新北海漁村 (已結業)

任食火煱真係幾掂，ｄ料好新鮮，ｄ菜有保鮮紙包住，超衛生，服務好，無得擅

一家人七點鐘去左呢間打邊爐九點之前每位九十八...加埋醬料茶芥加一就一百二十蚊到~(九點之後就七十八蚊位)可以一個大爐或者一人一爐都得材料比較值錢/ 特別既係有生蠔、雞子、羊肉另外每(木台) 都送隻海鮮船~有帶子呀花膠呀魚肚咁....不過份量當然唔會多啦=pd 料都幾新鮮，加上唔係太多人，抽氣都算唔錯...打邊爐黎講都算係咁啦=p除左打邊爐之外d waiter 有時又會拎d 蛋撻仔呀炒麵呀出黎每(木台) 都有的....@@所以都幾滿意喇值得一讚既係d waiters 服務非常好=p

記得每年入秋至冬都黎幫襯, 地點好人不多, 三五知己真係幾正, 花枝丸同肥牛都係我既至愛, 佢d肥牛都算係幾好咯, 因其他酒樓任食時大多都係俾d 牛皮你食, &78加一加茶都ok.

今日同三個同事去食lunch...可能俾人鬧得多, 冇咩人去, 點幾鐘去到都仲有幾多位.其實真係選擇比較少, 冇咩野好揀.我地嗌左一碟菜心...一碟蝦米薄餅...咸水角...叉燒包...雞腳...糯米飯...叉燒包我冇食所以唔係好知...菜心同咸水角就普普通通...d雞腳好大隻...但完全唔稔...失敗...薄餅好多芝麻o係面...我唔鍾意食芝麻...糯米飯反而ok... 好驚炒到好多油...但呢度冇...size都唔細...如果唔係要求太高, 食餐lunch都ok, 最主要少人...不過埋單埋好耐...

門口寫住鮑翅任食，我都知一定冇咁著數，但估唔到除了冇鮑魚食外，就連任食個字都係假..比碗冬瓜煲雞就當係翅，但係重要佢取比你，一碗就夠晒數。其他食物，種類不多，雖紙上有三十數款任叫任食，但係好食又不出十數款，而且取到來的食物，陪碟比主菜還要多，叫左個花姿片就得四五片(我十人去!!)，但陪菜就放滿碟底。此外，比成一百五十蚊，汽水重要係冇得任飲，想飲就比$$啦!你冇$170蚊都咪駛想食呢個貴"夾" 唔飽buffet!!

椒鹽瀨尿蝦好正呀~ 不過茶市唔多掂~

廣告中一再強調有鮑魚、三文魚同象拔蚌送, 都係138 蚊, 計落好似幾著數, 不過海鮮就唔係好新鮮, 唯一生猛o 既就只有鮑魚, 原來要食其他o 既配料, 如生蠔、蟹、肥牛肉等等之前, 要先食晒預先送來o 既配料, 才可點叫其他o 的食物, 好彩份量唔算多, 好快就會食完, 不過, 千尋就覺得o 的配料唔多新鮮, 又唔好食, 仲衰個呀媽買個o 的，所以計落一o 的都唔抵食。