我是酸奶君 (已結業)

久聞我是酸奶君大名一段日子，今日路經小店，決定試下佢既飲品係咪咁好味先！平日我通常飲開普通茶飲，有酸奶既飲品都好少揀，所以一見到個menu都諗左好耐先揀到。最後成功揀左益生香橙君($40)，不過我對個味道都好期待，而且細細個就已經凝住橙同奶係唔可以溝埋一齊食。店舖同logo設計都幾特別，而且簡約，杯既質地硬淨。飲品味道都幾特別，不過乳酸味太濃，但橙味略嫌不夠，而且乳酸飲品咁大杯，其實會好飽，價錢方面就偏貴。試下都OK，但性價比會令我卻步之後會唔會再買。我個人提議，應該將飲品分量加設選擇，咁就無咁浪費。。。之後我都特意google一下，發現原來橙同奶係可以一齊食，但會較難消化，腸胃差既人就小心啲啦~~~

沙田站ATM果邊近來竟然開左間飲品店，我都係路過㩒錢先見到，朋友話想試下，咁就買黎飲下～呢度似乎係出名啲乳酸類飲品，於是就專攻佢地。我叫左個墨紅玫瑰，因為鐘意玫瑰味。呢杯乳酷有淡淡既玫瑰味，都幾好，墨紅睇黎就係講緊佢用左類似紫米既野，有啲墨色咁，飲落有啲粒粒既口感，成杯野都幾夾，仲酸酸甜甜。之後仲叫左啵啵酸奶，聽個名應該唔會知係咩黎，其實應該係焦糖珍珠乳酪再有啲米，又有米應該因為呢度係主打啲有米既乳酪咁，都幾特別，第一次試，乳酪同焦糖味原來又幾夾，味道幾立體。雖然份量唔大，但有米粒既關係，其實飲完都會飽架。

近年來香港人越嚟越注重健康，呢家連飲品店都要顧及健康，近排有間飲品店就主打健康既酸奶飲品，所以今日就同朋友去咗試下喇。鋪頭係正沙田火車站對出十分方便，叫咗啵啵酸奶同益生鳳梨君，酸奶的確比台式飲品健康好多，可以有效幫助胃腸蠕動。啵啵酸奶 ($33) : 出色既酸奶配上煙煙韌韌嘅黑糖珍珠，酸酸地之剩帶點微甜既黑糖，十分出色 👍🏻 而且價錢又合理。益生鳳梨君 ($40) : 味道好似益力多溝酸奶咁幾得意，而且重飲到有啲鳳梨肉添 😍 幾好飲唔錯，難怪係排行榜第五位。

沙田火車站原來開左間我是酸奶君 今日嚟試下啦 原來仲做緊買一杯第二杯半價添wo 個menu有埋top 5排行榜 唔知咩好食一於就係上面揀 我同朋友試左佢經典嘅吃米酸奶奶蓋同埋芒芒果海 吃米酸奶奶蓋入面d米原來係紫米嚟ga 面層仲有oreo係面 奶蓋同酸奶好夾 仲可以咬落紫米 煙煙韌韌 好好味 飲哂成杯都好飽下 另一杯芒芒果海 都係有紫米係底 飲之前搖勻佢先就唔會痴住一pat係底 芒果配酸奶酸酸地好開胃呀 好有食緊芒果紫米露嘅感覺 仲可以飲埋酸奶 一舉兩得

人氣乳酪飲品我是酸奶君Hey! I Am Yogost有好幾間分店但是我還是第一次喝 點了兩杯由雲南72小時慢酵高山稀酸奶配黑紫米、水果調製酸奶飲落酸酸甜甜 富有咬口的黑紫米同燕麥 健康有益 前提係走糖我鍾意草莓酸奶 有好多草莓果肉-紫米酸奶$35草莓酸奶$43-Yum：👅👅👅/5Revisit:💃🏼💃🏼/5Price: $40/head————————————————我是酸奶君HEY! I AM YOGOST沙田沙田港鐵站SHT 34號舖 ————————————————

沙田外賣飲品店分得好散 好開心火車站出面有酸奶君 想飲杯飯後飲品都超方便😗食完飯經過見到無乜人 即刻同同事買返杯嚟試下選擇唔算好多嘅 不過嚟得酸奶君就緊係飲酸奶啦仲要沙田店繼續做緊第二杯半價嘅優惠🤤即刻同同事一人一杯啦😙✨吃燕麥酸奶 $33原味乳酪配紫米同燕麥第一啖飲落去唔係好慣嗰陣酸味😂但越飲越好飲 加埋紫米同燕麥幾煙韌飲下飲下就飲晒嚕😆✨芒芒果海 $39同事嗰杯因為芒果味所以乳酪陣味就無咁強但都係好飲嘅 因為芒果同乳酪同紫米都好夾不過兩杯比 筆者就鍾意原味乳酪多啲正價雖然有啲小貴 但而家做緊優惠就抵好多喇🤤

越近聖誕心情越興奮，因為又可同朋友吃飯及交換聖誕禮物。 今日同朋友也啱啱放假，就約出嚟一齊去睇戲。 通常睇戲也是飲著汽水或珍珠奶茶，今日在地鐵站出口旁邊，見到開咗有間＂我是酸奶君＂。 最近一連幾日飯聚，正想要吃得健康些，看著這間我是酸奶君，它的健康飲品正合我心意。 更推出左新口味，更有沙田限定飲品買2 杯抵好多，有第二杯半價優惠吃燕麥酸奶燕麥加酸奶，切合我想吃得健康些心態。牛油果果冇諗過牛油果整飲品，味道也可以咁香滑，好好味。

🍼【🥛我是酸奶君🥛】🍼.「我是酸奶君」登錄沙田啦😍🎉喺正地鐵站隔離，非常方便！.🌾燕麥紫米奶萃 $35天氣咁凍❄️不得不試暖杯新品——燕麥紫米奶萃💜底層有綿滑的芋頭蓉，再加入黑糯米同燕麥，嚼着喝，口感豐富😋.🍼吃米酸奶奶蓋 $35招牌必點系列🏅喜歡yogurt的一定會喜歡這甜甜酸酸的味道💕配以煙韌紫米，有飽肚感，大滿足😊.依家優惠仲多籮籮，但凡買兩杯飲品，第二杯即獲半價！手機落單又有優惠，真係幾抵！.沙田分店限定嘅「吃啵啵酸奶」，下次有機會再試！

友人介紹了《我是酸奶君》，用乳酪為主角，挺吸引便過一趟啦 ！ 地點就在沙田港鐵旁，款色有新鮮感如只在糖水店吃的紫米 、 較少用乳酪HKD 29 起也划算 檯上還標示了 熱門排行榜，幫我解決猶疑不定😂👍🏻 最後我倆點了紫米奶酸 HKD 33 （熱飲）牛奶採用牧場牛乳，口感特別滑溜有別紙包牛奶、樽裝鮮奶。也沒有蘇味杯底～ 而杯底更有大量紫米咀嚼，贊好！ 燕麥酸奶 （凍飲）HKD 33 由於櫃檯上標示了冰量及糖份調配經過試驗，那我就不改好了！ 質地厚厚的，仲添加了燕麥增加口感～ 在等候期間，一找之下原來港九新界都有分店，而新開沙田店有期限定品，想飲真係要出點力啦 😂

喺沙田火車站一出站，左手邊就有依家好受歡迎嘅我是酸奶飲品店，一直都未有機會是，不過聽朋友講，呢間野嘅飲品給特別、清新、健康，所以去到沙田，走去睇吓同試下。餐牌上有一個系列，叫做吃米系列，英文叫RichYourgt，店員介紹說，因為酸奶嘅底部會有紫米，而且酸奶比較濃郁，一聽到呢個介紹，就決定要一杯吃米酸奶奶蓋35元。另外有生果系列，包括有沙田店限定板牛油果、芒果、士多啤梨🍓等，其實都好想食牛油果，不過同行嘅朋友唔太喜歡，所以就試吓大路嘅芒芒🥭果海酸奶。整體呢度嘅酸奶都好濃郁，味道好好，特別芒果味嘅都好Flash，飲落好舒服。的確是好介紹！

知道沙田火車站附近開咗我是酸奶君，感到非常興奮🥰因為我朋友試過話勁好飲，於是我今日放工返屋企經過，就二話不說買咗兩杯啦！我之前有參考過好多營養書，所以都好注重健康飲品㗎🥰我叫左杯吃燕麥酸奶，等左幾分鐘好快就有啦🎈最佳品嚐時間為30分鐘內，當然好快比我飲晒啦！因為係酸奶，絕對係非常開胃，就好似食緊乳酪咁，而且比牛奶更易吸收同消化。而且很豐富乳酸菌，對腸胃疾病有防治作用架❤️加上有燕麥豐富嘅纖維，有助降血脂穏血糖，所以我都介紹咗比我爸爸飲😘 跟住我叫咗杯童年元氣裏面嘅大紅棗棗。好抵呀第二杯仲半價添啊😚杯飲品好多紅棗，又唔太甜，味道剛剛好！而且佢主要都係有紫米同酸奶,口感煙靱～正其實紅棗有豐富維生素，又可降低血清膽固醇，滋陰補腸，所以岩曬女性啊！最後補充一點服務員態度好好，環境乾淨企理，大家經過喱間分店都去幫襯下啦🤩🤩

上週去沙田火車站時，見到有手搖嘅酸奶飲品，咁得意，於是同朋友走去買左一人一杯🙈吃燕麥酸奶 $33我最鐘意飲酸奶，見到手搖嘅酸奶就好似發現新大陸咁，所以我揀左原始得黎又帶啲創新嘅燕麥酸奶。其實飲品當中除左燕麥味，又唔覺有燕麥片喎，不過就有紫米同糙米係杯底，而且份量都唔少，好飲又飽肚。如果唔太大食嘅朋友，可以買黎做代餐呢😆沙田限定的黑糖五重奏 $391.芋蓉2.黑糖3.珍珠4.鮮奶5.糙米五種唔同嘅食材，真係一杯有齊多種口感😆😍而且温笠笠，真係啱晒係冬天飲👍🏻

返屋企經過新城市, 好想來杯Yogurt Drink, 近在眼前就係*我是酸奶君*啦, 放學時間好多學生呢, 同家姐一人一杯先.>吃米酸奶系列-吃燕麥酸奶 (HKD33)次次都飲吃米酸奶yogurt唔會太甜想加點邪惡感就要奶蓋又得, 原來仲做緊第二杯半價勁抵!!! 今次飲燕麥base嘅: 燕麥base原來都有紫米呢, 口感豐富得多, 同yogurt比例大概1:3, 啖啖都有𡁻𡁻燕麥+紫米.>牧場牛乳>暖< - 紫米奶萃 (HKD33 > HKD17)正呀冬天飲杯暖嘅. 啖啖都係𡁻𡁻下嘅健康紫米, 仲有大大份量鮮芋頭蓉, 同時又有珍珠嗰種Q彈口感, shake 1 shake先飲更正. 芋頭濃濃紫米露嘅暖牧場奶係冬天推介!

今日返工之前喺沙田火車站附近經過見到我見有「我是酸奶君」分店，聽朋友講話好好飲，於是就去試吓！其實珍珠奶茶鋪已經開到周圍都係，但喱一間以酸奶同埋紫米主題嘅台式飲品，都幾創新㗎😊首先，我點左兩個一個係吃米酸奶奶蓋，另一個係大紅棗棗比個朋友。大概等左幾分鐘，飲品就到手喇❤️吃米酸奶奶蓋，底層係紫米煙煙靭靭，非常有嚼口。奶蓋好有濃郁嘅奶味同忌廉，我最鍾意飲🥰另外酸奶酸酸甜甜，質地順滑，飲完已經啱啱好😘非常頂肚😂服務員建議最佳品嚐時間係30分鐘內，但我8分鐘唔使已經飲晒😚😚另外我叫咗杯燕麥奶萃比我個朋友，飲品暖暖的😊佢話好好味。足料燕麥又保身，唔係太甜,味道剛好，佢仲想飲多杯添啊!

平時飲開台式飲品，今日經過我是酸奶君，個名好特別，令我停下腳步睇下係飲咩。主打賣酸奶飲品，所以就買黎飲下益生草莓君（$40）開頭以為益力多草莓味，原來酸奶加了綠茶，草莓味都好濃，飲落好清新，而且仲有粒粒草莓肉。吃米酸奶奶蓋（$17.5）酸奶上面有Oreo餅碎，個底竟然有我鐘意既紫米，個味道好似我地平時飲開既乳酪，入口順滑，甜度剛剛好，平時我飲台式飲品一定會減糖，但以杯唔駛，底下既紫米，煙煙韌韌，口感Q彈以家買兩杯，第二杯半價好抵飲呀