摩芽雞蛋仔 (已結業)

掃街一向係我嘅至愛 呢條元朗又新街更加係成日都嚟食 真係由細食到大 不過佢不停有唔同嘅舖頭開 呢間摩芽雞蛋仔就係其中一間開咗冇耐嘅鋪頭 叫咗個宇治金時格仔餅 佢係加咗紅豆入去綠茶味嘅粉漿入面做格仔餅餅底 入面再加上煉奶牛油花生醬同砂糖去做格仔餅個餡料 呢個做法真係好創新 綠茶味好濃 而且紅豆肉又大粒又林 綠茶同紅豆超夾 加上面煉奶牛油等等嘅餡料 真係好邪惡 而且半價就可以加個飲品 藍蝶花柚子飲品 酸酸甜甜個樣仲好靚添 廿幾蚊食個下午茶 好抵…查看更多

今日晚上好想食星星朱古力雞蛋仔，但係佢竟然話今晚冇星星，所以係餐牌上就點左其他味道，就係流心蜂蜜雞蛋仔，第一次試呢隻味道，但係不似預期，原來裏面只係一啲蜂蜜嘅爆珠，即係擺喺台灣飲品入邊嗰啲粒粒爆珠，蜂蜜味好人工，味道同雞蛋仔都唔夾，所以好後悔試咗呢隻味。星星朱古力好味好多。下次都係唔好亂咁試其他味…查看更多

食完放題，返到元朗，又想食雞蛋仔了，排隊時見到好多人叫抹茶紅豆味，好奇心驅駛下就試下。雞蛋仔同樣地外脆內軟，入面軟糯，但老實說無乜抹茶味，但不是完全零，但同佢個顏色唔太match，底雞蛋仔既綠色咁深，你會期望係濃味的，可惜真係好淡抹茶味，咬落除非好刻意感覺，否則同普通的沒兩樣。而且沒有獨特的抹茶香味，好彩仲有有粒粒紅豆，數量算不錯，有咬口，可是同樣無咩紅豆味，有少少失望！…查看更多

黎到元朗呢個我勁唔熟悉嘅地方，周圍行都覺得好新奇，好似去左旅行一樣，食肆多、街邊小食店又多，簡直要帶4個胃去先得，樣樣都想食囉 （笑）第一次食摩芽雞蛋仔，揀左土鳳梨口味，朋友話上次喺葵芳食，塞到滿滿鳳梨餡，但我對它就「不」，因為太多餡就食唔到雞蛋香，又會過份甜😣 好彩。。呢底每粒只有一半/少於一半嘅餡，外脆內軟，中間仲有少少濕潤感，而且鳳梨餡酸酸甜甜的，唔算太甜太漏，係好食嘅。如果可以一半有餡，一半原味仲正吖 😎下次再幫襯應該唔會食同一味，可能會係芝士吧！我見到蜂蜜味，但感覺佢會堅甜，試唔試好呢 （笑）…查看更多

鄰居成日都話又新街有間雞蛋仔好脆口好好味，但就成日唔記得叫咩名，叫我自己揾。今日，我終於食到了，因為買俾囡囡食，當然要係好東西！好多款式，我無試原味，反而我試了芝麻味。原本以為應該係少少芝麻灑係中間就算，點知一食，第一口係脆的，內裡是軟的，再望一下，嘩！原來每粒都有好多芝麻，裡面仲有滿滿芝麻碎，估佢唔到咁多料，驚喜，不是hea貨！員工態度亦都好好，雖然人多，但我問多兩句都冇黑面，抵讚！…查看更多

又新街真係好邪惡呀，次次黎親都會失手，明明已經食晚飯，仲係食得好飽個種，黎親都仲係會買野食，今晚買左雞蛋仔，摩芽都進駐左元朗好一陣，次次黎親都好多人。因為即叫即整嘅關係，落完單起碼要等十五分鐘先有得食，拎起上手熱辣辣。買左雙層朱古力味，好香朱古力味喎。粒粒雞蛋仔都有朱古力㗎，朱古力蛋醬好香蛋味又有朱古力味，微甜。外脆內軟唔係得個殼，熱辣辣香噴噴，好好味。夜晚掃街好選擇，不會食得太飽，食完又唔會整污穢隻手…查看更多