我是酸奶君 (已結業)

沙田終於開咗我是酸奶君啦！對於鐘意飲酸奶既我黎講絕對係喜訊👏🏻而且仲要係開喺沙田地鐵站內，地點非常便利。而家新開幕仲要做緊優惠，所以今日就買咗兩杯 try try。呢度有自助落單，唔使排隊唔使等。我嗌左熱門排行榜嘅第一同第二位，分別係吃米酸奶同益生香橙君，兩款我都好鍾意！飲之前上下搖6下會更好飲。齋聽吃米酸奶呢個名，都想像唔到係咩味，不過既然佢係招牌，一定有佢嘅過人之處，飲完果然返唔到轉頭，有驚喜👍🏻吃米酸奶非常香濃，唔似一般市面既上乳酪咁濃稠同膩，飲完唔會又飽又滯，而且甜度適中，質地幼滑，加埋粒粒紫米豐富口感，個人因為非常出色！而益生香橙君甜度比吃米酸奶高少少，質地再稀身啲，乳酸同香橙嘅比例恰到好處，配搭唔錯，又好解渴。而且份量好大杯，加埋開幕優惠真係勁抵飲。

身為Yogurt控😌知道沙田站新開左”我是酸奶君”梗係要去8下整返杯🥤🥤🥤. 新開張一次過買兩杯, 第二杯有******半價******呀!!!!!>吃米酸奶奶蓋 (HKD35)之前旺角分店飲過🥤吃米酸奶🥤好好飲, 勁鐘意大量嘅紫米𡁻𡁻口感仲要勁健康. 今次來杯加奶蓋先: 揭開蓋原來有Oreo碎碎😍嘅芝士奶蓋, 頭一啖就咁飲, 勁正! 濃香芝味, 同酸奶超Match, 濃稠度調較得非常啱飲, 每啖都係好多紫米+勁Rich嘅酸奶👍🏻.>牛油果果 (HKD42)沙田限定嘅牛油果🥑yogurt點可以miss呢. 現打新鮮牛油果🥑blend入勁rich yogurt, 天然無添加勁健康, 由於真材實料, 而新鮮剛熟嘅牛油果🥑口感好似雪糕咁滑, 滿杯清新嘅味道, 飲哂之後竟有一點點飽肚感.

就黎要去做身體檢查既我決定最近要食light d知道沙田火車站開左間「我是酸奶君」平時經過尖沙嘴同旺角分店都好多人排隊就打算去朝聖由於新開既關係 做緊promotion 買一送一同同事夾份 計返係$25一杯 價錢都算係ok本身打算買沙律 但最後打算lunch淨係飲呢杯野簡左飲 吃燕麥酸奶 聽落健康dumm味道真係好一般就好似係稀釋左既酸奶加左燕麥入去（我懷疑有紫米）多左d口感可以飽肚d但無奈酸奶真係太稀兩樣野有d唔match我會鍾意酸奶再有濃厚d既感覺岩岩飲完會特別有飽腹感味道真係好普通 試一次就夠

經過沙田地鐵站閘外見開左間新既飲品店叫"我是酸奶君"~原來係飲yogurt既, 好似幾特別咁, 買黎試下先...都有唔少人幫襯喎...餐牌TICK左既先有得賣~本來想飲滿杯榴槤, 可惜今日冇人氣top 5~~開張期內第2杯半價~好底喎, 咁梗係買2杯啦, 哈哈芒芒果海 $39好香既鮮芒~~甜而不膩!內裏有飽滿圓潤的黑紫米，口感軟糯Q彈芒芒果海感覺非常清新，很適合夏天消暑解渴!吃米酸奶奶蓋 $35酸奶採用雲南高原奶~ 味道微酸，奶味濃郁加埋奶蓋更加滑~~紫米煙煙韌韌配埋OREO, 口感非常豐富!!!

突然經過見到有人派試飲見到市面好少酸奶既鋪 本身自己又好鍾意奶製品飲左下 覺得真係幾好味可惜得我一條友 冇得share 新出既優惠（買一送一）因此自己叫左杯紫米酸奶 唔錯唔錯做早餐對胃都幾好 推薦！見到有新鮮既鳳梨 好想食🤣🤣

今日同朋友係新城市廣場吃完晚餐後就諗住搭地鐵走，掂知八達通冇哂錢，於是就去櫃員機撳錢。行到埋去，見到有間新飲品店→我是酸奶君。原來酸奶君已經來到沙田，唔使再山長水遠去九龍買來飲啦。於是撳完錢就拉拉臨趁佢地刪門前買杯來飲。由於冇哂D紫米，只好買杯益生鳳梨君。呢杯野真係冇得頂👍🏻! 好飲😋又清新。雖然係貴D，但係見到佢地係用新鮮生果整，即刻抵返哂。佢地新開張仲做緊第2杯半價。過2日同朋友再來買過。