掂檔車仔麵 (已結業)

今日同同事遠少少覓食，見到呢間車仔麵店人氣好高，亦有食評家強烈推介，咁遠行到過黎當然絕對唔會放過呢個機會啦~ 川辣醬撈麵❤️識食撈麵就一定會揀公仔麵啦😂雖然邪惡，但係吸汁度真係一流架 ! 餸就揀左： 豬手❤️淋身，豬皮無毛兼好滑身同彈牙，骨膠原即刻補充哂😂冬菇❤️鹵水汁好香，冬菇吸哂佢嘅精華，好出色。雞翼尖❤️同樣好入味淋身👍蘿白❤️鮮甜無渣秘制嗱喳汁湯麵❤️同樣都係公仔麵底，湯身微辣，唔會太咸，幾有特色。 豬紅❤️份量好多😍入口即溶，唔會實的的。貢丸❤️超級彈牙，同事食左一啖即刻要同我開心share 😍牛味好濃郁同埋堅係啖落去好有囗感👍再加左個油菜，份量都算多😬呢餐lunch好滿足，整體都好出色，尤其係d推介item. 抵佢人氣咁高啦😊

比一般車仔麵檔地方寬躺得多，座位與座位之間非常闊落，坐得非常舒服。三餸一麵，點餐紙上無論面底、湯底或配料都係同樣選擇眾多，齋係麵底都有八款咁多，而湯底亦有不同選擇，連川辣汁都有得揀而且加$8可以併一碟油菜，再加$2配飲品，而且選擇非常多，加$8仲有其他車仔麵譜唔會有嘅台式飲品。$8有咁大碟菜，非常抵食麵底份量唔細，對男士來說都足夠飽肚，好足料！我點了腩汁湯米粉配豬紅、生根及頂級墨魚丸。墨魚丸好香墨魚味，質感爽口彈牙有嚼勁。豬紅亦同樣出色，味道點微辣，很惹味。整體來說，真係幾掂！

之前因為新店推介, 所以某個apps做左掂檔車仔麵會員, 所以就送左$10電子現金券1個月內使用。 我平時都好鐘意食車仔麵, 食過香港非常多既車仔麵同粉麵店, 但平時去尖沙咀通常都唔會係首選, 但見新店兼現金券就到期, 諗住尖沙咀既地段, 應該唔會差, 就試下啦！一入到去就覺得好熱, 門口位至入到最入面都係好熱, 算, 反正趕時間, 就諗住快手食完走...... 餐紙上配料同小食都算多款, 但都極之普通, 3餸1麵選左魷魚, 紅腸, 牛腩配烏冬要秘製汁中辣, 餐飲加$8要左珍珠奶茶。食左2啖烏冬, 就知死梗, 因為已經咬到有d未熟, 硬既, 魷魚無乜味, 牛腩好似普通瘦肉咁, 紅腸算最正常! 佐敦間麵x店同幾間米線店全部都高班過佢又平過佢!秘製汁中辣一d辣都無, 少少咸, 好似有超微既香料味, 都唔知似乜, 總之唔好味!珍珠奶茶仲衰, 珍珠無味, 奶茶似粉開的包裝奶茶咁味, 響厚褔街食牛肉麵個間免費既珍奶好似過佢多多聲! 無計要左碟辣菜浦諗住調下味, 但又係唔香兼且唔辣.....成餐飯非常伏! 仲要熱到流住汗咁食, 攞苦黎辛!總數$50, 減左優惠$10, 浪費左我40蚊! 真係貼錢買

彌敦道大街竟然可以用納到一間車仔麵，一定非同小響。即刻入去試試，舖位面色都幾大， 有圓枱也有卡位的懶人之選人氣車仔麵餐 車仔麵揀餸時實在有時很難揀。車仔麵餐免卻有選擇困難症的朋友左思右想呢當然有配料單，可以因應自己的口味去選擇點了一客油生菜另外我點了一個蘿蔔肥牛配河粉，有誠意呢！跟我幾條白菜仔。朋友點了一個魚皮餃鹵水蛋 冬菇 和墨園撈麵，值得一提的是個鹵水蛋超入味呢撈面有湯跟的炸雞翼和炸龍蝦丸。外層比較厚粉雞翼炸得很香口不過肉唔夠入味喺油尖旺區想找一間似樣的車仔麵其實也不容易，今次喺佐敦與尖沙咀中間的彌敦道。竟然可以有一間車仔麵提供。實在值得一試呢！

彌敦道近山林道呢啲黃金地段，竟然有香港地特式嘅車仔麵，心諗一定好貴，點知原來價錢咁親民經濟，真係抵佢越做越旺😋門口大大個易拉架，講明幾十蚊都有交易，貨真價實，馬上入去試吓😬咦！環境OK喎，乾淨企理，牆身貼左黑白的漫畫，回憶着從前香港地街頭的車仔麵檔，簡單又貼題👍🏻自己劃紙仔，鍾意乜嘢湯底啦，乜嘢麪底再加乜嘢餸，呢啲就係車仔麵嘅精髓，因為每個人嘅喜好都不同🤗又有港式奶茶和台式珍珠奶茶，真係好識得做生意，而且味道都沖得唔錯，跟餐只係加$2元和$8元😚揀咗三個餸，大腸、牛腩、冬菇，麵底要粗麵，店員好快就送上，嘩！唔錯唔錯，大腸好腍，牛腩夠入味，冬菇又爽夾香😋加啲甜醬係常識吧，麵底夾著湯底，食到雪雪聲，真過癮😍埋單人均都唔使$50，抵到吖👍🏻佢哋呢度仲有外賣，下次經過呢度趕時間都要買返碗返屋企慢慢食😬

和同事在一個外賣app 點了一個風味車仔麵 和 地道車仔麵, 要了秘制汁 (微辣)餐廳準備時間非常長，以至外賣遲了30分鐘。但我們諗住慢工出細貨........結果大失所望， 湯底淡而無味，牛腩石頭咁硬，其他配料也只是普通水準咁既質素賣到六七十蚊碗， 令我諗起食神中 周星馳用黎昆人錢的嗱渣麵。

平時行去搭車，都會經過掂檔車仔麵，係北角雞蛋仔隔離。黎呢度梗係要食車仔麵啦!! 叫咗一個自選車仔麵，材料分別係 $9同$13，包麵底。推介既有肥牛，豬紅，蘿蔔，牛腩。煮得好冧好入味。而魷魚同牛栢葉就有少少令人失望，好韌咬唔開。米粉同湯底都幾正👌🏻海南雞飯 ($58) 雞既份量比想像中少，肉比較厚身，都算嫩滑小食好抵，每樣$8，叫叫下就叫咗好多🌝招牌山寨雞翼 ($8) 呢個雞翼正，外脆內滑，味道仲好香。秘製汁雞翼 ($8) 呢個比較上就冇咁好食，又唔似鹵水味，又唔係瑞士汁。但煮得都夠入味既秘製芝士腸 ($8) 芝士腸外面包住好大個炸麵粉，味道一般指蒜青瓜 ($8) 呢個係開胃頭盤🤣 酸酸地又多爽脆幾好食👍🏻

每日一到食晏的時候，同事們一定爭拗去邊處，食啲咩！通常我會提議去食車仔麵，講真午飯時間只得一個鐘，上上落落都去了十數分鐘，當然要揀快，平，正。公司附近的一間車仔麵店，基乎成為我們的食堂。店內環境濶落，店員服務態度好，食物水準也不錯。餸料選擇頗多。麵條多數我會揀油麺，貪其口感有彈力有嚼口。蘿蔔一定是車仔麵的好拍檔，軟腍入味。豬皮處理得乾淨，食得放心。醃製惹味。牛腩入口軟熟，肉味香濃，果然是人氣之選。點了一杯百里香紅茶，茶味濃厚，散發出香氣，甜度適中，好飲。

最愛吃車仔麵，港式的車仔麵多選擇。今天來到尖沙咀，選擇了吃車仔麵。環境乾淨企理。店員服務態度好。上菜快。食物選擇多。又有特色美食，填好菜單再交給店員，一定不會下錯單。醬料有分辣度，小食又有很多。白蘿蔔沒有渣，吸收了所有湯汁，很甜很淋。每次車仔都會點的。時菜份量多，魚蛋超彈牙，牛丸有牛肉味，不穌。麵有蛋香味，有咬口，不見天肉的名字很特別，所以點了來試試，味道是豚肉味。最近身體不好，點了檸水。味道正常。

假日嘅尖沙咀區人多車多，由於今晚約左屋企人黎個早鳥邊爐，下晝就想食得簡單d。男朋友話想食麻辣米線，但我今朝胃痛又想食湯米粉類。突然靈機一觸不如去食車仔麵啦，咁就可以滿足各人嘅願望啦😏因為男朋友啱啱打完網球，勁大個網球袋，店員都好好人咁俾咗張四人枱我哋兩個坐，淨係呢一樣已經加分！佢個Menu都好多元化，唔止有招牌嘅車仔麵、仲有海南雞飯，特色蒸飯等等...🤦🏻‍♀️選擇困難症嘅我真係花咗頗多時間先至揀到自己想食啲乜🙊🙊落完order都比自己張單嚇親，兩個人食車仔麵食到好似放題咁，因為佢真係有好多配料任你揀！當中有幾樣我地都不約而同特別like嘅🌻🌻秘制豬手🌟🌟🌟佢嘅肉質軟腍，塊皮好有咬口蘿蔔🌟🌟🌟相當入味，而且好清甜，索埋d湯無得輸！王沙潤🌟🌟🌟無腥味，而且咬落去好爽口，三大片，好足料！好少車仔麵有呢樣餸揀🤤豬紅🌟🌟🌟車仔麵必點嘅其中一樣餸！小食我地都叫左3種 (說好的食少d留肚又好明顯failed🌚🌚)青瓜同雲耳個酸汁調得十分好，非常醒胃！雞翼個皮略嫌炸得厚左少少，不過又意外地裡面d肉仲好juicy! 車仔麵一直深受大眾歡迎，因為由麵條、配料、湯底、醬汁都自己有得揀，而且配料眾多，價錢係尖

趁著週末天氣轉涼 一家人出外逛逛， 去到佐敦同尖沙咀中間 已到 午膳時間， 好耐冇食車仔麵， 见到近出名雞蛋仔隔離有間惦當車仔麵。 選擇好多有麵有飯仲有台式飲品， 一於入去一試。叫咗一款 包羅萬有嘅車仔麵， 包括韭菜，咖哩魷魚，鹵水雞翼尖，紅腸，咖哩魚蛋，蘿蔔，豬紅和豬皮。 諗得到嘅傳統車仔麵餸料都有。 揀咗腩汁湯底同油麵。 睇見豐富令人食指大動!豬紅同白蘿蔔好入味， 推介!咖哩魚蛋亦非常彈牙， 好似細個街邊食嗰啲篤篤魚蛋。 跟餐$8加咗個小食 >> 陳醋黑珍珠木耳。木耳好爽配合強勁嘅陳醋味道 非常醒神。朱古力珍珠。 濃濃嘅凍朱古力加珍珠， 唔會太甜有口感。另一杯百香果珍珠都有台式風味。另一款車仔麵選了米線和 秘製嗱渣汁(微辣)。 米線稍嫌过腍。 餸料有豬腸， 鳳爪 和咖哩魚蛋。 鳳爪味道唔錯好入味。 個嗱渣汁完全唔辣， 其實可以試中辣。 小食仲加咗豬潤， 較為普通而且份量少。酥炸章魚燒。 章魚丸好多餡料， 唔係齋粉打成嘅丸， 而且仲幾彈牙。招牌山寨雞翼， 外皮炸得鬆脆， 灑上山椒粉， 好惹味。 油菜$28 好大棵的菜心嫩綠清甜

一見到心諗︰咩車仔麵叫自己做掂檔咁威呀？我就入黎試下你！睇完餐牌發現，咦！仲有其他野食嘅！一眼就俾佢個秘製豬手同鮑汁鳳爪撈吸引左，睇多兩睇仲有海南雞飯！另外當然要食番車仔麵啦，仲叫左d小食食下陳醋黑木耳夠酸夠入味車仔麵魷魚夠彈牙，豬皮夠林，豬腸洗得夠乾淨，冬菇大大隻，不得不提佢個不見天！名就係豬頸肉，但食落完全無左平時嘅肥膩感，仲要入口溶溶地咁，真係好驚喜！海南雞飯碟頭大，跟番傳統3款汁仲有青瓜，可惜椰香飯賣曬，無緣！整體黎講，的確比想像中多選擇同好！

🌟牛腩、豬腸、咖喱魷魚、豬手XO醬撈粗麵$65牛腩爽口之餘夠淋同埋入味 最愛牛腩嘅油脂香味😝豬腸中間嘅肥膏都已經清酒晒 所以唔會有陣腥味 咖喱魷魚略為唔夠味 但係分量幾多👍🏾豬手好大舊 骨膠原滿滿的😋 XO醬落得唔夠 所以食起嚟會比較淡 都係建議叫返湯麵🌟跟餐加兩隻山寨雞翼$8加$8又真係幾扺 個皮炸得比較多粉 面頭有香草 百搭野尼 一定唔會難食得去邊 雞翼大隻 抵食🌟咖喱魚蛋、蘿蔔、冬菇、豬紅油麵$51叫咗小辣秘製汁 係傳統車仔麵嘅味道 應該有獨門秘方 個汁真係精粹😍 魚蛋幾彈牙 咖喱味濃 蘿蔔好甜冇喳 冬菇好入味 但係比較細隻 車仔麵一定要叫豬紅 好夠味！🌟跟餐加鮑汁鳳爪$8炆得夠林 好容易”妹” 但鮑汁味唔太突出 如果濃味少少會比較好🌟鹽酥雞翼尖$28個皮係同雞翼一樣 味道嘢都差唔多 所以冇咩好講🌟川辣白肉$28辣汁係重慶辣味 夠過癮！❤️每一片腩肉底都會有青瓜 可以中和一下

過左佐敦，一踏入尖沙咀地區一陣，就開左呢間車仔麵，好似都唔錯，同個朋友試試佢先入座後，可以自行用order紙揀野食，車仔麵有多款唔同既配料選擇，香料都可以揀返岩自己口味既 ; 不過除左車仔麵之外，另外都有飯類選擇架，例如海南雞飯餐飲亦有多款唔同既選擇，有多款特飲供應添今日我同朋友就分別叫左，左邊既珍珠奶茶，同右邊既咖啡珍珠奶茶，我果杯珍珠奶茶都ok，味道都幾香奶茶味，珍珠都幾有咬口我自己就揀左個自選套餐，揀左幾款唔同既配料，當中包括蘿蔔，柱侯牛腩，王沙潤及章魚燒丸麵底我就揀左粗麵，所以成碗麵既感覺好似都幾FULL，重送你一大條菜心添當中我覺得王沙潤既質素都幾唔錯，大大塊既佢，豬潤味突出，重有D起沙，口感唔錯，大家可以一試而呢一粒係章魚燒丸，同我一開始想像中既章魚燒丸有D唔同，我本身以為係平時食開燒過既果D日式章魚燒丸子，原來佢係火鍋配料果類既丸類之一，大家要注意喔，不過都值得一試既，因為都幾特別小食方面就叫左兩隻招牌山寨雞翼，都真係幾有山寨FEEL，只係外層炸粉厚左少少，但佢味道以香草為主，小食黎講都OK，都值得一試架

經過見到有間新嘅車仔麵開左就同朋友嚟試下啦！牆身佈置得好像漫畫胃仔細細但又心多多所以叫了五款餸 牛栢葉、柱候牛腩、豬腸、蘿蔔同頂級墨魚丸 跟腩汁牛腩好腍身好入味，豬腸唔肥蘿蔔夠甜墨魚丸彈牙。我加左兩款小食生菜同鮑汁鳳爪，生菜清甜而鮑汁鳳爪煮得好入味。另外再點了杯凍503珍珠奶茶，茶香夠濃珍珠彈牙...正朋友就點了蘿蔔、柱候牛腩、龍蝦丸、滷水蛋同冬菇 跟清湯，蘿蔔一樣好甜無渣，滷水蛋入味牛腩大舊唔嚡配埋辣菜脯鍾意食辣嘅朋友話正。小食就點了菜心同指蒜青瓜，菜心嫩清甜指蒜青瓜微辣清爽。跟熱咖啡。整體唔錯味道唔會過咸因為平時食完車仔麵會好口乾，今次食完唔會所以都會再嚟食同埋見到仲有其他款式例如海南雞飯等等。