戶井北海道米比薩 (已結業)

今日午餐約咗珍珍去 JP 間意粉屋，去到見到隔離有一間戶井有大板燒，大板燒是珍珍的至愛，於是入去試吓，大板燒有八款，叫咗一個海鮮大板燒 $68.8唔錯，多菜少粉，面醬香濃，有蝦及墨魚，幾新鮮又大份。我另叫一個鮮蕃茄帶子意大利粉午餐 $63.8 先來一個日式沙律，幾片羅馬生菜加幾粒車厘茄，少少地不過够新鮮，配日式沙律油幾好味。再來一個是日特價湯 + $13.8（南瓜忌簾湯）有南瓜香又够滑。鮮蕃茄帶子意大利粉到有鮮茄粒的汁配爽滑的意粉 + 五粒細細地嘅帶子，面頭有的木魚絲，好味、正。再來一個特價甜品 + $10（北海道牛乳蛋白）都 ok ! （够滑但奶香就欠少少）。 嘆埋杯跟餐嘅咖啡，非常滿足。（咖啡幾香濃但唔够熱）。係門口時收咗 $10 優惠券。連加一共 $172 - $10 = $162環境略擠廹及嘈吵大板燒及咖啡等得太耐要追（侍應唔够主動，又唔回覆結果）

Pizza食得多，但用飯造Pizza都係第一次試，不過感覺就似食飯焦我就覺得麻麻地喇！意粉不錯，甜品一般。海鮮Pizza $88.8/普通份量OK，又幾香芝士味，不過因為是用飯來造個Pizza底，食時好似食緊飯焦，但又不是特別香脆、飯粒又帶點硬，我就麻麻喇到有少少黐牙飯又好似好薄，不太多，不算太飽肚戶井超級Pizza $88.8/普通都是，其實味道不差，只是飯焦問題囉和風明太子海鮮意粉 $85.8好味，每條意粉都見到有好多明太子，又不會太乾身。海鮮份量一般冰牛奶紅茶 $31.8無紅茶味，好似飲緊奶水囉黑芝麻配燒蕃薯 $39.8普普通通，不及麻布好食黑芝麻牛奶刨冰 $35.8黑芝麻不多，如果多點點會更好

今日同獅子仔兩個入去食d 野食都幾貴架....但係想試所以叫了一個 rice pizza食落有d焗飯feel同焗飯不同的地方是多飯焦overall來說....都ok啦~加一後 $84

琴晚同左女友去左呢間店到食晚飯,呢度o既裝修都唔錯,坐得ok舒服,d小二都幾有禮貌,要一讚.叫左個戶井超級薄餅(細),一個燒牛肉,一個釀雞翼,一個咖喱薯餅,一個雪糕可樂,一個雪糕綠茶.暇好食果個係燒牛肉,有咬口,有肉汁,不錯,個釀雞翼同咖喱薯餅可以不理,因為只係一般,個薄餅幾特別,不過因為用飯做,所以好易散,其實好似食緊焗飯咁,都ok.單我地叫左咁多,食完野係一d都唔得飽,而且係未到半飽,因為d野好細碟,埋單要成$300,食水真係深左d wo.

不知不覺間，我們對日式西餐廳有了一份鍾情，很喜歡白色和簡單的配搭，特色的食材或做法，和那製作精美的餐牌，今次就試了TOI，試試那米比薩到底是什麼一回事。在米比薩中，海鮮和鰻魚是我們的心水，最後我們點了鰻魚，把海鮮留給大板燒。鰻魚比薩先上碟，賣樣未如我們在門外見到的一樣吸引。鰻魚是薄身，不算出色，飯上面也加了青椒、栗米和芝士，好像沒有其他材料了。飯有點飯焦是可以接受的，但做得較硬身，咬下去時就不能提起興趣，最好的是邊位有些香口的芝士，也略嫌太少了。接著是海鮮大板燒，大板燒很厚身，以為會很飽，原來菜絲佔了八成。茄醬下得不平均，有些地方很酸，有些則沒味。我也吃到少少的蛋味，只是太少，也在底部。咦! 海鮮呢??最後來一客宇治金時，第一次吃這出名的甜品，還不錯的。綠茶醬下在軟雪糕上，綠茶味不夠。紅豆在底，煮得夠淋。暖的番薯和凍的雪糕的配合，幾有層次感，冰火交替的感覺實在難以形容，第一次這樣吃軟雪糕呢。店子可能太多人，沒有那份清靜，還吵得有點過份。最後要了一杯水，女友突然說不要飲不要飲，我驚訝地問為什麼，她見到店員在很多盛滿了水的杯中倒回入那水壺，然後又盛滿入我們的杯子裡。雖然這不能證明那些杯是收

同朋友行過銅鑼灣時.見到呢間野既仕應係度派傳單..攞左張傳單特色冰管飲品半價.未試過所 以試吓.裝修唔差..食物就....1)士多啤米蝦比薩梨(小)$88.8 士多啤利都幾甜.蝦夠大隻新鮮.但個比蕯底就好硬.Ｄ飯痴住曬牙.喜歡食飯蕉既人就ok..我覺得傳統餅底好食好多..2)和風積木牛扒$39.8 牛肉夠淋好味3)和風燒什綿$39.8 都唔錯.燒得夠香 4)熱情果冰管(半價)$16.4 勁甜.第一啖唔夠凍.只有插係冰嗰Ｄ先凍..5)霜淇淋咖啡$35.8 雪榚加咖啡

(有相) 好唔好食又睇落去 293 回: 色彩繽紛的飯焦@戶井北海道米比薩http://hk.myblog.yahoo.com/goodboy_philip/article?mid=36186對好孩子黎講, 食野真係一種享受, 雖然有時做左白老鼠食左 d 真係好唔好食既野, 不過每一樣野食其實都有好味之處既! 所以呢度寫既飲食 blog, 通常都唔會有 d 極差既評語, 食野應該係開心, 飽到捧住個肚真係好幸福架! 當然食極唔肥就當然更好啦! wakaka...講番今次, 同好友 J 食飯, 去左戶井北海道米比薩, 至於好唔好食?又睇落去?海鮮米比薩: order 兩個 pizza 唔 order 意粉係因為 size 細得可憐, 料亦極之少...一定唔飽...講番呢個 pizza 先, 海鮮用料幾新鮮, 顏色鮮艷色彩繽紛, 同店外既 sample 一樣咁靚!芝士唔算厚, 不過底層既飯焦幾脆, 鍾意食 pizza 既涵料, 都可以試試飯焦 pizza 既味道吖?芒果黑椒雞肉米比薩: 除左有 "肉" 既 pizza, 亦有一欄係 "生果" pizza, 例如奇異果, 士多啤梨...甜甜芒