戀上台式料理 (已結業)

假期前夕8點鐘晚飯時間好full，好在訂咗位，因為有兩隻狗狗，店員得知後好積極執張適合嘅枱同開度玻璃門比我哋，服務態度抵讚。用手機掃QR code落單，雖然冇打開餐牌落單咁方便，但操作都算簡單，可以接受。叫咗千層三星蔥拉餅，台式滷水溏心蛋，士林鹽酥雞，燒雞泡魚乾，基隆市甜不辣，小碗手工滷肉飯配溏心蛋+前菜，蒜香田園，台式滷水牛展，黑糖珍珠奶茶，荔枝沙冰，芋圓仙草豆腐花，食物質素唔錯，賣相幾好。朋友表示其中一碗滷肉飯嘅滷肉汁唔夠，店員即刻表示可以另外比一碗滷肉汁👍🏼👍🏼

食物一般服務極差。星期六午餐時段需要排隊。當下一張枱排到我哋時、店員話張吉枱係有人坐嘅，但係其實一直都冇人坐。我地食完之後該張枱都係冇人坐。完全冇理由之下等左30分鐘。紅燒牛肉麵個湯底係基本上冇味。牛肉整體來講都幾硬。鹽酥雞扒好大塊但係冇鹽酥味。滷肉飯個味都幾好但係就唔夠滷肉覆蓋啲白飯。但係餐廳好嘅地方就係如果幸運可以坐門口嘅話就可以對住河景同山景食飯！不過未食已經開始勞氣，一直怒氣到走。服務極差！

We decided to come here to try the new Taiwanese restaurant located near the harbor, it’s our first time coming here and many shops are still renovating. Luckily, there are still some restaurants around the area for us to grab lunch. we picked two lunch set which costs 77$ each ; set came with a starter, a hot drink and a main dish. I picked fried chicken with Taiwanese noodles and he picked marinated sausage, soft boiled egg with minced pork rice. the starters first arrived, additionally we als

將軍澳海濱長廊旁又開了一間新的台灣食店，有室內及室外坐位，可以盡享海旁美景。星期六下午一點半時間到達，聽到要等五至六張枱，反正不太肚餓，又有小狗可以逗玩，可以稍等一段時間。入內後發覺侍應十分忙碌，以差不多跑的步伐招呼客人。坐低後自行拿取餐牌，看到隔離枱用QR Code落單，亦趕緊向侍應拿取以自行落單，免得久侯。菠蘿四季春 紅柚水果茶本來想一試冷泡茶，想不到全部售罄，又看看其他客人多是叫果茶，就以午餐加九蚊叫上兩杯。菠蘿四季春帶淡淡菠蘿味，四季春茶味帶花香，香氣怡人。紅柚水果茶亦帶有清新柑橘香氣，茶味淡淡的不會太濃或太甜。和風貓耳朵 醃黃瓜條前菜有醃雲耳及青瓜，兩者尚算爽口，不過不太入味，略為淡口。松茸杞子燉雞午市亦有燉湯可叫，燉湯非常之熱，湯色很深，燉得很夠火喉，雞塊可以連骨一起吃，湯渣味道不太濃，精華全部落入湯中。川辣紅燒牛肉麵落單時可以揀大中小辣，麵條亦有刀削麵或陽春麵選擇。牛肉有牛展及牛腩，牛肉炆得軟腍適中，牛肉味濃。紅蘿蔔與白蘿蔔亦煮得入味。刀削麵煮得稍腍，略欠煙韌彈牙。台式蚵仔麵蚵仔麵與牛肉麵基本上一模一樣，除了配餸由牛肉變成蚵仔，蚵仔有八九粒左右，尚算飽滿，亦有蠔汁。台式鹵

我同仔仔食飯好多時會揀台式料理，台灣野大人細路都啱食。今日我同仔仔黎哩間係將軍澳的台式料理食晚飯。首先叫左個 《台式川辣紅燒牛肉麵，面底揀左刀削麵》。d紅燒牛肉整得好淋，好有咬口。刀削麵面質不錯，幾有口感。湯底有少少辣，阿仔都接受到。《士林鹽酥雞》哩個阿仔好鍾意，很香口，脆脆的。炸粉唔太厚，不錯！《蒜香麻辣牛舌》哩個菜我幾喜歡。蒜香味重，又麻又辣，味道十分豐富。牛舌肉質實淨有口感。好正！《黑松露黃金花枝丸》哩個係啊仔的至愛。每粒都炸到金黃色色的好吸引。《冷泡凍頂烏龍》好香烏龍味，好飲。既解喝又提神！《芒果沙冰》仔仔說味道不錯，食到芒果肉👍。

餐廳戶外環境優美, 視線開揚, 雖然太陽很大, 但是太陽傘也很大, 風扇很涼快, 我們四人, 一小狗, 兩小貓, 海濱邊午餐, 價錢合理, 毛小孩們都很喜歡, 沒有餐牌, 用QR CODE, 手機點餐, 三杯雞, 酥炸雞扒, 口水雞套餐, 味道OK, 份量足夠, 唯獨精選餐 - 鹵肉飯較細碗.

鍾意食台灣嘢食嘅我一見到將軍澳呢一間新商場有一間新開嘅台式餐廳梗係黎試吓啦台式川辣紅燒牛肉麵$我就揀咗刀削麵佢有幾款面揀嘅刀削麵好有咬口不過呢手鹽就食唔到啲湯汁不過個湯肚都唔錯辣辣地又有牛肉味。蘿蔔入味得來都夠林唔錯唔錯三杯雞有啲似雞煲入邊有超多個雞件辣辣地好惹味都幾下飯戀上台灣田園風味其實就係炒四季豆，稍嫌多咗少少油不過都好友鑊氣四季豆炒出嚟脆口另外都叫咗滷肉飯，滷肉飯喺台灣嘅味道真係念念不忘喺香港雖然食過唔少滷肉飯但係都冇台灣嘅感覺偶爾食細細一碗回味下都幾好。

將軍澳都開咗幾多嘢食下今日我哋就嚟咗新商場試吓台灣嘢食，我哋一家四口都叫咗唔少餸埋單都係$600都算幾抵食晚市人均$100左右啫。小碗手工滷肉飯配滷水糖心蛋 $50 滷肉飯肥肉同瘦肉一半一半肥瘦適中配埋滷水汁撈飯非常容易下口 另外滷水糖心蛋都夠入味糖心蛋切開蛋漿流出 放埋落滷肉飯簡直係邪惡之選有一不留神成個食晒 蟲草杞子燉雞蟲草好香配埋杞子非常之補身，燉雞雞湯味都有小小雞味如果重啲雞味就好啦。水蜜桃生炒骨水蜜桃切左一粒粒甜甜地跟住配上生炒骨炒得微微地脆非常之好食

將軍澳近排開咗間新台灣餐廳，除日夜環境不同外，仲臨近海旁，風景宜人~我揀咗夜晚過嚟食，餐廳有露天位置，而且氣氛一流，裝修行自然簡約風，點綴有綠色植物同埋乾花配設，加埋組漂書櫃，既文青又不失格調一坐低店員就介紹其點餐方式，是用QRcode綱上選取，頗為新潮，我哋叫咗兩個主食，一飯一麵，外加飲品小食，等咗大概十分鐘已經到餐，炸排骨滷肉飯同炸雞扒刀削麵，先說外觀，炸排骨同飯係分開上，用上木板上碟，份量大，炸排骨其實係炸豬扒，好大塊，件件都差不多手掌咁長，既厚肉又炸得酥脆多汁，滷肉飯帶甜味，肥瘦均勻，下飯良配炸雞排刀削麵也是分開上枱，份量大，湯頭像夢白湯，較清甜，刀削麵好腍滑，雞扒炸得好脆，而且利落不會有油膩感，當然不能錯過佢地嘅咸菜，佐麵吃一流，主食有三小碟跟餐，可醒醒胃另外叫了一個小食，黑松露花枝丸，花枝丸有粒粒花枝咬口，配上矜貴的黑松露，既香又鮮，飲品叫了芒果沙冰同埋古珍珠奶茶，為這浪漫的一顿作結尾這家餐廳除台式料理，仲可烤肉，而且午餐仲好低食添，佢地仲好歡迎毛孩幫襯，如果想有情調吃個飯，推薦呢度免收加一嫁

在周六的下午，到將軍澳海濱長廊跑步後, 就到附近新開業的戀上台式料理吃晚飯,來到後覺得地方企理, 設計著重柔和舒適，氣氛輕鬆隨意。其中一部份是餐廳外圍的戶外用餐區, 環境開揚, 見食客們休閒地享用美食。另一部份是餐廳室內用餐區, 是半開放形式設計,感覺上較舒服。點菜方面也非常方便，除了有一般的餐牌外, 客人也可以用智能電話掃瞄QR-Code來看菜單資料,圖文並茂, 非常清楚, 選中了心水菜色也可以用智能電話落單。坐下來, 先看看餐牌, 飲品有多款選擇，點了芒果綠茶,芒果味十足,甜度適中。選來的湯品是蟲草杞子燉雞, 湯本身鮮甜美味，醇香夠火侯，湯頭夠熱，雞肉嫩滑好吃, 加入蟲草及杞子, 感覺是更正氣, 此際夏末初秋之時飲用，很適合。再來士林鹽酥雞,炸得熱辣的雞塊，炸皮做得薄薄而緊附在雞件外，炸皮做得到脆口的, 雞皮沒有太多脂肪而且乾身脆口，雞肉嫩滑, 食落啖啖肉。也試試台式紅燒牛肉麵, 先喝一口牛湯，湯頭夠熱, 味道濃郁，牛肉炆得鬆化而不韌，牛筋食落爽口, 也不會炆得過腍, 麵條選了寬身的刀削麵, 有咬口之餘, 索滿牛湯同吃, 就更加滋味, 還附上三小碟前菜。甜品環節有芋圓仙草豆腐花,

呢間野垃圾到無倫，咁多年黎我未試過食野食到咁嬲，亦係人生第一次寫食評，多謝呢間野令我破例今日我去到呢間餐廳，話唔該2位，門口個男人完全係零招呼，求其指一指好似叫我自己搞掂咁，跟著就繼續做佢既野，另一個女既就好d，執生招呼兼帶位。呢d都算，好小事。最嬲既係由點餐後成45分鐘，佢都淨係出到個小食（另外叫左2個主食），期間我催左一共3次，佢都只係話整緊，完全敷衍我，無歉意。最大問題係隔離2張枱，其中一張遲我地成20分鐘入黎，佢地都已經陸續有野食到。最後一次我忍無可忍，我話5分鐘內都無野到，我就走。佢例牌話整緊，一句道歉都無。最尾5分鐘內當然都係無野到，我話我要埋單，跟著佢仲同我講有服務費，我真係忍唔住冷笑左聲。呢間野完全係恃著佢間鋪對出既環境唔錯，有好多客唔憂做，但服務簡直係不知所謂。

中秋過後，秋高氣爽，今晚和朋友去到將軍澳海傍附近的「戀上台式料理」吃晚飯。它位於景色怡人的海濱長廊旁，面對超級無敵大海景，令人心情特別開朗。「戀上台式料理」的佈置好有文青風格，更設有飄書的書櫃，有室內和室外的桌椅，它的設計將大自然的景色與餐廳溶為一體，令客人感覺好像在郊外中用餐一樣，這真令人心曠神怡，煩惱盡拋。餐廳是用QR睇菜單及下單，非常方便及環保。我們叫了特色手工餃$48，餃子煎得金黃香脆不乾身，咬落有薑汁帶起肉汁的鮮味，很juice很好吃，我們特別喜歡。香煎大大雞扒飯$78，真的是大大件已切好的煎雞扒，吃起來外面香脆金黃，裡面啖啖肉，味道不錯，再配上超惹味的招牌魯肉飯，食落啖啖香氣，真是好味!台式滷水雞翼$48，一碟有五隻，大大隻的雞翼賣相超靚，味道不錯，雞肉仍然保持嫩滑，作為小吃一流，正!水蜜桃生炒骨$88配白飯$10，鬆脆的生炒骨配上水蜜桃，外脆內嫩，味道甜甜酸酸，不僅開胃好送飯，還吃得好滿足。今晚一邊吃飯，一邊望著如詩美景，真是偷得浮生半日閒!

✨無諗過一間 #台式料理 🇹🇼餐廳裡面竟然可以食到高質台式爐端燒。🐮日本宮崎和牛 $ 128 ：牛味濃郁、肉質鮮美滑嫩、油花分布均勻、食落十分juicy。🦐海虎蝦 2隻 $78 ：大大隻蝦、蝦身鮮味彈牙、加嘛少少海鹽落去燒、正！餐廳位置鄰近將軍澳海傍，晚餐時間一邊食一邊有微微海風吹過，設有室內及室外用餐空間，十分 chill ，🍻仲可以同朋友啤一啤。除咗爐端燒，仲有各式各樣台式食品和飲料🇹🇼，如招牌手工魯肉飯、紅燒牛肉麵、鹽酥雞、黑糖珍珠鮮奶等等，十分值得推薦黎吹住海風同朋友relax同chill下🍻必食推介鹽酥雞 👍🏻👍🏻👍🏻👍🏻👍🏻你想像唔到呢塊雞塊有幾大塊，炸得剛剛好，雞肉仲滑婌又juicy加嘛個紅燒湯底刀削麵，一流！台式蚵仔煎 👍🏻👍🏻👍🏻👍🏻👍🏻係香港好少台式餐廳會整呢款料理，味道同係台灣食到既一樣，蛋煎完口感仲帶Q軟感！蟲草杞子燉雞湯 $38呢到既燉湯每款都係一鐘一鐘咁燉完再上，好足料，味道非常香濃。當晚我仲見到好多一家大細黎食飯既客人都每人飲一鐘。整體來說，我第一次黎呢到食飯既經驗係非常之好，無論係環境既舒適度、食物質素、員工服務態度都好好。.如果要我推介，我一定會推介大

兩個人去食宵夜,走咗去海旁飲杯野,揀咗呢間台灣野!叫咗個蚵仔麵 ,我最緊要係要有個鹹酸菜,即刻幫我加咗去分！佢個面係刀削麵,如果揀呢個你哋有啲心理準備,係比較硬身嘅,但就好啱我口味,湯底夠熱味到正常,d蚵仔又夠鮮又冇沙！另外叫咗份豬手,用個雀籠咁樣上又幾得意！不過太大隻,有一隻要打包!都幾香幾煙銀,又夠脆,而且又唔會太鹹 ！食完都已經飽曬,再chill下飲埋杯啤酒,埋單二百幾,以呢個環境再加美食都唔係好貴！食下飯飲吓嘢氣氛唔錯！

這間經常緣慳一面既台式料理，今次與同事平日試食午餐。店內有幾台客，未算多人。店內用QR 睇菜單及點菜， 對於我限左網速既手機， load 到⋯⋯都係叫我同事點餐吧啦🙈。同事點左口水雞飯， 我就點左個紅燒刀削麵。可惜食店通知，口水雞仲要45分鐘準備時間🙄，午膳時間都開始成個鐘，有點訝異，俾人感覺準備不足。同事唯有轉左個滷肉撈麵。至於紅燒牛肉麵，則不過不失，未有亮點。每個午餐都配有個小食，亦有杯台式飲品送。我地就選擇+$15 「黑糖珍珠奶茶」及「黑糖珍珠鮮奶茶」。這杯黑糖珍珠鮮奶茶同出面幾十蚊一杯有得fight, 珍珠煙韌，黑糖香混和鮮奶，加上甜度及冰都有得選擇，值得推介。總結：雖然未能如店名般，教我「戀上台式料理」，但值得一提店內有雨傘借出服務。剛好當天一陣雷雨經過，佢地二話不說借出有其店名雨傘，話下次回去食時歸還。這算是不錯既增值服務😆👍🏻