影片
以上資料只供參考, 請與餐廳確認詳情
今日去咗辦年貨行到有D肚仔餓、行到商場望見有個FoodCrout、入到去都好多店舖都有不同美食、望見有一間店名《我的媽媽》都幾特別、係食台灣古早味地道美食、款式都飲品同食物都好多揀🤔、我都叫咗幾款試吓！大雞扒鹽酥雞扒飯$68呢一款鹽酥雞扒飯賣相超吸引😯、整碗勁大塊大雞扒、甘香酥脆外皮裏面啖啖肉😚、肉質又有口感味道都幾好、配埋肉燥及冬菇粒沾滿美味醬汁、撈埋佢嘅米飯食都唔錯！肉燥乾麵$28呢一碗肉燥乾麵我覺得都幾抵食🤔、只係$28蚊就食到地道美食🤭、色香味都有整碗都算大碗、份量都算好多滿滿配料、上面有肉燥及冬菇粒、食到入口啖啖粒粒口感豐富😚、尤其是佢嘅醬汁撈匀乾麵食好正、帶點油潤美味😋真的唔錯可以試吓！鹽酥拼盤$28呢一款鹽酥拼盤配搭特別🤔、有花枝丸及杏鮑菇係以鹽香酥炸、整份金黃色賣相、每一件杏鮑菇啖啖口感味道特別、花枝丸帶點脆入口彈牙惹味！綜合芋圓$28呢一碗綜合芋圓甜品、整碗配料都好多🤔、涼粉、芋圓、珍珠、蒟蒻及其它、加埋糖水花奶香甜又滑口、一碗多種配料真的唔錯！珍珠奶茶百香茉莉綠茶$29呢兩杯凍飲都幾好、珍珠奶茶飲到入口濃濃奶香味、珍珠口感煙糯又口感、百香茉莉綠茶入口散發清香茶味😚、又帶點百香果果香甜味、整體黎講都唔錯！
繼續閱讀
今日喺元朗形點行街，順便去food court醫肚，見到呢間台灣餐廳—— 我媽的菜🥰 價錢唔貴，一於試下❗️🍜 我媽肉燥乾麵 $55麵條煙韌得嚟有嚼勁，肉燥滷得香濃入味😛 上面仲灑咗啲蔥花，食落層次好豐富😉🍗 酥炸雞翼藥膳湯麵 $60雞翼炸得外脆內嫩，完全唔乾柴。個藥膳湯飲落有清香藥材味，但唔會太濃，仲好暖胃🥰配埋煙韌嘅湯麵，都幾滿足🥟 鹽酥春卷 $29份量超多❗️春卷外皮炸得金黃脆卜卜，鹹香惹味之餘唔會膩🧋珍珠奶茶 $19奶茶茶味突出之餘奶香濃郁，唔會死甜。珍珠夠煙韌，份量啱啱好，唔會飲到一半淨係剩返珍珠🙂🥤仙草西米鮮奶露 $29清新解渴又唔膩口😳仙草滑溜溜，西米煙韌，加埋香濃牛奶，甜度適中，完美收尾。
繼續閱讀
今日同同事去咗Yoho Mall嘅Foodeli食Lunch，難得大家都想食台灣菜，就試咗呢間主打正宗台灣味嘅「我媽的菜」。menu選擇豐富，由經典小食到甜品飲品都一應俱全。我媽肉燥飯肉燥肥瘦比例剛好，滷汁香濃得嚟唔會過鹹，帶點微甜嘅層次感，撈飯一流，飯粒粒分明，滷汁滲入每粒飯。我媽牛腩藥膳湯油麵藥膳味溫和，唔會太濃烈，帶點中藥嘅清香，飲落暖胃又舒服，牛腩軟腍入味，油麵吸晒湯汁，每條麵都掛滿湯底嘅精華，食落好順滑。雪山朱古力波波球外層係炸到金黃嘅麻糬波波，咬開流心朱古力醬湧出嚟，面頭灑滿糖霜，邪惡但停唔到口！熱辣辣食最正椒鹽雞軟骨即炸上枱，脆口唔油膩，椒鹽調味惹味。仙草芒果鮮奶露仙草滑溜，鮮奶甜度適中，芒果肉新鮮。芒果沙冰沙冰打得綿密，芒果味濃，夏天飲超解暑
繼續閱讀
近日同朋友去到元朗 Grand Yoho 商場Foodcourt 食左喱間台灣野，我叫左個鹽酥雞拌面。鹽酥雞炸得尚算酥脆，肉質不柴，但略嫌調味偏淡，整體拌面味道都合格，喱個價錢非常OK。滿68蚊會送果茶時特意要求「走甜」，但原來就算茶底已經無糖，整杯飲品仍然甜得滯。這一點真的有點失望 —— 若果店員可以提醒「爆珠本身已經有甜味」，讓客人知情選擇，體驗會更好。
繼續閱讀
行商場行到累 搵d野食 成日都唔知揀咩好如果見到商場有美食中心就一定會衝入去😍呢個foodeli 元朗屯門都有 而且d食店都係差唔多今次同屋企人就食左台灣野見佢價錢勁抵! 份量又多 岩哂一家大細食-🍱烤大雞扒鹽酥雞飯 $68個大雞扒仲大過我塊面😂仲有幾件鹽酥雞大雞扒同鹽酥雞唔會炸到好乾仲幾juicy 再配埋肉燥食 好yummy-🍝我媽肉燥乾麵 $48呢個撈麵都好有驚喜唔會太油 食落岩岩好麵都係軟硬適中👍🏻-🍗花枝丸/杏鮑菇/鹽酥雞 各$28小食類 都唔小 係勁大碗新鮮即整 熱辣辣-🍨綜合芋圓 $28芋圓有口感 味道夠出配左大量台式配料 好滿足-🧋珍珠奶茶 $26🥤百香果茉莉綠茶 $29手搖飲品都好抵飲大大杯$2x 出面都買唔到-📌我媽的菜-📍元朗元龍街9號形點l Foodeli2樓2042號舖📍屯門屯順街1號屯門市廣場1期FOODMAZE 2樓2253A號舖
繼續閱讀
您可能會有興趣的...