新光酒樓 (已結業)

星期六下午同屋企人去飲下午茶,本來諗住去富臨既,點知要等成30張枱先有位,咁無計啦就上去新光,其實都預左唔洗等位架喇,不過估唔到禮拜六個場都係六,七成滿坐低左可以落單,點知見曬成場都唔見有樓面,真係不得不讚下個經理,可能有先見之明,樓面唔編咁多人手,叫左牛肉腸,皮硬牛凍,唔似即整,福建炒飯同肉絲炒面就正路既,蝦都幾大隻下,鮑汁鮮竹卷就唔覺有鮑汁味,仲幾水下添,可能咁就味道比較淡啦最後唯一讚既係旺場時間唔洗等位同價錢比較大眾化,不過就預左嘢食就好普通

今晚陪父母去新光食晚飯, 次次食親新光我地全家人都好滿意, 因為碟頭又大, 又好味, 又平, 服務又唔錯, 今次我地4個人仲叫左5餸1湯, 埋單都係$400, 個個食到捧住個肚走, 仲要有一碟上素腐皮卷都食唔得晒, 要打包拎走添.叫左一個孖寶$68, 係4個餸中任選2個, 我地揀左甜酸咕嚕骨及貴妃雞. 甜酸咕嚕骨無話厚粉, 又無話炸得硬, d肉唔算肥, 食落去唔會成口油, 甜酸味道都做得剛剛好, 配菜的菠蘿, 青椒及洋蔥, 都好爽甜, 簡直係咕嚕骨, 菠蘿, 青椒, 洋蔥各自各好味, 甜酸汁無浸淋d咕嚕骨及配菜, 真係難得的好吃. 孖寶另一味的貴妃雞都好滑, 有雞味, 雞肉無乜肥糕, 算很不錯了. 再叫左一個$148班腩兩味, 即紅棗蒸班頭腩及紅黃椒雲耳勝瓜炒班腩. 首先個紅棗蒸班頭腩中班腩超滑, 又有咬口, 好有魚味, 一食就知係靚魚黎, 我地4個人食魚食到停唔到口, 今次又引證新光海鮮果然平靚正. 班腩另一味的紅黃椒雲耳勝瓜炒班腩, 一樣精彩, 配菜爽甜, 一淡靚魚一淡甜椒, 正到暈. $50菜乾豬肺湯成個沙煲上, 沙煲一揭開, 香氣四溢, 湯底火喉十足, 豬肺湯好耐都無飲過了

下午到新光午膳，點了數款點心及瑤柱蛋白帶子炒飯。點心質素馬馬虎虎啦：燒賣肥肉略多；蘿蔔絲酥餅個酥皮做得唔好，睇唔到一層層；蝦腸D蝦無蝦味；魷魚、叉燒包等味道一般。反而個瑤柱蛋白帶子炒飯做得不錯，D飯夠乾身，各配料味道亦配合得恰到好處，好食。

今晚我, 老公同埋父母一行4人去新光食晚飯, 次次去親新光我地都一定會點海鮮食, 貪佢夠新鮮夠平. 今晚每人$120. 先黎一個孖寶$68, 有菠蘿咕嚕肉及生菜炆雙翼煲(即雞+鴨), 個煲送上枱一揭開仲係滾緊, 熱騰騰果種. 雙翼都炆得好入味, 個咕嚕肉就普通普通, 無乜特別.再叫一個班腩雙味$1xx, 一味係紅棗蒸頭腩, d班腩滑一滑, 又香魚味, 又無碎骨, 用筷子可以分成魚肉一隔隔, 魚肉好新鮮, 另一味係西蘭花炒班腩, 都係一樣咁滑咁香. 仲有一個粗齋煲, 開頭以為係用南乳炆, 點知拎到黎發現原來係用上湯浸果種, 有枝竹, 菜, 豆腐pok, 粉絲等, 味道ok. 以前係新光食過一個粗齋煲, 係用南乳炆, 果個就真係正好多lu.再叫左一個蒸鮑魚仔半打$88, 嚴格黎講哩個唔算係鮑魚仔, 因為都好大隻下, 2.5吋x1.5吋咁大隻, 仲要好厚身吓, 我地同部長講話個鮑魚仔好好味, 又唔腥, 部長好好人咁解釋比我地知, 因為哩d係大鮑魚仔黎, 加上用果皮黎蒸, 絕對比其他細細隻既鮑魚仔好味得多, 佢仲話佢地都有果d蒸細細隻既鮑魚仔, 價錢$68半打, 但係味道就差好多啦.

星期五晚預訂了枱子做冬，book咗八點，點知去到話有function攪緊，其地枱又勁full，暫未能交枱給我們。問她們幾時有位，竟說八點半都未知得唔得，敢問一句book枱嚟仲乜？？幸好樓下富臨walk-in都有枱，唔洗再呆等及受氣！

現在做緊$15一碗O既蘿宋湯牛腩米線，勁大碗，又入味，美味非常，連茶介加一，每位都係$22落樓，超抵！

Last week, I went there 2 hv tea with mum, we arrive there at 1:58pm, my mum told me that it got a special offer during 2:00pm-5:00pm. THerefore, we gotta try it before back home. However, after we finished some food, we calculate the sum of this meal, the total number should be $88. When we hv the bill, the woman was very rude 2 tell me that I need to find a waiter 2 write sumthin. We found one to write, but after that, she said it's $108. We asked 4 the reasons, but she jus rude 2 me n said, "

經過果到見到d燒肉好似幾靚，諗住買比屋企人食～我同佢講我唔要太黑果ｄ，佢就唔ｌｉｋｅ咁話無得我揀～因為件件都好靚！激死～真係有ｄ唔想要～果ｄ皮有ｄ燒到幾黑～比我果ｄ芥醬仲係酸酸地（壞既！）唔只一次～幾次都係咁，搞到我地都無再要ｄ醬～但係食燒肉無醬真係差梗ｄ野咁～～

今日又去香港仔飲下午茶，今次選新光。三個月前曾經來過飲下午茶，點解隔咁耐冇來過幫襯。是因為上次兩個人飲茶，它收三個人茶錢，同佢講返，它們俾面色我們看。今次兩大一小三點去到，很容易就找到位坐。一坐下就叫茶，之後去拿了碗十二元的叉燒湯麵給仔仔食。見阿嬏將已煮好的凍粉麵一碗碗的排放在桌面上，起碼都有三十碗。每當有人叫時，就將碗凍粉麵放近切燒臘的師父隔離。等師父切完放在碗上後，阿嬏就會加湯給妳，真的慳水慳力。之後食了兩籠（$7.8／籠）蝦餃，味一般，勝在夠熱，可接受。講明先，點解叫兩籠，不是它好食，只是個仔鐘意食蝦餃，他連叮叮蝦餃都可以一個人食成盒。一籠（$6.8）雞什，這個夠大份，都幾多料。一碟($6.8)叉燒酥，這個凍冰冰的，又冇料，都不脆的。三點半食完桌上面的食物，想再取點心，點知只得幾籠牛肉呀、粉果呀、蒸到收水的水晶飽呀、馬拉糕等平價點心。雖然有九個八一碗的生滾粥，但我們冇想過食。之後我們等到三點十都見冇點心出，所以就走了。我諗下午茶點心多數是早市和午市賣不出剩下的，所以如早午市冇生意，那麼下午茶就會有很多點心供應。如早午市好生意，咁下午茶市就好似今日咁，冇啖好食。所以應該冇下次下午茶

lunch 點心好多款式！馬拉糕、千層糕、炸鮮奶球、沙律卷......多都唔知食咩好，真係冇邊間酒樓有咁多點心！！可以自己出去拎點心or 等車仔，地方又大，等位都唔係等好耐！4個人$100有找！

我都覺得香港仔飲茶既first choice都會係依到,種類多野飲都ok. 比起同區幾間既依到算最好架喇.有日黎發現佢既芒果糯米慈都整得唔錯,同出面既新式糖水店水準差唔多, 芒果勁甜好味.

小妹今次主要唔係講點心,反而係呢度的燒乳豬.上星期日下午跟家人一起去探老媽子,之前在呢度預訂左一個乳豬套餐,包括乳豬一隻,一個大發糕同埋幾個煎堆.在做好所有要做的事之後,我們便在老媽子面前開餐,主角自然是乳豬啦! 乳豬皮很脆,係正宗的芝麻皮,肥肉不多, 食落不太肥膩,正,係我食過最正的乳豬.至於大發糕同煎堆我都無食到,但係個賣相好靚,唔錯! 假若大家唔想清明拜山,要周圍買野又怕買漏,都可以考慮下呢d套餐.

最近按摩師佢地轉移陣地,改為到呢度開餐,我間唔中都會同佢地飲下午茶.正如之前的網友所講,呢度價錢平,選擇多,而且夠份量,味道亦唔算差,所以都吸引好多人o黎飲下午茶.我最鍾意食粥同埋煎釀三寶,9.8一碗粥,大碗又多料,而三寶一碟三件都係小點,青椒同茄子夠大件,煎得剛剛好,點d豉油一齊食就最正啦! 另外有個炸芒果蝦角都不容錯過,用麵條包住內層的蝦膠同新鮮芒果,食起來酸酸甜甜的,好特別呀! 呢度稍為有的缺點係裝修較為老土同埋好多老人家幫襯,不過假若唔太介意的都可以試一試.

星期日去香港仔新光飲早茶，不用五分鐘就找到位。點知ｄ待應問我幾多位，我話八位，她就話這張枱不夠坐，叫我等第二張。本想不理她，好在我個仔等個張大枱話走，所以算數。點知去到張枱，個男待應突然叫後面枱的人過枱。好在原先坐在枱的那家人話我個仔等咗好耐，叫佢哋不要過來。之後坐下叫那男待應收枱呀，叫茶呀等，都換來不好對待。到就食完又見其它待應幫人找位，真是有點心淡來這裡飲茶。冇錯這裡點心供應足,choice又多，檯又多，又不是貴。但服務員的態度就非常有問題了，除了熟客和親朋戚友外。簡直冇皇管，冇制度，重話大機構。

新光係香港仔我最鐘意去飲茶的酒樓, 點心供應足,choice又多, 檯又多, 係就係無其他酒樓咁靚, 又多老人家同阿叔, 但係要食正野就係咁架啦!新光的糯米飯係最正, 一出好快賣清, 真係要食就快. 另外懷舊點心好似焗西米布甸,蛋黃千層糕同蛋散,排骨腸粉等,真係好難有得食架.重有啊, 佢的煎三寶,真真正正即叫即做,又大件,有個餃子併盤好正, 除了蝦餃,重有鳳眼餃,九菜餃, 好多種類最正係平啊, 食到好飽,每人都係三十多蚊, 你話抵唔抵啦.