拓比歷麵包西餅專門店

營業中

休息中

甚少去石硤尾，難得路過麵包店，見到咁得意嘅birthday cake，忍唔住影咗幾張相，尤其係iron man嗰隻，佢個頭仲識得搖，好搞笑。。後來我send俾d小朋友睇，佢哋都好興奮🤣講真，真係好少見到屋邨有咁用心嘅麵包店，平時都係清一色舊式菠蘿包、雞尾包、牛油蛋糕。。。雖然呢間都有，我都求其買咗個提子包食，味道正常，但係佢嘅卡通生日蛋糕真係好特別，見到都想買。。真係冇expect街坊麵包店會有咁靚嘅生日蛋糕。。雖然今次冇試到味，但見到咁得意，下次有小朋友生日都會過黎訂。

在石硤尾看完中醫，因為今天地鐵去不了官塘，於是行去搭巴士，在巴士站前的麵包鋪買了個蛋撻，估唔到食了人生以來最差最難食的蛋撻，完全污辱了香港嘅地道食品. 希望其他人不要中伏. 再看麵包袋，發現佢有幾間分店，大家小心

以前在附近上班，經常在這𥚃為同事慶生而訂製生日蛋糕，既多選擇，芒果蛋糕、黑森林蛋糕和鮮果忌廉蛋糕⋯悉隨尊便，可以任揀多種款式，價錢合理，新鮮製造。雖然這裡的蛋糕不及新派餅店的新穎設計，但勝在夠平實，最適合我等老餅的囗味！適逢長兄登六，便在這店訂了一個約兩磅的生日蛋糕，寫下： ～頌獻九如．賀兄耳順～祝他身體健康，生活幸福快樂！

好喜歡食尼個包，遇到新鮮出爐一定要食呀，法 蘭 克 福 腸 $9尼個包又大又抵，真係大過隻手入面既醬其實幾重口味架，有茄汁、芝士、沙律醬同香草加埋條大腸～不過好好味好正，茄汁同沙律醬都酸酸地，加埋芝士好夾，因為有酸味所以有芝士都會唔溜，中和番個包。條腸仔就大大條個包都係，食一個一定飽啊放過夜或整番熱真係會冇咁好食架！但岩岩出爐真係要推介喜歡食醬食包既你！

上次食完覺得幾ok今次再黎買2件唔同味XD加埋14蚊做茶點唔錯啦 好過食魚蛋燒賣LOL今次叫左舊抹茶同strawberry抹茶唔洗講都知同紅豆最夾啦, 就好似tofu同火腩一樣!不過呢舊蛋糕味我覺得一般...d茶味唔太鮮!strawberry就唔錯ge, d果jam好好味, 甜得黎又有strawberry味!個蛋糕都係有味ge!

食開美X聖安X西餅黎黎去去個D西餅真係好悶...所以要試下第間 XD今次呢間都有OK多款, 返工之前係咁以買左二款一款係朱古力, 另一個係栗子朱古力個個幾有驚喜 好濃朱古力味栗子個個就正正常常啦二件西餅都唔會太"漏", 都OK好味價錢都好OK整體黎講都OK會再黎叫!

甜品幾時都容易打動大多數女生: 昨天傍晚路過的我,前後拍照一輪, 項目花多眼亂終於買下脆皮燉蛋, 芒果班戟, 芝麻飽, 五殼飽, 提子條同有趣嘅雞仔條 (雞仔餅嘅變奏版) , 合計都係$51, 除咗朱古力皮唔再脆, 但濃郁蛋香勝在滑溜唔太甜味班戟皮厚咗D 食落都合格雞仔條讚= 傳統南乳香味四溢 vs 現代手法+層次分明+新鮮感+企理+ 清新唔油膩, $1 / 條, 超扺食芝麻飽, 五殼飽都採用輕 /鬆手法表現其港式風格, 特別是後者具有蜂蜜甜味蓋在顆粒之上, 相對突出香脆口感!提子條雖然油份較重, 造就粒粒提子可以中空地方寬敞招呼有禮, 整體印象唔錯 另一有趣西餅: 上方是雙併~ 即黑森林併芒果蛋糕, 合多心想一次食兩款嘅食客原來共有4 間餅店

周末的上午，未能放假，仍要上班工作，路經這間其實開張了不是太久的麵包店，決定入內買點東西留待晚些肚餓時頂肚之用。在店中售賣的各款麵包西餅中，瞥見當中的「迷你Muffin」原價四元一個，但三個就只售 $10，都幾抵食，而且賣相也不錯，以有士多啤梨印花的小紙杯包裝，Muffin 上還有半圓的塑膠蓋子蓋著，看來清潔衛生，於是便買來三個回辦公室享用。這裡的「迷你Muffin」有數款口味，包括有合桃、香橙、咖啡和朱古力等，這一天，難得地我沒有選擇一向最喜歡的朱古力味，只是要了其他三款味道的「迷你Muffin」。簡單來說，這三件 Muffin的口感和味道都挺不錯，蛋糕口感鬆軟不乾硬，以杏仁片裝飾的咖啡 Muffin有咖啡味，以彩色糖霜條作裝飾的香橙 Muffin也有橙味，而合桃 Muffin呢？雖然沒有合桃味，但就有合桃果仁擺放在蛋糕上。才賣十元三個的「迷你Muffin」，水準不差，實在抵食呢！

在石硤尾村居住，想吃麵包的時候，第一時間當然是到那多年屹立不倒，而且有保證的【占美餅家】光顧！今天早上時段，吃過早餐，但還未滿足我那巨胃的慾望，然而麵包癮發作，就像餓狼似的一支箭地沖向麵包店，此時突然想起，已開張多月的【拓比歷】卻一直沒曾光顧過它們出品的麵包，因此趁著這次的機會來品嚐一下這間麵包店的麵包實力如何店內環境顏色柔和單調，利用了橙黃色的燈光，給客人非常舒服的感覺！至於，衛生程度尚算不錯，麵包擺放整齊，讓顧客能一目了然。走到店面，已看到多款蛋糕陳列在蛋糕櫃裡，再甫進店內也看到出售的麵包種類繁多，大部份都是大路款式，售價屬街坊舖的中等較高價格，看到麵包款式不太能吸引我，本來打算對麵包大開食戒的我，就把目標轉移到「蛋糕」的部份。看見蛋糕櫃裡陳列了多款十分精緻的凍餅，凍餅分別有$6、$9、$13...的款式。另外，還出售一些簡單的甜品，例如：芒果布丁($8)、士多啤梨撻($12)、芒果雪米糍($12)和朱古力木糠杯($15)等等。當第一眼看到這蛋糕櫃時，最為吸引我的目光就是用金色鋁紙和摺盒作承托的朱古力流心慕思蛋糕($13)及藍莓乳酪蛋糕($13)。藍莓是我最愛的口味，但看到朱古力的

約咗屋企人，又喺一年一度上鑽石山墳場拜祭嘅日子，大家先約晌石硤尾等齊再坐巴士去。無過嚟石硤尾一排又變咗，隨著幾幢公屋落成，多咗啲商鋪，就喺晌等巴士期間，見依間麵包鋪新開，支持吓地區小店，買件西餅試試。芒果卷 $6簡單而言，就喺少忌廉，多芒果。除面頭有兩大片芒果，一片夠熟，好甜，另一片少少生，有啲酸，而卷心仲有芒果肉添。卷蛋部份亦做得鬆軟，最緊要喺忌廉少，啱晒我老婆，小弟覺得喺有心之作。大大件多料嘅芒果卷，真喺唔知佢賣一件可以賺幾多；賣幾多西餅、麵包先可以頂得住鋪租、人工……呀！祝小店拓比歷繼續有好嘅出品，生意就蒸蒸日上啦！

晚上時份取車之前又來到此店買個麵包回家作明早早餐.上次覺得佢地整既香蕉蛋糕已經唔錯.今次這個奶皇菠蘿包同樣出色.奶皇餡料夠多而且甜度適中唔會太甜.翻叮既麵包同樣鬆軟, 晚上來買麵包仲要每個都減1蚊

見到這間麵包店都好光猛, 忍不住又走入去買左個香蕉蛋糕食.包裝都好乾淨又有蓋一早翻叮來作早餐, 估唔到加熱後香蕉既味道更加突出好香, 加上蛋糕本身夠鬆軟好好味.下次都要試埋其他包點.