掂檔車仔麵 (已結業)

很久沒吃車仔麵，這晚決定來個快捷的晚餐，便想到尖沙咀公司附近的掂檔。地方乾淨，而且有圖非常清晰，除了車仔麵亦有飯，煲仔飯和各類小食。而且居然有珍珠奶茶飲！和外面旺角飲品店的味道其實差不多加8元可以多一個菜隨麵送上辣辣菜甫，有點辣，爽口，幾特別。我選了豬血豬腸冬菇魚皮餃和雞翼尖，豬血不錯，冬菇也夠入味，令人驚喜的是雞翼尖，和外面煮得爛溶溶的不同，仍保持了皮的煙韌感，而且味道濃郁，而米線也不會煮得爛，湯汁味道也好，可以再來吃。

小妹係佐敦工作 今日約埋同事收工去尖咀行街街 大家做左成日野已經好肚餓 由佐敦行去尖沙咀 係北角雞蛋仔隔離 原來開左間車仔麵 就入去醫醫肚先啦🤗以車仔麵店黎講 e到好多選擇 因為除左車仔麵 重有海南雞飯 撈麵 滷肉飯同大量小食 不過我地2個女仔都係對飯冇咩興趣 都係一人嗌左一碗車仔麵🍜 另外加左2隻招牌山寨雞翼 （加$8） 這個雞翼十分推薦🐣🐣 卜卜脆既外皮😍 脆到冇左雞皮個種感覺👍🏻👍🏻 連平時唔食雞皮既同事都食得乾乾淨淨 而上面有些椒鹽粉 咸咸的好滋味 👏🏻👏🏻而車仔麵 講返湯底 都幾多選擇 我就選了秘製汁小辣 友人選了鹵水汁 前者辣辣地而且十分濃味 而友人的我都試過 小小甜甜地又唔會辣但又好夠味👌🏻而車仔麵餸 我食過既有牛腩 豬紅 鮮牛 蘿蔔 冬菇 豬腸 其實樣樣都抵讚😆😆 因為樣樣都好入味 牛腩蘿蔔夠淋 鮮牛唔會太un 而豬紅豬腸冬菇都係非常入味 最推介係豬腸✔️ 而飲品方面 好難得佢所有車仔麵都算係餐 會送埋飲品 飲珍珠奶茶先加$6😳 抵飲之選 不過飲品就唔好期望過高 不過不失吧 但咁既價錢 過過口穩都是好的👌🏻下次放lunch又多個選擇了 想試曬佢既小食 好多款都好吸引🤤🤤同

之前晏晝黎食過一次幾好味，今晚唔想食得咁heavy 又過黎食個麵先。今次黎個餐牌整靚左，夜晚仲多左好多飯餐，見有砵仔飯，滷肉飯，仲可以加配龍蝦鮑魚。✨飲品都好貼心，可以㨂少冰少甜。✨珍珠蜂蜜綠茶：叫左少甜走冰，啱晒我口味。茶味幾香，佢呢個珍珠夠腍帶少少甜，不過我覺得配朱古力，咖啡果d 夾d~~✨菜心新鮮夠粗壯✨招牌山寨雞翼：雞翼上晒色，肉質嫩滑，味道甜甜地，幾好食。✨朋友叫左滷水汁配公仔麵，公仔麵幾彈牙，滷水汁啱鍾意濃味既朋友。✨牛腩就唔係炆到腍晒果種，係食落彈口但唔痴牙既質感，如果有牛筋就好。✨最鍾意烏冬配腩汁，雖然粗身但都幾入味。蘿白都好好味，夠腍同清甜，東菇同樣入晒味。✨不見天肉片係每次黎都必食，今次食厚身左，但又好爽口👍

路過，叫寫住米芝連大廚，又好耐冇食車仔麵，咪入去試下。叫咗個三餸，個湯底冇味，好似清水加辣一樣，一般車仔麵個湯底都好惹味，勁失望😞米線都夠滑。王沙潤得三片，味道還可以。牛腩得三少舊，一個湯匙剛剛好，味道好一般，唔入;未，得個淋字，完全唔得。反而個鹵水旦夠味，但唔硬。個台式奶茶，一上枱已經少咗差不多三分一，味道咪就係水加奶! 老實，未食過甘差嘅車仔麺

今日同朋友去開尖沙咀，聽佢講新開有間車仔麵，見有少少肚餓就入左去試吓！睇點餐紙都有幾多選擇，如果唔食車仔麵都可以選擇食飯~每款車仔麵都可以包一杯飲品，但特別飲品就需要加錢！後來我哋叫咗熱檸水同Zero~另外叫咗個小食係炸土匪雞翼，熱辣辣即炸！咬落好脆口，雞翼好入味，有少少辣嘅感覺！朋友叫咗四餸一麵，有豬潤、肥牛、鳳瓜、豬紅、幼麵配清湯湯底！豬潤肥牛煮得剛剛好無過火，特別係豬潤幾爽口，鳳爪好淋好入味，豬紅都好入味配以幼麵滑滑嘅口感！下次可以試埋個粗麵！而我都係叫咗四餸一麵，同樣有豬紅同豬潤，另外仲有蠔油冬菇、墨魚丸、油麵配秘製嗱喳汁！有少少辣，味道唔錯！墨魚丸大粒又彈牙，冬菇亦炆得好入味！整體嚟講不錯！地點亦好方便！正正喺彌敦道！下次經過都可以試其他！

放工太夜想輕食一下，所以黎到食車仔麵先黎小食，炸韭菜餃有少許油，不過炸得好脆，食落唔錯。哩度湯底有幾款，店員特別推介嗱渣汁，不過食唔到辣嘅人，千其唔好嗌我嗌左墨丸，貢丸，蟹柳，哩度啲丸比較爽口，麵都煮得唔會太淋。份量唔太多，好適合輕食一下。佢嗌左微辣，其實都經已夠晒辣，配埋蘿蔔，炆得幾多汁，好味加菜芯都唔係太貴。嗌左熱朱古力珍珠奶茶，甜度適中，珍珠夠淋，值得一試加左個炸芝士腸，幾有咬口。個皮脆脆地，再加埋本身芝士腸都脆脆地，幾特別

今晚收工約左朋友喺尖沙咀睇戲，未夠鐘有少少時間我地就去左食啲快脆既野醫下肚 行過呢間車仔麵貌似甚架勢就入去試試車仔麵店黎講地方算好闊落地道嗱喳麵餐除左平時車仔麵咁可以自選外，呢度都有啲套餐選擇，所以選擇困難症既我就直接叫左餐基本上車仔麵熱門既餸都有晒，好正 特別係豬紅、蘿蔔同埋豬皮，真係入晒味嗱喳汁可以揀辣度，我揀左微辣，對我黎講岩岩好魚片頭、柱候牛腩、魚皮餃朋友就點左自選，刻意嗌啲我個餐無既，咁啲餸就可以開心share 我最欣賞牛腩，炆得夠淋又入味朋友麵底點左粗麵，佢話有咬口，唔錯酥炸牛丸、章魚丸、炸醬芝士腸呢度另一驚喜係有炸丸食，個皮炸得勁薄脆，而且調味正，超好味芝士腸係有埋少許沙律醬一齊炸，估唔到咁夾

學姨姨所說，在尖沙咀不一定要吃高級西餐，吃街頭小食，車仔麵都別有一番風味的，而且車仔麵配料可以隨自己想吃的點選，的確可以滿足嘴饞的嘴巴，故車仔麵也算是為我而設。今天早上都沒吃早餐，午餐特別餓屬正常吧。我一口氣點了豬腸，生根，魚皮餃，金菇，雪花肥牛及頂級墨魚丸，看見滿滿的一碗車仔麵，心情瞬間愉快起來。幼麵爽口，煮得軟硬適中，是我喜歡的咬感。薄薄的生根最能吸飽湯汁，令秘製嗱喳湯汁毫不浪費。咖哩魷魚非常入味，彈牙無比，為車仔麵增添一分惹味。頂級墨魚丸頗有彈性，挺好咀嚼的。雪花肥牛嫩嫩的，不過脂肪比例較多，若少一些較好。秘製嗱喳汁另一靈魂之處非辣菜脯莫屬，它的香辣味萬分醒脾胃，一吃便愛上。星級推介小食跟餐加8元可選一款，我怎會不加配? 個人超推介秘滷汁雞翼，因為它滷得透徹，不論雞皮或雞肉已完全吸收滷汁，味道濃香，骨肉輕易分離。飲品方面，原先我想喝自家製羅漢果水，可是全都售罄，唯有轉喝凍柚子茶。凍柚子茶十分足料，杯底有很多柚子肉，輕輕攪拌，酸酸甜甜，滋潤極了。我超好奇姨姨所點的不見天肉片究竟是甚麼肉，因為我聞所未聞，姨姨解答是將豬肉煮得軟腍的就是不見天肉片，我又長知識了。另外豬腸處理乾淨，彈勁十

游水啦游水啦！終於的起心肝去游水啦！夏天左開始左咁耐，終於肥肥的肚腩都係藏不住，要出去獻醜了好似十年冇做過運動咁，游完水之後，當然都係淨係識得食啦，近近地泳池，有間車仔麵，之前好似唔多覺眼，今晚同幾個游水朋友，游完水好似餓鬼咁樣沖左入去，要食麵食麵！終於有麵食！小食嘅選擇都幾多！難得人多一齊食嘢，可以咩都叫啲，大家都試吓！ 招牌山寨雞翼炸得好酥脆　鮑汁鳳爪鳳爪嘅皮煮到好淋，我最愛！食車仔麵我通常都係會叫幼麵，呢個幼麵口感幾好，小小煙韌，又夠晒彈牙，同場仲有唔食飯唔夠飽嘅朋友，叫咗海南雞飯，偷咗佢舊雞來食，都幾滑架。超開心！呢度有王沙潤食，簡直係車仔麵餐之中嘅鵝肝級食品。

早前大熱的米芝連麵檔，原來有個前米芝連廚師坐陣，難怪如此有名。在車仔麵跟盅飯之間想了很久，最終決定了點車仔麵，可以多選幾款餸跟小食嘛！想不到他們的菜心如此清甜，也沒有什麼渣，而且葉面很亮，超好吃的呢！滷水雞翼也是滷得入味好吃, 只需要$8就可以加一碟!車仔麵我就要了清湯河粉，不見天原來是豬肉，肉片不肥膩但軟稔易咬，王沙潤啤水時間充足，厚身又好吃，不會澀～滷蛋有台灣風味，非常入味這點也是抵讚！連熱飲熱朱古力只是50多元，非常抵食的一間車仔麵呢！

今日一個人on居居落左尖沙咀行下兼揾食，行過見尼間掂檔車仔麵好似真係幾掂檔下，入去試下啦！門囗擺放嘅模型車仔麵，小食同飲品真係好像真，好精緻店面簡約整潔，午飯時間非常旺場，食物主打車仔麵，另有特色小食，台式珍珠飲品，海南雞飯等供應，選擇包羅萬有牆上插畫極具香港特色，幾有創意中午時間差不多滿坐，我需要搭枱坐點餐紙非常簡約，雙面印冊，一面點主食同小食，另一面點飲品，非常簡單車仔麵先揀餸，然後麵底，再揀湯底（可選辣度），再追加小食飲品亦好有不少選擇，最特別嘅係有shake shake珍珠系列，我都點左杯珍珠綠茶小甜我揀左三餸配烏冬加秘製嗱渣汁微辣，湯底小小辣幾惹味，亦不會太咸太油，不錯的烏冬分量好多，而且夠爽滑旦牙，抵食餸揀左冬菇，㗎喱魚蛋同頂級墨魚🦑丸，三款都幾有水準，特別推介頂級墨魚🦑丸，非常新鮮旦牙招牌山寨雞翼，又香又脆又入味，金黃色賣相吸引推介凍珍珠綠茶小甜，清清地，珍珠非常有咬口，夠曬冰凍其實一個人簡簡單單食個車仔麵都幾好丫，快靚正，大家有機會都來試試吧

車仔麵我由細食到大，真是越食越喜愛，一點也食不厭，今天與同事到尖沙咀見客，做完嘢途經掂檔車仔麵，是店外擺設了一些食物模型，吸引我們觀看，心思思想食返碗，一於入座試試尼間味道如何！我要了自選套餐：幼麵底，餸有咖哩魚蛋、豬腸、豬紅、滷水蛋、豬皮、咖哩魷魚、秘製豬手。湯底要了秘製嗱渣汁微辣。幼麵彈牙，所有餸都入味，尤其是豬腸和秘製豬手夠林又不硬，湯底帶微辣好惹味！加8元星級小食：鮑汁鳳爪入味有口感。加6元檸檬雪碧，比埋冰底夠曬凍。同事要自選套餐：粗和幼麵底，餸有：咖哩魚蛋、豆腐卜、豬紅、豬皮、魚皮餃、芝士腸、秘製豬手。湯底要滷水汁，同事說豬紅滑、豬皮爽口、咖哩魚蛋入味又彈牙。加8元有星級小食一款：秘滷汁雞翼。雞翼嫩滑很入味。加6元要了凍503珍珠奶茶。珍珠煙韌，奶茶奶味比較濃。

叫左個三餸麵套餐 $42 牛腩 豬紅 貢丸碗麵一呢到 先唔講味道D餸竟然可以覆蓋D麵 唔係因為餸多而係因為油麵少得可憐 我已經心知不妙一夾上呢 全部碎濕濕 麵嘅份量 一般人應該三四啖食哂 牛腩有三粒 偏少 豬紅七八粒尚可 貢丸兩粒正常 然後到味道 叫左鹵水湯底 完全係現成鹵水溝稀 店家完全無調味豬紅除左第一舊入味 其他都唔掂牛腩就 正正常常貢丸竟然可以無味 淡茂茂 一啲香菇味都無連味精都慳番 從未食過無味嘅貢丸總括 呢間係低質車仔麵 食吾飽亦吾好食呼籲大家 唔好中伏

是日返夜開工前黎尖沙咀幫朋友買啲野🙈搞掂正值放飯時間🍴還掂要早餐都未食一於黎食碗麵醫下肚先🤪位於尖沙咀彌敦道既掂檔車仔麵簡約裝修設計既小麵店被街外高高樹木包圍著與隔離街既山林道扯上關係而店內富有舊香港色彩既壁畫為「山林麵店」增添香港情懷盡顯古今香港既時代變遷☺️我只盼這裡有天 變回樹 撒回路～🎼聽返謝安琪首山林道面對住時日變遷急速既香港地影射返「山林麵店」牆上壁畫中的確有跟唔上步伐既感慨🚶🏻‍♂️充斥住香港情懷既「山林麵店」🌲除左車仔麵🍜大廚亦精心炮製👨🏻‍🍳造出多種類飯麵小食☺️🍴配合著高質素飯麵食材😋自選車仔麵小肥因太肚餓既關係重手左一口氣叫左唔樣餸🤪🍜有柱候牛腩、雪花肥牛、滷水蛋、冬菇同埋豆腐卜🤪以油麵做車仔麵底必然之選😆柱候牛腩夠爽口之餘煮得夠腍嫩😋脂肪比例均勻食落油香滿溢🤤雪花肥牛均勻既脂肪比例食落亦唔會有雪味雪花中吸收湯底既精華盡帶溫暖🤪❄️🔥用老火慢煮既滷水蛋十分入味之餘☺️爽滑彈牙既冬菇食落更加Juicy😋吸收湯中精華最大功臣就非豆腐卜莫屬了🤤配合鹹香微辣既特製嗱渣汁帶出更多鮮味☺️招牌山寨雞翼店員重點推介既招牌山雞🐔🤪將醃製好既雞翼配合炸粉炸到酥脆既口感🤤外層金黃酥脆之餘鎖住肉汁

由佐敦行街去尖沙咀，在山林道囗前有間車仔麵店，望入去見佢地方整潔、乾淨，於是入去試試！車仔麵有套餐（包飲品），視乎你選擇幾多款餸同咩餸。我就選咗4 餸+油麵，亦可以選擇湯底和醬汁。落單後約5 分鐘，碗車仔麵就到，見到碗麵既感覺已經唔錯😃 即刻起筷。。。叫咗鮑汁鳯爪，咖哩魷魚，豬皮和豬紅...... 鮑汁鳳爪係佢地推介，但我就覺得唔太特別，冇驚喜，反而另外果三款餸就比個like 佢。。咖哩魷魚爽口而且咖哩味濃，豬皮軟硬度適中，最緊要係冇豬毛 😉 ，最掂既就係豬紅， 一嚿嚿完整既豬紅，唔會散收收咁，食落爽滑，可以搵返以前經典車仔麵既味道 ！ 👍🏻👍🏻後來見到佢地店除左車仔麵還有其他食物，見D相都幾吸引，等我下次去試下先！