拾柒號冰室 (已結業)

今日冇啦啦好想食公司3文治,聽講呢度既招牌3文治有牛扒,又幾好食,咁就同朋友黎呢度食個下午茶!入到去有草猛n容祖兒演唱會睇!因為想睇電視所以爛梳化都照坐!我叫左拾柒3文治配薯條,友人叫左自選扒餐既咖哩吉豬飯!想叫d特別既餐飲佢又話賣哂..睇黎睇去都冇野想飲所以決定唔飲!之後坐左陣佢就打好單放番係我地枱面..我地無聊係度研究下張單,見佢只係寫左"豬扒咖哩汁反"幾隻字..正當我地討論緊佢會唔會俾錯煎豬扒既時候..佢就拎左個咖哩煎豬扒飯黎-_-可能呢度落單係就咁寫個編號,所以1要寫字就寫錯..咁再等左陣就黎左友人既咖哩吉豬飯!我食左1舊仔吉豬,都仲有肉汁唔會抽乾哂,但d咖哩汁既味道係勁古怪,難以形容,總之就古怪!冇耐我個3文治都黎埋!餡料有:薄牛扒,芝士,火腿,蛋,生菜,蕃茄!都唔知自己食緊乜咁..全部野都冇味道!再食薯條..凍既..我諗已經放左好耐..我諗短期內都唔會再幫襯..拾染3文治配薯條$28..自選扒餐$28

無飯開，來這裡，本來想求其叫碟炒麵就算，卻發現有個跟麵包的紅酒燴牛尾，好似都幾試得過，就叫一個來試。牛尾盛在陶砵中，放在簡單的燃料爐上燒，幾有睇頭。可惜的是中看不中用，燒來燒去也不熱，無論是牛尾或是紅蘿蔔、薯仔等都凍冰冰，唯有著侍應拿回廚房煮熱來吃就算。味道算是不錯，也似是下了紅酒去煮。牛尾是又實又韌，結果用麵包去蘸汁吃就算。麵包厚切成三角型，塗上牛油再烘脆，反而幾討好。加飲品一杯，埋單45蚊，下次還是吃回炒麵算了。

食過過間餐廳既火煱，早餐同下午茶，我覺得d野食ok bor,當然唔好expect話好好好好味要專程來食，不過作為有時冇飯開或者想食tea既時候，佢都係住在附近既人既好選擇之一。d早餐同tea比附近既美心快餐同桃園島貴一兩元，不過勝在選擇較多，轉凍飲都唔駛加錢=)

我同個朋友去左飲野咁呢我地淨飲　佢地都對我地好好　而且價錢唔錯ｗｏ！！　杯野好一般，不過個環境都幾好！！　值得一試

約左個朋友在樓下傾點事，見落雨濕濕，不便行遠，就近近地來了這裡。一心來吃晚市套餐，但見佢個火窩上市，個豬骨窩底只賣38蚊，好似幾抵，就試佢一試。個窩底都幾多料，不過就全部都是斬開的豬腳骨，幾片蘿蔔三舊粟米，加埋芫萎及芹菜，看上去都幾豐富。湯滾起先吃豬骨，都算有點肉，帶筋的部份當然豐腴可口。要了幾碟火窩料，包括四寶丸、草菇、娃娃菜、肥牛等，價錢普遍幾便宜，大都是十幾蚊一碟，當然質數亦麻麻地，如草菇不是新鮮的，牛肉是幾片長長的雪藏肥牛，只有娃娃菜算是又靚又甜。不過回想起來，加兩杯凍飲及一碟米線，兩個人吃得飽飽都只是138蚊，幾便宜，一分錢一分貨色，無可厚非。用電磁爐，幾乾手淨腳又快滾。

此店都算藍灣數一數二收費平食肆,再睇佢集團,真係唔明點解咁平?黎呢度通常食晚餐,一人火鍋夠平又多料;豬骨煲味精重又冇肉,最好都係芝士雞扒焗天使(幼)麵.侍應真係撞手神,d人轉得太快,又細個,所以水準好難保持.

第一次去係因為唔知食乜好,見佢門口menu d野食幾o岩我,所以同媽咪入左呢間..等左一陣就入得去啦,點知坐左個冇冷氣位,咁同佢講狙後佢都好醒咁好快咁換左第2個卑我地..食物方面,呢一次真係唔錯架,d野食幾o岩我..不過我媽話太多cheese佢唔鍾意waiters係呢次都算幾好唔錯不過以上呢d好評係第2次去既時候就全部都推翻哂因為第一次覺得幾好,所以又去.今次叫左個唔知咩芝士焗意粉,d味係ok架,不過唔知點解會有冬菇?總要有青椒waiter今次就真係完全唔得囉..我叫餐既時候佢都冇問我飲乜湯同餐飲,我係係佢轉身走既時候同佢講架..最要命係佢將我個餐飲同我媽叫果個野飲double左..O 哂咀囉不過我地都未係最慘丫,我見到我地隔離枱果家人,叫左個咖哩豬飯,但原來都有中西式分,整到佢地都唔知點好,最後WAITER收佢地D野既時候總要倒瀉左其中一個人杯野飲,整到佢成條褲濕哂囉..我同我媽見到都拿拿林食完快D走

公司由灣仔搬到小西灣，上星期日下令所有staff都要返公司unpack，由於處理需時，結果由9:00am 執到16:15，仲唔知時間無食lunch，還是留待明天繼續。4時多見到老闆與太座，由於佢地知我未食lunch，於是三人一起到藍灣半島找食肆醫肚。在商場走了一圈，結果，我們選擇此店吃下午餐。下午餐都選擇頗多，結果老闆夫婦倆選擇食魚蛋粉麵，而我卻選了印度薄餅加烤牛肉串燒，味道不俗呢!估唔到茶餐廳都有咁多不同食物的選擇，最難得涷餐飲也不用額外付錢，而且份量也頗大杯呢。看來從此午餐都要與藍灣半島商場內的食肆為伍啦!

今晚同女朋友行完山,咁就去左呢間餐廳食晚飯睇見佢個裝修都好似幾好,咁就諗住試下我就叫左個法國香草紅酒汁雞扒公仔撈一黎到睇個賣相就知唔掂...個公仔麵食落去硬既.塊雞扒都尚算ok但係個汁就真係唔知咩味而我女朋友就叫左個set dinner 係豬仔脾拼台式紅腸個豬仔脾o的肉質麻麻.個汁都唔知咩味食食下中途,我女朋友聽緊個電話個女侍應就即刻問係唔係唔要個度都仲要半碟未食..我即刻講左句...好趕呀真係好難食..好耐都未食過咁難食既野最後連個甜品都唔鬼食..返到屋企我同我女朋友仲一齊肚痛添-_-

有一日我無意中同個fd來食野,冇人招呼,算啦我都唔理啦最後有人比左杯水我餐\棑又冇都唔知食咩叫佢\地又唔應好似死哂等野食又耐食果d野有d蒼蠅仔我咪叫佢\換囉又係咁不知所謂我都唔會再食啦

我今日兩點鐘去食下午茶，行行下見到哩間幾有情調既餐廳，燈光稍為暗了少少，都okey！我叫左個A餐，就係沙爹雞絲意粉，配煎蛋牛油多士，即磨意大利咖啡．個沙爹湯底唔太濃，幾好；凍咖啡好香滑．

星期日來這裡晚飯，三個人叫了羊腩煲（跟菜一碟）、笳子雞煲同欖菜肉碎炒芥蘭。食物份量都算足，味道也不錯：羊腩ＯＫ，屬大路貨色，但當然唔可以期望幾十蚊有乜野特別；笳子雞既調味唔錯，最好是唔太多油；欖菜肉碎芥蘭都幾好。總括講，呢一到食物水準平穏，價錢公道（大概四十零蚊一個人），比隔離美心貴ＤＤ但好一些和多些選擇，作為街坊食肆，可以捧場。

食過一次，印象就係好大碟！我食一個燒羊排的晚餐，飲完碗湯已經飽左一截，之後個主餐上，好大份，結果全部薯條冇食過，四十幾蚊都好抵，不過有點浪費。講番味道，大概係比茶餐廳好少少，羊排質素麻麻，用鐵板上，油仲多過黑椒汁（可能係由炸薯格度出來），所以呢度野食勁有茶記feel。服務方面，唔算好差，不過碗湯等左好耐，我朋友直情碟菠菜面食左一半都未飲湯，我摧過佢話個包未得，所以唔上湯，咁唔通上左主菜先又可以？大佬呀，醒少少可唔可以叫入面唔好咁快焗個菠菜面？想回下LI-睇錢食飯，香港好多食肆都唔歡迎單身客，因為得一個客，俾晒張檯又唔係，搭檯人地又唔歡迎，我試過一支公去一間買燒味幾出名既，我食碟飯唔夠15分鐘俾佢叫我轉左三次位讓俾人，我冇錢俾咩，谷鬼氣唔食埋就走人！

10月11日17:30下午行完山後，到這裡來個下午茶。扎肉鯊魚丸河粉：清水微暖湯底，扎肉行貨，鯊魚丸本是爆醬，可惜不夠熱，內餡冷冷的，河粉不夠滑。齋啡：即磨，夠香濃，有水準。客人不多，但仍要等20分鐘才有得食。價錢，是超值：河粉份量十足，咖啡有水準。食味：要扣分。服務：非繁忙時段，招呼不錯。乾淨：筷子無遮無掩地，插在闊口玻璃瓶內，有點兒那個。環境：卡位寬敞舒適，椅背夠高，夠私隱。

我諗成日去藍灣半島食飯既人都好熟呢間野ga la~地址:香港柴灣小西灣(28號?)藍灣半島商場地下17號有幾次去我都會叫個焗飯------芝士焗雞扒飯呢度既焗飯好特別,個飯係黃黃地色,有一陣葡汁味但係配起芝士不但唔覺得怪,而且仲覺得幾好(個人觀感^^)講番個焗飯先.....個焗飯就真係有焗既~(sorry..廢話=.=)D芝士落得幾多,同埋雞扒都幾夠味一般來講唔洗再落調味料~個飯仲有小小生菜個類野係雞扒之下咁就唔會得肉&cheese咁滯~而且+5蚊就有杯野飲or湯,+10蚊就兩樣都有m.....我諗可惜既就係一個焗飯都要3x蚊,可能貴左D...waiter service ok,係有時可能太忙所以聽唔到,聽講1個人去食既話會等好耐,不過我就好快就有位@@衛生情況滿意~環境比較黑....如果學生們呢個月鬆動既話都可以去食下既~畢竟都係太貴....