意粉屋 (已結業)

下午三時，於大埔下課後便與同學來到九龍塘的意粉屋Tea 一Tea。來到意粉屋，與友例牌來個大家最愛的酥皮湯下午茶餐。一同要了個蜆肉周打酥皮湯。端上來新鮮熱辣，仍舊是那熟悉的香味，酥皮仍然是那樣的鬆脆，一啖酥皮一口濃湯，那種感覺真的很好。回想在歐洲那段「無啖好食」的日子，現在頓時覺得回到香港真的很幸福。話說回來，比較大家樂間中推出的酥皮湯以及super sandwiches 也出售的酥皮湯，最美味最足料烹調得最恰到好處的，始終都是意粉屋的酥皮湯。至於主菜則要了個普普通通清清淡淡的菠蘿、蘑菇、粟米意大利粉。意粉帶點芝士味，整體味道一般。餐茶要了杯凍檸茶，自助糖水，也是中規中距。有優惠卷關係，半價結帳。總結，意粉屋的食物仍維持應有水準，價錢則仍有下調空間。順帶一提，意粉屋現在有VIP 會員promotion直至本月月底，年費三百五，可享優惠好過必勝客。

今晚特別請朋友食生日飯, 由於有得去又一城AMC 睇首影「暴劫現場」, 而朋友又鍾意去意粉屋, 仲話佢係member, 生日寄咗張$1,000 樓下有七五折既coupon 比佢,所以就好順其自然咁嚟咗呢間又一城既意粉屋食飯。 我哋叫咗「意式雲吞配薯蓉」, 個賣相幾得喎~ 都幾好味。仲有「牛尾長通粉」, OK! OK!! 當然唔少得「豬仔骨」啦! (老公同我都超鍾意食!)仲有三個Pizza, 兩個厚一個薄, 有「海鮮至尊」「芒果雞批」同「超級至尊」我哋一行九人叫咗四個二人餐, 跟咗八個「龍蝦湯」或「南瓜湯」, 仲有餐飲八杯,另加多個「芝士焗西蘭花」同一個普通批,Discount 晒之後埋單$1,008.8, 即係每位$112, 食到我哋個個都咁飽, OK 抵食呀!而食物質素都唔錯, 不過不失啦! 同埋呢道既職員服務幾好呀!!

特登去試佢個cheese fondue...但食完有d失望！三個人，叫了一個黑菘露芝士海鮮火鍋($260)同一個citibank 二人餐($199)。黑菘露芝士海鮮火鍋：一上枱，第一句問嘅係：得咁多野jar? 份量真係好少，雖說是二人份，但都好似少得滯喎，$260真係貴得滯喎！樣樣都係得兩件：青口、帶子、salmon, mushroom, 鮑片, shrimp, 墨魚面，miniature robster。所有野都好新鮮，不過miniature robster無肉食，得個頭大。墨魚面最好味，因為吸晒D精華！個foundue ng 夠熱，不過可能如果太熱會痴底；D野要放係芝士裡面好耐先熱囉！芝士好漏...漏...漏...不過如果鍾意食cheese會覺得好正。好在有叫個二人餐，otherwise 係完全唔會飽。個餐有湯、飯、意粉，樣樣都好食，又夠熱。服務生很有質素，好有禮貌，又pour water 又換碟，好勤力。服務真係抵讚！埋單差唔多五舊水，好似貴咗d喎！

懷緬過去常陶醉, 一半樂事一半令人流淚. 人大了, 少不免係度懷緬過去, 好像近日也聽到大家對過去的懷緬. 小弟有幸曾經經歷, 雖不深, 至少叫做參與過.又好像意粉屋, 也是我們的經歷. 遠係未返窩福之前, 曾經有段日子, 小弟要接文迪完團契後回家, 係意粉屋食過不少宵夜. 近年真係少了來這裡, 不過集體回憶四個字, 係不能匹敵的. 是晚就來了又一城店晚餐.這裡的環境係幾好的, 如果坐係室外的, 樓底夠高, 係幾開揚的.要了個意味套餐, 有湯, 天使麵, 主菜同咖啡茶. 份量也不少. 二人用$258, 價錢合理. 另外加$11把餐飲換了熱情果園, 又加$15要了個甜思思精選: 朱古力熔岩配雪糕.特色龍蝦湯: 8分, 這個湯真係喝了好多年, 好像也變了這裡的招牌似的. 其實龍蝦肉也不算少的, 當然個湯係好濃郁, 飲了那麼久, 也習慣了這味道, 繼續收貨.芝士焗龍蝦帶子天使麵: 9分, 係度叫餐, 除了龍蝦湯, 另一個主力就要數到芝士焗龍蝦帶子天使麵. 名字長長, 其實小弟覺得個重心係芝士焗天使麵. 撈了汁的天使麵係相當之入味, 濃濃的芝士, 剩吃係嫌太杰同濃, 跟天使麵一同吃就剛好. 龍

都是意粉屋的菜色和質素。最驚喜的是等位時竟然有waitress 送上汽水！給人體貼的感覺，自然乖乖的等下去，哈~

上個week 到CWB gor 間sphaghetti house食dinner, 服務超級好，個個服務員都好好笑容同service~今日黎又一城shopping, 又選了在sphaghetti house 開餐。兩個人叫了個二人餐。餐湯：意大利菜湯：好多菜，仲有蝴蝶粉，好味！主菜：1)皇牌焗煙肉、雞闊麵：味道調得好好，令每片闊麵都吸了cream sauce ge 味。蛋黃忌廉汁唔會好膩，唔太杰。有ok 多雞肉同磨菇，好good！2)焗意大利雲吞伴薯茸: 意式蕃茄汁好多茄茸，撈埋D薯茸，酸酸地好開胃，意大利雲吞大大粒，皮滑，牛肉、菠菜餡料，好夠味，唔連蕃茄汁一齊食都夠味。餐飲：都係o個d、啦，不用多講。加了$11要了個cheesecake, 遵我不太喜歡這類cheesecake, 所以只吃了一口。但友人說味道不錯，但實jor 少少。

今日放半晝，同同事去咗又一城，行到攰攰地，大家入咗意粉屋食個tea，話就話係tea，但都大大份嘅，四個人叫咗四份。小食拼盆：幾好食，春卷好脆！雞翼：唔啱我嘅味道！公司三文治：一份開四件，fit晒4人，中間就開咗好多薯片，大家食得出係熱浪，好味！雞肉螺絲粉沙律：幾fresh，唔錯！每set包drink，但如果加$11就可以轉特飲。我就飲意大利凍咖啡，同事飲凍朱古力、甘筍蘋果汁，都幾好飲，不過我杯就略甜！價錢其實都唔平，一個tea要成50-60，都頗貴，但今日有老細埋單，盡order，哈哈！環境本來唔錯有店外座位，但店舖位於頂樓，太陽直射hall頂，所以會較熱，所以都係揀咗店內！侍應服務都ok嘅，但我哋食嘅時候剛係員公用膳時間，有一屏風間開，但同事都聽到佢哋傾計時都爆吓粗口，所以應該注意一下言行！

尋日去到叫左幾個pasta,真係唔係好得....1. 個lasagna焗到'龍'左....一pat野咁2. 個新推出既天使麵諗住會好好食，但係點知乾到好似去酒樓飲宴食o個個脆脆地又無乜汁o個d麵咁...睇到真係好似一個人落左洗頭水未沖水既情況咁，完全係失敗。P.S.上次去雅蘭o個間真係正好多...

星期六同bf黎個悠閒lunch，等左陣位就入得。基本上對意粉屋既質素都知道係點，野食都係穩陣派，味道都唔錯~ 只不過今次遇著個waiter發梗夢，要凍水就俾左熱水我地，要白湯就黎左紅湯，得個三文魚牛油果飯係黎得岩，個沙律都唔知點解要等大半個鐘先有得食. 之後個雞翼冇黎到黎錯左個田螺後，個雞翼最終都係冇影既! 落錯單都應該黎問下我地其實叫左乜野呀... 冇影真係好離譜!!!!!雖然之後佢地見到我地好不滿咁，個經理黎講晒唔好意思又送我地小食coupon(應該都係因為見到我地拎走左張意見卡)，怒氣係消左dd，不過d staff既quality真係唔得，要認真improve同train下!!!!!仲有，黎到既時候隔離有waiter鋪梗枱整跌左個胡椒筒，佢竟然將枱上d胡椒粉一手掃落地下.. 好一個乾手淨腳! @_@下次... 都係幫襯第2間意粉屋好d.....

有晚去又一城本想食Little Italy比較之下都係呢度個HSBC餐\抵食d餐\湯係龍蝦湯, 本來怕會又鹹又腥但就算想改平d既湯都要加錢好彩個龍蝦湯唔太差羅馬pizza有parma ham, 意式茄子但d ham燒到又乾又黑賣相唔係幾好味道ok啦, 雖然無乜\"羅馬\"feel熱鍋海鮮墨汁天使麵好多汁賣相都係麻麻地好彩蕃茄味唔會過濃用料都算新鮮天使麵亦爽口, 唔腥整體味道比預期中好食材不錯, 連磨菇片都係新鮮的擺\脫港式快餐\既感覺座位, 服務都唔錯已經好幾年無幫襯意粉屋早兩月係屯門分店食下午茶都係沙律意粉但好難食今次算挽回不少分數有相睇-http://home-and-garden.webshots.com/album/558737804MLQkrJ

最鍾意上完早堂o黎spaghetti house 慢慢食個early lunch﹐貪佢夠好坐而且仲要好抵食!!Early lunch每位$35~40,包酥皮湯﹐主菜(通常有4款飯或者意粉)﹐同埋餐茶。雖然要12點倒之前落單﹐1點倒之前離座﹐不過如果11點幾o黎已經夠時間食有餘﹐仲可以慢慢坐低傾計添。個人就最鍾意火腿芝士煙斗粉同埋焗海鮮飯。因為個sauce本身已經好heavy,所以唔係太大份都已經夠。再加埋個酥皮湯﹐其實就算係一個正常食量o既男仔都已經覺得飽。o的staff亦都好nice﹐會好主動幫你用個cover套住你件外套﹐而且態度都好好。最好o既地方係唔鐘意食意粉可以同o的sfatt要求轉做其他粉類。(不過局部要加錢)順帶一提﹐原來就算唔係餐茶都可以叫o的staff比杯熱茶你﹐而且仲要係lipton紅茶﹐唔係o的雜牌。成個lunch加埋一都唔駛50蚊。平時單叫個火腿芝士煙斗粉都要成50幾蚊﹐而家仲要有埋湯同餐茶﹐所以呢個early lunch真係好抵食!

didn't dine in this resturant for years, and it's not as good as before.

6 Jan, 07又係預祝生日o既一餐...叫左個2人set...龍蝦湯:::::唔錯, 但都無飲晒, 因為預計到有好多野食, 所以唔飲咁多... 芝士焗龍蝦帶子天使麵:::::芝士味好濃, 唔錯唔錯...^^龍蝦汁海鮮墨魚汁意大利粉:::::個人較鐘意li個多少少...可能d芝士太heavy啩?? 朋友話驚唔夠飽, 所以要左2個pasta, instead of salad果d...但結果都係食唔晒...>.<...但眼見人地個dessert咁靚, 朋友都係忍唔住加左一個朱古力熔岩配雪糕...朱古力幾rich, 都幾好...但really太飽la...所以只係o係朋友度share左少少就算...下次再食過...

日期：11月30日的晚餐行完一輪街，二人來到意粉屋。很久沒有幫襯此連鎖店了。要了個中銀信用卡有折扣的餐，有：- 露筍湯兩個(幾好味道!)- 小食要了芝士焗茄子(都好，不過有點漏)- 主食要了拿破倫意粉和pizza (意粉不錯茄醬不太酸，pizza的批底麻麻地，小小失望)- 即磨咖啡兩杯(喜歡它用暖奶)整體服務很有禮，食物中上，埋單$210，算抵食。這餐，比想像中好得多。

兩個人做野/上堂都做到咁夜結果約左係九龍塘短聚…食個晚飯九點鐘又一城都無咩好選擇咯諗住求其揀一間於是食意粉屋近年呢個品牌都算積極求變服務同食物品質方面宜家真係無晒大家樂既感覺特別係呢間裝修配合晒咁高既樓底好舒服當然最緊要都係見下大家者等人等到九點半原來有宵夜特價時段當然特價既都係比較普通既野啦但係pizza半價飲品都買一送一最終叫左煙三文魚鮮果螺絲粉沙律好多扮成花既三文魚亦都無平日lunch果d螺絲粉咁硬蔬果算新鮮酥皮周打湯酥皮幾香但湯既份量少左d喎海鮮雜錦pizza都叫足料啦兩個人食六件都幾飽架喇由於加一照原價所以其實同叫套餐比都唔係平左好多算係咁啦