愛文生

營業中

休息中

今次有朋自遠方來就去試下呢間位於深水埗人氣爆登既大排檔, 基本上無論本地人家定遊客都冇人唔識呢度, 啲人真係多到你估唔到, 好彩而家有得係GULU攞定飛變左可以縮短現場等位既時間👍🏽 咕嚕肉🐷($98)咕嚕肉個汁酸甜度剛剛好, 肉既炸粉好薄啖啖肉, 絕對唔係交行貨, 重點係真係食到肉唔係全部都係肥膏, 菠蘿好大塊, 好足料😍豉椒炒蜆🌶($108)蜆肉炒到甩曬, 有好多都係得個殼, 但係個汁好惹味, 仲有大量既三色椒, 如果多返啲蜆肉就完美😚黑椒薯仔牛柳粒🐮($138)食得出好夠鑊氣, 上菜既時候都好香, 用美極去醃製牛肉, 不過因為冇搽蜜糖所以會偏乾身, 薯仔出色😂椒鹽炸鮮魷🦑($138)鮮魷炸到外脆內軟, 仲要大大件, 點埋個酸汁, 冇得頂🤩蒜蓉炒豆苗🥬豆苗炒到好翠綠蒜香味濃郁, 真係勁送飯😊呢度無論係個氣氛定食物質素都唔錯, 真係好地道既香港大排檔, 仲有好多菜想試, 絕對會encore😉

一行四人，六點幾去到已經要排隊。安排入座後叫咗四個小菜，黃金苦瓜，豉椒炒蜆，椒鹽鮮魷，焗魚腸。好一般嘅嘢，試曬佢啲水準。豉椒炒蜆非常一般，同出面茶記冇乜大分別，鑊氣欠奉。椒鹽鮮魷完全不合格！個脆漿係淋嘅！之前我哋坐低，未落order,佢已經拎埋嚟，估計應該係拎錯咗，隔咗一陣，我哋落order，佢又拎返黎！估計係拎返同一碟黎！所以應該唔係新鮮炸起，變到淋曬！焗魚腸係合格嘅，起碼魚腸冇腥味，正常味道。黃金苦瓜又係唔掂，濕立立咁，唔夠乾身！四碟小菜，三罐汽水一支啤酒，埋單520。收得人百幾蚊碟小菜，應該都唔係咁嘅水準囉！！所以絕對冇下次！俾得起咁嘅錢，一定有其他更好選擇。奇怪對面嗰間天X冇乜人排隊，下次都想去試下先。

想食愛文生超耐，大排檔呢家嘢一定要一大班人去先至食得多嘢。輕鬆約就約到14個人去食愛民生。係Gulu撳定飛，去到門口即刻有得入座，正！14個人叫咗14碟餸，冇得頂👍🏻避風塘瀨尿蝦，真係愛文生最好食😋 老闆仲介紹咗極尚炆大班尾，份量超大，啱一大班人去食👍🏻👍🏻薯仔牛柳粒，好食到震，最後encore一碟！椒鹽九肚魚，一定係必嗌之選菠蘿咕嚕肉，呢個係我童年回憶，唔係間間都可以整得好食。甜酸到適中。最後埋單人均$250，抵到爛。

十分支持有歷史的店，特別是這種有鐵皮的大排檔。的確有舊香港的風味。早去唔駛排隊直入。1）對於大排檔除了鍋氣，個人非常看重「椒鹽九肚魚」這個菜式，叫了個雙拼。食完一口，和朋友對望😆。粉厚魚乾魷魚更是薄片😑2）啫啫通菜煲是有鍋氣的。3）乳鴿-不過不失

台灣朋友來港的最後一站 - 大排檔！本來是有點擔心姐姐他們會不喜歡，有想過去佐敦有店舖的，但深水埗愛文生真的是沒不去的道理，就領着他們到深水埗了，想着如果他們不喜歡，還能到附近的店子吃飯好了！我們7點左右到，已經滿多人了，也發現了原來可以Gulu 拿票！現場拿應該要等滿久吧？問好他們決定要在這吃，我就去拿票。我才拿完走回群，就有一個阿姐見到我們有老有少的，問我們多少人，一把就叫了我們進去，還是坐店子最裡面有冷氣的大枱！這也太lucky了吧？🤩點菜的伯伯也是很風趣幽默，請他幫忙拿水、拿公筷、拍照的都答應，我們都被逗笑了！然後阿姨看着我洗食具，都很新奇意外的樣子，台灣不會這樣洗的嗎？😆我們5大2少點了6個菜3個飯，每個都好好吃！值得一提的是，店面已經是滿座狀態，但菜都來得很快！而且每道上來的菜都是熱到噴煙的！好厲害！乳鴿🕊️是點給他們吃的，台灣都沒怎麼能吃到乳鴿耶！但女兒們好像知道是小鴿子都有點抗拒😅椒鹽鮮魷🦑新鮮炸起是超級酥脆好吃！魷魚也很爽口！豉椒炒蜆🫑🐚是大排檔必點的，是有點辣但非常好吃！阿姨點了乾炒牛河（我的最愛😆），🥩牛肉多，河粉不會黏在一起，每條都沾上了顏色，也是火候十足的，小女

-「口味好個人，但係好唔好味通常都好一致😋」大排檔一定要有鑊氣，屋企就算可以煮中菜，但一定做唔到大排檔嘅鑊氣，呢一間每一次都要排長龍，無論係香港人定遊客都好鍾意，要有排隊嘅心理準備。另外我都好欣賞大排檔嘅熱鬧，不過夏天真係好好好好好好好熱，同埋我唔怕污糟。🤣小炒王呢個小炒王有好多唔同款嘅配料，入面有腰果、蝦乾........比例上平均，總之好多配料同炒得好好食，我平時麻麻地食韭菜，但呢度嘅韭菜去了草青味，如果炒得再乾身少少我會比100分，呢個送啤酒一流，送飯都好啱。椒鹽瀨尿蝦 （時價）避風塘嘅味道，超級惹味，對我嚟講炸蒜實在太大粒，大粒到根本食唔到，如果有剝殼瀨尿蝦就更好，好怕個殼搞到口都損埋。椒鹽九肚魚外脆內軟就係呢個餸菜嘅精髓，整體都好食，平時食九肚魚有滑潺潺嘅感覺，呢一隻就唔同比較乾身。豉汁炒蟶子呢種蟶子大小剛剛好，有時蟶太大隻反而好韌，呢個豉汁唔辣薯仔牛柳粒薯仔太大粒，牛柳好鬼鹹，個人口味上我比較喜歡萬發的薯仔牛柳粒，因為薯仔加咗蜜糖會甜啲。-每一間餐廳都各有千秋，如果喜歡大排檔的話，呢一間係好好選擇。推薦指數：⭐️⭐️⭐️ 整體都好味，如果唔怕熱、唔怕排隊、唔怕環境污糟就快去食。我

中佬情懷總是痴😂食嘅係港式大排檔風味鑊氣。人氣。地氣今晚消費六百幾食咗四大碟嘢飲咗一支藍妹啤酒，價錢如何不過不失份量無可挑剔，但純粹單憑感覺就真係無限分。全晚最值得推介係豉椒炒蟶子， 唔好睇佢細細支食落口又爽又甜又鮮味，如果能夠再加埋涼瓜煎米底咁就真係very的good，而另外小弟覺得最romantic嘅炸大腸炸得外脆內嫩，而个甜酸汁相當到位不濃不甜不酸味道恰好，食落便自然勾起當年上海舖嘅炸大腸味道。不過避風塘虎蝦同埋小炒王就真的比較一般，先講小炒王鑊氣ok但就係唔夠惹味，避風塘虎蝦炒料夠香夠味，但蝦本身就唔夠新鮮，如果改食豉油王應該可以好接受一點。 整體今晚用膳情懷滿分，難得仍然能夠在香港食到傳統大排檔的鑊氣，小弟仍然推介大家一定要黎試下。

招牌NO ,1黑椒薯仔牛柳粒，可以拆牌，是倒數第一，薯仔大粒，吾熟，牛柳粒乾，又硬又吾新鮮，重點是好咸，味精太多，可以改名(海盐牛柳粒乾拼半生熟薯仔)，第二個是小抄皇，一樣勁咸勁難食，可以改名小抄咸味皇，全碟有一粒小蝦仁，三片乾浸尤魚片，無話可說！第三個是八珍豆付煲，2倍油盐水浸豆腐，真的無話可說，想仲伏，想口渴，又或這買吾到盐，可以去試試，今你一試難忘！

太恐怖啦，次次都排晒長龍喺出面!大概排咗一個鐘!好彩都算值得 啲嘢都唔錯幾好食好有鑊氣避風塘炒蝦好好食 好入味炒得好乾身 雖然好多人但係上菜速度都幾快 同朋友屋企人嚟飲酒食飯超正

我們拎飛後等了1個半小時，原先下一張到我們，但就叫其他無有拎飛的人入去，我們前去詢問為何會有人在我們前面，店員說他們買了兩條魚來，不能等太久，所以先入…接著我們再等但下一張叫別人入，再上前詢問，店員說他們是自己朋友不用等位……

今日嘅心情係好開心嘅，因為有陽光普照，天氣都幾舒服。响愛文生嘅餐廳入面，簡單嘅裝修同埋微弱嘅燈光，令我哋感覺好放鬆。我哋嘅肚餓程度已經係「餓死鬼裡鬼外」啦！當睇到menu上面有「黑椒薯仔牛柳粒椒鹽九肚魚」呢個菜式，即刻俾人吸引住。點咗嗰個之後，就等住食啦！上菜嘅時候，先係一碟香噴噴嘅黑椒薯仔牛柳粒，啲牛柳炒得咁嫰滑，每啖都係肉汁四溢，配埋啲脆身嘅薯仔，真係開胃啊！跟住嚟緊就係呢個菜式嘅主角 - 椒鹽九肚魚！啲魚炸得香脆，而且完全冇腥味。椒鹽嘅味道啱啱好，唔會太鹹，令人上癮。每一啖都伴隨住微微辣嘅感覺，真係太過癮啦！食嘅過程中，我哋講起咗啲舊時嘅趣事，都令食物更加美味。身邊啲朋友都係食食吓，笑吓，氣氛好融洽。

香港地道大排檔，可以見到廚師與火共舞，獲氣一流。餐牌非常之多選擇，基本上想食乜都有。去之前一定要嚮GULU拎飛，並且提早過到去，因為位置都比較隔涉 ，d number亦會突然飛得好快，miss左就要等補位。如果係去到先㩒飛，就大機會要等好多張枱喇。避風塘粟米條 - 必食，粟米炸過好香口，加埋避風塘調味，甜辣惹味，食唔停口。豉椒炒蟶子 - 蟶子比較迷你，不過夠鮮甜，亦都無沙。黑椒薯仔牛柳粒 - 牛柳粒太咸，無咩特別，可以唔洗試。椒鹽九肚魚 - 炸得香脆，炸漿亦唔會太厚，放耐咗都keep到脆度。家鄉小炒王 - 食得出的鑊氣，送飯一流。

琴日揸車經過深水埗 咁啱經過見到 一直好想試嘅愛文生，雖然星期日出奇地，唔使等好耐位，入到去兩個人叫咗兩個餸，一隻超大嘅豬手，西蘭花鮮魷，個豬手好入味，個西蘭花鮮魷都好吸引，雖然係人多擠迫，但係呢真係出奇滿足嘅一餐

上個星期喺深水埗打完波諗住過嚟拎飛但7:30嚟到驚覺條隊長到根本冇可能排到😰幸運地呢間大排檔係有得用GULU攞飛所以今個星期就好醒目喺打波前已經喺個Apps度撳定飛去到只係等15分鐘就有得入座😜我同朋友一人三行獲安排坐喺後巷對出嘅一張枱係咁多張枱中比較暗嘅位影食物相都要開着電話個flash不過食大排檔就預咗唔係食環境而係個風味仲有鑊氣😛我哋叫咗三個餸啫啫通菜煲、椒鹽九肚魚、豉椒炒蟶子三碟餸都非常惹味份量同鑊氣都十足👍🏻希望大排檔文化可以一直保持落去🤍

今日去咗呢排好火紅嘅愛文生大排檔試下佢哋啲鑊氣。😋其實今次都唔係第一次去食，因為細個一直喺深水埗長沙灣長大，所以讀書時期都去過食好多次，但當然當其時就冇而家咁紅啦。今次係平日夜晚6:15到，都已經要等位，好彩等得唔算耐，大約5分鐘之後就有位，因為得兩個人嘅關係，所以可以嗌嘅餸菜唔算多，我同另一半最後就嗌咗其中廚師推介嘅呢三樣：1）琵琶豆腐 ⭐️⭐️⭐️ / ⭐️⭐️⭐️⭐️⭐️2）銀山砵酒鱔球 ⭐️⭐️ / ⭐️⭐️⭐️⭐️⭐️3）什菌菇扒油麥菜 ⭐️⭐️⭐️⭐️ / ⭐️⭐️⭐️⭐️⭐️老實講，比起以前黎食，感覺上係退步咗，銀山砵酒鱔球嘅味道好奇怪，好咸但又帶點苦味，話就話鱔球，但啲鱔極其量叫鱔片，稱唔上鱔球，正正因為佢薄身，所以啲鱔都有啲老，肉質有啲「鞋」，亦唔太食得出鱔味。琵琶豆腐本身就從來冇食過，上到枱先醒起係將豆腐撈埋啲魚肉攞去炸，可能係我自己接受唔到，覺得反而令到豆腐嘅味道無咗，但整體唔算話差。到什菌菇扒油麥菜係全晚最好嘅餸，蠔油味同啲菇味都好足夠，而油麥菜亦都炒到恰到好處無出水。最後埋單$34x，你問我去愛文生食，其實最主要都係食返佢地道文化，熱鬧同埋成班朋友吹水。亦都因為俾內地人棒紅咗，所以基本上都要等位，但反而就好