新上海飯店

營業中

休息中

去美孚剪頭髮，剪完諗住去多年前幫襯過的上海飯店吃上海老闆炒飯，記得係好好味。點了這個炒飯加一客窩貼，價錢不平宜，炒飯$92仲要加一，窩貼$50加一。怎料來了一碟雜肉混和一起的好油炒飯，雞肉又有（我不吃雞肉），有蝦，有小粒帶子，墨魚，日本仿蟹柳，愈吃愈嬲，叫個侍應話你們炒碟什麼給我了，窩貼未來取消。侍應話換了廚師，我這碟是海鮮飯。海鮮怎會又有雞肉，更離譜是下價的日本仿蟹柳．真係舊夢不須記，吃了一頓惡夢飯。

美孚一帶嘅餐廳選擇唔算多，但聽聞有間上海菜館幾出名✨，不過去到門口發現人龍都幾長，咁我哋就轉去另一間同樣位於美孚新邨平台嘅新上海飯店，試吓佢哋嘅菜式🍜。🔸 韭黃鱔糊 ($138)韭黃鮮甜，香氣撲鼻🌿。鱔魚肉質尚可，雖然唔算特別爽口🐟，但醬汁濃郁，唔會過於油膩，剛好掛汁😋。🔸 雞絲粉皮 ($60)夠冰涼🧊，雞絲香嫩🐔，配上香濃嘅芝麻醬🥜，撈勻後味道一流👍。🔸 桂花釀丸子 ($25)甜品方面，桂花釀丸子散發淡淡酒香🍶，糯米丸子柔軟🍡。🔸 豆沙窩餅 ($38)酥脆嘅外皮🥮，內餡係香甜嘅豆沙🌰，甜度適中，口感豐富。整體而言，呢間餐廳嘅質素唔錯，價格亦算實惠💰。如果你係上海人🏙️，或者鍾意上海菜，平日唔想煮飯嘅話，可以嚟呢度試吓！👍🎉

好味上海菜份量足夠！A 出口！openrice 指嘅指示錯，是A 出口，上樓梯1分鐘就到👍🏽 位置方便。裝修後坐椅得大，坐得幾舒服。推薦，鱔鰗炒上海麵👍🏽 甜酸黃魚，酸甜合當香脆。醉豬手酒味濃，得爽口！烤夫，雞絲粉皮也不錯。會再幫襯。

二訪美孚呢間老上海店，上次都唔錯，誰知今次就真係好友「驚」喜～啦。🤮🍅雞絲粉皮⭐️⭐️⭐️⭐️首先嚟嘅係雞絲粉皮，出菜順序合理。粉皮係捲起類似圓柱體咁，唔似出面一塊一塊 ，所以口感幾好。而且粉皮幾滑同薄，雞絲都幾嫩口，唔錯。🍅上海酸辣湯⭐️呢碗酸辣湯比較稀，而且冇乜料，木耳都唔多條，肉絲更加少得可憐。整體味道唔濃，似再加滾水入去煲起。🙁🍅鮮肉鍋貼⭐️⭐️算正常水平，不過煎完後焗耐咗少少，一攞起咬一口後，舊肉就跌咗出嚟，鍋貼皮軟得滯，本來入面都有啲汁，但瀉晒出嚟。🥟🫠🍅紅燒小排骨🤮🤮🤮🤮🤮🤮🤮🤮🤮🤮呢碟一上菜時真係嚇親，賣相極似湯渣，紅燒排骨唔係應該有醬汁、暗紅色嘅咩？🐷一咬落去，原來唔係湯渣，係衰過湯渣。勁韌，鞋口，完全冇味。真係好難食。我通常都惜食，唔喜歡吃剩東西，但呢碟真係頂唔順，食咗兩嚿就停手。我家人都唔吼，大半碟無掂過。結論：我見其他枱都係食湯麵，可能我哋嗌小菜中晒伏，不過無論點都係Bye Bye啦🙄

這間飯店已經喺美孚屹立了不少個日子，今天第一次陪家人4個來光顧，正所謂冇比較冇傷害。今次嚟到的所有食物質素相對差，酸辣湯冇酸冇辣、銀絲卷麵包唔夠幼細，餃子皮太厚啊⋯⋯整體味道也平均是差。唯一是員工服務態度非常良好。另外，最恐怖係食酸辣湯裏面又有頭髮、又有一條啡色嘅絲！沒有再來的想法吧！

黎到美孚要搵野食 其實美孚都唔算多野食 所以都要搵一搵 見平台有呢間上海野所以就去試下啦點了 嫰雞煨麵。不過去到過左農曆假期都未有set 所以就點呢個試下就算點知有啲失望了。呢個麵份量唔算太多，而且雞既份量都唔算多，食過其他都會比呢個份量多啲 所以真係比較一般。另外呢個麵真係比較林，雖然煨麵但感覺真係太林了， 口感唔算太好。環境方面都唔算迫唔會坐到貼埋隔離枱咁。整體黎講。。。因為無套餐關係， 所以就點左個麵就算了。

傳统老字號的上海菜館，近年巳買小見小，而這間傳統簡樸，面積也不算小的上海菜館，簡直係碩果僅存，遇上它有些相逢恨晚的感覺，安全是兒時回憶的感覺。套餐有四位用，半席，一席選擇，專做街坊生意散點餐纸*午市經濟客飯/*商務套餐一至五餸選擇 ****午市經濟客飯***--回鍋肉-- $48(菜飯加$2)仲奉上一壺免費香茶抵食夾大碟，料足菜和豬肉的份量超多，仲有乾豆腐。再加埋菜飯，好味道--菜飯--飯粒，菜粒分明，口感乾身--例湯--湯料係冬瓜，豬骨，薏米，味道絕對交足貸，不是淡而無味

停擺咗3年嘅「細胞小組」活動，卒之因防疫措施放寬而成事，大家都經歷艱難嘅日子，自然更想出嚟聚一聚。選咗美孚平台嘅「新上海飯店」，雖然小弟喺美孚街坊，但今次唔喺我主意，不過，呢間上海飯店上手就幫襯過，據聞喺子承父業，我就無深究，但轉咗手就未試過喇。依家市況大致回復，所以，星期六晚嚟到，睇到近9乘滿，好多都喺家庭客添。裝修上就比較老派，平平實實，因為美孚大部份餐廳都喺做區內客生意，尤其平台上面添，甚少區外客專登走嚟。食物選擇，一大張點菜紙底面兩頁就喺餐牌，都喺見慣見熟嘅上海菜，雖然店名叫「新上海」，但賣嘅都喺傳統滬菜，無咩花巧嘢。茗茶收$3位，平日全日都唔收加一，喺星期六、日、假期晚市先收加一，算喺實惠。另外，仲有啲套餐餐牌，分4人、10人、12人，屬全包宴，已包茗茶及加一，店主亦強力「推介」，不過，個人覺得好似唔太抵，都喺散叫就算。美味燻魚 $72先嚟一道前菜，不過，有別往常所食嘅燻魚，以往食到嘅，全喺唔會有醬汁，都喺乾身嘅燻魚，但呢碟就加咗汁醬上面，但話時話，作為前菜，佢嘅份量都幾大碟。講番啲燻魚，肉質挺身而具咬口，有嚼頭，入口帶幽幽煙燻香味，唔算好強，感覺適中，加咗汁醬就啱啲唔喜歡吃

比較貼題是「港式上海」。地方菜來到本埠一般都被同化，兼且此店落入小城九龍區入面的美孚小區。放下了老上海的濃郁地方風味，迎來是合港人較清淡健康主義之口味。又一間「高級」餐廳——美孚站A出口右轉拾廿級階級而上，達平台，步伐一直向入延伸，中庭位置附近停下。上海舖，一則少去，二則市面已賣少見少（集團式不計入內），點菜都摒棄大膽創意，返璞點心目中部分經典上海菜清單：花雕醉雞半隻$128，花雕酒已然浸潤切雞，吃起有醒腦酒香，雞肥膏不多，如想吃雞皮與雞肉之間的夾層啫喱層恐要失望，只得在較多骨膠原諸如雞搥末端筋位附近稍稍找到蹤影，總體像有酒味的切雞。小籠包4隻$44，令我有點迷思，已是用曾經有人教曉以筷子🥢夾頂端尖頂位置之方法以防穿皮，但是次接連三件用陰力一夾，還是黐底皮穿😑，失卻灌湯之小籠包本就失色，加上豬肉餡略呈鬆散，豬肉味不足。韮黃鱔糊$138鱔肉比例頗多，調味和一般上海館子分別不大，沒有漏掉的去骨。兩麵食：擔擔麵$44也不比出名的擔擔麵專門店差太遠，肉鬆花生碎不多，麵滑彈牙，尚且有擔擔麵神髓。據說上海沒粗炒，是兩面黃炒麵來港後的變奏。此上海炒粗麵7成椰菜白菜3成肉絲，做到汁燒效果不油膩。免加一

We were in Mei Foo to browse the handicraft market nearby. It was getting late and not really wanting to be stuck with McDonald's, we decided to look around and see what was popular with the residents in the area. That is when we found 新上海飯店 (no English name). It served Shanghainese food and the place was packed!Menu is in Chinese only. There is no English menu and no 10% service charge. You check off what you want on the paper menu and pay on your way out. The food here is not fancy or modern.

今日放假一早就同老公💖💃🏻去美孚揼骨👅揼完骨都1:00原本想去另外一間上海野度食不過入邊已經勁full🤪咁就揀咗另一間上海嘢嚟食🤞🏻食上海野梗係要點我最鍾意嘅上海粗炒呢個嚟得快得有啲離譜🤣落咗單5分鐘唔使已經來到🤪佢應該唔係即叫即炒因為嚟到嘅時候只係暖暖地👉🏻👈🏻同埋冇乜肉但佢嘅味道漿料係好味👍🏻我老公就叫咗個青菜煨面因為老公食全素🤞🏻叫之前已經問咗個侍應呢個又冇肉😔點知佢一上嚟我見到個湯底就唔對路因為聞到好香嘅金華火腿味🙈🙈我即刻拎個匙羹飲咗一啖我就話呢個有魚同埋有金華火腿😨😨btw呢個味道唔差🔥所以食素嘅朋友真係要問得好清楚😔不過好彩我老公話唔緊要佢再叫多咗個炒番薯苗豆豉同蒜蓉味都唔係好夠🥲原本老公話想食炸嘅銀絲卷但係比我制止咗🤣因為我由細到大都係鍾意食蒸嘅銀絲卷❤️跟住就係呢一餐最好味嘅素鵝呢個就應該係即叫即炸💖上到嚟仲係脆卜卜熱辣辣💃🏻整體呢間嘅味道係唔差只不過係自己柒咗冇問清楚個湯係有冇肉👅

10月7号約咗住在美孚的乖姪女一家人，到此間老店食上海菜晚餐，最近我呢個上海菜控，都食咗幾餐上海菜，卻以比餐最為滿意，因此店無論裝修格局，侍應服務態度，以至食物出品，都有接近七，八十年代嘅上海菜館水準，加上價錢貼地，街坊價，難怪此店在18：00開始接待晚市食客，未到18：30便高朋滿座宣報爆場，遲來食客要在此店門外呆等20一30分鍾，才可以有吉枱讓其進餐，當晚我們一行五人合共柯打了12款食品，除咗個腌篤鮮因小弟從未食過此款食品，不敢作出評價外，其他食物平圽食品都有B級一A级水準，個高力豆沙更達到A++级数，所以此店是一間值得佢晚晚爆場食店，我亦在比多謝乖姪女一家人，令到叔叔，嬸嬸有一個愉快的飯局

呢間老店，除咗有舊式上海餐廳嘅懷舊味道，佢D上海客飯抵食好食。兩個人一個叫回窩肉另一個叫炒鱔糊，原本心思思想叫多個小籠包，不過好彩無叫，否則應該食唔晒。回窩肉正常少少辣啦，佢用嘅肉質素都OK又夠彈牙，係唔錯嘅。碟炒鱔糊就比想像之中多鱔，個汁就甜咗少少，不過都好食嘅。飯可以揀白飯或者加兩蚊轉做上海菜飯，碗飯都幾大碗，基本上係夠兩個人食，另外仲送一碗例湯，咁樣先至係每人五十蚊，又抵食又好食啦，可能係喺美孚呢一個美食沙漠之中嘅一棧明燈。

慶祝朋友生日，朋友揀咗食上海菜，俾咗幾間佢揀，佢最後揀咗呢間。3個人叫左8樣送。雞絲海蜇- 普通小籠包- 嚟到嘅時候顧住食其他嘢食，唔記得咗趁熱食，所以評唔到好唔好味。螞蟻上樹-好特別，唔知係咪傳統食飯呢？咁樣食第一次食，推薦！椒鹽鮮魷- 鮮魷是新鮮的，但出面就唔脆，略嫌多炒左少少，好壞參半。竹笙小棠菜- 竹笙好食，但小棠菜麻麻，都係食津白穩陣啲。酸辣湯鍋粑- 又係好特別的送，酸辣湯比出邊嘅酸，好飲，鍋粑有少少油膩味京蔥爆羊片- 正常桂花湯圓- 正常

個日咁岩去開美孚個邊,所以就打算係個度找野食,記起之前朋友講過話話想食呢間,所以諗都唔諗就黎左呢度啦. 呢度都環境唔錯,我們坐在靠近落地玻璃窗的位置,可以睇到出面的景,好舒服. 先來的是小籠包,個包下面有好滿的湯汁,包蒸過後,裡面的湯汁就會液化,塞滿嗮成個包子,小籠包鮮味十足,當咬落口時真系有好多汁擠出來.水準拍得住一般酒店.小龍包是上海菜中比較出名的,所以值得一試. 紅燒元蹄,呢度嘅紅燒元蹄有種與別不同的就是,師傅已經將元蹄起骨,並且切成一塊塊,傍邊還伴有小白菜.元蹄做法雖然與正宗有別,但是皮肉分明,而且食落口夠嫩滑,肥而不膩,味道香濃,用黎送飯好好味. 食過元蹄,繼續食肉,跟住是回鍋肉,這裡的回鍋肉不是用荀炒的,而是用青菜,青椒,更加適合我們口味.青菜加肉一齊炒,感覺惹味,而且炒得好夠火侯,淡淡爽脆口感。 爽脆過後,又來一碟酸甜糖醋骨, 無論是味道,口感都好似咕嚕肉,入口感覺肥而不膩,而且肉汁融合得恰到好處,不過食完發現個嘴都系油. 香煎黃魚腩,小小的一塊魚腩非常香脆可口,但要小心留意,因為魚腩裡面有骨,唔可以大啖大啖食,更加無可以快食,要慢慢將D骨頭吐出來. 埋單都算抵，呢餐食得