捌捌陸台式料理 (D2 Place ONE)

營業中

休息中

去荔枝角做野就到D2 place睇下有咩食。最後揀左呢間。叫左個紅燒牛肉麵套餐。有一碗麵，一碟份量幾多既涼拌青瓜，我加$10轉珍珠奶茶，最後連加一埋單$107.8青瓜黎先，一食就知係擺左好耐，因為唔爽口同俾d汁浸到淋晒。之後珍珠奶茶到，正常味偏甜。最後碗麵到，好細碗。一黎飲啖湯先，夠味正常。再食牛肉，好多根好韌無味! 奇怪個湯底夠味但牛肉係無味! 最慘係個麵底，淋bet bet毫無彈性，又係無味唔掛湯。間野收加一，qr code落單，埋單要自己出去埋。食食下有個普通話阿姨坐我隔離係度玩電話。之後有個女職員落場食飯，佢兩個就開始吹水。個阿姨不斷話唔明點解無用餐時間限制，話唔理解d人食完唔走霸住d位。仲攞我前面枱客做例子。又抱怨有客食完整到張枱好污槽，話香港同台灣個文化好唔同… 老老實實，加一服務費可以聽到阿姨比較港台用餐文化真心抵!

好耐無食台灣野～同朋友聚會搵到呢間台灣野唔太貴，就黎試下。一場黎到當然要叫個台式三杯雞雞煲，個雞煲渣渣聲，香氣逼人，雞肉都好嫩滑，份量多，食極都有！食完都飽咗一半～食完雞煲就落湯打邊爐，港人至愛～配料都好有台灣特色！encore 得最多係皇帝菜同鴨血，超好味～呢度嘅台灣小食種類都好多，台式小食拼盤，涼拌小黄瓜，肉燥燙青菜，花雕醉雞卷，可以話咩都有～台式小食拼盤入面，有地瓜條，甜不辣，台式香腸，花枝丸等等，全部都炸得好香脆惹味！而個醉雞卷都好正，好有酒味，濃度適中，雞肉都處理得好彈牙，值得一試！野飲我地都試咗好多杯，因為真係款款都想試，捌捌陸水果茶最好飲～好解渴又清新！最後食埋個黑糖仙草芋圓就飽哂～

台灣菜有雞煲食，都係第一次見。由於唔係好食得辣，所以叫咗個三杯雞雞煲，諗住食完之後可以打吓邊爐。三杯雞嘅雞肉，肉質比較鬆軟，食得出走過油先至放落去炒，金不換蒜頭等配料都好充足，所以味道層次好豐富。滷水拼盤，質素極高，有豬手牛肚牛腱等等，每一種食材都冇得非常入味，烹調嘅時間啱啱好，滷到起晒膠質。而且滷水汁嘅味道亦都調配得恰到好處，叫一碗滷水拼盤加碗白飯就已經好滿足。由於食滷水拼盤食到好飽，所以打邊爐都冇特別叫好多嘢食。叫咗皇帝菜，鴨血，同埋大蝦。食材都算新鮮，而且價錢唔貴。

$74一碗麵，太貴啦，有加一服務費，但其實都冇咩服務，qrcode 自助落單，自己行去買單。味道其實可以既，個豬手都傷味，夠淋。湯底都夠濃味，唔算太多味精。麵就普普通通。主要係價錢太高。

尋日同frd子行D2 place，行到好肚餓，咁啱見到呢間餐廳好似幾正斗，即刻入去試試佢><我地叫咗一個雞煲，有三杯雞煲或者麻辣雞煲可以揀，朋友係無辣不歡人士，就梗係揀麻辣雞煲啦😆雞煲一黎到已經勁香，煮咗陣就食得。佢嘅雞肉超級嫩滑，肉汁香甜。除咗雞，我覺得雞煲嘅精華更加係啲洋蔥，因為佢本身已經有浸洋蔥嘅香甜，索曬麻辣汁同雞味，好味到不得了之🥺食曬啲雞、加埋湯之後我地就開始打邊爐。手切美國prime肥牛肥瘦分佈均勻，入口爽而不膩；手打蔥貢丸超特別，貢丸口感爽脆，內裡有蔥香味撲鼻嘅餡👍仲有個麻辣鴨血根本係超高汁，入口滑如豆腐，同個辣汁完美融合。酥炸花枝丸都好食，餐廳比咗椒鹽可以點，風味十足。最驚喜嘅係個甜品，佢叫七色彩雲。未黎到已經好好奇，之後黎到果然冇令到我地失望🥳佢係豆腐花做底，面頭鋪滿曬白玉圓、芋圓、蕃薯圓、椰果、珍珠、紅豆，仲有香港少見嘅抹茶圓，撈埋啲黑糖汁，真係食到我心花怒放🤤

佢哋有自家製嘅洛神花茶同烏龍鮮奶茶，飲落幾清爽，唔會太甜雖然每一台嘅食客都叫撈麵同湯麵，我哋就試咗台式三杯雞雞煲😂😂，加配咗響鈴、蜂巢豆腐、手切Prime肥牛、魚皮魚肉餃同鴨血。個雞煲真係有驚艷嘅感覺，雞肉份量多同超嫩超多汁，三杯醬汁嘅味道完美融合其中。同香港雞煲係兩種風味，咁整完啲雞仲係好嫩滑 味道同樣都係好濃 但多咗一陣好香嘅九層塔味 蜂巢豆腐嘅口感豐富，喺煮嘅過程中都吸收哂三杯醬汁嘅風味，令味道更加豐富。響鈴上枱是剛炸好 熱辣辣的 脆口豆味濃仲有佢哋嘅黑糖仙草芋圓，甜品都好正！黑糖嘅甜味同仙草嘅清新味道完美結合總括嚟講，呢間餐廳嘅台灣料理選擇超多，從飲品到主菜同甜品，我下次都要你試吓佢哋嘅面同埋飯😋😋佢哋仲提供露天座位，可以加錢享用水煙，可以relax下。

一間位於荔枝角D2 Place嘅台灣菜，餐廳除咗可以室內用餐之外，仲有戶外區，加上寵物友善，好有特色，台灣菜種類各式，食物質素都唔錯，值得一推👍🏻🤍涼伴大豆芽 涼伴大豆芽爽脆多汁，食落有一陣陣清新嘅口感，非常清爽解渴！加上清淡嘅調味，令人開胃🤩🤍鹽酥雞滷肉飯 鹽酥雞滷肉飯嘅鹽酥雞外皮酥脆多汁，每一啖都食到嗰陣香氣四溢嘅鹽酥味道。而滷肉飯都好正，米飯同滷肉嘅配搭好襯😋🤍鹽水手撕雞滷肉飯 鹽水手撕雞滷肉飯都好好味！手撕雞肉質鮮嫩多汁，食落有滿滿嘅雞香，配埋滷肉飯一齊食味道好夾，令人回味🤤🤍台式小食拼盤 -蝦膠油炸鬼、酥炸花枝丸、地道台灣腸、酥炸甜不辣、黑糖地瓜條台式小食拼盤非常豐盛，有唔同嘅酥炸小食、特色台灣腸等等，每一樣都帶來不同嘅口感同風味。酥脆小食嘅外皮同鮮嫩嘅內餡交織，越食越上癮，咁多種口味一次滿足🤪🤍綠茶鮮奶 綠茶鮮奶茶香奶濃、清香可口，綠茶嘅苦味同鮮奶嘅香甜完美結合，飲落解渴又有豐富嘅層次😚🤍黑糖珍珠鮮奶 黑糖珍珠鮮奶嘅黑糖味濃郁、鮮奶口感滑順、珍珠Q彈有嚼勁，三者互相融合，而且甜度適中，飲落口感令人上癮😍🤍芋圓抹茶雪花冰 芋圓雪花冰嘅冰沙口感綿密細膩、入口即化，抹茶味香濃，芋

今晚又無飯開，但多得老友陪我食晚飯，就番我就定晌荔枝角D2 Place搵食，食完我行番屋企都得，而佢亦有巴士直達返大圍。D2 Place無論一期定二期，算喺嚟荔枝角搵食嚟得最多嘅地方，不過，小弟都喺鍾意試新嘢，所以，都甚少重複食同一間，一向都喜歡台菜，故相中「捌捌陸」。 餐廳嘅設計喺開放型，挨住商場嘅通道，無牆間隔，所以，觀感上就會大好多，否則，其實個環境會變得長長窄窄。裝修簡約，一室明亮，令人坐落都幾舒服。 餐牌一張過，分為湯麵、拌麵、滷肉飯，仲有啲台式滷水、台式小食，而甜品就得一款；此外飲品方面，絕大部分都喺常見嘅台式飲品，整體嚟講，定價都公遁。 一坐低，侍應就會俾個二維碼你，自己慢慢碌住手機慢慢點，呢度嘅主食可以加$20轉為套餐，多一款涼拌小食及$28以下嘅飲品，亦可以選其他嘢飲，只要補返差價就可以啦，所以整體嚟講 都幾多彈性。 涼拌木耳、涼拌小青瓜（套餐）套餐所包嘅涼拌小食有三款選擇，我哋就揀咗木耳同青瓜，兩款涼拌都做得唔錯，清清爽爽，襯晒一陣間主食嘅濃味、油香嘢食。 台式滷水拼盤 $78本來好想試個台式小食拼盤，不過，剛好賣晒，改為一試個滷水拼盤，包括有牛展、牛筋、牛肚、豬手

荔枝角D2行市集就行得多平時食嘢都會過返香港工業大廈嗰邊今次經過見到開咗呢間台灣嘢就試吓夜晚時間都坐滿晒咁滯 好旺入邊空間好大 又有室外又有室內因為天氣好熱所以坐咗室內不過見到出邊好好vibe! Super chill~~~~食完晚餐即刻有下場~超級推薦小食拼盤！！！炸甜不辣超好味滷水拼盤都100分！份量好多好夠食 所有嘢都滷得好入味超大份我哋兩個人都食唔晒拍青瓜差唔多有成條青瓜 同出面得幾粒嗰啲完全唔同推薦

今日去荔枝角D2 Place一期買狗仔用品，之後去三樓捌捌陸吃台式料理。我和朋友分別叫了湯麵套餐和拌麵套餐。套餐抵食，可揀選麵食/滷肉飯，涼拌小食和飲品。紅燒半筋半肉湯麵好食，牛肉湯夠味，紅燒牛夠淋滑，牛筋都炆得夠火喉，充滿骨膠原，麵滑，蛋香，小棠菜清甜。朋友都滿意他揀的紅燒牛三寶葱油乾拌麵，除了好味的牛和牛筋，還有炆得入味又有咬口的牛肚。套餐的涼拌木耳和涼拌小黃瓜都可口，酸甜微辣爽脆開胃。台式飲品選擇多，捌捌陸水果茶冰涼清新酸甜，百香果味濃，正! 黑糖珍珠鮮奶也不錯，珍珠有咬口，甜度適中。台式小食拼盤有齊我喜歡吃的地道小食，蝦膠油炸鬼，酥炸花枝丸和地道台灣腸惹味，酥炸甜不辣Q彈有口感，黑糖地瓜條甜糯。夏日限定芋圓宇治抹茶雪花冰是個誘人的甜品，除了充滿茶味的雪花冰，還有可口的芋圓，黑糖珍珠，椰果等。吃完暑氣全消，為這餐劃上完美句號。下次天氣好無咁熱，可以帶埋狗仔來在户外部份享受美食。

花雕醉雞卷滷肉飯雞卷肉質夠嫩唔會乾柴帶有淡淡嘅酒香同時又無搶走雞肉本身嘅味道底嘅飯帶有滷肉嘅油香份量都好台灣 幾大兜涼伴木耳絲&涼伴大豆芽 跟餐可以揀一款小菜除左呢2款仲有涼拌小黃瓜兩款小菜都係誠意之作食得出兩款都帶有醋香非常清爽我個人口味係好鐘意食酸酸甜甜嘅嘢而且仲保留到木耳同豆芽本身嘅口感份量比普通餐廳嘅小菜多好多肉燥燙青菜非常台式青菜帶有豬油香肉燥份量啱啱好唔會搶fo台式小食拼盤第一讚佢份量同種類好多成碟嘢食落即刻覺得自己去左夜市甜不辣係比較煙韌嘅類型乾身唔油調味啱啱好帶有少少甜味炸花枝丸雖然個樣好似炸過龍但食落非常香口彈牙台灣腸係mvp越咀嚼就越香加埋蒜片食增添少少辛辣味好快就啪曬黑糖紅薯條口感綿密帶有淡淡黑糖味紅燒牛肉麵 有幾款麵底可以揀揀左台灣寛麵牛肉有三大塊係超大塊超有份量煮得好淋至於有少少咬口紅燒湯底都係行溫和路線飲落唔會太鹹水果茶感覺落左成粒百香果唔會太酸清甜解膩！日月潭紅茶茶味好香飲落好順口烏龍鮮奶茶 烏龍嘅味道比奶味突出奶味好溫和飲成杯都唔會飽膩

今日要為大家介紹的是一家位於D2 place嘅一間台灣菜，有著各種美味的台灣小吃，價錢便宜，大份抵食，座位超多，服務周到。🤩🤩首先要介紹的是他們的招牌鹽酥雞滷肉飯套餐，鹽酥雞外皮炸得金黃酥脆，咬下去時能聽到脆卜卜的聲音，內裡則是嫩滑多汁。滷肉飯則是用濃郁的滷汁燉煮而成，肉質鮮嫩入味，配上香氣四溢的米飯，好正啊！🍗🍚朋友點咗紅燒牛肉麵套餐，湯底濃郁的牛肉湯讓人一喝就愛上，牛肉片經過細心處理後入湯中煮至剛好熟度，口感彈牙又不失嫩滑，配上彈性十足的手工拉麵和清爽可口的大豆芽涼拌菜非常開胃。🍜🥩如果你喜歡吃辣的話可以試下台式麻辣雞煲。辣味十足。雞肉經過特殊的調味處理後入鍋燉煮，肉質鮮嫩多汁，配上辣椒和各種香料的調配非常入味。🌶️🐔

兩個人係D2 Place 行街，想食台灣野就見到捌捌陸幾多人食緊。本來想叫蛋餅，可惜夜晚原來無得叫蛋餅😭第一樣上嚟嘅係台式麻辣雞煲，份量超級大，而且仲熱辣辣嘅！雞肉好新鮮又好味，辣味剛剛好，洋蔥吸收曬d味，都幾正。而台式滷水拼盤嘅大碟真係份量好足夠，牛𦟌入味又有啲咬口，豬手好新鮮，淋汁又好味，食落又有彈牙嘅質感，富有骨膠原。牛肚同牛筋都好新鮮好味，而涼伴嘅木耳絲都好爽口，香味撲鼻，真係好開胃。最後嚟到紅燒牛肉麵，牛肉好新鮮好味，麵條又好彈牙又好味。飲品方面叫左捌捌陸水果茶同埋凍嘅蜂蜜柚子茶。2個都好唔錯，唔會太甜。

平時在荔枝角行街因為唔熟路 都會搭車去其他區食飯朋友在荔枝角放工 就係附近食飯佢介紹lunch常常食既台灣菜原來夜晚有得食雞煲 佢一直想食7點去到餐廳 幾乎滿座 等候片刻入座餐廳在d2place one 既3樓附近都係以連鎖餐廳為主而這間台灣菜 座位很多以四人枱為主 仲有得坐戶外位置看到餐牌 雞煲分為2種有三杯雞同麻辣雞煲價錢$138一隻 真係好抵 就試下佢而配菜定價同樣唔貴 20幾至30幾蚊我地本身放工肚餓 一於盡情落單//台式麻辣雞煲 $138//一隻雞的份量很多而且每件雞都厚肉 很嫩很滑煲得很入味 配料香料齊全辣度適中 真的很惹味令人食唔停口 比雞煲專門店更高質//手切美國prime三角肥牛 $158//肥牛分為2種 都屬於美國prime牛我地選擇三角肥牛 油脂較重但食落又不覺肥膩感 份量夠多在雞煲湯底 輕沸一下已經入味//台灣直運鴨血 $38//鴨血約有6至8片食落入味 口感硬身不會散開跟雞煲辣味很夾 推介//胡椒豬肚貢丸 $28//貢丸大粒彈牙咬入去 有明顯胡椒味//魚皮魚肉餃 $28//魚皮餃比平時豐滿原來魚肉的餡料很足想想像中有驚喜//娃娃菜 $28//菜類選了娃娃菜吸味

今日舊同事帶路去D2開飯, 一直以為D2都係好靜,假日先多人行下市集原來商場閒日夜晚都有間要排隊既人氣食肆餐廳都有唔少枱, 7點鬆D去到全場爆滿. 好彩等左唔夠5分鐘就可以入座坐低就俾佢既$138雞煲吸引住, 因為$138係有成隻雞! CP值除左睇個份量, 味道都好重要雞煲要做到濃而不油不膩先可以無負擔咁加湯打邊爐因為雞件都多, 就剩係叫左皇帝菜同鴨血皇帝菜份量又係大大碟鴨血滑LUR LUR, 配埋雞煲湯底, 勁惹味$48蚊位任飲手搖,  有7款選擇都算OK試左珍奶, 青茶, 蜂蜜柚子 都係唔會太甜, 唔錯!!食雞煲就係需要任食先滿足!其實未黎之前睇左MENU已經好想食佢既麵, 因為有最後既寬麵最後叫左雞煲都仲係心心念念叫左一個麻辣雞絲蔥油拌麵雖然好飽, 但個麵真係超級好食麵質有嚼勁, 雞絲微辣口感同味蕾同時SATISFIED!!