成記茶寮

營業中

休息中

一早九點鐘開車到咗.問佢有冇豬扒飯食啦,個樣似係老細嘅收四眼佬嘈醒粗氣咁話十二點後先有.好啦咁我十二點鐘再嚟.坐低叫豬扒飯,同一位四眼佬一啲都唔理我.背住我暗暗沉沉講咗幾句聽到聽唔到嘅嘢就開咗.三幾分鐘後佢再得閒啲經過就同佢話我想要豬扒飯.佢話豬扒雞翼,豬扒雞球.跟住又走咗.其實佢想點呢?第三次截停佢問我要豬扒飯加雞翼.咁先落到單.上枱就一大碟豬扒飯外加另一碟瑞士雞翼. 豬扒只可以僅僅話係暖暖地,帶肥膏.成碟嘢唯一叫做熱嘅可能就係白飯. 至於瑞士雞翼個汁其實整得幾好,而且仲係熱嘅.不過啦啲雞翼嗰個係就嫩口,但係一覺落個心度呢就全部一陣雪藏味. 結果三隻雞翼只係蝕咗啲皮.食食下四眼好有行過嚟問我叫咗啲乜茶,我話我冇嗌過嘢有冇喎.佢話想知你飲乜嘢咁嘅意思. 咁嘅食物質素環境同態度之下你仲想我飲嘢?所謂出名嘅豬扒飯都搞成咁啦,我仲會對你杯咖啡或奶茶有信心?算吧啦!總體而言非常惡劣嘅態度,只係喺大陸有咁樣畀人對待過. 環境亦極度之惡劣,食物質素中下. 實在不能理解為什麼這樣的食品也可以叫做元朗名物.唔好食加上態度極差之下年食物相都唔想影．奉獻各位幫襯之前三思.

聽人講呢間茶記係無可能食唔飽，大食嘅我都非常認同。外賣大概半個鐘就送到，飯都夠熱。叫咗一個咖喱豬扒雞球飯，外送apps $45，有凍飲。淨係睇個盒都知好大份，係用最大嘅外賣盒，雞球係雞扒黎，有成四大舊，豬扒都有兩塊，真係冇可能唔夠飽。汁都好多，係比較甜嘅咖喱汁，似葡汁多啲。雞扒算嫩滑，豬扒都唔鞋，正常茶記質素，呢個價錢絕對抵食。另外一個係豬扒雞翼飯豉油汁，一樣好大份，有三隻雞翼，味道一樣正常。係外賣apps呢個價錢真係冇得輸，女仔唔太大食嘅話兩個人食一盒飯都得。

元朗名物 ，豬扒豬扒，超大塊都只係$47 一碟係類似大排檔架環境首先$47 豬扒蛋雙蛋 加一塊多fd pork chop ,厚身足足有一吋厚食落仲好腍添 太陽蛋流心黃 ，仲有椰菜同淋左勁多甜豉油一齊食 。好食到我連飯都食清光啦！另一個是扒加瑞士雞翼，chicken wings 足足有3隻，呢個價值實在是抵食又難得 。雞翼個人認為個汁太甜啦，只係食到甜味而無乜豉油香。同淋飯個甜豉油汁個味飲品就一般啦 lemon tea 好澀豬扒無敵大塊好食無得輸

一家由九龍入元朗，一心諗住試試好味豬扒飯。點知。。。首先服務認真嘛嘛，尤其係果位阿叔，估計係老細，後生仔服務還幾好，前鋪無位，於是被安排入后巷，避開厠所位，點知再來一陣陣坑渠味道，地下濕濕，打開摺台，枱面有紅色顏料，唔知係血漬定紅油，己經有d想走。 四人叫左三個飯雙拼，肉份量超多，剛炸完豬雞扒上枱，無疑是夠熱夠量，飯相對少，鼓油浸飯，想食啖白飯都無，叫左少色都係無用。環境服務與份量作選擇，睇你點揀，個人就覺得好食過佢間豬扒飯大把，呢間一次記憶猶深，下次就免了。

住元朗幾十年，真心第一次幫襯，見好多人推介，即管試試，一家三口叫左最多人叫嘅豉汁豬扒雞球飯，粟米汁豬扒雞球飯，瑞士雞翼飯。首先豬扒雞球冇味，還帶點雪味，味道只在於汁，粟米汁正常茶記碟頭飯汁，味道適中，豉油汁就明顯係自家特色，味道調校算好，黑得黎唔太咸，但最大弊點係豉汁過多，直頭係豉汁多於飯，簡直係豉汁浸飯，最後唯有放棄半碟飯，因為豉汁多到真係食唔落口。（見隔離左右大多豉汁另上就知我賴左野）唯獨可以加分嘅係瑞士雞翼，瑞士汁味道剛好，幸好係雞翼連汁本身另上，就冇左汁浸飯嘅問題產生。雖然食物份量十足，除左外在因素環境及服務差之外，只能說賣點係大件夾抵，只此一次吧！

香港發展急速 好多舊式食店都面臨執笠倒閉收購重建 大多數都比發展商用黎起大型商場係呢d大型商場都會比連鎖食店壟斷 冬菇亭呢類都開始越來越少🙈 今日入左元朗 朋友介紹呢間係又新街附近既食店 朋友話抵食夾大件出名既豬扒飯 不過舊式有個壞處 就係大熱天時無冷氣 我地仲要正中午食 好彩都有瓦遮頭同風機吹住 如果唔係真係唔想食😂 我叫左最出名既豬扒飯粟米汁配瑞士雞翼佢個雞翼係另上好細心 仲要有勁多瑞士汁再配埋落個粟米汁真係好正 佢個粟米汁仲要勁「杰身」好足料 呢個汁係朋友介紹 因為多數人都食豉油汁 而咁我就2個汁我都試到～ 主角係豬扒 好大塊仲要有2塊！ 真係大過塊面🙈🙈 仲要好淋 用匙羹就可以切開👍🏻👍🏻 仲有配2隻雞翼都好大隻🤩🤩 個瑞士汁好好味 不過雞翼入面就唔太入味🙃 不過咬開再點汁就好好食 其實女仔1個人係唔會食得晒🤦🏻‍♀️ 如果2個女仔絕對可以share 黎食🙈🙈 咁大碟飯配埋飲品都係50蚊左右抵到爛 不過怕熱既就可能再等冬天先可以去試 因為真係食到大汗踏細汗🤦🏻‍♀️

黎到元朗，一定要食成記，佢既豬扒飯真係世界級！食完係想再食架！🥳我今次要左個豬扒腸仔飯跟左杯凍奶茶。一睇就知佢幾大碟，豬扒又大塊，腸仔又多，真係好正！最正係啲豉油，食依個飯唔可以走豉油，因為佢係可以令到成個飯昇華既！食入口，豬扒雖然厚同大塊，但唔老，唔硬！有肥又有瘦，好有咬口！腸仔又煎得岩岩好！加埋豉油簡直一流！咁飯又係好多，完全唔怕唔夠飽🤤。杯凍奶茶又係要讚下！依啲天氣凍飲真係必須，佢茶夠濃，奶夠滑，比例岩岩好！真係消暑必備！🤩

說是麻甩佬才去，環境市井，在公厠後面。地下滿佈厠紙，經常濕淋淋一片，不知是油跡還是水跡。員工大聲叫單，廚房和應，瞬間爐頭呼呼作響，聲音嘈吵澎湃始起彼落。靜一秒，下一秒又聽到女工咆哮「雞翼另上等等啦」。雨天環境更複雜，頭上簾篷流下雨水，彈落地面沾濕雙鞋。儘管環境惡劣，但常來光顧，有份粗獷味道，念念不忘，這便是麻甩佬餐廳吧。環境要與食物匹配，這兒著名豉油菜式。若果離開麻甩環境，風味盡失。試想像要你在五星級酒店，水晶吊燈下，拿著閃爍刀叉鋸豉油豬扒，格格不入，根本錯誤。所以，要吃豉油，就要來元朗成記。餐牌掛在牆上，十分簡單。只有豬扒、雞球、雞翼三款肉，自己選擇汁醬豉油汁或粟米汁，可再另加太陽蛋或雙蛋。要特別注意，星期六日生意十分旺場，多了一批單車發燒男行山男來麻甩，食物選擇大幅減少。聽阿姐大叫吧。這個價格是包了熱凍飲品。豉油豬扒飯豬扒厚切，每塊帶骨比臉更大。份量大，是男人的份量。材料自行加工打鬆，改扒時師傅耐心逐塊豬扒都輕鎅幾下。放進猛油半炸半煎，撈起停油備用。每當有單，放豬扒落汁水快拋鑊放在白飯上即成。豬扒非常新鮮鬆軟，肉味滿瀉。餐具是沒有刀提供，只得用匙更在鎅痕上輕輕一壓即分開。再用叉插起

元朗成記，佢最出名係豬扒飯同雞翼，我個人比較鍾意食呢度嘅雞翼多啲，但今日我都係叫左豬扒飯，但老闆娘話唔夠豬扒，叫我揀樣雙拼，我揀左雞翼千祈唔好諗住坐得舒服同環境好，冬菇亭大排檔feel氣氛好忙架，雖然係兩點幾。可想而知一點嗰陣幾咁踢哂腳豬扒拼雞翼飯，好似$45，正常豬扒係兩塊，但其實一塊牛咁大塊我都夠食了其實我食完個飯都好飽，三隻雞翼我都係頂硬上豬扒佢地大大塊連骨嘅，我嫌佢有少少豬燥味，少少啫肉好厚，應該冇醃過，呢個好嘅但肉冇咩味，佢地個豉油汁我略嫌淡味左啲雞翼我就覺得好食，個豉油汁似瑞士汁，雞翼又滑我以前試過黎食15隻雞翼架凍檸茶一般

元朗都有好幾個冬菇亭，我們多數都會在這間店進餐，因為佢係區內非常出名，尤其他的雞翼！我們通常都會係店進餐，但要留意衞生情況就真係好一般，因為佢就係大排檔，而且附近有公厠，如果喜歡整潔的朋友就可能接受唔到，可以選擇外賣自取啦！通常我哋都會點必點雞翼、豬扒，味道出色，今次特別少少又叫了雞球，不過我覺得一般啦！太大件好飽感覺，不過午餐碟頭好大份而且有凍飲🥤抵！街坊生意所以感覺唔錯！

朋友介紹，成記的豬扒雞飯，很好味，絕對大碟抵食，今天便慕名而來，大牌檔位置在公廁旁邊，非常好找，一坐下，一名充滿熱誠的服務員便來，問耍吃什麼？我們一行三人，點了豬扒雞飯、豬扒雞翼飯，因客人很多，服務員用極不耐煩的聲線高叫要等15~20分鐘，其實我們都没問。真的過了2O分鐘，第一碟來了，竟然是雞球飯，我們跟他說沒點，他竟說是我們錯，也算，只好再等，10分鐘又過去，我們點的來了，但只來兩碟，剩下的因我們没為他錯而埋單，要重新輪侯。也罷。最後三碟飯，兩碟的猪扒未熟，一碟雞也不熟，最後來的一碟，豉油像湯一般多，浸没了飲，豉油又鹹，整碟飯只好放棄。盛惠46/位。但肯定不會再有下次。

相隔幾年沒有來過元朗成記，由於生怕像以前12時許，去到成記都有很多人，座無虛席，倒不如遲少少才去到，大約二時許才去到，果然即刻很多空位。看一看餐牌，但由於太久沒有來，而根據以往的經驗，通常都是吃豬扒以及雞翼。結果便點到豬扒雞翼飯，這次亦都可能因為內裏人客不多，因此不消5分鐘便端來了飯。飯的份量和以往一般那麼多，雞翼另上，因此豉油更多。豬扒大大塊，應該都有兩片或是兩片多半片，不算太肥膩，但是夠厚身，肥瘦均勻,咬落有質感，應該沒有怎麼用醃肉粉醃林豬扒，最具質感。再配合甜甜的豉油，送飯就一流。很多時候，如果叫豬扒飯，或是豬扒蛋飯，豉油的份量都好像偏少，因此可能難以送完整條飯，但豬扒雞翼飯，由於雞翼另上，那個小小的橢圓碟，盛載的豉油就更加多，因此可以方便食客輕易將整碟飯送完，而且往往偏向多的。由於很久沒來，因此在來到，還是發覺他的份量挺多，未能夠即時吃完，幸好一早帶了玻璃盒，因此可以將吃不完的部份，放到玻璃兜來，帶回家樣不愛吃豬扒的人，不用踏出家門亦都可以一試。

星期日中午12點到，已經有五六個人排緊隊，等咗十五分鐘有位坐，落單都幾混亂，等咗一陣都落唔到單，最後變咗炸緊嘢ge老闆幫我落單，叫咗兩個雞翼豬排飯，食物都算快到，雞翼就分開上，食咗半碟飯後先上到。味道方面，豬排超大件，肉質好腍滑，味道方面略嫌唔夠入味，汁唔多但甜甜地幾好味。雞翼煮得唔算好入味，覺得應該係趕住上俾客所以唔夠火候。$46一碟飯黎講，份量超值，味道算可接受，反而跟餐凍檸茶超驚喜，茶底夠濃，甜度適中，好好飲，十分推介！

成記豬扒出晒名係大大件,有成隻手掌咁大雖然啲豬扒連骨但肉唔太厚, 好軟滑,好有彈性,好易咬😋😋😋另外, 佢個豉油汁好香又唔會好咸，仲有少少甜如果係細食既，可以叫一碟兩個人食！

一直好期待試下元朗出名豬扒飯，12點幾來到已經坐滿客人。聽聞豬扒同雞翅都係必食，所以就兩樣都試下。豬扒的確好夠份量，手掌咁大，又厚身，咬落比較淋身，有少少肥肉，汁偏甜，可能我比較喜歡食煎香，有鮮味嘅豬扒，所以就覺得醃得太耐，無乜肉味，只有鹵水同醬油味。雞翅同豬扒一樣味，大大隻，但比較肥，對於唔喜歡吃肥肉嘅我就麻麻。喜歡啖啖肉的朋友應該好喜歡，不妨一識。