麵店, 買咗碗淨雲吞頂肚, 佢啲湯水唔濃味, 唔似有味精, 雲吞唔大粒, 唔係好覺有蝦喺裏面, 但我鍾意食肉為主o既雲吞多過蝦為主o既, 另外味道都唔錯, 有啲微鹹, 啱我~~ 最重要係半夜都可以食到 …查看更多

走在灣仔街市附近，除了退步中的「魂」，已經少光顧之外，南記及新品香可算是較為划算的食店。先不說轉角處的南記，新品香主打舊式粥品，距離之後飯局尚有一段時間，吃碗粥剛剛好。當連鎖店都要$20碗時，這裡依舊十零蚊消費，可說是價廉物美。雖然店內有點凌亂，什物亂放，但只求肚飽，其他問題不大。簡單的來碗牛肉粥，廣東式開花米，但粥底有點稀，喝起來帶點師傅，這是常識吧！用滾粥來灼熟碎牛肉，倒要花少少功夫，把牛肉碎碾開，前後不用十五分鐘，很平宜及快捷，但在時間巨輪下，未知能支撐多久？…查看更多

游泳後，超餓，一般待回家後吃個水果便算，但這晚真的想吃點東西，吃碟腸粉和粥不算過份吧！這間粥麵店可能座落街市，又二十四小時營業，無論外觀和內籠都非常殘舊，檯與檯之間幾乎零距離，但吃碗粥便走，客人都不計較，尤其是價錢很大眾化。腸粉$6，淋了些豉油來，檯面的調味架有芝麻，可隨我喜歡灑上，腸粉粉漿調得不夠滑，拉得不夠圓潤，豉油不甜，雖然有芝麻，但整體不達我要求。魚片粥$15，可能是灣仔最平的魚片粥，鯇魚片切得很薄，粥底夠熱，夠綿，不稀不稠，實在煲得不錯，薑絲亦頗多，吃後暖笠笠，唯鯇魚片份量雖不少，但竟然沒有魚鮮味，借用爐兄的慣用語：「實在可惜！」然而，在灣仔鬧市中，消費$21 吃個飽肚的宵夜，夫復何求？…查看更多

呢間粥麵店, 講味道, 佢地只係合格. 講環境就差.......但我係呢區大, 由細食到大, 而家雖然已搬離呢區, 但每次回家探媽媽, 偶然都會幫襯佢地餐牌上的食物, 我幾乎樣樣都食過...但十幾二十年來, 我最常叫的是 淨水餃+牛腩麵/炸醬麵.....回味!!味道唔係好突出, 但全是自家製.......…查看更多

如果要在灣仔找一間便宜味道又可以的粉麵檔，我必選這間新品香。不知光顧了多少次，真是數之不盡，員工也轉了好幾次，但收銀还是那个老伯伯，猜他應該是這裡的老闆吧。今天點了一碗水餃粗麵，等了一會兒，大大的麵就在我的眼前。雖然價錢是 $15，但絶对沒有偷工减料，还送了三條菜心。粗麵好少吃，這裡沒有我討厭的鹼水味，而且，居然有四粒大大的水餃，算多吧！吃完這碗麵，已經不用再吃其他了。看見旁邊兩位男士，各叫一碟炒河，吃得律律有味，又說味道不錯，下一次再光顧必定點這款。如果不介意太擠迫的環境，沒有雅致的裝修，新品香也是一個好的選擇。…查看更多

公司旁就是街市，小小的街坊店的確是不少。返工時段，時常經過的一間粥品店，人雖然不多，但熱乎乎的蒸氣總是令人覺得於嚴寒的冬天，喝下一碗靚粥，熱熱的，身子暖和。是日，凍凍地，而且又早到了灣仔。既然決定了食粥，那就不作考慮，一於要試過究竟才知好與壞。在粥店食早餐，若有腸粉的話，我是必叫的，這兒有腸粉供應，叫粥之餘，就要多一碟牛肉腸。牛肉腸，腸粉皮一看就知道是太過厚，而且內裡是塞得滿滿的，份量雖然可以稱冠，但成餅成舊的免治牛肉在內，沒有肉味，沒有鮮味，厚餡有什麼用，鮮味是最重要。 皮蛋瘦肉粥，皮蛋不用說，不糖心，不起梅花，質素絕對是一般。粥，好似水多了點，食落就感覺到此粥比較稀，瘦肉雖有味但鞋了少少，皮蛋又普通，粥水多過粥米。僧不多但粥少....怎行..... 普通至極的粥品店，雖然覺得佢方便，但味道環境同衛生，始終覺得佢差少少。…查看更多

真是非常難吃！牛腩麵（$13）：湯底有一種很古怪的酸味，肉上有點很怪的甜汁，牛腩不是牛腩，我像在吃類似五香肉丁的牛肉似的，難以用文字來形容，總之一個字怪，真的很差，吃到有點兒想嘔！水餃麵（$13）：水餃的皮很硬，水餃的肉沒有什麼味道:(！豆漿（$4）：淡淡的，很少豆漿味:(！菜心（$10）：不熱，軟淋淋，煮得過耐:(！環境及衛生都很差，坐在圓凳，桌面都很污穢，地上有骨頭。:(一餐非常差的晚餐！…查看更多

近呢半年知道我d朋友經常宵夜去食豬潤麵, 所以我又開始有去幫襯....第一次食嘅係男朋友外賣嘅宵夜豬潤粥... 應該係拎到返嚟俾d熱粥浸到d豬潤過熟, 有d硬... 個粥嘅味道都ok啦... 但嗰次男朋友同多兩個男性朋友, 3個人食咗 豬潤麵 x2, 魚片麵 x1 + 豬潤炒米 x1 + 炸魚片炒米 x1 !!! 有無咁好食~~!!! 我決定我要親身去試!!堂食豬潤粥的確好好多!豬潤麵, 我覺得最好... 個湯好好味! 豬潤炒米... d豬潤可能比較細片, 有時會熟咗d... 不過味道都ok wor... 男朋友平時唔食米粉都竟然好鍾意食:) 如果外賣米叫師傅唔好炒到d豬潤咁熟, 預番須要reheat 試過一星期食咗兩三晚豬潤..... 怕高膽固醇..... 所以宜家轉戰炸魚片炒米 近呢兩次外賣, 師傅落多咗菜, 仲好!幾十蚊, 又夜媽媽都有得食..... 算好好啦!!!…查看更多