成記美食

營業中

休息中

依一間車仔麵真係好好味 又平又低食 如果你食得辣嘅話 佢地有一隻秘製辣醬超好味 去到一定要食 佢地係以每款餸來計算 佢地有一款叫成記撈麵超受學生歡迎 我自己都試過 真係超好味 佢地整嘅野食包你食過番尋味😋😋😋 而且佢地嘅服務都好好，好有禮貌。依一間店已經幫襯過好多次，食物嘅味道吾係太咸又吾係太淡 而且佢地嘅食物都冇加味精，所以好鐘意食佢地嘅野

呢間成記美食係樂富開左好多年 佢位於學校附近 所以一到放學時間就排曬長龍 佢地既車仔麵真係好好味 又平 香港通貨膨脹感快 但成記美食相比起其他小鋪算係大件夾抵食！因為好肚餓 所以買左個成記撈麵同一個兩餸米粉 加埋四十蚊都唔洗真係好抵食！佢地啲牛腩炆到好淋好入味，食車仔麵加埋個腩汁簡直係絕配！而成記撈麵同佢地個自家制辣醬大家一定要試下，成記撈麵既醬料係佢地自己配撘既 我個人其實都幾中意食印尼撈麵 不過試完覺得好味過印尼撈麵 而當我排更隊果陣聽到好多學生都買成記撈麵 相信呢樣都值得推介！至於佢地個辣醬，同出面既味道好唔同 有淡淡既蒜香味又夠辣！中意食辣既朋友一定要去試下！之前食過覺得好好味 問左老闆先知係佢地自己正既 難怪同普通既唔同！ 連辣醬都自家制，睇得出老闆好用心，服務又唔錯！相信會再去食！