文華雞飯(新加坡)

營業中

休息中

新加坡海南雞飯與其他地區的海南雞飯在製作方式、配料及口味上有一些明顯的差異，這些差異主要來自地區文化、食材選擇及烹飪習慣。這間是香港罕有新加坡人開的正宗新加坡海南雞飯店。【米飯】使用雞油和薑蒜炒米，再以雞湯煮成香氣濃郁的飯。雞肉通常是【白切雞】，先以低溫煮熟，保持肉質鮮嫩，並迅速浸冰水以鎖住肉汁，使雞皮爽滑而有彈性。不會過度調味，主張保留雞肉的原汁原味。【燒雞】就由多種醃料醃製，濃郁的麻油香味，而且外皮經過脆炸，脆卜卜。醬料主要有三款：    1. 辣椒醬（以紅辣椒、蒜和酸橙汁調製，酸辣開胃）。    2. 薑蓉醬（薑與油調和，香濃且溫和）。    3. 黑甜醬油（濃稠的甜醬油，增添鹹甜味）。【馬來西亞肉骨茶】藥材香草味道濃郁，是保健養生的選擇。

📍 文華雞飯（新加坡）｛大角咀｝一間由香港人移民到新加坡再移民返嚟香港開嘅原有味道小店🥢食物帶有新加坡味道👅同煮法～除咗新加坡海南雞之外，仲有新加坡做法嘅燒雞。本人就比較鍾意食佢嘅燒雞🐔我鍾意食卜卜脆嘅外皮，每日都新鮮岀爐！而且仲可以全隻雞買，經過路況行過，買一隻串燒雞返屋企，當加餸都已經滿足埋屋企人💯我哋嗌嘅係套餐，套餐單同埋嘢飲品、菜、肉骨茶、同埋重點係用薑炒過嘅飯，本身都以為只係普通嘅雞油飯，但係一食落去個味道係好特別，而且不知不覺就已經食晒成碗，米飯粒粒分明，每一粒飯都有薑嘅味道，其實唔使食雞都已經好夠味🍚飲品如果大家鍾意薑辣嘅味道，可以叫薑味奶茶！夠晒薑辣，但係估唔到薑加奶茶係咁出色🤲🏻如果受到薑味嘅味，一定要飲💕✨海南雞海南雞飯 海南雞份量都唔少雞皮爽彈 肉質軟嫩 醬汁帶微甜跟左三款醬汁 三款各有特色油飯飯粒乾爽帶淡淡油香🐔✨肉骨茶同新加坡肉骨茶一樣湯頭用中藥、大蒜、醬油熬煮而成喝起來味道濃郁 香氣足哂排骨肉也煮得剛好軟嫩不柴🥢✨燒雞雞皮燒到金黃薄脆 所以我最鍾意食佢塊雞皮🤭🤭雞肉嫩滑而且好多汁 好厚肉偏向結實口感而且調味好足 唔需要額外點醬都已經好好食😋

🐯大角咀平靚正海南雞🐭 ⭐️按「更多」睇詳細食評😋懶惰二人組今日去到 #大角咀，響呢個旺中帶靜既街度搵野食。見呢間 #海南雞飯 好似都唔錯。就一探究竟！餐廳當然係以新加坡美食海南雞為主，即使係同一款餐點，都有份量多啲同份量少啲既餐。我地今日就食左輕巧餐，主要配清雞湯。《海南起骨雞飯（白雞）配油飯》＄68個雞皮勁爽口！油飯好香，好好食🤤。雞肉既質感係比較腍。《喇沙配叉燒米線》$70好大碗，上枱熱騰騰！♨️個湯椰汁味道香濃。叉燒都算有咬口得黎又唔會難咬開。《馬拉盞炒通菜》$38少得好香！而且份量都幾大碟！🥬🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道唔錯，穩陣穩陣咁做得幾好。而且即使係輕量版份量其實都唔少，抵食！💚環境街坊小店既格局，都算整潔整齊。💛服務方面，職員在下單時都有提醒輕量版嘅肉類份量開比較少。見到有街坊外賣海南雞，店員都有提醒客人回家如何存放同處理外賣回家的雞！Rating： 懶惰鼠😻😻😻懶惰虎 🤩🤩🤩+0.5📍文華雞飯 大角咀中匯街17號地舖💰人均消費：$90⏰營業時間：11:30-22:00 #懶惰在香港 #lazifooday #香港cafe #大角咀美食 #大角咀餐

星加坡價錢，香港水準嘅海南雞因為星期日去幫襯，所以冇優惠，正叫一個海南雞飯就$68，想叫嘢飲或者肉骨茶就要嗌套餐$82-95，完全係遊客價。我哋分別叫咗燒雞同海南雞，燒雞都OK嘅，燒得香之餘又唔會太乾，唯獨是味道比起海南雞會重少少🤏到海南雞喇，份量足料雞肉都滑，可以一試！雖然張相冇影到肉骨茶，但係我哋有叫嘅，佢係黑色嗰種肉骨茶，飲落藥膳味都幾重，唔係白胡椒嗰種，所以唔辣嘅，都唔錯。

tldr話說係7月19號晚上7點幾，行過好多間餐廳都座無虛席同太太都餓到扁哂嘅情況下行到大角咀，命運驅使下行到文華餐廳門前 見裝修都有啲懷舊 入面又好多位置坐 （其實已經係一個警號）應該係老字號 老閣娘又有咗多明星合照嘅相 我諗應該靠得住掛就入左去幫襯點都冇諗到惡夢就開始左星期五晚嘅心情就咁俾呢間餐廳毀左一入到門口 舖頭其實好闊落 得三四台客 有啲都就嚟食完就走樓面先生就請我地坐低 半分鐘唔夠問我地想食乜我明白香港嘅餐廳催客人落單係好常見 但都要睇下環境有冇咁嘅需要？更甚，我坐左半分鐘 連你有咩選擇都未睇清楚 你企足係我地隔嚟兩分鐘 俾我壓力我地？咁最後見到佢餐牌有分細餐 （細份啲）同 大餐 （有油菜）我地就叫左一份9x蚊嘅海南雞套餐 （配小肉骨茶） 加 海鮮喇沙套餐好快啲嘢就上哂，以下為每樣菜式評價1. 海南雞飯： 不如你叫海南雞皮飯，仲要同我講95蚊大份啲數數十件雞可能都有 雞皮多過肉 真係有肉食嘅得果幾舊成個餐得油飯係食得落仲有海南雞飯配嘅清湯 居然係冇出現過。2. 小肉骨茶飲落去第一下感覺係幾好，有藥材味又好重胡椒味但係過左陣原來係假像，非常口渴，口渴到埋單到返屋企嘅路程，成晚

大角咀文華雞飯，有水準，性價比高，我食晒成碟飯叉燒拼海南雞飯.簡直就能夠媲美中環嘅海南雞飯，隻雞好滑，而且配搭個醬汁同薑蓉簡直就係絕配，我好鍾意呢個薑蓉同豉油，另外原來叉燒都唔錯，我叉燒拼海南雞飯，簡直就可以滿足晒兩個口味，識食一定要咁樣食。仲可以加碟油菜添，不過油菜就太多油啦估唔到個價錢仲咁實惠，所以推薦俾大家必食之選。交通就冇咁方便，地鐵站行過去，都有一段好遠嘅距離。環境衛生整潔，服務好有禮貌同好體貼，老闆仲好好人咁樣介紹佢嘅食物，我非常之滿意呢間餐廳，所以我推薦俾大家。

去開大角咀速食文華雞飯，叫咗燒雞脾🍗白飯加金牌🎖️珍珠奶茶🧋（$103），店鋪冇乜人食，店員都好service，燒雞肉🍗滑皮香，送油菜，珍珠奶茶🧋好遲上，返到屋企少少🤏唔舒服🤢（食之前其實已經胃痛）

文華雞飯⭐️⭐️🐾 海南白雞海南雞唔夠滑，味道又唔夠香，雞肉本身偏肥。但點海南雞嘅酸辣汁唔錯。🐾 燒雞個皮係有少少脆嘅，但就已經擺到凍咗，肉質完全唔夠滑，冇咩肉汁，有啲失望。🐾 油飯 食落去係油油地嘅，但完全冇雞油嘅香味。🐾 肉骨茶意外地好飲。有少少藥材味，但係又唔會太濃。主要都係豬骨嘅香味。入邊仲有一大舊豬軟骨同埋幾舊豆卜。成餐最出色就係肉骨茶。📍 文華雞飯(新加坡) (大角咀)大角咀中匯街17號地舖#香港美食 #大角咀美食 #neko_nibbles_tkt #唔好伏自己

大概12:30去到，放飯時間差唔多坐滿。我哋叫咗一個海南雞飯套餐、會跟一碟菜，而同行友人，就叫咗燒雞飯。海南雞飯唔係泰式個款，皮同肉一間有層啫喱、尚算嫩滑，配上無限添加的自家豉油辣醬同薑蓉。燒雞有點乾，皮唔係脆個款，類似係向焗爐烤出嚟，值得讚嘅係連雞翼位都會起埋骨。例湯正常發揮，唔算出色。飯唔似食開嘅油飯，碗飯份量多（食量較少嘅朋友可以叫少飯）。特飲叫咗薏米水，都市人通常都會有濕氣重而薏米水都係一個比較去濕嘅好方法，要讚。留意返，店舖只收現金或者支付寶。

海南雞飯相信大家一啲都唔陌生啦，前幾日咁岩係大角咀，心血來潮好想食海南雞飯，就入左呢間文華雞飯，又唔錯喎！！一於分享下比大家知🤤今日試呢間最吸引既就係油飯😎佢唔似外面夾硬整黃佢，呢個油飯真係好重雞味，而且一啲都唔肥膩！加上啲雞肉真係一半肥一半瘦，食落一啲都唔覺得邪惡🤤再加埋飲埋個冬瓜湯，一個午餐，滿足哂🤣🍴🍴海南雞飯套餐一人份量：$68📌文華雞飯(新加坡)🍽️大角咀中匯街17號地舖

一直很想嘗試這家以海南雞飯聞名已久的餐廳，今晚終於有機會了。餐廳的裝修比較陳舊，但整體來說還算整潔。海南起骨雞飯白雞配油飯🐓🍚雞肉香滑多汁，有濃郁的雞味，肉質鮮嫩。可惜的是，份量相對較少。油飯散發著淡淡的雞油香氣。桌上的老抽、薑茸和蒜蓉辣椒醬搭配雞肉一起食用，十分美味，這些醬料放在枱上讓顧客無限添加，絕不吝嗇。新加坡叉燒飯套餐配白飯🐖🍚套餐包括一碗白飯、油菜、細肉骨茶或飲品。新加坡叉燒的口感不如廣東叉燒那樣出色，雖然都是半肥瘦的叉燒，但缺少廣東叉燒特有的燶蕉風味。細肉骨茶的味道偏甜，並不帶有太濃的藥材味道。配上豆卜，可以吸收湯汁一同享用。自家製薏米水🍹這家餐廳的薏米水非常出色，不會太甜，薏米有著獨特的口感。相比於其他飲品，選擇薏米水更加健康。需要注意的是，這家餐廳不接受任何電子支付方式，所以在光顧時請記得帶備夠的現金💵。

真係為咗海南雞油飯慕名而來白雞飯套餐配油飯白雞去骨，啖啖肉😋油飯👍好好味😋海鲜喇沙米粉米線(少辣)套餐叉燒喇沙米粉米線套餐見到都覺得辣😅细肉骨茶藥材味適中套餐菜心椰汁冰凍檸檬薏米水

呢度個海南雞飯出曬名就係人都知㗎喇可以揀燒雞同白雞兩樣都各有長處，兩樣都好好食燒雞個皮就好香，白雞就好滑我自己就多數鍾意嗌燒雞多啲，覺得比較香口你可以跟聲咁嗌每一個例牌雞跟一碗油飯，同埋會多個油菜另外仲跟嘢飲不過今日痴痴地嗌咗個喇沙首先個湯好油淨係一味得個辣字冇喇沙湯底應該要有嘅香味最奇怪嘅係個喇沙入面啲雞唔係平時啲去骨海南雞，佢入面啲雞係有骨嘅同埋得好少肉好似係平時啲海南雞設定啲頭頭尾尾咁，好似骨仲多過肉

決定一份海南雞飯是否美味的因素有雞肉、油飯和佐料。這間的雞肉大概在出鍋之後冷卻過，吃起來濕潤又涼爽，肉質極嫩，卻沒有絲毫血腥氣。雞皮與雞肉的比例恰到好處，甫一入口就爆發出一股令人滿足的脂香，細細咀嚼過後，又是一陣溫和的肉香，不膩不腥。油飯亦是海南雞飯裡不可忽視的一部分。筆者平日里愛吃富有嚼勁的米飯，這裡的米飯略顯軟爛，好在沒有黏作一團，再加之到位的油香，也可說是一種美味了。最後是佐料，筆者口味清淡，無論吃什麼都不加佐料。唯有這間的佐料實在獨特，比醬油濃稠，又多了幾分甘甜的味道。用雞肉蜻蜓點水地沾一記佐料，挖一大勺油飯，一同塞入口中，可以治愈一天的不愉快。值得一提的是這裡的飲料與正餐相比實在不盡如人意，總有過甜的問題，似乎並不能起到解膩或潤喉的效果。每次來這裡，都好似被餓鬼附身。狼吞虎嚥地吃上一頓，把腦袋撐得昏昏沉沉，走出店門吹到陣風的時候才稍稍清醒。

大角咀是个社区小店浓度极高的街区，总结起来就是一人食友好，价格很实惠，地方风味多，环境也不差，多了几分商业区没有的温馨人情味。·这家虽然人均高了点，但味道和态度都很好。【海南鸡饭套餐】鸡皮爽弹，鸡肉嫩滑细腻，是我喜欢的肉质不算肥的鸡种。肉质新鲜，嚼劲因此也很柔韧，吸收了酱汁淡淡的酱油麻油香气。·自助蘸碟有姜葱蓉、辣椒酱、浓稠的黑酱油三种，其实不用蘸都足够有味，蔬菜量也不错。最惊喜的是这一碗鸡油饭，粒粒分明、略松散的米粒间充盈着咸鲜润的油香气，空口吃都能轻松扫光一碗。·把套餐里的肉骨茶换成了清新微甜的柠檬薏米水，一杯下肚饱足又舒坦。