新南苑私房菜火鍋鷄煲 (華僑商業中心) (已搬遷) 新店位置

睇電視介紹依度有任食雞煲火鍋，於是早左兩星期Book位～～地方唔算好大，但有獨立VIP房，如果怕噪可以book房一坐低，職員會問定雞煲要咩辣同埋要咩湯底架雞煲唔算好多，但可以無限refill，好好味呀！跟住有個海鮮拼盤，有帶子，蝦，花甲，蠔，全部都好新鮮湯底我揀左蟹鍋花甲湯底，都好足料呀！足足有成隻蟹係裡面架仲會有一碟雜錦丸同餃子，同埋牛頸脊另外仲有成20款配料任點架！食飽飽之後仲有個自家製甜唔品添總括黎講依個價錢都幾抵食，我諗我會再encore

＄259鷄煲任食＋海鮮半自助火鍋喜出望外首先上了鷄煲，鷄滑，惹味。加埋油炸鬼，更香口！之後再上海鮮鍋，我order左花甲蟹鍋，記得飲啖湯，好好味！佢地係加南瓜湯，真的好真材實料！個海鮮拼盤一上，已經回本了！聖子，帶子，蠔，龍躉，鮑魚，刀貝⋯非常新鮮！重點+68 任食海膽，加拿大海膽，好肥美，好濃味，又新鮮！太太太太抵食！食品任飲，蔬菜任食最後，仲有牛奶燉蛋白做甜品！好完滿！值得一提，服務態度好好，一定再幫襯！

今次食蒸氣鍋！一於試下呢個set la! 好似好豐富咁加錢仲可以任食刺身，當然唔執輸每樣嗌啲試下，刺身都幾新鮮，種類都算多嘩！呢個就係我地既海鮮餐！非常豐富，即係要打卡show off一下！鮑魚、聖子、生蠔，乜都有，我即係食指大動開餐喇！店員好好，會幫我地逐樣野計時蒸，serve得周全，全程我都唔洗動手~海鮮整體都好新鮮，我最中意鮑魚，好有咬口，正仲有一碟牛頸脊肉，就咁蒸，唔怕肥，仲好原汁原味添本身覺得呢碟茄子份量好大，好驚食唔哂，點知最後都食哂，哈哈千其唔好忘記最底層的粥，海鮮精華流哂落去，非常鮮甜，南瓜排骨都好啱我胃口，加上少少冬菜，真係無得彈！食埋啲粥真係好滿足！

為慶祝本大少病完，今日要食雞煲大拆一餐！新南苑口卑不嬲唔錯，決定一試。九點去到，好滿座，不過等左五分鐘就有得入座。一坐底已經有前菜等候住，怕餓親客仔。花生脆口夠香。椒泡雞腳好好味！少少辣，但皮又爽得黎唔會好難咬開。四季豆則過辣。湯底五款可選，決定要個特別d既滋補野生水魚湯底。湯底係藥膳湯底，紅棗杞子玉竹元肉等等，另外水魚原隻上。海鮮拼盤有鮑魚，蟶子，帶子片，蝦，蠔，魭魚片，斑片同甲殼類。蟶子同貝殼都好大隻，好驚喜，非常鮮甜，不過有少許沙。帶子如果係原隻唔係片會更好，而家太薄同雪得太實，好難掌握點先熟而唔會過老。鮑魚淥五分鐘已經夠念，太耐會咬唔入咖！這是蝦。蠔好大隻，熟左都咁大lol斑片有晶瑩既皮，係我既最愛，雖然係任叫項目上面，不過九點半就已售罄... 我坐底半個鐘咋，冇得encore TT魭魚片淥十秒好拎返上黎，唔係就太老咖啦！果然係脆魭！平均而充分既魚脂分佈令魚片香而爽口，加上厚切雙飛，非常有口感。上等手切牛頸脊，只有一碟，可加$30再叫。其實都抵叫！牛肉脂肪唔高，但食落口都非常嫩滑而且充滿牛香！好多顏色既丸類，但其實食完隻水魚已經飽左一半，再食埋海鮮拼盤已經飽到上心口，只能淺嚐。

開估啦😜！開估啦🤗！知吃貨們流哂口水啦🤤🙌🏻四月限定🙆🏼【無限Refill 雞煲】🐥🐥🐥🐥🐥最重要你食得落 不浪費 就可以無限轉refill 雞煲😃-見大家咁想知係邊間就話俾你知啦😌 無錯！ 就係 #新南苑私房菜 這間店前身就是觀塘牛頭角新南苑大排檔 觀塘人應該知道的 （大胃D話佢食過幾次 唔錯唔錯👍🏻）而家仲撈埋雞煲加海鮮火鍋半放題 🦀🦑🐙🦐🐟-我們先食中辣雞煲 雞肉嫩滑 入味 辣度剛剛好 開頭唔知有得無限refill 偽文青同大胃D已經諗住裂加錢都好 我地要食多轉啊🐥😜 結果食了兩轉雞煲😌🤘🏻呢個雞煲 仲有附送油炸鬼 超脆 加埋辣汁超正🙊-*小秘技：雞煲上枱後，店員會教你每2分鐘撈一撈d雞，撈幾次，等雞熟啦才加油炸鬼，但我地發覺咁樣油炸鬼唔夠入味😕反而第二轉就加埋入雞煲，再焗一焗，油炸鬼更入味😂-如果你好似我地大胃D食咁多食完兩轉都仲有空間，咁就岩啦，你可以繼續挑戰食埋過海鮮火鍋半放題😛海鮮拼盤1D都唔惹小，有海蝦、青口、帶子、聖子、蜆、龍𧄌片、鯇魚片、生蠔、鮑魚仔，海鮮新鮮，種類多😂仲有手切牛頸脊（偽文青：如果多一碟🐮就好啦😃）仲有仲有火鍋配料 竟然有芝士竹輪 芝心包真心欣賞 仲

以呢個價格嘅雞煲火鍋放題，新南苑都算係最質嘅一間，10PM後開始$208 一位，有好海鮮同配料，飽到！！今次揀咗雞煲小辣，雞煲好夠味而且肉質好嫩滑，雖然份量唔多，但係都夠填飽一半肚。每隔兩分鐘有員工幫你撈煮，只需要等夠8分鐘就有得食。食完雞煲我以為佢只係將清湯倒落雞煲到，實質好多餐廳都係咁！但係佢係換一煲落滿材料嘅清湯比我哋，就呢個舉動已經要讚，雖然入面都係粟米蕃茄等材料。另外會送海鮮拼盆，入面有龍蝦、鮑魚、蟶子等等。龍蝦真係好鮮甜呀！！大滿足另外仲有上等牛肩肉，食落嫩滑滿滿牛香味，只有一碟，另叫要加錢。仲有超過三十款配料任叫，例如丸類，但係我就麻麻地食丸，所以無試。另外，汽水吧竟然有Coke zero 飲，對於我減緊肥既人黎講真係一大福音，$208 宵夜價真係好抵食，不過提提大家真係要Book左位先去，如果唔係有排等，個場好爆。

平日我甚少吃火鍋放題，原因是食材通常都不會有驚喜，而且通常諸多限制，但今趟應朋友要求試試位於旺角的新南苑，感覺卻又不錯。首先，這兒的上菜時間毫不緩慢，點了幾次雞煲也是神速送到；海鮮拼盤一點也不流，足料之餘賣相也很好，看下去不似是放題的級數；湯底雖算不上是突出，但也是合乎性價比的選擇；牛肉、魚皮、各式肉丸都比想象中出色！特別一提，店內有不少VIP房間供顧客訂座，而且還提供足球直播，是個不錯的睇波食飯一條龍聚會的好地方。

紅日Dinner 半自助海鮮烚烚下都只係每人HKD258!!! 飲品任飲,,酒精當然另計!呢HKD258 已經先包一個雞煲,, 再來5揀1的邊爐湯底連海鮮併盤,, 其餘肉類丸餃和蔬菜則任叫!!!抵食之餘食材新鮮有水準, 份量中上, 絶無呃秤!! 性價比超級高的打邊邊,, 一次過滿足晒我愛食雞煲同海鮮蟹鍋嘅願望~~~ (但在黃金的晚飯時段記得卜位啊!!!)雞煲味道不錯,, 絶無欺場~我地點左個蟹鍋花甲湯底, 附海鮮併盤,, 這是5人份量~ 最後排列的還有一隻手掌身長的啖啖肉龍蝦,, 每人有開邊半隻~其他邊爐食材都是任叫~ 我地就係叫左呢個套餐~

近排天氣又凍返實在令人好有打邊爐既衝動,今次揀呢間新南苑雞煲火鍋就係半自助既形式由於得兩個人加上想主打海鮮,所以我地決定唔食雞煲,直接叫湯底打邊爐揀左澳門豬骨湯底,好多配料味道好濃郁,亦唔會太重味精餐廳先上海鮮拼盤!鮑魚,蠔,聖子都有海鮮既質素好多,雖然呢個之後無得免費任叫,不過其實都已經夠食,而我最中意既其實係佢個魚,無骨,咬落去肉好爽好滑打邊爐最重要既配料,個肥牛既色澤好靚好鮮紅,同樣係之後無得任食既,但不得不承認比起平時任食牛既個啲餐廳,呢到水準的確較高, 所以少食多滋味啦!丸類同其他配料,呢到既水魷切得好大片,就算淥完都唔會縮晒,非常有口感,另外韭菜餃同雲吞都好唔錯下次再黎既話會試埋雞煲先打邊爐最後講下呢到既用餐環境,大廳環境比起其他餐廳算係幾舒服,而呢到亦間左好多VIP房,適合一大班人黎既話可以包房唔洗坐大廳,所以好建議大家如果多人黎既話,記得早啲訂位留房呀!

以前係觀塘食開既新南苑，重逢味道依然，衣物種類更多元化。3個人，預早左一星期bk位。一坐定就上前菜，問定雞煲要咩辣。雞煲夠香，惹味，雞件都5算鞋。食左雞煲後，就會直接拎走，上簡好的打邊爐湯底。(簡左蟹窩花甲湯底)湯底足料鮮甜。每枱會跟一盤海鮮拼盤(聖子，蝦，鮑魚，馬刀貝，帶子，大蜆，魚片)，仲有送是日海鮮大頭蝦。另有一碟牛肩脊。海鮮每人有一件，整體新鮮大隻👍🏼牛肩脊，嫩，軟，會令你想一件接一件，火速清晒。馬上reorder 。侍應話每人加30蚊就可以任食牛肩脊，當然加啦！不過本身一碟都係收$38，抵食！飲品及蔬菜就係岀面自取。蔬都有5,6款，任食既打邊爐材料正常，5算太多選擇食飽飽，原黎仲有甜品！本身諗又係d雪米糍，係燉蛋白！有誠意呀，仲要係好滑好味。滿足既一餐，由佢做結尾。價值相對起其他任食雞煲火鍋貴，但食物質素絕對對得住。

天氣一凍就最啱打邊爐啦，而咁啱就黎到呢間高質海鮮火鍋。一黎到，佢就上左一啲三文魚刺身同炸三文魚黎，唔使等咁耐先有野食，等肚餓嘅我可以好快有個頭盤食先，刺身尚算新鮮。而炸三文魚都幾特別，因為都未食過。之後就到主菜---打邊爐！打邊爐最緊要係有個爐呀，而我就簡左澳門豬骨湯底，係有好濃嘅黑椒味，而且唔會話等好耐先滾，一陣就可以淥野食lu!!呢個海鮮拼盤真係冇得頂，好多好高級嘅海鮮，有聖子呀，鮑魚呀，蠔等等，超級高級！仲食得出係非常新鮮嘅，淥得耐都𠱸會縮得好多，讚讚讚！除此之外，仲可以食到新鮮嘅牛頸脊，咬落好'林'，好好食！之後唔夠飽仲叫左啲平時打邊爐嘅野食，不過呢啲其他食材黎講，款式就未算太多，不過絕對夠你食！出面仲有好多菜黎拎食，唔錯唔錯！

天氣突然轉冷 打邊爐雞煲最適合不過。去旺中做野 經過見到個易拉架有間新南苑食雞煲火鍋 湊巧今晚同媽咪未諗到食咩 即刻打去訂枱。侍應講解收費。原來先食雞煲 之後再有另一湯底打邊爐 好正喎。唔洗用返雞煲黎打邊爐咁油～雞煲份量幾多 好香 叫中辣 好麻好辣 花椒香料味好濃 媽咪大讚～ 最得意係有油炸鬼加落去 第一次咁食法 幾得意 又唔算太油膩。湯底媽咪掙扎左好內 係豬骨和花甲蟹鍋之間 最後海鮮湯底win左！兩個人 蟹鍋都好大煲。花甲雖則細細隻 但有好多而且鮮甜。三點蟹有一隻 蟹糕好豐富。湯底好鮮甜 唔會太搶風頭～海鮮拼盆*每款兩隻 其實食曬真心好飽。海蝦 龍躉無限refill。龍躉我至愛的魚 好新鮮 夠滑又鮮甜～ 大花甲 帶子 鮑魚 蟶子都好新鮮彈牙 都好滿意～有幾款特別火鍋配料係冇得refill既～ 主要係爆漿類丸丸 獅子狗中間有半溶芝士 正～ 另一推介係薑汁皮蛋貢丸 貢丸爽口 中間既薑汁皮蛋幾香。韮菜餃魚皮餃等等都不錯。無限encore的食物好多 基本上食曬雞煲 海鮮 真是飽到上心口～飲品任飲～ 特別推介自家製五花茶 清熱氣又唔太甜～蔬菜類 雪櫃任攞 幾新鮮～ 醬油corner 選擇好多

冬天打邊爐最適合不過！火鍋放題一點都不陌生，不過火鍋放題既有多種海鮮而湯底又夠特別，價錢還要親民，那就真的見小賣小！這間新南苑就是小數的一份子！值得跟大家分享一下！水魚的樣貌確實像烏龜，有些人接受不到，可是水魚的食療功效比他的外貌更驚人，水魚營養豐富，有滋陰,健骨,補血,防癌等功效！配合藥膳熬湯十分滋補，特別適合在冬天食用！水魚肉身程鮮紅血色，新鮮！滾起的藥膳湯香味撲鼻，不禁垂涎三尺！海鮮拼盤：排放精緻，種類多，有鮑魚,生蠔,聖子皇,帶子,大蜆,珍珠蜆,龍躉片,脆鯇片！魚片小魚刺淡淡肉！生蠔肥美！鮑魚跟帶子爽彈鮮甜！牛脊肉，通常用作打邊爐的牛脊是頸脊後面的一小塊牛脊肉帶點油脂，肉質嫩！連海蝦跟龍躉都可無限潻加，而新鮮度跟第一回的拼盤同樣新鮮，真的除了用抵食來評價沒有再比此合適的形容詞了！海蝦爽彈不黏殼，龍躉片亮白無暇肉質結實！臨近尾段，湯底已滆入了各種食物的味道，鮮甜無比！這時放入響鈴讓其吸盡濃郁的湯，夾起吹一吹熱氣，一口吃下，味蕾極致享受！

•細讀一下這張餐墊紙，發現了新南苑來頭不小的歷史！原來新南苑已有近二十年歷史！最先在觀塘仁愛圍開業其後因政府需重建該地方，其後搬遷到牛頭角重新開業，輾轉發展，直到現在來到旺角再續傳奇！•店內橫裝富現化感。•前菜小食，微微辣很過癮，特別喜歡麻辣四季豆跟雲耳既入味又夠脆嫩。•奉上雞煲時店員講解一次雞煲烹煮程序及時間，要是忘了都不緊要，枱上有個牌寫了同樣的内容，看來這店很重視客人是否能夠嘗到最好味的雞煲呢，欣賞這份講究精神！•附上的切片炸油條，是供臨食前兩分鐘倒入雞煲裏伴炒。•“色！香！味！俱全，雞件剛好熟，肉質滑嫩。乾辣椒的辣,洋蔥的甜,芹菜莞茜的香，一切在口裏迴盪，讓人齒頰留香！•意頭菜！七彩魚生撈！食意頭菜當然要邊食邊說好意頭的說話，“撈起撈起！食完這味魚生撈實撈起！•混用三文魚,蛋絲,青瓜絲蟹柳絲,蘿蔔絲,紅與綠海藻制作成七彩色，倒入醬油撈伴後食，層次豐富口感清新。•店內設有自助區，凍櫃裏放了林林總總的蔬菜及茹類等，連較小見的皇帝菜都有。

十點後入座，人頭費8折，免加一、免醬油、免前菜，折實每位$208，明碼實價，地點係旺角，海鮮火鍋雞煲做主打，真係冇得輸！我地6位分咗兩個爐，兩個雞煲有辣有唔辣，唔辣果煲雞味好食d , 因辣既只食到辣味！火鍋湯選咗花甲湯，每鍋入面有隻蟹仔好有睇頭！先上海鮮盤，個份量真係嚇一跳，但嫌火鍋食唔到鮮味，可能改做蒸會好d! 記得睇火喉，過熟就浪費咗架喇！食完海鮮盤都飽咗1/2，再order免費有魚有蝦已經好正，可惜蝦埋晒！不得不讚係手打烏冬，好彈好好食，相反丸類就唔太好味，所以大家點海鮮類都足夠！飲品任飲，我覺得冬瓜茶下火同好味，最後小甜品係燉奶，唔太甜好好味，宵夜連甜品都食埋真係大滿足，員工服務態度好好，有機會會再幫襯！