我杯茶 (永興樓)

營業中

休息中

今日我地又返兜我杯茶，都係無試仙草面，都係食蔥油雞。今次食評嘅主打就係大少嗰個蕃茄黑毛豬飯。聽個名真係有啲期待，但係嚟到個飯，不過又係好似咖喱豬扒飯咁，半煎炸嗰啲豬扒，跟住放啲蕃茄汁上去。我試過大少啲番茄汁，個味道有啲似金寶ABC罐頭湯d味。唔好咁大期望就OK吖。

今日響灣仔附近做完野，未食lunch，索性就去食個下午茶三點幾去到，估唔到平日呢個時候竟然都咁多人！點左個沙爹牛蛋治，個包超軟熟，雞蛋好香。好多人覺得三文治要烘底先好食，但其實你塊包夠新鮮，就咁食都好正！大部分人食沙嗲牛肉都係響早餐配麵食，但其實配包食都好正㗎奶茶好香濃，啲冰好細粒，好味另外叫左個沙嗲牛肉飯，賣相好得。有幾條生菜、洋葱、仲有隻好靚嘅煎蛋。飯比較多，已經食到好飽啦呢到價錢唔算平，一杯奶茶都要22蚊，不過人地就係sell呢樣野有興趣可以試下哦

這間店基本上變了我另一飯堂，午飯好多時也去這裡食，今日唔太餓，叫了佢個黯然銷魂叉燒皇蛋脆脆豬加芝士(個名好長🤣）$40，這裡地方細細，客人主要買外賣，食過這𥚃幾次，個男職員（疑似老闆）可能也認得我，啲食物基本上即叫即整，但也好快上枱，個脆豬香脆，我篤爆個蛋用個包點D蛋漿食😋，叉燒好味，半肥瘦，不會硬，因為本人係芝士控，所以加埋芝士食，味道係夾的，個男職員好好，見我無叫嘢飲，主動斟了杯熱水過我，非常細心，加分，會再幫襯.

去完律敦治覆診，搵個地方食個輕便下午茶。行到去春園街，見到個舖名叫‘我杯茶’ ，似係啲新式茶記，就入去試吓。 本來諗住要雙黃鴛鴦三文治，好似好特別咁，不過又驚炒蛋+鹹蛋黃太‘漏’， 結果要咗個黯然銷魂叉燒皇蛋脆脆豬，見有位，就堂食。攞張單寫大大隻字‘外賣’，跟著又寫‘堂食’，我有啲confuse，心諗其實佢哋唔confuse就得啦⋯⋯地方唔太大，自己揾位，自己聽號碼攞嘢食，我坐bar枱，張bar枱係有啲窄，還可以啦⋯⋯ 要讚嘅係張bar枱凳有得‘挨’，又可以轉，算唔錯。嘢食到，個賣相幾好，脆豬都幾脆，叉燒半肥瘦，個脆豬同舊叉燒已預先切開一半👍🏻，不過大家記住要先自己預備好濕紙巾，因為你一定會用手食，而個脆豬唔知係咪有啲叉燒蜜汁，笠笠哋。整體來講係好食嘅 最唔好嘅係我明明係堂食，都俾支膠叉我，好唔環保囉 😤

這間店之前食過佢嘅三文治、沙嗲牛肉及叉燒也不錯，今日試吓佢個蕃茄黑毛豬飯$58，落order時個男職員(應該係老闆）依舊好熱情，勁push我落order，老實講，我覺得有D over咗，有時也未諗清楚要食咩😂，太過chur。。講返食物，餸同飯分開上，個餸好熱辣辣，有好多黑毛豬，大大舊，不過我覺得有啲位有少少韌，不太易咬開，個汁撈飯食不錯，少少酸幾開胃，雖然這個飯也不錯，不過我覺得佢嘅沙嗲牛肉、叉燒及三文治出色D，當然仲有經典奶茶，下次我都係食返這些食物😃

第二次食這間，今次叫佢的黯然銷魂仙草麵加雙黃鴛鴦三文治，主要係俾佢這個雙黃鴛鴦三文治吸引住，但又覺浄食三文治可能唔夠飽，所以叫多個黯然銷魂仙草麵，因為上次叫了佢個沙嗲牛肉飯食，今次想試吓其他嘢，黯然銷魂其實即係叉燒，叉燒半肥瘦，正，仙草麵似幼麵，湯底清甜，雙黃鴛鴦三文治🥪即咸蛋黃及炒蛋造成的三文治，炒蛋幾滑，與咸蛋黃夾埋食也ok，但好似咸蛋黃味唔夠出，整體而言，這間店一開始我以為只係主打奶茶，但原來其他食物也好味，真心推介👍🏻

之前經過好幾次也無入去食，因為覺得好似無咩位堂食，而且見佢主打奶茶同包類食品，本身我對奶茶咖啡又一般，午餐只食包類又怕食唔飽，但今日也決定試吓，地方細細，先在收銀處落order，見佢menu有飯同麵，叫了個沙嗲鮮牛肉飯配招牌奶茶(熱），奶茶好快沖好，之後上餐，碗飯有幾條菜及一隻太陽蛋，撈飯一流，啲沙嗲牛肉好入味，甜甜辣辣，好惹味，牛肉肉質鮮嫩，厚薄適中，送飯一流，杯奶茶好滑，不錯，總體而言有驚喜，會再幫襯.

#我杯茶 #我杯茶港式奶茶鴛鴦專門店 ——————————————————————#無骨蔥油雞飯好多蔥油🤤d蔥油同平時食開味道有分別，唔會太咸，有佢本身既特色，而雞肉都算嫩，份量岩岩好🍚好味指數：8.1/10#沙嗲鮮牛肉飯沙嗲味幾濃配合埋鮮牛肉系一個唔錯既選擇！好味指數：8/10#絲襪奶茶 ☕️舖頭最出名既經典奶茶☕️奶茶唔會太甜亦都唔澀，飲完仲有回甘既感覺✨✨好味指數：8.8/10抵食程度：8.5/10回頭度： 8.5/10——————————————————————📍地點：灣仔春園街6號永興樓地下⏰營業時間：星期一至星期日07:30-19:30#美食 #foodie#薑蔥雞飯 #蔥油雞飯 #絲襪奶茶 #鴛鴦 #沙嗲牛肉飯 #灣仔美食#wanchaifood #mliktea #chickenrice #hongkong #food #foodssss___

上年同大少已經試過呢度嘅午餐,之後一直都只係經過買外賣奶茶，直至上次買奶茶嘅時候，見到佢有新嘅午市套餐所以決定返兜。本來我一直都想試吓佢個仙草麵，後尾入到舖頭，心大心細最後決定叫咗薑蔥雞飯，大少就叫咗咖喱豬扒飯。平時我哋飲凍奶茶，今次決定一齊飲凍鴛鴦。個咖喱豬扒飯，都係半煎炸完啲豬扒上面，放咖喱汁，嗰啲咖喱汁又同茶餐廳冇乜分別。我個碗飯就鋪滿蔥油雞，頭嗰一，两舊雞比較嚡，之後嗰幾舊就滑返啲。薑蔥再唔係太鹹，我都用咗少少嚟撈飯。可能疫情關係，所以舖頭都冇乜人食飯，我哋兩個都坐得比較鬆動，$60一個餐有飯有凍飲都可以講係平靚正。

次次黎都一定要飲凍檸茶/奶茶，佢有個下午茶set $38 一杯野飲加一個三文治，叫左個鴛鴦蛋治，佢係雞蛋炒咸蛋，然後包都用埋麥包同麵包，佢個咸蛋都幾香，岩岩炒完好香，估唔到又幾得意，個包軟，可以試下呢個鴛鴦蛋治。茶就唔洗講，行過唔飲台式茶飲都可以試下凍檸茶/凍奶茶，茶底好濃，你可以揀少甜，佢即場落少啲糖，檸檬佢都同你篤埋，但又會放番一塊檸檬比你，總括嚟講，茶味濃，甜度適中，檸檬酸度配合得恰到好處，行過一定要試。

这店以奶茶最有名，所以特登去尝试。店铺唔大，只有10几个座位，点左热奶茶和黯然销魂叉烧蛋脆脆猪。热奶茶系几香甜同滑溜，但可能我唔太好奶茶，所以感觉同外面嘅差唔多。叉烧蛋脆脆猪几特别，面包皮好脆，叉烧好肥厚，不过食得多有D滯。不过整体上还可以。

老實說我已經唔係第一次光顧這裡的奶茶。一直都覺得合乎水準。可以算係有質素。之前已經想試一試它們的三文治，但因為環境太差。又迫坐位又細，所以都無試。最近因為疫情關係，四圍都少咗返工和返學的人潮。所以我都想試一試。何況這裡的三文治又做套餐優惠。那就去試吓做個下午茶啦⋯碎牛治那些碎牛好油。我食完後因爲太油，最後都嘔了一大餐。我已經因為想件治好食點加了烘底錢。最後其實有點失望。我本來以為應該會和深水埗間傳統碎牛蛋治比一比。點知今次連奶茶都退步了。我今次用餐經驗都係麻麻。這裡咩都要自己一手一腳拎⋯坐位很窄，沒有地方擺東西。有個房位會坐得較舒服。但原來已經比職員佔來食東西傾心事。客就在出面坐到迫一迫。最後提示大家：唔建議買奶茶卷。因為根本唔係太抵。買完如果執咗就更加唔抵。

行過經過見話奶茶正宗身為奶茶控既我忍唔住入去試下 真係唔錯 係我飲過咁多間黎講最正宗茶同奶比例好好，我唔落糖都覺得好夠香下次想再試下啲野食真心推介👏🏻👏🏻👏🏻

最近肺炎係香港漫延，人心惶惶，同班同事出去食野都要諗過度過。知道最近灣仔附近有間茶餐廳買滿$300 就送外賣，可以同班同事夾份，叫外賣至安全，一於就試下啦；預先叫定一放飯就有得食。我點左個沙爹牛蛋三文治超好吃，又唔會話好辣，最後唔少得叫左最愛既奶茶，奶茶茶味夠香。哈哈，之後午餐有著落啦。

極邪惡！～不嬲都對菠蘿包🍍呢樣野有情意結🤣🤭灣仔經過見到呢間港式地道茶鐺，決定去食個TEA！ 佢哋有個煎蛋叉燒菠蘿包，好正咁，出面少有。果然冇叫錯到，好juicy，叉燒燒得好香，肥瘦適中，個醬汁同個包好夾最後呢間奶茶都好出名，都唔錯幾好飲