文華饕記 (已結業)

早上一家大細跑步，從西九經尖沙咀直到紅磡。先休息充電，在黃埔九號水產市場找到這家餐廳，新開不久，人氣不錯，叫咗兩個早餐，早餐大份又好食，有心有味好禮貌，值得支持！

上周落咗去買午餐，選擇最大路豆腐火腩飯以為一定ok, 買到返屋企有酸味，打電話落去佢哋話燒肉變咗，但其他客食唔出，天氣咁凍我話唔即日落去換，第日再換番野食。今日下午茶時間落咗去，下午茶先至$36，佢叫我叫番午餐$55都算，但連杯嘢飲都唔送返俾我，仲要特別入去同大廚講幾驚加料，最慘係叫咗福建炒飯超難食，蛋飯唔似蛋飯，蠔油汁又難食，d餸仲差過街邊檔，好耐未食過甘難食既福建炒飯，甘既服務同食物質素，大家自己諗幫吾幫襯

星期六經過，發現原來九號水產開咗文華饕記嘅分店，佢嘅位置就係入口豚道樂拉麵旁邊，所以都好易揾到佢。以前灣仔返工，成日都會係佢總店叫飯食午餐，又平又好食，小菜仲好精美。原來呢間紅磡新分店都做得唔錯呀，晚巿套餐超多選擇，仲要係幾十蚊大大份，好抵食。我叫左盒魚香茄子飯，魚香茄子分開一盒上足足添滿了成個盒，仲要每一啖都好夠鑊氣，食得出加左咸魚，所以咸香味好鮮明，真係好俾心機製作，而且奶茶都好好飲，呢間餐廳真係要誠意推薦俾大家。最後要一讚店員好有禮貌，特別係門口嘅收銀妹妹，見我地係外面等外賣會叫我地去櫈坐坐不用企咁辛苦，而且好有笑容，好親切！有好好嘅服務態度。

今日有嘢值得慶祝所以一於三點三去買個茶餐!餐牌選擇好多，諗嚟諗去都係想食炸雞髀，就揀咗佢配薯角。唔使十分鐘就整好，超巨型炸雞髀好入味，薯角又炸得啱啱好，連埋外賣盒都係32蚊實在超值！