慧食貓

營業中

休息中

這次經葵芳到馬灣工作，回程的時候，剛好有些肚餓，當然是在葵涌廣場覓食！每次到葵涌廣場，一定會光顧這十分有熱誠的小店。店鋪小小的，店主也非常隨和。每每下單後，為了不想你乾等，主動叫你5-10分鐘後回來取。最特別是他經常叫客人把錢放在鋪前的小店，然後再自行找續😂台式手抓餅，有很多不同的餡料，我們通常點的是有生菜、餐肉、漢堡扒、芝士、雞蛋的那一份。$29，價錢相宜。咬下去有多種不同的口感，滑滑的芝士和雞蛋，剛好中和了漢堡扒的「鞋」口，還有爽脆的生菜！豆漿加$5

1. Hidden in Kwai Chung Plaza, “慧食貓” is a booth that sells amazingly delicious Taiwanese grab pancakes. The booth was only managed by a guy at the time we visited, which was rush hour (dinner time on a Friday night). We placed our order, the guy didn’t even make a note, and asked us to come back in 10 minutes and pay when we get our food.2. My friend and I were a bit skeptical whether the guy would remember our order, as there were quite some other people placing order. But when we came back aga

講到葵廣有咩必食？慧食貓一定係不二之選。我每次黎都一定會食佢既手抓餅，因為實在好好食 選擇多 份量大 價錢實惠我今日點左Set F 店舖老闆非常友善 我嗌左個F 既 佢怕我等得耐 會叫我去行下先 五分鐘後過來拎 仲唔洗比左錢先 過左五分鐘後 佢又真係仲記得我 即刻為我遞上F餐既手抓餅 店主日日對住咁多個客仔 係繁忙時段仲記得我嗌左咩餐 實在令人佩服。 佢既手抓餅 除左有佢 餐牌所講既 火腿 雞蛋 芝士 同豬柳 仲會有生菜同蕃茄 真係好有心好做好每份手抓餅 為每個客人帶來滿足既感覺

去葵涌廣場當然係食食同埋食喇當周圍每間都係食野嘅鋪嘅時候，好多時都係要揀吓食咩好，食得呢樣又食唔到果樣，就係咁好多小鋪都會被忽視。不過多人食嘅係好難忽視到佢條人龍嘅！手抓餅我一向覺得好油，同埋好易食濟，所以雖然好味，但好少食。呢間手抓餅有set好左幾個組合，每個組合都有生菜同蕃茄，真係好fresh！揀組合嘅時候，我一野就睇中左F餐，因為佢最多配料，有埋漢堡扒都係$29蚊！同老闆講要咩餐，10分鐘後返黎拎先俾錢，即叫即造！一拎到嘅時候已經好想食，老闆好有心思咁張每款配料由左至右咁排，唔會全部疊埋一齊搞到好厚好難咬，咁樣亦都無咁容易整淋左塊手抓餅一咬落去熱辣辣好好味，好似食緊三文治咁，好多料，下次去都要番兜！

本來想去魷味買四餡車輪餅再去找手抓餅，發現手抓餅就在旁邊，方便我一次買兩家等車輪餅的期間考慮是甚麼手抓餅，同行的朋友全部都選擇最安全的肉鬆芝士蛋那些口味，而我就選了煙鴨胸水蜜桃手抓餅。她們覺得這搭配很奇怪都不敢叫，最後嚐了都說好吃。給錢的時候有一堆零錢放出來，老闆是叫我自己找換，下單時也不會有單據和票甚麼的，只靠老闆記住和互相信任。老闆把手抓餅給我時還提醒我不要側拿，怕我把料掉出來。一拿上手就感覺到份量，滿滿的煙鴨胸和水蜜桃。說餅皮不油是不可能的，人家是手抓餅，可是這個手抓餅皮表面乾爽又脆，帶有嚼勁很不錯。煙鴨胸是帶皮帶肥肉的，搭上水蜜桃的甜意外的好吃，美乃滋存在感不大只有輕微提味作用。有菜和蕃茄的爽脆，整個手抓餅又香又不膩，輕易吃完一整個。同行友人們的手抓餅每個都很好吃這樣一個料滿滿的手抓餅只要Hkd25，比起附近Hkd20一個的芒果糯米糍性價比真是高太多。香港賣手抓餅的地方不多，足料的更少，支持良心小店。

最近多左黎葵廣，但唔想每次黎都食一樣既食物，所以今次特登Openrice一下，搵到幾間有興趣而又無試過既小店。每次掃街都會覺得用即捨餐具好唔環保，所以今次帶左兩個食物盒同叉，盡量減少浪費。😎第一站食熱野先，揀左一樓”慧食貓”既手抓餅；每次去台灣都一定會食佢，不過香港既手抓餅比台灣加入更多既材料，食落更豐富😋~ 我見普遍人都揀火腿雞蛋肉鬆味，所以有選擇困難症既我直接就點左呢款，唔駛煩😅師傅即點即製，所以要等大概十分鐘。手抓餅除左火腿、雞蛋同肉鬆之外，仲有生菜同蕃茄，所以食落唔會覺得好乾好難吞；餅底煎到少少脆，食落幾有油香味；中間位置仲加左D沙律醬，整體食落唔錯，以$24呢個價可以接受。

其實我真係好鍾意食手抓餅（同埋印度薄餅🙊），但對上一次嚟潮聖嗰陣咁啱佢冇開，令我一直耿耿於懷😩事隔幾個月終於俾我等到，傍晚6點左右嚟到已經見menu上有2款sold out，想試多d款嘅朋友仔可能要早d嚟呢🤔Menu總共有7款，選擇困難症患者如我梗係look for必食/ 推介呢d字眼 - 有火腿雞蛋肉鬆手抓餅 vs 火腿雞蛋芝士豬柳手抓餅，由於要留肚掃街我就揀左前者（驚豬柳太飽🙊）一拎上手已經好興奮，因為好贅手好足料😍，除左火腿、雞蛋同肉鬆之外仲有生菜、蕃茄同沙律醬；其實本身見咁多料都驚個味道會太複雜，估唔到又幾夾🤔，尤其是個肉鬆，咸咸地吊起左個味，而生菜同蕃茄就中和左個油膩感👍，不過略嫌沙律醬個味有少少搶fo。個手抓餅好鬆軟又唔會過腍，係我鍾意嘅口感😋題外話：要讚一讚眼鏡哥哥，全部野一腳踢冇停手但態度仲要非常好，好喜歡呢種有人情味嘅小店🤗

以前成日經過都覺得呢間野賣既食物好普通，但自從有次有意無意咁試左友人既手抓餅之後，慧食貓就成為左我每次去葵廣必食既一間餐廳呢間慧食貓有唔同既餐比我地揀，但其實都係離唔開芝士，蛋，豬柳，煙肉，肉鬆果啲 今次呢個就揀左豬柳而無煙肉個皮脆入面既料熱又多，每一口咬落去都會爆醬咁，芝士同蛋加埋一齊勁好食。不過食食下就發現一個問題，就係一路食，個手抓餅下面就係咁流蛋汁搞到成手都係，所以食之前一定要準備幾張tissue係手

葵廣多野食，相信都唔洗多講。依間台灣手抓餅份量和材料十分足料！即叫即做，選擇亦有很多！老闆下單時還聊了幾句，幾nice！🔸火腿雞蛋肉鬆手抓餅 $24手抓餅外皮酥脆，熱辣辣。所有材料mix埋，加片生菜同沙律醬一啖咬落去，仲有啲蛋汁。外脆內軟，好豐富！小食黎計食完都幾飽😂如果鐘意食得再豐富啲既朋友仔，可選擇期間限定既🔸極上手抓餅 - 火腿雞蛋芝士豬柳煙肉蟹柳肉鬆 $36

葵涌廣場哩間係專賣台式手抓餅，無論選擇任何一款既餡料都係好普通既食物，醬汁都唔似特別調校過，不過值得讚既係塊手抓餅，我鐘意煙煙韌韌果種感覺，而且油淋淋咁既香口。

同朋友專程黎到葵廣掃街，但發現選擇已經愈黎愈少，好多都係「賣image」(得個樣)，平日又好多店都唔開，好彩都搵到呢間有其特式既手抓餅👍🏼我同個friend諗左好耐都唔知揀咩好，老闆問左我地好幾次有冇咁難諗xD 最後揀左芝士、火腿、肉鬆、煙肉，雖然材料普通但又真係幾好味😋😋 脆卜卜der~ 個餅有d油，但都接受到既。本身自備左個盒諗住好似細左少少應放唔落🙈 老闆見到我不知所措咁主動問我係未有盒，佢都好支持裸賣，仲幫我分埋個餅，同埋係到裸賣會有豆漿送添呀！😍 (雖然都係多左隻紙杯唔環保🙊haha) 食完個餅加多杯涼涼既豆漿很不錯喎🤤

黎葵廣又點可以唔食呢間零負評既手抓餅呢🌮餅皮又脆又香口，就咁食我都可以食三大塊😋再加埋多到包唔哂既豐富餡料😍簡直無得輸今次我就揀左個最普通但已經無得輸既配搭—芝士火腿蛋肉鬆手抓餅火腿蛋唔洗講就本身已經係個黃金組合，塊蛋炒得一d都唔老，keep住juicy，蛋汁加埋塊乾身既手抓餅～～嘩，諗起都有畫面而成個配搭最抵讚既就係d肉鬆！唔知點解d野食一加肉鬆就香左好多，加分！再再再不能不提既就係史上最強食物配料—芝士🧀🧀！芝士迷應該會明白一樣小食加左芝士係唔會難食得去邊😆平靚正 有樣有味道！行葵廣一定要食

每次去食都係食B餐-火腿蛋肉鬆每次食都咁好食，水準keep 到。個皮脆得來又煙韌，好香口。啲陷有番茄、生菜、蛋仲要有少少蛋醬流出架，配埋肉鬆同火腿真係絕配！ 味道真係好好食丫！ 最讓我回頭既其中一個原因係老闆既禮貌同好客！不過每次食既時候都有啲困難 因為個紙包住來食有時唔小心食埋張紙，可以想想點改善呢！

平時行葵涌廣場都會經過呢間手抓餅店 今晚心血來潮特意去到試下呢間慧食貓 雖然鋪頭細細間 但有好多款式選擇 仲有唔同既配搭 任均選擇我揀左店長推介既F 好似係勁抵食同夠飽肚 等左8min 好快話咁快就整好 仲自助找贖 老闆好好人 超nice 手抓餅外脆香口 唔會太油 ,仲有好大塊既蕃茄同生菜好新鮮既配搭 芝士雞蛋好juice 仲有成塊漢堡扒 ,老闆仲錯手加左豬肉鬆 仲問我鐘唔鐘意食 我話ok 佢話快手加錯左😅不過我話都ok 下次會再幫襯🤤🤤🤤 真係好好味 值得推介

手抓餅絕對係台式美食中我既最愛，但香港好多手抓餅都又貴又唔好食，難得「慧食貓」又抵又大件又好食，真係每次去葵涌都一定要食呀！小小一個檔口，打正台灣手抓餅既旗號，人流無停過就知佢有幾好食。餐牌上面有多個配搭好既選擇，我揀左b餐火腿雞蛋肉鬆手抓餅，老闆服務超好，落左單講明等幾耐，取食物時先比錢，我等候期間觀察到老闆記得曬食客既order，而且態度勁親切，難怪禁多fans啦！再睇返張相都流晒口水呀，手抓餅煎得好脆好香口，又唔會太燶，但又有焦脆既口感，餡料勁多，多到每咬一啖啲餡都漏出黎，真係用心之作呀。