影片
來到4月份, 是家姐的生日, 我們選了 Spaghetti house 替家姐慶生.為於京都廣場的這家店與同區在百德新街對比，人流相對沒那麼旺. 由於我們有BB, 店員除了預先安排了BB凳, 還準備了小童餐具給我們，值得加分！炸洋蔥圈($48): 炸起的粉醬不會過多，吃起來不會覺得吃到滿口炸粉. 另上兩種醬汁: 最原始的茄汁和沙律醬.星級醬燒珍寶豬肋骨配美國瘋薯條($198): 名字有點長氣，簡單來說即是豬肋骨配薯條！豬肋骨非常入味，帶有些微酸甜, 非常惹味，肉質亦不會燒得過火，入口鬆化 juicy! 不過薯條份量略少.原粒帶子、一級小龍蝦鮮墨魚汁意大利粉($116): 小龍蝦肉的確如名字般"小". 由於我對蝦有過敏, 所以沒有吃到. 不過聽家人說小龍蝦肉味道一般, 口感沒很彈牙. 另一主角帶子反而相當有驚喜! 煎得剛剛好, 不會過熟, 軟身的帶子, 入口非常鮮甜可口. 配搭濃味的墨魚汁, 鮮味更顯突出.巴馬火腿、火箭菜 pop up pizza 大批($172): 選這個時我們被 "pop up" 兩字引起興趣. 直譯的中文意思為 "彈出比薩", 但其實 pop up pizza 簡單意思為薄批. 薄薄的批邊烤得相當香味脆口, 只可惜主角巴馬火腿沒做到 "入口即溶"的感覺, 另外, 味道也較鹹.甜品種類共有8款, 而每款甜品均配上雲呢拿雪糕. 最後我們點了以下兩款:朱古力焗班戟，雲呢拿雪糕 ($44): 以兩塊薄身已對摺好的半圓型班戟堆砌為一個圓形. 內裡填滿了朱古力醬後再拿去烤焗, 將班戟皮焗至微焦中帶有點脆口. 加上雲呢拿雪糕作裝飾, 賣相實在相當吸引.朱古力焗香蕉金寶，雲呢拿雪糕 ($48): 蘋果金寶我吃過, 不過香蕉金寶我卻是第一次. 朱古力配香蕉永遠是 perfect match. 金寶上層烤得很香脆. 下藏暖口的香蕉蓉跟朱古力醬, 吃起來少了蘋果金寶的微酸, 卻多了份清新甜味. 再加上冰凍的雪糕一起吃, 覺對是一個復雜但完美的組合.
繼續閱讀
自從公司樓下附近果間意粉屋執左, 都好少食佢. 其實呢間舖都唔太遠, 不過行到呢邊都唔會話特登上去, 今日同事突然話想食, 仲話帶埋 vip 卡, 見咁有誠意, 就過黎會會佢啦!而家個午餐牌同以前唔同晒, 不過都仲有好多餐可以揀, 係唔明點解有咁多"新登場"啫.我揀左 7 號 : 香檳蟹籽忌廉汁意式肉丸菠菜意大利粉上枱時但見滿滿的一碟意粉, 肉丸唔多, 幸好菠菜份量都唔算少, 蟹籽就得中間有少少(不過都係正常的). 意粉麵身稍軟, 肉丸冇乜味, 唔知加蟹籽有甚作用, 不過整體味道都 ok 啦. 最唔好果樣係太多汁, 多到浸住晒 d 意粉, 好似游緊水咁囉...
繼續閱讀
由於係網上的著數網見到下午茶優惠（下午茶套餐﹐第二客只收$9，按原價加一）就去左試。初頭去到同區另一間spaghetti house問個時﹐入面得幾檯客左右﹐都好似忙reception 冇人企﹐解答問題。我對鋪入面既staff講左左好幾聲唔該後﹐終有一個男職員出黎答我。我話係著數網睇﹐係只需用手機出示﹐呢間既staff就話一定要印出黎。咁奇怪？梗係走啦。再經過另一間﹐就試下問問啦。點知呢間又可以喎。馬上坐低order野食。入到去﹐靠街景卡位已被坐滿﹐只好坐係被安排﹐近住職員落單既位啦。食tea成程都係職員落單﹐拎放水壺既碰撞聲﹐下次真係要要求坐開少少。叫左兩個連酥皮湯既意粉同飯餐。好耐冇飲酥皮湯﹐一個龍蝦﹐一個白湯﹐唔錯。主食的飯同意粉都差唔多啦﹐份量light少少。加上兩杯凍啡。It is ok.Ps. 下午茶真係優閒﹐所以promotion 引多左人食﹐工作量自然大左﹐職員多左野做﹐笑容都少d。同一餐廳的分店﹐都可以對接受優惠卷有分歧﹐認真唔明白。
繼續閱讀
年廿九，家家戶戶要團年，大部分食肆都人山人海，我們倆也決定到意粉屋吃芝士火鍋團年去。到達後無需等候，新開張不久，環境又新又舒適，更有開放式設計，顧客可以隔着玻璃窗看到薄餅製作的過程。可惜我們鄰座的一家四口中的小朋友「獲利回吐」，竟然在半場嘔，令我倒胃。希望蛇年大家都不會遇上類似情況啦！我們點了一個$368歐陸星級芝士火鍋，包括以下食品～挪威煙三文魚黑醋沙律及意大利豬手片：作為頭盤，份量頗多，煙三文魚又厚又甜，豬手片質感和味道都很像中式的薰蹄，加上黑醋，鹹中帶酸。芝士火鍋：餐牌上寫用了三種芝士製作，包括Emmenthal、Gruyere和Mozzarella芝士，再加入香草、白酒，的確散發出香濃的芝士氣味，正！不過吃至末段，芝士汁所餘無幾，最後我們為免它完全蒸發，便把所有食物一次過倒到鍋內，變成「芝士一品鍋」喇！配料方面也很豐富，有～法包粒：我以為法式長麵包一定是硬邦邦的，沒想到這籃法包粒尚未在芝士汁內浸泡已很軟，味道尚可。美國一級燒牛肉：我即時吃了一片原味的，卻覺得有點嚡，沒有肉香；放進芝士汁內數十秒，牛肉變得較軟，但仍然沒有牛肉香。辣味燒烤腸：外皮早已煎得很脆，比預期更辣，好！意式肉丸：單看賣相，我以為會是很彈牙的，沒想到質感卻像中式的山竹牛肉球，非常鬆軟，感覺特別。香草白菌：本來已有香草味，沾上芝士汁後，香草味也沒被蓋過，味道頗佳。西蘭花：按照餐牌上的指示加熱五分鐘，仍然很爽口，頗新鮮。螺絲粉：較難用那支火鍋叉來攪拌，結果用自己的湯匙把螺絲粉放到碟上，令芝士汁的份量大減，果真應該留在最後才享用。海蜆：普普通通，其中一隻是死蜆，不算新鮮。美國瘋薯條：薯條較幼，不夠脆。凍抹茶黑鑽石($38)：惠顧「歐陸星級芝士火鍋」，飲品可以買一送一。我喝了這杯內有紅豆、涼粉的特飲，想不到更有透明的蘆薈(又像是蒟蒻)，口感豐富，味道頗佳。凍焦糖咖啡：同樣是$38，但味道較普通，焦糖沉在杯底，卻沒有提供匙羹攪拌，令味道不太平均。由於我有一張傳單，宣傳這間新開張的分店，惠顧滿$300便可減$100，是夜結帳時只需$350.4，價錢尚算合理。總結而言，我滿意這頓晚飯，下次會再光顧。
繼續閱讀