敘福大酒樓 (已結業)

提早慶祝父親節!黎呢度食海鮮!因為呢度ge海鮮都吾錯!黎呢度一定要搵麥sir整鮑魚,佢整ge鮑魚完全正,手勢好,吾會整到鮑魚太老,岩岩好夠火候,完全好味鮑魚又鮮甜又彈牙!!!

係星期日去飲茶，等左10分鐘到都算唔錯喇。不過佢D侍應就服務就麻麻啦，但係佢果D咖哩魷魚就真係好得，好有咖哩味，又唔算太林真係好正，其他果D都唔算差又唔算太好，中中挺挺啦。

人生每年到底有幾多個假期呢? 師傅就真係唔知, 但係只知道一樣野, 就係爺爺教落 “今朝有酒今朝醉”, 所以師傅趁著假期結束之前, 又再一次做一d平日做唔到嘅野, 而今日就揀左嘆下午茶! 上次師傅單拖去嗰間就食得貴, 今日就決定轉一轉地方, 揀左呢間酒樓! 去到酒樓接待處, 同知客講一個人, 於是知客就帶師傅入座; 入到酒樓明明見到大把位嘛, 都唔明點解係要搭枱? 莫非一個人就要受到歧視? 雖然師傅唔介意搭枱, 但可唔可以搭枱都搵個靚女呀? 好搭唔搭, 偏偏搭著個阿叔, 兩條麻甩佬互相對望, 感覺相當怪異! 坐底後立即開壺香片先, 當伙計一放低壺茶, 師傅當然要即刻飲番杯先, 香片一d都唔香, 第一浸都冇香味, 呢d香片都算差, 而且味道十分之淡口, 同水都冇咩分別, 唯一可以講係有色囉, 香片真係麻麻地……飲左杯茶後師傅即刻睇下有咩想食先, 第一架見到嘅推車仔竟然有干蒸牛肉同蝦餃, 於是二話不說就每樣一籠, 干蒸牛肉蒸肉身唔實, 談得上鬆軟, 整體都算不錯, 但有味精, 所以呢個位都扣唔少分; 而蝦餃賣相一般, 唔算晶瑩, 而蝦餃皮算得上好厚身, 皮係又韌又硬, 淨係塊皮已經算差,

星期六都有下午茶，下午一點幾就好多街坊等位，門外賓墟般的埸面，落雨天由甚。最愛魷魚鬚、山竹牛肉、粟米魚蓉粥、紅豆沙、麻蓉包、流沙包、蘿蔔糕、煎腸粉、叉燒腸......魷魚鬚個脆漿薄但係有好好味，好多人叫，有時留唔到下午茶茶客。山竹牛肉好新鮮，少少香茅味，好食。粟米魚蓉粥，下午茶特價。叉燒腸走芫茜會更加好。仍堅持人手推點心車，少見。地方算大，人多，點心就款多又新鮮。抵食過同場的美心。

其實做人做得咁唔聽人意見.就不好要家人.拿住錢自己生活就好...兒女當年都出身啦.為何還要一個新家庭?而生出來的人...更是一無是處,是報應講返正題.呢個商場有間餐廳是正常.味道不太出眾.都可以.堅持己見.一定要到呢間飲茶待應懶散,圍埋一起傾計...而點心更不用逐件評...呢度的食物.只是用平價味精調味.食完勁口渴..而且食物好肥腻.個種飽係好脤肚,頂住個隻甜品是放左好耐,而勁凍的...最平的鴨瀨粉.瀨粉好似溶左啦一旦.而的鴨肉都係骨,勁鹹總之不來也罷

在此僅申明此酒樓名應為叙福大酒樓某日某一個晚上邀約了一位朋友到此一試如下：發現地方闊落，枱椅餐具整潔，有大型水晶吊燈及樂声牌LCDTV等 豪裝(新裝修不到一個月)。四人用晚餐兩個人吃金湯勾翅足六碗---金黃湯底樣子吸引，勾翅量多，惜欠了金華火腿味及有少許腥白灼海中蝦---隻隻夠大、夠爽、夠新鮮，足14兩切雞拼燒腩---兩人份量算少，質量尚可，黃油雞，燒腩皮脆另兩小菜從二十多款中任擇，揀了：蜆蚧班柳煲---鹹味蓋過鮮味及香味，班柳沾粉略厚但量還多翠玉瓜炒花枝雞柳---多菜少肉之選總體出菜太快及因冷氣足，導致吃掉白灼蝦後其它菜(除了煲仔)卻涼凍了。埋單茶介加一共HK$390 (冇叫白飯)

屋企有２個人都好鐘意飲茶。一心想試晒天水圍所有既酒樓，走左去從來都唔係太想去的敍福樓。3個人，星期六，約1:00pm，個場都幾大，冇full，去到即係有位。坐落睇下，搭枱位置茶$$5/位，唔搭枱位置$7/位。好似係廳房就唔搭枱。我地坐左出邊，4人枱，一路都冇人坐埋黎。未到下午茶時間，先叫左個餐$65,有2個點心任選+1碟粉麵+1個油菜。要左沙爹肥牛米粉，不過不失。雞扎---一般燒賣---肉多，唔係蝦燒賣，但都幾鮮味芥蘭跟住2:00pm後，叫左幾個點心。豬手---屋企人話好食珍珠雞--2大舊，加埋似糯米雞多，都好味"戶"角--3件，熱熱地，OK1件咸水角+2件炸雲吞---好味，2件都好脆蒜茸鮮尤---幾"諗"九菜餃--皮唔夠薄，九菜唔香埋單$150。大家都好飽，點心幾大件。

2/11 同皇子白白痴痴咁中左入黎，皇子話吃埋飯先喎；眼見荒原百里咩都無，所以最後決定入去酒樓吃啦，諗住衰極有限卦；哈...中招添~~2人任食火鍋(限2小時)拼澳門豬骨鍋底所謂既熱食，竟然係炸南瓜、蛋散、cheap燒賣、硬哂栗米、想死所謂過百種打邊爐配料，數極都唔夠30種，仲要菜都霸左8款去。所謂海鮮拼盤(每枱都送)，米就係死蝦8隻囉。所謂酒水任飲，只有酸梅湯同奇怪芒汁水，啤酒同罐裝汽水要比錢。所謂乳豬/片皮鴨，等到8點10分先出場，有兩隻；跟住應該唔會再有囉(差d等唔到囉)這一餐我同皇子真係無野好講，打死我罷啦，因為打死我都唔會再黎囉~~埋單都要$248呀，殺左我啦。我今日直程覺得自己係低能架，竟然堅持走入這間舖囉!!!

放工, 一班同事去天頌敍福樓打邊爐, 六點廿五分去到, 叫了鴛鴦湯底, 六點三十分著爐開始計時, 限食兩個鐘, 其實一路食一路計時, 剎風景, 不過, 坐得落座位又聲明在先, 認命, 食呀食, 試呢樣, 試果樣, 用芒果雪榚扮發蛋, 用黎浸芝士腸食, 一切正常, 和其它火鍋店沒有分別, 後來, 工友的女兒於七點半來到, 她有一個小時吃, 趕呀趕, 吃到八時廿分, 全部人已飽, 不打算再添食, 爐仍在滾, 淥緊一個公仔麵, 是那位女孩子 last 一味菜, 我們就叫伙計埋單, 伙計望下個爐, 驚我地埋左單但有排坐唔走, 叫我們不要埋單住, 我說為甚麼而家不能埋單, 她說埋單就要熄爐, crazy, 緊張程度, 令人咋舌, 這一間敍福樓, 相信以後少到本人極討厭那些限制顧客進食時間的食店, 講真, 要食飽個肚, 我只須20分鐘就可以, 但消費者付出金錢, 是要享用一個環境, 清靜, 舒適, 不用自己張羅, 無拘無束閒聊

早茶試過幾次d點心都唔多ok,比較多油,反而晚飯就ok啦,d侍應就服務一般,不過d食物就唔錯,最意想不到係晚飯贈送果d糖水有d驚喜,唔會過甜但又唔係淡而無味

從來都無食過咁無味道的火鍋，一個比清水還要清的湯底，一些完全無味的火鍋料，兩個人，吃了不足一小時便走了．．．　差勁．．．．

我都算係食自助火鍋食得多啦，之前嘅都冇咩特別，不過我覺得呢間真係幾好食，啲食物又多款，我覺得佢\已經係元朗手屈一指食自助火鍋地。啲肥牛同鱔片呢啲「經」貴嘅食物都可以自己去拎，而且都算靚，你鍾意食幾多都得，有幾好飲嘅橙汁庶汁酸梅湯任飲，連醬油都可以任拎，火鍋方面已經比天水圍多好打邊爐嘅地方好好多。另外熟食嘅都有曼頭燒賣嗰啲野食，不過就唔係好好食，可以不理，不過最正就係有一兩輪嘅片皮鴨同椒「嚴」賴尿蝦食，淨係咁已經覺得呢間野好有hard，最後配備埋雪糕同埋少少甜品！已經可以比得上有骨氣啦！最緊要係價錢差唔多一個人一舊水，抵食。啲侍應又唔係好次其他人咁咁衰喎！我跌左野佢\地第一時間幫我執，我講唔好意思佢\仲話：「唔好咁講！」計埋tips，兩個人剛剛好兩舊！如果唔講價錢，我覺得佢\好過小肥羊！！！

侍應呆呆地，仲無咩禮貌，離我2個身位有個女侍應，注意唔係傳菜，係著西裝的女侍應，叫左佢2聲、，佢明明聽到，唔應，等3聲佢先應：，呀，比錢你使你咁串?叫左個乳豬併盆黎左個只有乳豬的一碟東西，叫侍應B埋來問，佢呆下呆下，無回應，左碟野走，10分鐘無返過來，問個部長，先知原來換緊。。。酒樓服務質素真係好唔得，食完之後叫個部長埋單，佢叫我地出柜位埋，唔通呢度係茶餐廳?仲夠膽死收加一?以下服務比1分原因係無負分選擇。食物OK啦，唔係好亦唔係差，全9大3小食左7百幾，都算唔貴，不過如果唔係美心金閣無得訂位，根本唔會考慮呢間野。都唔明點解呢個世界有咁多人講又唔聽，聽又唔明，明又唔記，記又記唔緊。。。

20070407進天水圍逛濕地公園，索性也就在左近醫肚，原本想著這裏的酒樓可能會便宜些，不過也就是稻香價。除了價錢以外，味道也是十分的正常，加上沒有窗景，所以，說它是港九新界任何一家街坊價酒樓都有人信：）點了蝦餃、鴨腳紮、叉燒腸、欖仁馬拉糕、蛋黃麻蓉包、蛋黃蓮蓉包、糯米卷，另外加兩碟生菜全走，和一份幹炒牛肉飯。下午茶時段有瀨粉9.9元特價，叫了一個配燒肉的。感覺上，蓮蓉包比麻蓉包更勝一籌，餡料更粘滑些；馬拉糕比坊間一般的出品搓多了點油，更香一點；牛肉飯炒得很幹身，碟底無油，不錯。燒肉瀨粉不太好，燒肉偏鹹，瀨粉則全無瀨粉之樣貌，倒像是米線。這裏最特別的恐怕還是保持了推車仔賣點心的傳統習慣吧，油菜、煎炸等等也是得自己拿住張紙跑去counter：）也已經是非常罕有了，如濕地的敏感生態一般，值得保護：）

年初二早茶，茶錢double。１）未食過馬拉糕冇味到咁，平時o個ｄ好有蛋味架嘛…２）流沙包又乾３）牛柏葉勁油…點解可以成啖油？見到都驚其他已經唔想再提．．．好懷疑全部都係隔夜食物…食麥記仲開心呀！