影片
看完演唱會, 心情也平伏了. 星期一, 如常的往深圳上班, 抵達關口之前, 時間尚早呢, 就繼續去尋找新的味道. 車開了到古洞路, 就是要來這一家走漏眼的新合群飯堂. 地方小小的一個車場, 當中原來有兩家小小的物流公司使用. 在車場的末端, 就有一間小小的鐵皮屋仔. 而這就是我要找的小飯堂. 地方, 不算隱蔽, 因為就在古洞路有一個大大的牌指示了, 呢度有野食. 但說起來, 又真的不易找, 因為正常來說, 開車的人, 只會行青山公路同新田公路, 除了村民同出入附近貨場的人, 根本不會來到這一頭的. 係我呢一個飲食怪客, 加上有部車俾我亂咁飛. 才會找刑這些新界的公路餐廳.把車泊門口, 入到來簡陋的小飯堂. 人丁少少, 環境還算可以. 一個open式的廚房, 直接把想食的東西大叫, 廚房師傅就會整舊麵出黎俾你食. 而且, 因為地點鮮為人知, 來者, 大多是熟客, 同廚子, 侍應們談天說笑我, 來了兩次, 我也自然地加入了吹水的團隊, 服務上, 非常之街坊, 親切...感覺上, 個個黎食野的, 都是朋友. 我點的, 是雞扒麵, 人流不多, 好多時食物, 都有即叫即做的滾熱辣. 開放式的廚房, 看得見即煎的扒, 看得見即煮的公仔麵. 不過, 他們還是有VIP指令, 熟客來了, 總是比我優先有野食的. 雞扒, 輕輕的醃過, 帶皮的雞肉夠嫩滑. 油是油了一點, 但散發了在麵湯上, 也算是易接受. 麵, 是普通的光身麵, 不過湯底味道有少少像麻油麵的濃, 香督不算香, 但雞油味, 可以搭夠. 改日再來了, 改食豬扒麵, 味道一樣咁好.小小的飯堂, 感覺挺輕鬆的, 忙忙碌碌的一天, 尤其是那些唬長途的貨車司機大哥. 輕鬆的一個早餐午餐. 不急, 不趕. 先同同行知己, 談談聊聊, 食完過關上路, 心情好, 車自然開得好. 隨時一個人獨自開幾個鐘的車, 的確, 出發前, 要找個可以輕鬆一下的地方, 充一充電.
繼續閱讀