影片
飲嘢飲到半夜，好餓好餓。一行两人想食啲嘢又唔想太飽肚，夜粥就係好選擇。叫咗豆漿，粽，牛肉腸，皮蛋魚片粥同滑雞粥。皮蛋魚片粥同滑雞粥都好夠味，我甚至乎覺得太過鮮味，食咗一啖就揼心，唔記得叫白粥底，如果白粥底，呢两碗粥味道會自然好多，两碗粥嘅料都多，係錯在個底。朋友個雞粥食咗5，6啖就成碗擺低。唔知係咪坐外面而又太熱嘅關係，所以好似無胃口咁。牛肉腸都滑，但都幾油。糭都唔錯，正常份量，但食到一半就投降。叫埋豆漿，5樣嘢，八十零蚊賣單。
繼續閱讀
想一想，原來我已經很久很久沒有試過食碗白粥做早餐。這天專誠到佐敦呢間粥店，試一試這裡的白粥，之前因為在附近居住，所以黎過好多次，環境方面同之前沒分別，是舊式老舖，坐在店子內彷彿有時光倒流的感覺。早餐點了簡簡單單的白粥和炸兩。白粥的份量不太碗，粥底都算綿，味道唔錯。炸兩外面的腸粉也算滑，內面的油炸鬼是新鮮炸的，所以相當脆，再加上豉油的味道，令炸兩更加好味。只用了十七蚊便可享用一個早餐，又可以懷舊一下，是相當化算。
繼續閱讀
係佐敦行到油麻地，再由油麻地行番去佐敦，竟然又發現多一間粥(點解佐敦咁多粥店?)，佢係正廟街人來人往既大排檔側邊，所以人流一定有保證。叫左一個豬心粥、一個粉腸粥，但係兩碗粥都係得四塊料，少唔少d呀! 粥底又唔夠綿，又唔係好夠味! 終於都係加多$6叫個炸兩，但係個腸包住既油炸鬼唔夠脆，又唔熱，失敗!以乎佐敦其他粥店做得好d喎!
繼續閱讀
7/6(三) 8pm終於考完試,見時間尚早,難得有時間可到處逛逛,口痕痕想食粥,本想去彩龍但已關門大吉,想試新店於是到此店試試,要左碗魚片粥$11及腸粉$6.魚片粥---份量不大,粥底不算綿,魚片亦欠缺鮮味.腸粉---不夠熱,口感粗糙,不試也罷!環境方面沒甚裝潢,舊式老舖,坐在店子內,望見店外熙來往攘,感覺格外悠然!服務一般,若為食物而來,不必了!
繼續閱讀
5月1日，12:45有事到佐敦，先在這裡開餐。無至愛魚腩粥，祇有魚片、粉腸和艇仔，便來碗皮蛋瘦肉粥和炒麵。皮蛋瘦肉粥：粥底幾綿，皮蛋糖心，瘦肉醃得夠，應有下火功效。炒麵：賣相一般- 慘白色，凍的，無香味。地方算整潔，價錢合理。
繼續閱讀