捌捌陸台式料理 (D2 Place ONE)

營業中

休息中

今日約朋友去chill下 想平平地搵個舒服地方食台灣菜見到D2 place呢間有室內又有露天座位嘅台灣餐廳就決定試吓啦個露天地方好大好闊落 坐得好舒服🤭唔會好似其他地方咁迫 如果十幾個朋友嚟都大把位坐由於見到價錢太抵 所以叫咗好多嘢食🤤鹽酥雞滷肉飯🤎麻辣鴨血❤️ 唔會太辣 麻得黎好過癮酥炸花枝丸 熱辣辣好好食💛黑糖地瓜條 大推！好食到傻咗外脆內軟 仲要好大碟💛奶蓋烏龍茶 仲可以揀甜度冰度 無糖都勁好飲仲嗌咗個牛肉麵 不過朋友仔一嚟已經食咗 冇得影相😭總結呢間餐廳真係好有驚喜 性價比極高🤎 小食抵食夾大件 當放題咁嗌都得😂重點係坐得舒服 見到有炭爐 冬天坐都唔驚凍店員高大靚仔 有兩三個都好型😂下次一定會再嚟❤️

好耐冇去行市集，趁有時間就同媽媽去D2 PLACE行吓，順便食LUNCH。行哂成棟D2一期，最後揀咗3呢間「捌捌陸」食台灣嘢。雖然天氣有少少風，不過有太陽都唔算好凍，所以我哋揀咗坐室外。個人覺得打卡一定要揀室外，佈置好休閒舒適。我哋叫咗一個紅燒半筋半肉湯麵，一個鹽酥排骨滷肉飯。紅燒半筋半肉湯麵：湯底唔錯，少少辣，牛肉同牛筋都炆得入味又夠淋，麵身軟硬適中。鹽酥排骨滷肉飯：排骨肉質唔錯，滷肉比較大粒。不過因為有風，所好快凍。夏天食應該會再好味D。價錢嚟講我覺得OK啦，D STAFF又好人。下次希望冇咁大風可以影多D相~

台式牛肉麵很好，被普遍認為是美味、營養又實惠的美食。牛肉麵湯頭清淡，麵條筋道，容易下口。 牛肉又嫩又好吃。 牛肉麵通常配上蔥和香菜，使這道菜更漂亮。總的來說，台灣牛肉麵不僅味道鮮美，而且價格親民，是非常受歡迎的美食，適合日常飲食。

見到係新開餐廳 亦都鍾意去食台灣野 所以諗住同個朋友試下尼間餐廳。本身見到個餐牌想試佢個三星蔥油雞卷麵 點知scan code 落單個時見唔到有得賣 所以點左另一個花雕醉雞卷麵，另一位朋友就點左鹽酥雞滷肉飯。本身佢加20蚊有小食再加飲品都覺得價錢ok，但d野食就覺得麻麻。朋友覺得鹽酥雞滷肉飯太咸。而我碗麵既湯唔算好熱，醉雞d肉質唔算滑 ，當d雞肉同d湯浸埋一齊令到個味道有d怪，所以我都係剩食麵。食完之後仲有腸胃炎

原先諗住食同層另一間台式便當，點知老婆見到有新台式餐廳開咗，二話不說就話試新嘢喇！點知…後悔了…1. 鹽酥雞滷肉飯鹽酥雞粉勁厚，肉有啲硬，味道只屬正常。但係滷肉真係不得了，又肥又硬又大粒，似係切細嘅東坡肉（但冇東坡肉嘅嫩滑）。個飯底又勁多汁，多汁到食到半碗已經要放棄碗飯。2. 鹽酥豬扒滷肉飯飯同滷肉飯都係同鹽酥雞一樣唔掂，鹽酥豬扒又係勁厚粉好乾同炸到啲肉有啲黑，好少有鹽酥嘢啲餸係食唔完….3. 紅燒牛肉湯麵湯底個味勁怪，完全唔係平時食開紅燒牛肉麵嘅味道，感覺有啲藥材味。牛肉係牛𦟌嚟，完全唔淋，直情係硬，牙力唔夠真係唔好食。4. 熱珍珠奶茶少甜要少甜，但杯野係直情甜都唔甜，茶味有啲苦同冇咩奶味基本上食咗四樣嘢冇一樣嘢係食得入口，好少見台灣餐廳可以整到咁唔好食。唯一讚係waiter都幾高大有款。試業成個場都坐滿客，但食物質素咁惡劣，真係玩唔耐喎⋯⋯亦都令我地有啲後悔試新嘢。伏….

喺餐廳門口已經冇人帶位 一位係自己搵位再嗌野食 點知坐左15分鐘一個服務員都冇埋過黎 比menu 或者落單qr code 但係我一直見到有人行入黎 有code落單 到我問番服務員拎code既時候 個服務員啤番我轉頭 仲要用惡劣既態度同我講依家去整code比我啲野食又無比咁難食 湯麵淋到唔知擺左幾耐 又唔熱 網上個menu一啲都唔好用 搞到落錯單都算 咁咪食番我落錯既野 點知都係好難食雖然天氣好坐出面 但係食完都唔想坐下先走 立即埋單離開 都唔知呢間野係咪做生意 寧願食同層既譚仔mos burger 或者落去食個大快活都冇咁嬲

同同事黎開呢頭上workshop, 試下呢間新開嘅台式飯。 $75（連加一）鹽酥雞滷肉飯，以環境同味道，都值值地呢個價。要加分既位係可以選室外或者室內，同埋店員既友善，唔需要等太耐。另外，鹽酥雞炸得乾身唔油，味道剛好、滷肉飯夠汁夠味。大食嘅我都覺得飽。其實想試埋飲品，見大大杯，但時間唔容許，有機會再試～

食呢間嘅時候仲未喺OpenRice見到佢，今日終於有啦明明之前夜晚食過酸菜魚，真系抵食又好食，所以對佢印象好好，但奇怪今日先上Openrice （同一個店舖位置，可能執左🤔🤔轉左手）Anyway，不如試下店分室內戶外，戶外較多座位樓上一飄雪🌨，坐戶外就會感受到落雪效果，夠chill❄️❄️不過食物就中曬招😕我地落單時不小心散叫，無留意到set，店員好好幫我地後台更正，認真唔好意思，明明好忙，d店員多數男士，有部分好靚仔😍可惜食物質素大打折扣鹽酥雞滷肉飯佢啲內容係厚切，但係未能做到入口即溶，感覺上食緊肥膏 🥶，鹽酥雞都唔好食，炸粉太厚跟餐有個小食，紫薯波波，聽個名都知道好食，可惜佢個皮太厚太硬🫤🫤，咬開都有啲紫薯蓉🫣跟咗杯台式飲品，少甜都甜到漏😵‍💫😵‍💫真係唔會再幫襯🫠🫠🫠