影片
以上資料只供參考, 請與餐廳確認詳情
不用懷疑，我絕對是香港人，只是太喜歡韓國文化6點半應約到故鄉，發現這個場好大，座上客卻少得可憐...是有一絲懷疑的! 懷疑朋友究竟係咪真是試過?!點了1個6人餐，一道又一道上菜，轉瞬間，枱面都擺滿了!!! 這六小碟也不錯，和韓國一樣，這裡的小碟都可以再添! 六小碟當中，我推介大豆芽菜、凍菠菜，覺得好健康!!我們至少添了3次大豆芽菜，又添了5次凍菠菜，真是有少少唔好意思..但店員依然笑容可掬，說「無問題，慢慢食，食多啲」肉來了~這一碟已經有豬肉、牛肉、雞肉、以及特級牛肋骨一件，份量是少了點，每人都只得一、兩件，那特級牛肋骨的size也太小了!店員會主動為你燒的，不用自己落手落腳..然後有幾款熟食，先是韓式炒粉絲，這個略油，但挺好味再來是韓國名物炒年糕，朋友說好好吃，不過我嫌不夠辣服務我們的店員是香港人啦，但她聲稱「做咗呢行好耐」，所以能說一口流俐韓文，她為我們拌飯，最愛的石頭鍋飯..心心眼!!海鮮煎餅就沒有什麼特別，但餅好軟，都okay有奇怪點解好似睇極都睇唔遠呢篇食評? 因為這是6人11道菜韓式燒烤晚餐!!!最左邊的是野菜牛排骨湯，好暖，好好味!還有漏了韓式豆醬拌生菜，忘了影，反正就是生菜加些豆醬，主要用來包住燒肉食的啦! 最後就有部隊鍋，豆腐好入味，仲有公仔麵，仲有午餐肉!!!正呀!!最後encore點了炸雞，還是李家好吃!!p.s.當日隔離枱就來了一班呀珠媽，笑得好開心，吃得好豪邁，喝得好狠，真的思鄉了~
繼續閱讀
在團購網看到這新開張的韓國餐廳，又不用加一已全包，今次三人行買了$468的四人餐，一上到去全場職員九成是韓國人,笑容友善，全場得兩三枱人，可能新開張同埋已經九點了！一交低團購列印，之後便選擇餐單內的選擇部分！我們選擇了炒年糕和牛骨肉湯！此四人餐包括三片豬腩片，豬牛雞各少許，豬腩片比較薄，同正宗烤五花腩有出入，各肉類味道正常、不是太重味精！餐前六小碟的泡菜比較失色，食落似某超市牌子的泡菜，其他都可以、而且食完可以再添！牛肉炒粉絲不太油，味道ok!炒年糕也是正常，沒有太大驚喜，豬肉鍋飯菜比較多，飯比較軟身，全晚亮點可能係牛骨肉湯，裡面有三嚿厚牛骨肉，入囗軟淋，湯亦十分濃，十分滋味！四杯柚子茶側比較寒酸，只有韓式啤酒杯的細份量，柚子蜜都好少！其實都係開水者，大杯都不太過呀！最後另叫一罐可樂！嘩！連加一$28！冇計！預左要咁貴！總結係食物質素不高、團購側抵、職員招呼周到親切！如果散叫，我估有更好既選擇！
繼續閱讀