探魚烤魚

營業中

休息中

係沙田行街經過探魚比佢嘅香氣吸引左入去😂。叫左個重慶豆花烤魚（$328），凌波魚啖啖肉，無咩幼骨，可以放心食。豆花有好多舊，愈煮愈滑，仲有薄荷葉嘅香味。同係重慶食到嘅味道好相似。墊係底嘅有黃芽白同洋蔥。仲有唔同餸可以加落去，我加左海帶。😆小食就叫左爆漿糍耙（$58）同小酥肉（$58）。多數見嘅都係紅糖糍粑，呢到嘅係雙色同有饀嘅。黃色嘅餡係帶點奶油吉士嘅味道；黑色嘅外層係芝麻味，入面係流心紅糖。小酥肉外脆內酥，粉漿唔會太厚，食落香口。〰️低糖黑豆漿（$19）〰️低糖五穀米漿（$19）〰️〰️📍探魚烤魚 (沙田)沙田沙田正街18號新城市廣場一期6樓626號舖

探魚個名真係講得冇錯，食完就會成日想再探下呢間探魚。環境好好，服務亦非常唔錯，入到黎都會叫下口號，沉浸感十足。另外我地叫左個醬香味烤魚，＄298，我揀既係凌波魚，魚肉好多，而且唔多骨，可以放心大啖食。醬香味亦係好出色，香口得黎唔會over，岩哂香港人口味。海陸空天團（15串）＄68味道冇得揀，而且好夠辣，雖然佢冇標示係辣既，但一黎到食落口發現咁辣，就覺得好有驚喜好出色，推薦大家都一定要試。易燃易爆小吃天團 ＄68咁大碟都係68，我最中意佢既炸金菇，好食。

-探魚烤魚-📍沙田.成日聽朋友同事講大陸嘅探魚好抵食，依家係香港沙田開咗探魚，近近地就去試吓。因為收工比較晏，大概8:30打後先到，見到餐廳內都好多食客。.醬香味烤魚 ($318)烤魚嘅款式有好多，因為朋友唔太食辣，所以點咗醬香味烤魚。.用的係鈐魚，份量好大，魚皮似係煎香過，魚肉好厚身，肉質好細嫩，冇咩細骨。.醬香味好濃，唔會太鹹，加埋魚嘅鮮味非常好食。.芥味海茸 ($48)第一次聽「海茸」，食落外層軟滑中間爽口，加上微辣嘅調味，非常開胃。.爆漿鴛鴦糍粑 ($58)一向都喜歡糍粑哩款甜品，探魚的糍粑仲做到爆漿效果，外層軟糯，咬落流心唔太甜，必點甜品。.本身仲想食冰粉，但係魚嘅份量實在太大，食到非常滿足，下次嚟食要試埋任食冰粉。.

平時自己都好鐘意食烤魚，最近見呢間係內地超出名嘅烤魚店係香港開左分店🤩當然要試下啦沙田分店裝修走Cyper風，味道同內地係差唔多👍🏻值得一讚佢地個冰粉仲可無限添加，配料亦好多，食完烤魚再食清甜解膩重慶豆花烤魚 $298 有3款魚揀，今次揀左凌波魚，大大條肉質夠滑，唔算好多骨，味道香口惹味面頭加左好多辣椒，不過湯底其實唔算辣，食落帶鹹香同香麻味，入面仲有啲娃娃菜、豆腐等吸湯後好好食小食小酥肉酥肉外皮香脆，肉質軟諗，另外仲有啲爆谷香甜，口感更加豐富香烤花菜花菜爽口，加入調味更加香口，不會太油膩另外佢地+$9就可以任食冰粉，配料有花生🥜桃膠、寒天晶球等等，有助解辣飲品有各式豆漿，另外仲有番茄汁，今次叫左雪碧同可口可樂，好有驚喜

圓圓嘅入口好突岀餐廳提供多款烤魚湯底想幾辣有幾辣🔅古早沙茶醬烤魚 $298 揀咗凌波魚，肉質細膩、嫩滑而且佢無細骨，啖啖魚肉，食得方便配菜有豆卜、鴨血、蟹柳、響鈴同埋西蘭花等等而沙茶醬湯底唔會好辣，夠晒濃郁令每樣配菜都變得惹味🔅易燃易爆小吃天團 $68有齊幾款小食：椒鹽金針菇、嘭嘭小酥肉絕絕子爆汁炸雞同埋脆脆山藥片炸雞保持到juicy，而山藥片有啲似蝦片，好有趣🔅醬爆鴛鴦糍巴 $58有黑有白，外層煙煙韌韌，餡料甜絲絲小編偏好黑色糍巴，餡料似黑糖，夠香🔅無限探索冰粉 $6/位食烤魚覺得太辣或太濃味，食碗冰粉剛好清一清多款配料任加，例如白珍珠、桃膠、爆珠提子乾同黑糖片等等

之前同屋企人係深圳食過一次，見到香港都有，又想食下。香辣味烤魚上到枱好大條魚，叫左凌波魚。上面佈滿辣椒同西芹，下面仲有火hit住。呢個辣度剛剛好，唔會太西利同埋唔會麻。魚既肉質係好實淨，雖然都有少少好幼既魚骨，但都唔會成條魚成身都係。絕絕子爆汁炸雞係一個無骨雞件，啖啖鮮嫩既肉，入面好多肉汁，外脆內軟，好好味🤤海陸空天團串燒有成15串，尤魚好惹味，上面有辣味粉，好有四川風味。雞軟骨好脆卜卜，都好香口。冰粉任人添食，食左3-4碗。入面有個黑糖麻糬粒粒好Q彈，好有咬口。幾好食，仲有桂花蜜糖，好清甜。食完辣烤魚可以中和下解下辣。

解鎖冰粉自由，只要6元，無限搭配添加探魚餐廳裝修好特別，黑色與橙色加閃燈的門面，好科幻感覺，聽到店員說點餐冰粉只要6文，茶飲免費自助，好優惠，立刻覺得一定要試試🍧解辣冰粉冰粉可以配料自由搭配，有桃膠、山楂餅、薏米、黑糖麻薯、醪糟、爆珠同小丸子等等，配埋沙冰、桂花花蜜、紅糖同生椰，不但解辣，而且美味，作為甜品一流，我們兩個三碗下肚已經半飽🙈🙈🐟 鮮青椒爽麻味烤魚一上枱！哇！超大條，香噴噴魚上面鋪滿青椒麻椒～少少麻不太辣，感覺不太食到辣的朋友都可以試試，魚方面我們點了凌波魚，沒有骨刺，大啖啖吃都不怕有刺，非常惹味，除了叫魚之外，記得要叫配菜，因為我們食量小，所以只加了重慶豆花，豆花吸飽魚汁滑嫩鮮甜美味😋🍡爆漿鴛鴦糍粑之前吃過的糍粑都是條狀的，沒想到探魚的糍粑和日式芝士年糕一樣是扁圓形的，軟糯香甜

作為沙田之友嘅我，梗係去沙田新城市覓食㗎啦！上次食西餐廳經過見到呢間內地超紅嘅烤魚店，其實我係廣東肇慶都食過一次，所以今日試嚇香港食嘢有咩唔同先。Step 1 先選好魚「🐟 淩波魚」 $298~ 無小刺骨，肉質細膩Step 2 選擇口味「🧂醬香味烤魚」 ～ 唔辣之選，味道唔會太鹹，幾好幾好。Step 3 再選輔菜探魚鮮豆花 $30［最佳烤魚伴侶］🍖 易燃易爆小吃天團 $68～椒醬金針菇、嘭嘭小酥肉、絕絕子爆汁炸雞、脆脆山藥片，一次過試曬幾款炸物，正呀！🦑 一把滿足魷魚鬚 $58～燒魷魚鬚，加上辣粉，十分惹味。🍧 任食冰粉 +$6～好多配料選擇：桃膠、燕麥爆珠、寒天晶球、白珍珠、桂花蜜、紅糖汁、生椰、山楂片、葡萄乾、黑糖麻糬。🌟原來仲有午市一人餐，$98咋

去沙田新城市廣場逛完 發現6樓一間好sharp醒嘅烤魚店 離遠已經望到鮮橙色裝修 食物價錢合理 於是入去試吓-🐟醬香味烤寧波魚我多數食江團魚或者清江魚 店員推介 於是試寧波魚 配唔辣嘅醬香汁-寧波魚肉厚肥美 肉地腍身 夾魚嗰時 魚肉又唔容易散開喎😊 魚骨係粗大型所以唔擔心口中有小魚骨哽親 醬香汁我亦係第一次試 味道近似中式麵豉醬加日本味噌嘅混合體 濃郁鹹香 一邊食魚一邊食啲香烤花菜/豆芽 再跟白飯 味道剛剛好 -最後係甜品時間😘 每人追加$6 可以喺自助冰粉區🍧無限次為自己度身訂造特調冰粉 性價比超高-🍡爆漿鴛鴦糍粑糍粑冇用大路嘅紅糖漿 改為鹹甜兩款一齊上 成為鴛鴦口味 淡芝士🧀加黑芝麻 少甜少鹹 又幾正喎😍-📍探魚新界沙田區沙田新城市廣場1期6樓626室

以後想食探魚唔一定要過關😆黎沙田新城市都有招牌探魚 烤魚款式多不勝數: 青椒爽麻/金銀蒜香/重慶豆花/牛蛙烤魚/古早沙茶/咖哩味等… 仲有冰粉任食都係比6蚊！首先門口成個星球大戰入口咁sharp 差啲以為自己要玩機動遊戲🤪內裡嘅卡座都幾寛敞 又有自助斟水站 冰粉區都幾多配料選擇！食完啲熱焫焫嘅煲黎個cool down啱哂🍧。。。🦔✢ 鮮青椒爽麻味烤魚 $298偏好椒麻嘅小妹就試呢款！偷偷地備註了小辣 好彩雖見好綠嘅青椒都唔會辣到入唔到口 最多係浸耐咗湯 麻感多咗~ 預設嘅凌波魚🐟本身唔洗加錢 肉質恰好又無乜骨！但如果想試高級啲或肉質更有彈性嘅黔魚/鮰魚亦可加錢upgrade 淨魚都佔咗3/4嗰煲 我就堅決要有澱粉的😈加$30要咗份寬粉 質感煙韌有彈性 入哂味一流！ ✢ 爆漿鴛鴦糍粑 $581份6粒 真係夠大胃先好點🤣微微爆漿 又唔會太膩 黑白兩味都幾有心思 趁熱食最好！ ✢ 香烤花菜 $38食下魚都要食下菜！份量剛好 辣粉亦唔會辣到擺唔入口 ✢ 凍低糖紫米豆漿 $19開嗰蓋需要點小智慧 好彩店員好好地黎幫手開👍🏿真係唔太糖 味道剛好 飲唔哂仲可拎走 ✢ 沙棘原汁 $38唔好睇佢橙汁咁樣

相信大家對探魚一定唔陌生，係內地十分出名，終於開到黎香港啦🥳，唔使北上就可以食到超級美味嘅烤魚，當然要去試下😝。餐廳環境寬闊，乾淨企理，全部都係卡位，坐得相當舒服☺️。金銀蒜香味烤魚🧄🐟呢款口味係唔辣嘅，啱曬我呢啲唔食得辣嘅人👍🏻。我地揀左淩波魚🐟，加左萵筍。凌波魚無小刺，肉質十分嫩滑細膩。金黃色嘅一盤烤魚，鋪滿香蒜粒同炸蒜🧄，蒜香味超濃郁，再配有兩大舊茄子🍆。一開始好驚蒜味食完會口臭，呢個烤魚完全唔會，而且唔會超級濃味，味道剛剛好，出乎意外好味🤤。小食：易燃易爆小吃天團、海陸空天團（15串）🤩易燃易爆小吃天團全部都係炸物，分別有小酥肉🐖、炸雞🐔、椒鹽金針菇🍄‍🟫、脆脆山藥片，非常豐富。小酥肉同炸雞，顏色金黃，外脆內軟，山藥片亦十分脆口，當中椒鹽金針菇最爲特別，配埋泰式辣醬真係絕配👍🏻。海陸空天團，有魷魚🦑、掌中寶（即係雞軟骨🐓）、牛肉🐂，各5串，一共有15串，啱曬選擇困難症，咩都想試嘅我。串燒上面加咗孜然粉，同少少辣粉，十分惹味😋。最後甜品部份就係有無限任添任食嘅冰粉😲，食完較為濃味嘅烤魚，食埋清涼嘅冰粉甜品就啱曬啦。重點係自助區可無限任添任食晶瑩爽滑嘅冰粉，配料多達十款，可加配埋椰汁

一間專門做烤魚嘅餐廳，真係令人回味無窮。首先，青椒爽麻味烤魚，魚肉鮮嫩，搭配青椒嘅清香，麻辣味道恰到好處，令人食得過癮。每一口都能感受到青椒嘅脆口，真係好合拍。接住就係鮮青椒蛙哈哈烤魚，呢道菜嘅蛙肉滑溜，加上青椒嘅香氣，口感上更添層次。蛙肉嘅鮮味同青椒嘅清新結合，令人一試成主顧。再來嘅醬香味烤魚，醬汁入味，魚肉吸收咗所有香料嘅精華，味道濃郁，令人停唔落口。香辣味烤魚就係另一番風味，辣味十足，對於鍾意刺激味蕾嘅食客來講，呢道菜絕對唔可以錯過。每一口都帶有強烈嘅香辣感，真係令人欲罷不能。重慶豆花烤魚就更加特別，豆花嘅滑嫩同魚肉嘅鮮美相得益彰，令人感受到一種新嘅味覺享受。最後，毛血旺味烤魚同金銀蒜香味烤魚都值得一試。毛血旺味道濃烈，帶有一種獨特嘅香氣，而金銀蒜香味則係用蒜頭增添咗香氣，令人一口接一口。整體而言，呢間餐廳嘅烤魚系列真係好有特色，無論係味道定係擺盤，都令人感受到復古懷舊嘅魅力，非常值得推薦

📍沙田位於沙田新城市廣場的探魚餐廳，憑藉地道的烤魚料理由深圳開到香港。一直都好想試，終於有機會，品嚐了幾道經典菜式。首先介紹的是**豪吉®️藤椒油鮮青椒爽麻味烤魚**。這道菜以其獨特的藤椒油為特色，濃郁的麻辣味在入口瞬間爆發，搭配新鮮青椒的爽脆，讓人一試難忘。魚肉鮮嫩多汁，充分吸收了藤椒油的香氣和青椒的辣意，麻中帶辣，辣中帶香，層次分明，堪稱一絕。接下來是**嘭嘭小酥肉**。這道菜以外酥裡嫩的口感取勝，每一口都充滿驚喜。酥脆的外皮與多汁的肉質形成強烈的對比，咀嚼起來滿足感十足。最後品嚐了**爆漿鴛鴦糍粑**。這道甜品以其內餡爆漿的驚喜效果而著稱，外層糯米糍粑彈牙，內裡的餡料則香甜軟糯，讓人忍不住一口接一口。此外，餐廳還提供任加的冰粉，讓人感到非常貼心。冰粉的配料豐富，有山楂、椰汁、紅糖水和桃膠，清涼解暑，特別適合在品嚐了麻辣烤魚後食用，起到了很好的解辣作用。探魚絕對是喜愛川菜和烤魚的饕客們不可錯過的美食地點。

每個星期都要相約一般朋友上深圳吃探魚！終於終於「探魚」入駐香港沙田啦！就算不是沙田友，都要立馬約朋友一齊去「探魚」開心吃魚！一進探魚最直觀的感受就是燈光營造整個空間火辣辣的感覺！首先必點的鮮青椒爽麻味烤魚店裡的王牌烤魚，整個造型烤爐超級霸氣，烤魚點選了凌波魚，凌波魚肉質細嫩，配上藤椒麻辣鮮香。自助茶水區供應免費花茶茶包：有荷葉茶和菊花茶供客人選擇，消滯解膩；相當貼心。每位加＄6任食冰粉冰粉可選擇好多配料，包括提子乾、桃膠、燕麥爆珠、酒糟、寒天晶球、白珍珠、山楂片、黑糖麻糬、花生；自選糖水：黑糖、生椰汁、桂花蜜我們還額外點了小食拼盤和小食花椰菜，可單吃，可是我發現把炸品小食放進烤魚盤裡吸汁，真的太絕了！

舖頭門面好科幻，內裡座位足夠，分為兩邊大廳，環境同裝修同大陸嘅都差唔多，有冰粉自助吧，茶水自助吧，方便我哋自己按需求去拎嘢！今次叫咗一款烤魚兩款小食，由於唔食得辣，就揀咗古早沙茶醬烤魚魚身本身係寧波魚，整得冇魚腥味，配搭住沙茶醬，味道香濃，整體嘅份量都好多，配菜分別有蟹柳，豆卜，芽菜，鴨血，西蘭花，響鈴，最緊要就梗係扒多兩碗白飯啦！小食方面，叫咗嘭嘭小酥肉，絕絕指爆汁炸雞，小酥肉香脆可口，而爆汁炸雞係真係非常Juicy，入邊嘅肉質嫩滑多汁！最後食埋任食冰粉，呢個真係吸引，每位只係加$6，自助吧可以Taylor made自己鍾意食嘅材料尤其是而家炎炎夏日，食完濃味小菜，再食返碗冰粉真係透心涼，最後食咗四碗先埋單，性價比好高！