扇火鍋

營業中

休息中

今日放假就走左去坐巴士出市區，咁岩有巴士出觀塘，咁就去左觀塘行街搵食。去開觀塘，我多數都會去扇火鍋，貪佢坐得舒服，野食又多。今次我們點了嚴選牛肉定量套餐 湯底壽喜燒 $89 加一食60分鐘，兩個人 埋單都唔洗兩百元。今次都有驚喜既，單碟既份量都唔少，牛肉好靚又好好食，見得下人。點單碟既好處除左價錢平之外，就係可以食多啲其他野，扇火鍋佢都幾多野食，我每次都食唔少拉面，不過最近好似改左啲野食，無左粟米和芋絲，希望只是咁岩無貨啦。

日式火鍋放題店四圍都有，大家都知質素都幾參差下。觀塘都有3-4間呢類日式火鍋，網上見到呢間叫做「扇火鍋」評價不俗🤤🤤，於是放工一於去試下。可能餐廳位處嘅大廈冇隔離apm咁熱鬧，所以七點左右都唔使等位，到咗門口已經可以直接揀湯底同牛肉級數，今次就清清地，試咗個鰹魚清湯，同埋豬骨湯。肉方面就叫咗第三平嘅$229嘅澳洲穀飼牛 (包海鮮放題，限時90分鐘)，本來想揀最平嗰兩款，但睇餐牌幅相已經覺得嚡，無謂冒險！🙈🙈自助區可以揀嘅食物數量中規中矩，有同業必備嘅魚柳、雞腿肉、芋頭片、幾款急凍丸、羽衣甘藍、旺菜、蘿蔔等等，但就冇萵筍、油麥菜、薯粉同粉絲，味道方面，冇邊款特別深刻😳，但追求健康嘅朋友可以專攻幾款蔬菜。醬料吧亦都唔多選擇，只有蔥、茜、蒜、椒，加四種醬汁。另外都有咖哩牛肉同白飯。甜品吧有雲呢拿雪糕同乳酪雪糕，不過今次就冇試到。😅清湯同豬骨湯比想像中重手，雖然預咗係人工嘅味道，不過基本上唔使點醬，食物已經好有味。而且佢哋係會用返原本隻湯嚟幫你加湯，所以真係會愈食愈鹹！🤨$229套餐，肉類賣相整體唔差，不過牛肉比想像中肥，油脂分佈冇張相咁靚，牛味未見突出。豬肉就食唔到雪藏豬味，可以接受。而比較

星期六晚睇完戲諗唔食咩就過隔離ONE PACIFIC度睇下呀見到呢間火煱好似OK印象中好耐之前食過一次都唔差的點知原來好多人等位都等左九個字先入到座因為本人唔食牛就揀左169個餐揀左麻辣藥膳湯同豬骨湯豬骨湯就正常呀唔算好濃反而麻辣藥膳湯幾惹味雖然藥膳味好淡但麻辣味好惹味好出D配料索左湯好入味啱晒我重口味出面既配料都係大路野見職員都會REFILL講唔上種類超多但基本的都會有算係咁啦飲品除左汽水仲有啤酒雖然選擇唔多起碼有得過下口隱

11月6號晚，一早已電話預約7點半，服務態度很好，我同朋友早到了，在門口的女服務員，叫我哋可以選擇邊款套餐+湯底，而我選擇了「雞白湯」，在食的時候，有一位男服務員，主動地問：須唔須再添加食物，又加湯底，服務態度真係好👍🏻👍🏻👍🏻

已不是第一次來，當然是吃過後感覺很不錯才再來。可惜呢次很失望了！吃日式火放題鍋，當然牛肉是主角。如果我付基本價錢，我會預了來的牛肉不會是甚麼特別好貨色。我估唔到加多啲錢要了澳洲榖飼牛，啲牛肉都可以肥到咁。雖然唔係最貴級別的牛肉，但冇諗過咁肥，而且唔係平啊，同餐牌上相片有很巨大落差囉！咁唔講碟肥騰騰牛肉，其餘食物該有的算有啦，ok!今次之後，我應有排唔幫襯，因為我唔喜歡食咁肥牛肉，比快餐店火鍋的牛牛仲肥，感覺是伏伏伏伏！🚁🚁🚁🚁🚁🚁

同同事放工嚟打邊爐， 搵唔到黃店打， 就唯有去呢間我覺得呢間有少少似但馬屋， 都好公式化， 啲湯底好似都差唔多樣， 跟住有唔同嘅牛畀你揀 我哋就揀咗 300蚊嘅套餐 — 澳洲a5和牛(好似係)由於食靚嘅牛， 我湯底就唔揀太重口味， 揀咗 美人鍋( 雞湯)果然食牛配呢隻湯底係好好味， 令到牛嘅鮮味好突出， 唔會蓋過陣牛嘅鮮味( 極度推介呢個湯底)唔記得每樣食物都影張相， 得呢張從張枱都見到其實呢間個食物種類唔太多， 不過我樣樣都講啲啦澳洲a5和牛： 都幾好味， 啲紋路都幾靚豚肉： 反而覺得豚肉最好食， 紋路靚牛舌： 本身有啲期待呢個， 但佢實在太薄， 所以 食落好唔彈牙， 好冇口感配料： 選擇種類唔多， 都係啲大路嘢調味： 連炸蒜都冇， 有啲失望甜品： 有 雲呢拿雪糕同 乳酪雪糕， 有朱古力醬 同埋 其他topping，還好吧整體而言呢間OK啦， 不過下次可能唔會食$300嘅牛， 食最平嗰個餐算喇科科

Lunch 選擇個60 分鐘牛套餐（$89） 牛有一碟，出面D菜、面及丸任攞。仲有2 款雪糕（vanilla 同乳酪味）而雪櫃飲品任飲。可能11:30 比較早，所以得兩枱客。如果full 曬人就應該坐得有d 迫。出面食物我就對個拉麵幾好食。菜個D就絕對新鮮啦。不過，當我想食咖哩飯時，姐姐好老實講發現變左味，所以重新整過。我喜歡佢甘老實，不過，就冇緣試下。雪糕味正常，不會伏食菜都食飽，我哋食左40 分鐘都停手了。如果大胃D就應該叫90 分鐘任飲任食（牛肉也可）好肚餓想塞飽自己或想係一個時間內食多D種類菜的話，哩間幾合適

今日去觀塘開會開到成9點幾，所以就同朋友在觀塘搵食。觀塘都有浩楠飯堂，今次去亞太中心個間扇火鍋就係其中之一。今次豪一點點了，$189 嚴選牛肉放題火鍋套餐，比上級牛肉火鍋套餐貴10元。今次還試了香辣藥膳湯。牛肉送到黎，真係靚一點，所以都吃了不少。香辣藥膳湯，很不錯，下次都會再點。醬料bar 都有很多選擇，最緊要有我最愛的生蒜蓉。食物方面，有樣我必吃的就是他們的拉麵，真的超好吃，放湯煮熟，再加醬油生蒜就超級美味。講番扇火鍋有什麼值得去食，平時浩楠多數係放假星期六日中午去食，食完就過APM 行街。星期六日人會少一點，中午又有午市套餐，一碟肉，汽水雪糕任食，幾十元，好鬼抵。好運的話還能坐到卡位，完全符合成為浩楠飯堂。

今晚情人節周圍都咁多人，見呢間最少人排隊就入咗去試啦我同老公揀咗最平嗰個套餐，盛惠$169一個人，可以任食肥牛同豚肉，食落唔會漏，肉質都幾好，但喺其他火鍋配料選擇好少，最失望嘅喺響鈴要叫$219以上嘅套餐先有得食我哋分別揀咗蕃茄同美人豆乳湯底，味道都唔錯，而服務態度就不過不失，喺有個侍應一開頭唔記得咗我哋落order要肥牛，唔知係咪因為太多嘢做太忙啦而甜品方面得啫喱同自製雪糕，以呢個價錢嚟講就唔喺咁值，下次未必會再幫襯

雖然得一個鐘食晏，但阻唔到我黎蛤下蛤下。尤其是天氣咁凍，呢度蔬菜、菇類、丸類、粉麵都非常多選擇，二十多款而且好新鮮、洗得乾淨。叫咗個壽喜燒湯底跟肥牛，肥牛質素都唔錯，有咬口，肉質鮮嫩，油脂分布均勻。菜類嚟到必食羽衣甘藍，因為出面未必食到。飲品任飲，最後仲可以食杯雪糕或者乳酪，奶味香濃奶滑，連加一$80有找。

年廿九係小弟牛一，愛生事家庭陪我食飯，去傳統火鍋店打邊爐真係食得多，原來而家有呢種任食牛肉嘅模式，真係抱住唔好食嘅心態去試吓，下午訂咗枱，所以去到等一陣就有位，入到去乜都唔識，知客姐姐介紹我地食279蚊一位嘅日本產黑毛和牛套餐，仲有豬肉、豬腩肉同牛舌，但食落原來真係幾好味，唔怪之得都咁多人幫襯，重點係無限添加，相比起去火鍋店食一碟靚牛普通都300蚊，都真係算抵食，咁當然呢度嘅牛肉就切到好薄，但又有另一種食法，豬肉都唔錯冇騷味，外面自取嘅食物種類都好多，值得下次再去食吓!

成班同事好鐘意Lunch打邊爐夠近又抵食好多時佢都比到一人一鍋而今次我都係揀左甜匙油湯底～個人比較鐘意食辣，所以每次都會喺匙油度加辣椒！喺自選食物方面，舖頭都有比較多選擇！因為我係素食者，所以主要都留意翻素食品。冬菇、金菇、冬瓜、木耳、豆卜、南瓜etc 而菜佢都有埋羽衣甘藍、西洋菜（呢兩樣同湯底好夾，而且羽衣甘藍好新鮮，雖然佢自帶苦味，但加落湯底就岩岩好中和翻，食起黎好爽口）仲有普通都有嘅生菜、娃娃菜🥬🥬🥬而面類呢都有拉面、烏冬、公仔面、粉絲，必食拉麵配甜匙油湯底，味道更加濃郁食完一大輪當然要食甜品，有乳酪雪糕/雲尼奶雪糕，我就點都要乳酪雪糕啦，酸酸地味道自然啲無咁膩；而且仲有啲toppings可以加，有可可波、蜜糖星星果啲唔係度度都有嘅，好岩嘗鮮！最後要一提，飲品有幾個大櫃任拎，最開心佢有源源不絕嘅茶！

好鍾意呢一度可以選擇一人一鍋，自己可以揀鍾意嘅湯底。因為得一個鐘得晏，我揀咗呢一個$69set壽喜燒湯底。湯底鮮甜，配菜飲品任食，種類選擇非常多，而且質量好新鮮，肥牛雖然價錢係最平，但係份量質量絕對超值，大大塊牛，油脂分佈均勻，有牛嘅咬口。最尾仲可以食個原味乳酪，奶滑香濃同自加配料，真係食到好満足，捧住個肚走。

同朋友放工就近揾食，三個人諗左好耐食咩，最後都係決定一齊烚下烚下，就黎左扇火鍋。可能因為早入去個陣唔洗排隊仲有卡位坐，店員會問一煲過定一人一煲，如果一煲過就可以坐卡位闊落d。坐低之後就揀餐同湯底，我地揀左上等牛個個餐，而湯底方面店員話最多人揀就係壽喜燒同豚骨味，最後我地揀左豚骨味湯底，好快店員就拿住湯底過黎，奶白色豚骨感覺唔錯。之後就出去拿野食，食物款式唔算好多都ok既，覺得芝士豆腐、豆卜，拉麵同芋絲都值得拿黎食，其他丸類配料就都ok。至於肉方面就比較失望，牛望落去都比較瘦，同埋食落都有d硬無咩肥肉，反而個豚肉仲好食d，自己始終覺得肥牛有少少雪花先好食，所以d肉真係略嫌痩得制。飲品方面都算幾多款式，自己都係鍾意飲忌廉溝鮮奶。另外餐廳仲有yogurt可以食，有原味同雲妮拿兩種可以揀，配料仲有童年回憶既蜜糖猩猩同可可球，幾好食忍唔住食左兩轉。不過可能因為餐廳都多人等位，真係食足九十分鐘店員就不斷催促，差唔多每三十秒就趕我地走一次，搞到最後狼吞虎嚥甘款。最後埋單每個人差唔多二百蚊，自己覺得以呢個質素黎講都偏貴左少少，不過食物都算ok既。

我鐘意食辣 其中冬蔭功係我最愛之一 酸酸辣辣 係好開胃 今次食左 扇火鍋 (しゃぶ扇) 嘅冬蔭功鍋 發現可以自己DIY個湯底 店員會俾左一碟配菜 完全可以根據自己個人口味去調味 本身都已經好夠味我剩係飲個湯都飲左幾碗😂我叫左一個 $219澳洲飼養牛放題套餐，仲有象啤送！估吾到 雖然係仼食但牛嘅質素岀奇地好 上菜都好快 其他菜同丸類都係自助嘅 而且飲品類都好多食完仲有女女最鐘意嘅Yogurt Ice cream😍😍感覺完全好似去左泰國咁！