振興肉丸

營業中

休息中

之前已經食過振興既丸，真心超高質！但有時超市既款唔算太多，甚至有時會缺貨。點知灣仔開左間專門店，仲要係港島，真係勁方便~一入門口已經見到幾個大雪櫃，真係令人興奮！！款式多花多眼亂，睇真啲原來凍肉都有得買。不過今日重點係肉丸~今次買左4隻丸，除左平時可以係超市買到既包裝，仲有磅裝。第二咩即刻煮番碗美味公仔麵🍜🔸黑椒牛丸零添加食得安心又健康，牛丸爽口彈牙之餘，黑椒唔會太辣，入口溫馴。🔸濃芝士豆腐燒好有芝士味(唔係流心款)，係軟軟的質地，真係好似食緊豆腐。🔸小籠包外面係魚蛋既質地，入面包左肉餡，食落真係好似食小籠包，有湯汁流出。🔸黃金魚籽球濃濃既流心沙律餡，包住魚籽，增加咬口。香港品牌一定要支持！！！

之前去朋友屋企燒野食，覺得d丸同平時食開唔同，一問之下佢話d丸類全部係振興肉丸度買上網睇過，振興暫時兩間分店，今日出開灣仔，決定要去入下貨嘩，大鄉里黎到先知原來有咁多野賣一大排雪柜滿滿都是丸，種類款式多到嚇死人除左丸，重有燒賣，餃子，肉類都有！下次打邊爐可以一站式係度搞掂而且食物全部獨立包裝，乾淨衛生芫茜燒賣都有呢期興芫茜，不過我唔愛除左凍野，重有少量乾貨賣！黎到呢道真係有選擇困難症，由其屋企個冰箱真係無嘜位，所以只能精挑細選揀左四款好貼心有保冷袋，路途遙遠都唔怕有黑椒牛丸、貢丸、仿龍蝦丸、麻辣小籠包！呢款黑椒牛丸唔講得笑，真係食過你就知咩叫一分錢一分貨，食過先知同平時夾果d或者四x果d有咩分別百分百牛肉，無人造色素無防腐劑馬來西亞白咖喱湯底，雖然湯底濃，但每一丸粒都食到佢本身既味大粒又juicy牛丸貢丸龍蝦丸都常食，呢款麻辣小籠包就少見，而且甚有驚喜咬開好香麻辣味，但只係好少辣，外表好彈，入面好juicy，值得一試

最近一次打邊爐屋企人買咗呢間嘅肉丸，只係見到其中一個包裝有寫住，但係佢話俾我知係同一間買嘅，所以我哋就打邊爐嘅時候煮咗嚟食。估唔到原來呢間野都有OpenRice，覺得好好食想推薦，所以專登上嚟寫過食評。大埔振興川辣牛丸，芥末魚丸，三星蔥爆漿貢丸，同濃芝豆腐燒。包裝上寫明每款都係百分百果一款肉冇雜肉，冇防腐劑都冇人咁添加劑係健康嘅肉丸。咁呢款濃芝豆腐燒外表好似炸過嘅方形魚蛋，我落都己有咬口，中間嘅芝士豆腐唔係遠心，而係偏乾比較硬嗰種，食落幾舒服。就算唔係好食芝士嘅人都應該會鍾意。芥末魚丸我個人都幾鍾意，似係留心芝士丸，但入邊嘅留心係有少少似沙律醬嗰種質地，芥末味幾香，唔會太攻鼻。我自己本身唔係太鍾意食芥末或者Wasabi嗰啲嘢嘅，因為太攻鼻；但係呢款純粹係有芥末香但係唔會真係辣，所以我好鍾意。三星蔥醬爆貢丸係我最鍾意嘅一款，佢外層嗰個豬肉皮唔單止好有咬口好彈牙仲好有肉汁，咬開咗之後見到入邊好似有舊餃子嘅喊緊，就係三星葱碎加豬肉打埋一齊餡料。

經過幾次，見這間店舖的肉丸種類非常之多，而且包裝衛生清潔，而且以自家製肉丸聞名，所以一直都想試下這間舖頭的肉丸，今日終於都買了～其實肉丸的種類真是花多眼亂，最後我揀了這四款麻辣小籠包與其叫小籠包，個人覺得更似小籠包丸，外皮似係魚蛋的口感，入面超多汁！啲汁好麻辣，令人有錯覺以為好辣，但食落其實唔算好辣，只係肉汁真係好多！好特別！健康豬肉丸椒麻味椒麻味好重，豬肉丸好爽彈，冇乜肥肉肥膏但咬每一啖都有少少肉汁滲岀黎，好高質！彷龍蝦丸用新鮮魚肉同魚籽製成，食落好彈牙，又有魚籽脆卜卜的口感，味道好香！牛骨濃汁牛丸振興肉丸最岀名就係牛丸，連我媽都話係老字號一定要買～的確咬落非一般牛丸咁實，牛味非常濃郁而且入面牛湯好香好滑，牛味爆發岀黎，平時唔食牛丸的我見阿媽話好正先試一粒，食過就知好野！這家店的肉丸真係健康又高質，食過唔想想求其係凍肉舖買肉丸食………而且選擇又多，唔會厭，雪櫃放定幾包看門口都唔怕～

自從上次朋友介紹，說呢隻牌子牛肉唔會添加任何其他肉在內，多肉汁美味，故今日經過灣仔見有專門店，當然唔會錯過，入番幾袋看門口啊！店內有各式各類肉丸外，還有凍肉、氣炸、調味料、火鍋配料....，一應俱全。#牛骨清湯肉丸 牛肉味重爽口彈牙😋，牛味特出，實屬必買產品🥳。#豬骨濃汁貢丸純豬肉製造， 爽口彈牙juicy 又多肉汁。#芝士小籠包 （包心）魚肉外皮配上內餡車打芝士，咬落有流心效果，要小心燙咀，因為芝士會流出來啊☺️。#黃金魚籽球內餡粒粒魚籽爽口有咬口，包裝上注明不添加人造色素、防腐劑，絕對是香港人健康嘅肉丸。

中午飲完茶滯滯地，突然想晚上食四寶丸，在街市附近的大埔振興肉丸店尋覓，這家店始創於1967年，老字保證，而且強調完美、天然、健康，品質高級。買了四款分別是貢丸、牛筋丸、仿元貝、菠菜丸。味道很好，有彈性，有肉味。貢丸極之大粒，牛筋丸口感好。最欣賞仿元貝，仿真度高，只是烚熟，看去似煎至金黃，咬開尚有絲絲層次，$48包看來有廿幾粒，又抵又好。菠菜丸都好，質地近魚蛋，軟中有力。真空包裝，企理安全，開了包，雪過幾日之後食亦冇改變好味指數。

位於灣仔的振興肉丸，是一間超有名的家庭式肉丸專門店。品牌在1967年由陳南奎先生創立，主打以鐵棒錘打牛肉造肉丸，粒粒有嚼勁，粒粒彈牙美味。百分百香港製造的肉丸，深得港人歡心，在大埔本店聲名大噪，之後便在灣仔開第二間店啦。 在服務員介紹下，我選擇了四款不同款式的肉丸。包括: 香菇貢丸、墨魚腐皮卷、零添加墨魚丸和招牌牛骨爆汁牛丸。         充滿冬菇香的貢丸，深得我心。比起單純的貢丸，口感更多，味道更濃。 墨魚腐皮卷，用腐皮包著墨魚，長長一條，好可愛。 零添加墨魚丸，主打零味精、零人造色素和零防腐劑，大家吃進肚子就更加安心。 招牌牛骨爆汁牛丸，不但牛味濃，更會爆汁，有驚喜，又非常美味。

上個週末在灣仔銅鑼灣一帶逛街，途經大埔振興肉丸專門店，忍唔住入去掃貨，買咗幾款特別啲嘅口味嚟試。之後我用嚟煮下粉麵都好唔錯。大埔振興川辣牛丸牛丸同原味牛丸口感一樣，爽口彈牙，爆汁，有牛肉味，食得出係真材實料，用純牛肉打出嚟。川辣味道好適中，唔會太過辣，但係又有啲麻辣嘅風味。三星蔥爆漿貢丸我係香蔥控，食嘢好鍾意落勁多蔥，呢款貢丸好香香蔥味，我好鍾意。一咬下去豬肉丸冇牛丸咁彈牙，但中間餡料部份真係爆蔥，就好似食白切雞嘅蔥蓉咁，而且味道好新奇，完全唔同平時食開嘅貢丸。芥末魚籽丸一咬下去，魚蛋爽滑口感，加上中間餡料部份的魚籽在口中霹靂啪喇爆裂，口感好豐富。中間芥茉醬味道亦都好適中，少少creamy，但係又唔會太膩太Heavy。有骨炸魚皮有骨炸魚皮係星期六日先有，魚骨有豐富鈣質，係補鈣嘅佳品，有機會買當然買包黎試吓。炸魚皮非常香脆，骨的部份更為脆口，咬落去sharp sharp 聲，係一個令人食唔停口嘅小食。就咁食，我就稍為略嫌過鹹，浸落湯中幾秒即食風味更佳。總括而言，大埔振興肉丸專門店嘅肉丸種類好多，我食過幾次都未完全試晒佢所有口味，而且佢用料真材實料，冇加入人造色素同防腐劑，係健康嘅肉丸，平

朋友介紹振興肉丸好食，分店又近返工附近，中午時間過去走一走，果然有意外收穫店內有多冰櫃，各種各樣凍肉，肉丸，火爐，氣炸，韓燒等等，講得出既款式都有，眼花撩亂一共買左四包肉丸回家振興黑椒牛丸川辣牛丸麻辣小籠包蔬菜丸每包都好大包有保溫袋，就算天氣熱都唔怕每一款都好吸引振興黑椒牛丸，名不虛傳，表明100%牛肉打造，牛味非常特出，跟外間的牛丸，絕對係兩回事，必買川辣牛丸，同樣是100%牛肉打造，好JUICY，雖然混入指天椒，但麻辣的味道只是微微的，出色麻辣小籠包，是包心丸，橙色的外層並不是色素，魚肉打成的外皮，內裡包著豬肉碎和指天椒，咬一口要小心，因為肉汁會慢慢流出來最後介紹的是蔬菜丸，鮮綠色同樣沒有色素，是魚肉加上蔬菜，口感彈牙，一包有好多包，清清地既口味，好抵食每次煮麵，肉丸真是配搭之一

近來阿女多咗係屋企HomeOffice,午餐多數在家煮嘢食，所以我要買定啲食材放喺雪櫃，等佢隨時有得食，佢食嘢都好講究，唔係様様都食，記得之前老公買過振興肉丸比女兒食，佢讚口不絕，今日我去灣仔經過大埔振興肉丸分店，立刻入內買返幾包返屋企。店內有一大排雪櫃，放滿不同口味的肉丸和急凍食品。招牌旁更寫明原味、天然、健康，表示振興產品用料講究，令食客食得安心又放心。買咗幾款肉丸，用保溫袋裝載，保持溫度。女兒見到啲振興肉丸，急不及待立即拎去煮粉食。松露小籠包：外皮是用魚肉和松露製造，餡料是豬肉碎，松露香味濃郁，外皮彈牙，餡料鮮甜。牛骨清湯牛丸：採用澳洲牛腿肉作材料，將濃郁的牛骨湯精華混入牛丸漿內混和在一起。肉丸彈丸又鮮味！豬骨濃汁貢丸：選用台灣入口的豬腿肉，將濃濃的豬骨湯、一級香菇混入豬肉漿內混和在一起。 製成又大又美味的豬骨濃汁貢丸。口味層次豐富，多汁彈牙。 仿龍蝦丸：龍蝦丸賣相鮮艷吸引，採用新鮮魚肉和飛魚卵魚籽製作，不添加人造色素、防腐劑，絕對食得美味又健康。

今日到灣仔上堂，本身是振興肉丸的粉絲，知道早前在灣仔有間新分店，就在鵝頸橋附近。今日一於去朝聖一下😌有骨魚皮（係地鐵已經忍不住要影俾老公睇，分享一下）😂今次見到有這有骨魚皮，立即秒買一包和家人分享。它的普通魚皮已是薄脆非常，而有骨魚皮加上魚骨後，吃起來更是卜卜脆，勁有口感！🤣🤣芝士豆腐燒這豆腐燒有濃濃的芝士味， 連我這個豆腐迷也覺得不錯，軟淋淋，細細粒，又容易入口。健康豬肉丸肉汁都幾多，同振興招牌牛丸不相伯仲👍🏼👍🏼最喜歡就是這些真材實料的肉丸，吃起來感覺也健康一點。

自從食過大埔振興肉丸之後，返唔到轉頭 ，全家都做咗佢哋粉絲。💯欣賞產品堅持天然原材料，不添加香精，人造色素及防腐劑。放幾包系雪櫃，做下午茶或者宵夜好方便😋🌟黑椒牛丸百分百以牛肉打造，食到有嚼勁既牛孖筋，配惹味黑椒，層次豐富。🌟 仿龍蝦丸食得粒粒豐富魚籽(飛魚卵)，入口爽彈。🌟 芝心小籠包魚肉外皮配車打芝士內饀, 有流心效果😋😍🌟豬肉丸100%豬肉製造，爽口彈牙， 豬肉味濃郁， juicy 多肉汁。

來到銅鑼灣食完野，順路去街市附近睇吓買啲咩餸煮飯，路過有一間振興肉丸，平時就聽得多自己就未食過。佢入邊其實都有好多唔同種類嘅嘢買，唔單只係肉丸。我的目標是買一肉丸放在冰箱，煮公仔麵又可以食，就咁食又得。馬蹄木耳貢丸貢丸真係爽口彈牙，加咗木耳同馬蹄，另外有一種口感。濃芝士豆腐燒軟綿綿，入邊有好多芝士， 芝士好香口好濃味。黃金魚籽球表面上就像一粒普通嘅炸魚旦，入邊有好多魚籽，仲有蛋黃醬嘅味道，出奇地配合，一般我都不喜歡吃有餡料嘅肉丸，今次出奇地喜歡。零添加墨魚丸墨魚丸爽口彈牙，食到有墨魚鮮味，重大帶一點麻油味增添香氣。

今日去灣仔順便買少少嘢食為冰箱添置一啲後備食糧。有時候都會貪方便喺街市買啲肉丸就算數，不過今次專程嚟呢間大埔振興肉丸買野食，除咗因為曾經聽朋友介紹過之外，而且仲因為佢自設廠房，標榜無添加，感覺會食得較安心。黑椒濃汁牛丸黑椒味好香，食完令人胃口大開，牛丸爽口彈牙，肉汁豐富，下次可以再encore！魚豆腐魚豆腐都幾鮮甜，用咗幾款鮮魚肉混合軟豆腐再打成膠，小朋友好鍾意食。墨汁墨魚丸單單是看墨魚丸嘅顏色已經覺得是真材實料，食落口感彈牙，有層次感。芥末沙律球用魚肉包著無辣味嘅芥末沙律醬的內餡，除咗鮮甜之外，味道和口感都幾特別，不錯不錯！下次都上咗試吓其他種類！

【 #燒烤火鍋必備】.天寒地凍，最好圍爐燒野食、打邊爐暖笠笠食好西。家中雪櫃常備肉丸用黎煮面、火鍋、小炒、小食... 隨時加餸好方便，識食嘅小寶行開超市就叫我買大埔振興肉丸，最鍾意食牛骨濃汁牛丸同零添加墨魚丸，無添加人造色素、無添加防腐劑、無添加味精，爽口彈牙又juicy, 好好食～.如果唔食牛嘅朋友，仲有其他豬肉丸同魚丸可供選擇 #sohappy.各大超市及網店有售 大埔振興肉丸