斗滾 (寶輝閣)

營業中

休息中

主打任食雞煲、另有海鮮盛宴拼盤、熬製養生滋補火鍋等多款美食，加上任飲任食飲品及甜品一次過歎齊無論惹味第一式食到第四式新鮮海鮮口味、配上豐富手切牛頸脊這份滋味的確出色盡興 !第一式一鍋份量十足雞煲炒足四次肉質肥瘦呈啱啱熟，嫩滑鎖住肉汁滿滿鮮雞味更可自選辣度好滿足第二式一盤充斥吸收晒精華七款海鮮盛宴，整體按人頭每人一份口感煙韌彈牙已經好滿足第三式/第四式燉湯足料暖笠笠，加上自助區火鍋品種選擇多眼花繚亂，自己去拎同牛肉送上總有一款合心水之選

斗滾係我地成班聚會必去既飯堂，不過我地通常都係去西環店，因為貪佢無限時，今次朋友話想轉黎佐敦呢間，因為呢度啲位無咁迫，雖然佢地無得無限時，但野食又多返雪糕同生果，可以話打返和啦～ 佢地一共有3輪野，雞煲/蒸海鮮/任食邊爐 啱晒鐘意咩都試下既人星期一至四 $268/ 星期五至日 $298 Round 1 —雞煲雞煲可以自選辣度，我地就揀唔辣，2個人好似都有半隻雞，份量都幾多，雞煲全程唔加水，所以個汁係超濃Round 2—蒸海鮮食完濃味雞煲，之後就到食蒸海鮮清一清，海鮮有5 款：蟶子/大蜆/扇貝/鮑魚/海蝦 ～鼓油蒜撈埋粉絲同烏冬黎食，勁索汁好好味Round 3—打邊爐其實佢地老火湯最出名，但我地都係想清清地要咗芫荽皮蛋湯大家FB/IG留言就可以任食牛頸脊肉/豚肉，牛頸脊質素幾好，唔會話幾輪之後就比啲cheap d既肉你 自助區丸類：特別啲嘅有芝士牛丸/芋泥貢丸/流沙海苔丸推薦：蝦滑/墨魚滑蔬菜類/菇類菌類/豆腐/等等仲有水魷/鯇魚片/鵝腸/豬皮/牛柏葉最後甜品區：有水果/椰汁燕窩/雪糕/糯米糍 飲品：款式都選多

斗滾有四式雞煲！海鮮盛宴！滋潤火鍋！任食牛頸脊！限時邊爐，宜專心享受美食🤫✨第一式！雞煲！可自選辣度啖啖肉，醬汁濃厚✨第二式！海鮮盛宴！我最鍾意嘅環節黎啦😍有蝦肉、鮑魚、蟶子、蜆～無沙，彈牙，好食！尤其係烏冬調味幾上癮😍呢個價錢唔會預海鮮係勁肥美但質素係合格以上嘅🤤✨第三式！打邊爐！另加咗$38轉香甜椰皇雞湯個湯好清甜，越煲越濃🥹🥹設有自助區，蔬菜切得整齊丸類選擇豐富✨第三式！牛頸脊！係FB/IG留言後任食手切牛頸脊肉質偏向濃濃肉味有恰到好處的嚼勁唔會好柴咬唔開，味道幾好適合追求肉味香濃人士～整體食物唔錯😝要把握時間認真食！

斗滾任食打邊爐頭性格比超高。唔使$300可以食到雞煲，同埋打邊爐任食任飲。斗滾招牌共有四式：1）第一式係任食雞煲，雞煲要炒4次，每次2分鐘。 雞件嫩滑，醬汁香濃，而且有得自選辣度。 2）第二式係海鮮盛宴：呢個係跟人頭計嘅蒸海鮮，有聖子、元貝、蝦、鮑魚、蒸烏冬，海鮮尚算清甜，飽腹感滿滿。 3）第三式係就係滋補燉湯我叫咗佢哋嘅養生燉湯～內有竹絲雞、雞腳、蟲草花、瘦肉落配料打邊爐之前，會飲吓一碗湯先開始下一round ，品嚐飲吓個湯底嘅精華。4)第四式like專頁就免費任食手切牛頸脊，呢度有脆肉鯇同鱔片同Asahi啤酒喺筆者之愛🥰火鍋料有幾個重點推介：手打墨魚丸、手打花枝蝦丸、鱔片、脆肉鯇、鮮蝦雲吞等等～ 飯後唔好唔記得出面既甜品、椰汁雪燕、水果碗！ 飲品種類繁多，推介韓國嘅菠蘿酒（5% alcohol) 其他汽水酒精飲品有超多款俾大家選擇，一定唔會令大家失望。

原來之前山林道已經轉左新地址我都唔知😱今次去到新舖面積大咗幾倍，而且裝修都好靚，啲位仲要好舒服🪑 重點係價格依然$300都唔使😶而且同以前一樣都係咁多人🥹我9:30去到都係要等位🥹最印象深刻係佢任食有四式，先係雞煲，然後荷葉海鮮盛宴，之後飲湯最後打邊爐！雞煲叫左中辣🤣好惹味，略嫌比較多骨，不過最緊要係可以任叫！所以之後叫多咗一次，然後再出去拎左鵪鶉蛋，豬皮同菇等等整個DIY雞煲😆之後發覺收銀處可以買佢哋嘅雞煲醬😱第二式嘅荷葉海鮮盛宴，一定係最signature!包括鮑魚、蟶子、扇貝、海蝦、花蜆、龍躉和讚岐烏冬🦐🐟🐚海鮮好新鮮同彈牙，加上極多蒜頭，令到讚岐烏冬好入味好好食！最鍾意係蟶子～加埋啲粉絲好好食！第三式滋補湯底🫕我哋叫咗鮮茄薯仔花甲湯～裏面有勁多嘅花甲～全部都新鮮無沙。而且應該冇落味精，所以好鮮甜而且飲左兩三碗都唔口渴最後可以出去自己拎配料嚟打邊爐～叫咗幾碟手切牛頸脊，都係任食！牛頸脊厚切，而且好重牛味！特別推介佢哋嘅墨魚滑同埋牛肉滑👍🏽兩者都係新鮮製！飲品方面，估唔到都幾多選擇～重點推介韓國真露🤣第一次見提子有氣真露！淡淡地嘅酒味再加埋有氣的好似飲緊可樂咁，暫時我喺市面冇見過👀

斗滾近呢兩年巳經榮升咗做我出外任食打邊爐頭一位CP值爆高！要食到記得要book位！等我今日同大家認真介紹一下！斗滾邊爐總共共有四式第一式係任食雞煲好老實講，第一次嚟嘅時候好心急心諗每次2分鐘 要炒四次究竟食得未好肚餓🤣不過慢慢開始明白佢哋嘅堅持新鮮啱啱熟嘅雞係最好食最嫩滑啖啖肉肥瘦適中而且有得自選辣度 👍第二式係打卡蒸海鮮呢個係跟人頭計嘅蒸海鮮每人大概食到六款海鮮再加佢哋嘅蒸烏冬做底真係舔舔脷而且海鮮清潔得好乾淨 熟度啱啱好口感滿滿一大盤拎出嚟，你都唔好話，真係嘩嘩聲第三式就係滋補燉湯我每次都會叫佢哋嘅養生燉湯好足料竹絲雞雞腳蟲草花瘦肉乜都有齊飲落去真係又舒服又鮮甜每次為咗唔好嘥咗個湯都會飲夠兩碗先開始第四式🤣然後去到第三式你已經覺得值回票價嚟到第四式本身已經飽得好緊要但你又會唔想錯過因為出邊嘅火鍋料亦滿滿誠意讚好專頁仲可以免費任食首設牛頸脊輕輕一提大家如果想食到脆肉鯇同鱔片建議一開頭就拎咗入自己枱先因為通常去到第四式嘅時間出邊可能會冇晒火鍋料有幾個重點推介手打墨汁墨魚丸 手打花枝蝦丸 爆漿芝士牛丸鱔片 脆肉鯇 鮮蝦雲吞呢啲都係我次次一定要拎然後當你捧住個肚會有人話不如三個王子麵落去😂

📍斗滾｛佐敦｝首先先講價錢💰2XX一個人可以食到雞煲、海鮮、火鍋🍲、仲有出邊嘅自助區！真心大癲‼️‼️‼️‼️真係夠哂大食既人類，滿足哂四個願望⏳依間舖頭有斗滾四式，四式包括有｛仼食雞煲、海鮮盛盤、仼食火鍋、牛豬仼食｝🐔雞煲係連我朋友都讚不絕口，我哋兩個人就食左一隻雞了🐔因我真心太太太太好食到飛起🤭✨招牌雞煲一試難忘🩷雞肉質地嫩滑同時有咬口！上煲後自己炒四次，每次相隔2分鐘！雞件本身已經輕輕炸過，鎖住左肉汁！店內用左自家秘制的醬汁，辣中帶甜，層次豐富！如果食得辣嘅朋友，可以揀大辣 ，過癮又不會太刺激，好完美 好滿足😍✨ 海鮮盛宴｛打卡必備｝有齊哂～鮑魚、蟶子、扇貝、海蝦、花蜆、龍躉 、讚岐烏冬～龍躉魚片入口即化的嫩滑，鮑魚微帶嚼勁的彈性，佐以濃縮海味香氣，蟶子皇肉厚如拇指、脆嫩爆汁，元貝肥厚粉絲爆多，吸收晒海鮮嘅精華，海蝦細嫩多汁，讚岐烏冬加左蒜蓉，所有海鮮既味道都係哂烏冬入面，仲要係粗身，口感好豐富👍到火鍋時間啦，其實食完頭兩轉都飽飽地🤭🤭🤭不過、不過，聽講店內就算唔食打邊爐都好都一定要飲呢一個湯底，因為依一個湯底真係店主每日新鮮熬製，喺未打邊爐之前都已經可以當湯咁樣飲，就係✨ 鮮茄薯仔花甲

前排喺佐敦食過「斗滾火鍋」，真係食到滿足又過癮！🔥 最抵讚嘅係佢哋嘅雞煲，任食模式簡直係天堂～雞件嫩滑得嚟好juicy，重點係一定要加腐竹🔥 ，好有風味，仲可以加埋其他配料炒，例如金菇、牛百葉，滋味無窮 🤤！另外，唔少得嗰盤超豪海鮮拼盤，嚇親你嘅size！🦐🦀 鮮甜嘅蝦、大隻肥美鮑魚、聖子同埋蜆！最後仲可以揀湯底去打邊爐～仲送埋甜到入心嘅椰汁燕窩糖水，係幸福滋味 啊🥰。總之，呢度嘅食物啲質素對得住價錢，重點係可以食到好開心又飽肚，真係約朋友嚟開心share！🍲🎉

斗滾真係性價比特別高 服務質素又好好嘅餐廳～一個價錢包晒無限任食雞煲，雞煲係自己可以炒嘅，員工會仔細同我哋講如何炒雞煲，可以體驗做「小廚師」嘅感覺。重點來啦！新鮮出爐嘅海鮮盤真係必須要打卡！！！🦐🐠打邊爐嘅湯底仲要有多種選擇，超級推介養生燉湯🥹🥹又好味對身體又有益。牛頸脊🐂同埋黑豚肉🐖都係任食😋😋😋肉質鮮嫩多汁～如果你鍾意打邊爐一定唔好錯過呢間啦！🥰🥰🥰🫶🏻🫶🏻🫶🏻🫶🏻

迫, 真係好迫, 一入去少少位都無, 行都唔行到, 6人枱坐8個人, 4人枱坐6個人連𨋢口都要放枱, 坐個枱嘅都好慘, 啲人出出入入, 開門關門撞口撞面, 記得, 呢度係勁迫.迫到你企都無位企. (好似話新鋪大咗?)我地Total 7位, 5位準時到, 咁就叫職員先上雞煲. 雞煲份量好少 , 而且係凍, 個爐勁慢, 大概煮15-20分鐘.  嘩, 屈機, 我地已經feel 到唔會夠時間食.因為每人只有分到兩件雞, 有朋友唔夠喉, 叫佢再加雞煲, 即係我又要煮15-20分鐘.我地都知唔夠時間, 叫職員先上海鮮, 但事實上我地食完第二次雞煲, 都要等好耐 (唔記得幾耐, 20分鐘?)先到(圖) 跟住我地好快手食完海鮮, 佢再上個爐轉打邊爐 (果然湯底又係凍嘅), 又要等佢個無力嘅爐慢慢煲, 呢個時候, 佢就話要任食牛, 要like 佢社交媒體網站, 但呢樣事前無講, 宣傳一路都話任食. 算啦, 我地都like咗, 之後佢再俾張單我地, 同埋已經最後30分鐘! 呢個時候, 我地每人只係食咗4件雞, 每款海鮮一隻. 到個湯滾起, 大家只係淥2轉嘢食就要走了.最尾我人生第一次食完任食去食宵夜!!

呢間餐廳真係食過好多次，次次都食到勁飽！雞煲可以無限添，仲有海鮮、湯，飲完湯之後仲可以打邊爐，最後仲有糖水，真係飽到不得了🤣 海鮮係跟人頭份量上，啲烏冬好正，吸晒海鮮嘅精華，食落好入味。打邊爐嘅牛肉可以任叫，牛肉口感都唔錯，好食🤤 最正嘅係佢嘅糖水，而家轉咗自己出去拎，食完一碗又一碗，真係停唔到口😋😋 每次嚟都食到好滿足，絕對係食到捧住個肚走！

事緣是咁的 我四個大人 兩個兩歲小朋友去食一開頭 黎個海鮮 每樣4隻咁樣 都正正常常 . 食左一半 再黎個雞煲 跟佢玩法 攪黎攪去d雞都未熟 原來個電磁爐壞既 都玩左半個鐘 後來叫左人黎換個新爐 跟手 同事叫我地飲左湯先 個雞煲拎去隔籬吉枱 熱住先 呢part得我食左半件未熟既雞。之後大家都飲左一碗湯 諗住加湯打邊爐食牛既時候 其中一個人發現佢碗湯入面有隻小小強 之後我地幾個再三確認係小強 跟手叫人黎跟 當時8:30 我地食左一半海鮮 半碗湯 雞煲仲喺隔籬枱熱緊 。跟手都係例牌啦，搵個經理研究吓點樣解決 。初頭佢企硬要收足 話換個煲湯比我地 ，見過鬼仲唔怕黑 都唔想再係到食 後尾阿姐話員工9折 比我地 wtf? 我地仲諗緊d野食點攪 佢最後話半價 其實 我地當中有兩個小朋友 佢地食到既野 只係一碗湯同埋幾塊用小強湯煮既牛肉 同開頭個d海鮮 。但係就出晒事大人肚痾無所謂 係怕小朋友唔舒服其實無乜野落肚 都要出去食其他野 唔好小樓面個班 佢地話唔到事 都係要同上面匯報可以點處理 我見個阿姐都唔知可以點算 佢都好好禮貌 我都明今時今日 大家都難做 唔係難做先要做好d咩 我都知餐廳緊有 大

同事介紹食春茗飯。。。收工後21食雞煲2分鐘炒一次，要炒5次先食得咁鍾意煮飯就會喺屋企煮啦嚟到梗係想快快脆脆有得食，仲要自己落手炒咁多次。1，2次ok, 但5次10分鐘😂食前做運動係咪？7個人份量唔多，係可以再免費添既，但又要自己嘥時間再炒過，好麻煩囉🙄所以大家都放棄咗食完搵待應上海鮮，要等10至15分鐘🫢早知炒緊雞嘅時候就嗌定喇。10分鐘上到海鮮，但海鮮唔熱，只得微微暖。嗰10分鐘係蒸返熱？定係擺盤時間？如果新鮮蒸出黎，無理由1d煙都無。海鮮算正常既，無臭無壞但就係唔熱囉，室溫海鮮其實都幾難食之後又要嗌人上湯打邊爐個湯要飲左先，淨幾多就係加水做湯底。你淨得越多湯，個湯底會越濃😑飲晒咁你個湯底就係清水😑每人各一碗仔，都所剩無幾多湯打邊爐前，侍應話要like社交媒體網站 ,在社交媒體網站寫句好食。有著數，個著數係上手切牛肉要全枱7個人整好比佢睇，先離開上湯底。好強迫性🙄大家都好唔想整，但局整叫佢轉頭返嚟睇，又唔肯走，要睇到先走🙄想知唔做佢會上咩肉？其實唔手切都得，你咪機切囉手切牛肉係你嘅賣點，點解要逼人咁做啫🙄仲有，我都未食就要寫”好食”待應睇完全部unlike 返😏有夠麻煩既一餐邊爐打

「斗滾」是一家性價比極高的餐廳，結合了雞煲、蒜蓉蒸海鮮和養生湯底火鍋的三重享受。食材新鮮，調味得宜，環境舒適，適合喜歡多樣化選擇的食客。唯一的改進空間是蒜蓉蒸海鮮中的鮑魚口感，若能稍作調整，整體體驗會更加完美。推薦給喜歡火鍋和海鮮的朋友！雞煲的醬料調味恰到好處，鹹香適中，不會過於濃膩。雞肉質地滑嫩，洋蔥份量充足，增添了一絲甜味與香氣。任食形式讓人可以盡情享用，性價比極高蒜蓉蒸海鮮每桌限點一份。扇貝肉大粒鮮甜，蟶子煙靭彈牙，蒜蓉豉油汁調味得宜，完美襯托出海鮮的鮮味。唯一美中不足的是鮑魚稍微乾身，口感略為遜色。養生湯底帶有淡淡的藥材香氣，清甜健康，讓人忍不住在涮火鍋前先喝幾碗。湯底的溫潤口感為整頓飯增添了養生的氛圍。火鍋配料方面，牛肉紋路漂亮，油脂分布均勻，涮後口感嫩滑。蔬菜與丸類選擇豐富，新鮮度佳，能滿足不同食客的需求。

一行11人食，食完兩次都有人腸胃炎。第一次食完其中有人嘔，有朋友未試過，所以決定第二次再俾機會佢。11個人入面，有一半人以上第二日又屙又嘔，已經成個禮拜仲未好返。同埋咁短時間內又要食雞煲、海鮮、飲湯、邊爐，我哋另外再加錢要咗刺身，要咗象拔蚌、章紅同馬刀貝，根本唔夠時間食。再加上佢個蒸海鮮係一早蒸好，上到嚟根本已經係唔熱，只係有小小微暖，飲完湯之後竟然用返個瓦煲去打邊爐，個瓦煲煲咗15分鐘都仲未滾，仲要得返45分鐘去打邊爐，根本上係無可能食得晒所有嘢。如果想清腸胃同埋有便秘嘅問題，呢間真係首選，一定會腸胃炎。