手作功夫茶 (鯉魚門廣場)

營業中

休息中

這款全新茶凍系列的「茶凍百香多多」，絕對係夏日透心涼嘅好選擇。茶凍滑溜爽口，入口即化，帶出淡淡茶香，唔會搶味；百香果酸酸甜甜，清新開胃，加埋多多嘅乳酸風味，整體層次豐富又唔會太甜。三種口感互相配合，飲落去有驚喜，清爽之餘又有飽足感，真係好啱怕熱嘅我👍🏻

終於等到「手作功夫茶」重開，忍唔住即刻衝去回味！當日叫咗招牌38奶霸（珍珠／蒟蒻／仙草）同埋鐵觀音珍珠奶茶，兩杯都冇失望！38奶霸料多豐富，每啖都食到唔同口感層次，珍珠煙韌、蒟蒻爽口、仙草滑溜，配上奶香濃郁但唔膩嘅茶底，真係滿足感爆燈！最欣賞係佢哋茶同奶比例調得好好，唔會俾奶味蓋過茶香，飲得出用心。鐵觀音珍珠奶茶就更值得一讚，茶香濃厚得黎又唔苦澀，鐵觀音獨有嘅焙火香加埋軟糯彈牙嘅珍珠，完美融合，飲完真係會想即刻再嚟一杯！「手作功夫茶」都絕對係值得一試再試嘅好選擇！