意蠔屋 (仁安大樓)

營業中

休息中

早2日去咗土瓜灣嘅**意蠔屋**食下午茶，嗌咗個**黑椒汁牛扒意粉**，塊牛扒真係幾得！煎得香口，肉質夠嫩，咬落去仲有肉汁，好正！不過個黑椒汁就普通咗啲，唔夠濃郁，我自己就麻麻哋呢種味，但牛扒本身好食，所以都OK。 另外加咗份**蜜汁雞翼**，呢個真心推介！雞翼炸到金黃色，外皮脆卜卜，蜜汁香甜得嚟又唔會太漏，食完2隻想再encore！飲品就叫咗杯熱飲，普通茶記水準，但食完濃味嘢飲返啲熱嘢都幾舒服。 總體來講，**意蠔屋**嘅食物質素唔錯，價錢合理，牛扒同雞翼都值得試，只係黑椒汁可以再改進吓。下次會再嚟試吓其他菜式，睇吓有冇更多驚喜！

看到土瓜灣開了一間意蠔屋，起初都沒什麼感覺～ 因為幾年前係北角食過😃當時覺得無什麼特別印象，畢竟當年晚餐都平均100蚊人頭🤣 後來四圍餐廳晚餐都是這個價錢了，就開始不覺得貴😂今次下午茶時間2pm-530pm 黎食，都覺得幾平下午茶28起，最貴42😃本大小姐覺得抵食，呢個質素😃😃我下午茶T9 煎蛋王牌肉醬飯+芝士+煙鴨胸+ 西蘭花大約每款加6蚊😃 白汁忌廉湯+6蚊😀 熱飲唔駛加錢，凍飲+3蚊起～ 今次埋單 60😋 好食😄😄😄服務是正常服務😃

一直對意蠔屋有種情意結，皆因佢哋一開始喺紅磡德民街開嘅時候真係好好食，今次就有啲失望，雞肉意粉唔係好夠味，雞肉又得好少，反而羅宋湯有啲驚喜，夠香夠辣，係我鍾意嘅味道👍🏻

佢午餐嘅份量分配簡直係離晒大譜95% 麵4% 三文魚 (仲要超級無敵咁鹹)1% 罐頭菇咁就收我 $752024食過最難食最過分既午餐係個價錢同份量完全唔成正比 真係好過份💀

話說前一個星期五晚去咗土瓜灣下鄉道一間名叫雲南一線食小籠包同擔擔麵，食到一肚火，食物水準差又亂計錢，於是想話去八方小籠包回味吓佢地嘅小籠包，一到埗..... 唉..... 可惜..... 原來已轉手!嗚嗚嗚嗚..... 佢地嘅碗仔翅用料足! 邊到仲有足料碗仔翅喲!行去八方小籠包途中，見到哩間新開嘅意蠔屋，Menu 上竟然有生蠔供應! 土瓜灣哩區唔多餐廳有蠔供應，而且係哩D老區舊樓林立嘅地方售賣生蠔係一個勇敢嘗試!記然想去八方但又消失咗，咁就推門入去會一會哩間意蠔屋，睇吓水準如何如何!點咗紅白二湯，忌廉汁煙三文魚蘑菇天使麵，黑椒汁板燒黑椒牛肉眼扒，蒜茸焗生蠔2隻.優點:1, 忌廉湯同羅宋湯味道濃郁，唔係D低質水汪汪劣湯.2, 土瓜灣哩區西餐廳不少，但有天使麵，螺絲粉同長通粉同時提供嘅餐廳係零 (可能我未發現，有的話煩請通知!)，單憑哩點意蠔屋已經加分! 再加上沾上忌廉汁配天使麵惹味，份量亦無偷工減料，價錢又唔太貴，足以令我會再嚟幫襯.3, 上次食扒又係食到一肚火! 果間太子金翠果份所謂雜扒偷工減料又貴又水準差! 簡直臘鴨! 眼前嘅肉眼扒，無塊熱辣辣鐵板都好過佢，價錢又係金翠一半，牛扒口感