影片
朋友推薦全港第2好食牛腩麵第1位話留俾大家去發掘味道方面唔多唔少岩岩好牛腩夠淋 朋友推薦我叫牛坑腩幸運得話會有肥瘦均勻的坑腩食完麵有時會想飲埋個湯唔會好油同好咸可能朋友推薦再加分的確令我一食再食 已經食左幾年食辣的人我特別推薦佢嘅秘製辣椒油加豉油一起點 會令到食物味道更上一層樓缺點係佢只收現金支付 完全唔收電子支付同有時會漏單 如果太耐無黎記得問下大部分我都食得愉快價錢合理 雖然地方唔大 但長期滿座仲有個電視俾大家睇
繼續閱讀
叫牛雜面個面苦到我以為我食緊中藥，同店員講佢話返我，問係咪我嘅問題？服務態度勁差，我話我碗面苦佢叫其他客試吓佢個面苦唔苦？叫咗兩碗面，有碗勁苦，佢話呢隻面就係咁架啦，又唔見另一碗麵係苦嘅？
繼續閱讀
牛腩幼麵（$40）先講湯底，湯清唔油膩，味濃稍咸但可接受。牛腩份量足，上層有四舊肉質爽口帶少量肥膏，好味道；下層有六七舊，有三舊全瘦（雖然瘦但肉質唔嚡，起碼食到），其實半肥瘦（正常，肉質尚算軟身），全部都有肉味。麵條鹼水味幾重，但咬落好彈牙。牛雜幼麵（$40）有4大片草肚、4舊肺、2舊粉腸（好可惜無竹腸）、1大件膀，每舊都比坊間大件。草肚好軟身；肺幾爽口彈；粉腸唔太粉；膀夠粉兼軟熟。玻璃支裝凍豆漿（+$7）豆漿唔肯定係咪自家制，但一定唔係來貨行嘢。味道少甜，豆味濃，而且仲有粉粉嘅豆蓉口感，坊間好少可以飲到呢類型嘅豆漿。最後講吓啲潮州辣椒油，第一啖食覺得幾辣，但食多兩啖就幾過癮。PS：只收現金。
繼續閱讀
聽朋友講過，但係住左屯門咁多年都無幫襯過，今日專登搭多4個站巴士去幫襯。 街方小店，座位唔多，5:30pm 去到直接入坐。 樓面姐姐服務態度好好👍🏻叫左碗坑腩粗麵，湯頭清甜😋唔會口渴，大大嚿腩，又香又軟，只係$40，邊到搵😏缺點： 麵的梘水味重。下次食河粉或米粉🤔
繼續閱讀
經過屯門總要過嚟食返碗，叫肥腩麵通常都冇得輸，不過今日個面就好似未過晒啲鹼水味，有少少失望，不過佢啲水準算係叫做穩定，而且又大大碗，價錢咁多年都冇加得好多，冇投訴㗎啦
繼續閱讀
您可能會有興趣的...