意樂餐廳 (荃錦中心)

營業中

休息中

平日甚少出外進餐嘅我，第一次幫襯呢間餐廳，請細妹、家姐& Joey 妹一齊食lunch!細妹同Joey到先，等咗三分鐘有位，地方唔算闊落，但尚算舒適，佈置亦幾靚！午餐menu主打套餐，冇素食、冇扒餐，全部都跟飯或天使麵或拉麵，起初我都有啲失望，因我本身唔食肉！慶幸套餐可以加錢換小食，有得換兩款素食：長柄西蘭花&葡汁芝士焗什菜，呢兩款都好好味，我都喜歡！尤其長柄西蘭花，我覺得好爽脆好入味，但我細妹&家姐就話好硬、冇牙咬，結果三碟我食哂！葡汁芝士焗什菜雖然都好味，但就膩咗啲，裡面仲有pat薯蓉，感覺有少少呃咗啲菜嘅感覺！餐牌本來有椰菜花飯同芝士炸雞，兩款都係我細妹至愛，可惜又話冇！呢個係第二個失望！如果有椰菜飯就好，起碼俾食客多個輕食選擇！今餐我請，佢哋點到成枱食物，結果兩張枱唔夠擺，要拼埋隔離張枱，夾埋三張枱先勉強放得落，侍應都好震驚！整體食物質素唔錯，我見我家姐食哂成個牛扒定食，侍應亦算有禮貌，係環境嘈吵啲！食到尾聲，因有好多人等位，侍應要求我哋退返張枱出嚟，我哋亦樂意配合，佢哋都不停同我哋講唔該！埋單$439, 我覺得都ok！起碼大家都食得開心，最重要係有機會重聚！

叫個肉醬意粉，等咗45分鐘先上到，隔離枱無耐前到嘅客人都上咗餐點我嘅都未上。其間叫職員摧咗3-4次單都要咁耐先上到！！！個餐上到嚟仲見到啲配菜燶燶地，價錢以一間西式茶餐嚟講還可以，但係不時出現漏單情況

叫咗紐西蘭西冷牛扒飯同埋半熔芝士炸雞炸雞OK幾好食 嫩滑的 純粹少貴$32得5塊唔算大跟住塊牛扒...上到嚟以$76算大算厚 食落去味道👍🏻 而且嫩 多汁但係我咬完望一望 中間似乎係完全唔熟？然後我睇係咪成塊扒都係咁 切開果然係成塊1成熟雖然我接受到牛扒生生地 但係明顯中間大部份血紅色...好食還好食 始終安全起見我叫廚房返兜然後uh 過多陣上嚟嘅係另一塊 細啲+薄啲+無咁靚嘅扒切開 well全熟 乾曬 無乜汁有啲極端 一係就1成熟 一係就全熟 可能控制火候方面有待進步？食物大致不錯 以後會再嚟食 但唔太推薦叫牛扒

叫咗個午餐包牛角酥，外賣自取，叫人幫手取督。點知冇俾到旫想食嘅牛角酥，五六十蚊，好搵笨。 係咪生意太好，連check都唔check一下，自問冇可能自行打開個袋嚟睇吓啲嘢齊唔齊。

平時去開美孚果間食，我老公好中意食佢既牛扒，今日係荃灣行街就試依間、牛扒冇問題，但啲配菜係凍，我叫左個日式咖喱雞柳管意粉，雞好硬，管意粉我第一次食，我個人覺得吾好食、好以好硬禁，可能星期日太多人，上菜速度都好快、但食物質素都要有囉！食一次下次都吾禁來😤

一向對意樂印象唔錯，今日下午茶時候黎到，叫左個龍蝦湯煙鴨胸溫泉蛋扁意粉（$39），下午茶餐包熱飲同蒜蓉多士，性價比極高，另外加配左葡汁雜菜（$18）龍蝦湯都係想像得到既罐頭味，意粉口感唔錯，軟硬適中，份量係午市既一半左右，蒜蓉多士就大大塊，所以一定食得飽。焗雜菜有芝士又有葡汁，味道豐富，表頭有豆角、椰菜花同紅蘿白，底下用左好多薯蓉墊底，營造出好多菜既錯覺。整體味道係正常唔差，以呢個價錢黎講都幾抵食。

收工約了朋友到荃灣食飯，Itamomo意樂鄰近荃灣港鐵站，行過去都係幾分鐘，食物選擇多，環境都幾寬敞，Dinner食得開心。香草鮮野菌忌廉天使麵配意大利雜菜湯天使麵帶點忌廉夠味，麵煮得軟硬適中，雜菜湯足料夠濃蕃茄味。加杯我最喜歡的凍新鮮冷壓檸檬茶，每一啖都有壓碎了的檸檬好飲不苦澀，每次我都必點來飲。飛魚籽三文魚炒滑蛋珍珠飯三文魚炒珍珠飯粒粒分明炒得乾身，食落有口感每啖夾雜滑蛋和三文魚。半溶芝士配一口炸雞芝士另上，炸雞炸到外脆內軟，點些芝士一起來吃啖啖肉估唔到又幾夾，細細件好味。

果然还得是脂肪➕碳水奶油杂菌天使意面 奶乎乎的酱汁配上了肉乎乎的香菇🍄，给意面增加了很多黏糊又绵软的口感，吃的更加的爽滑蒜蓉多士 纯粹有点油💦，虽然蒜蓉味还挺香的，但是整个就比较一般‼️如果能讲粤语店员就回应比较快，普通话就有点不好说了

今日行到攰去坐一下, 由於下午茶時間, 所以都要拿飛等一陣, 熱天唔太想吃野, 望下餐牌, 實在太多選擇😅 之後用QR code 落單, 揀左帕尼尼包套餐, 加3元轉凍飲, 另外散叫一杯凍飲, 等左一陣先來帕尼尼包, 賣相超靚好美🤩 熱辣辣, 入面有生菜🥬芝士🧀同蘑菇, 配搭好夾, 清淡d幾好食, 啱晒熱天食🥰, 我自己飲0央走甜, 咖啡☕比例比較多, 不過都ok, 下次又試下火腿帕尼尼包先🤭🤭

今日朝頭早同屋企人去到餐廳度，叫咗蕃茄通粉加配漢堡扒，飲品叫了凍奶茶，正宗港式凍奶茶，香港人嘅至愛，屋企人叫咗午餐肉腸仔公仔麵，煮得比較淋身，沒有咬口嘅感覺，建議公仔麵嚟到盡快吃。

柚子雞翼，炸雞翼不熱，面頭塗啲柚子蜜好立痴痴唔好食！薯條凍冰冰，似番炸好幾次，乾到食唔落！飲品熱鴛鴦，冇啡味茶味，差👎唔怪之得少了客人！是否分店多了，食物質數降。

在荃灣靜謐的早晨，我們選擇了意樂餐廳享用早餐。最吸引人的當屬「野菌炒蛋」，這道菜的蛋香四溢，搭配獨特的野生菌類，口感豐富，每一口都是滿足。另外，「火腿濃湯粉」的湯底濃郁，與火腿的鹹香完美結合，令人一試難忘。當然，不能不提那杯「凍特配奶茶」，奶香濃厚，甜度恰到好處，為這個清晨帶來了暖意。同桌的「蒜香豬塊腸仔湯即食麵」也值得一試，即食麵的方便快捷與蒜香豬塊的鮮味相得益彰，是慵懶早晨的完美選擇。題外話：意樂餐廳位於荃錦中心，交通方便，是一個不錯的早餐選擇點。店內環境舒適，服務員態度友好，能在繁忙的早晨中提供一片寧靜和滿足，非常適合早起的上班族或是想要享受早餐時光的朋友們。

大家知道意樂分店都多，野食都好又抵下午茶想叫輕食野菌蕃茄湯天使麵到我有得食，點知一眼看出係湯求其煮咁啲汁多到似飲湯，細蕃茄變壞都照出味道淡淡地，咁樣出餐⋯真係無眼睇。焗田螺焗到乾黑晒，薯仔食到粉粒，落忌廉汁得一啖，很可悲呢間餐廳廚師無心機整好野食，是但整快餐俾我哋食。下次不會再叫呢餐，真失望，香港係美食天堂，點解可以做得咁差味道餐聽環境乾淨服務態度okay啦唯一煮天使麵整汁一般般👎🏿👎🏿👎🏿某人廚師不及格，無得救

午餐去左附近嘅商場開餐，入到呢間餐廳，都見到好多人已經坐咗入去，差唔多全場坐滿。佢有中式同埋西式嘅選擇，但我個人覺得佢嘅意粉幾好食，所以今次食咗佢推介嘅鮮蜆白酒蒜香煙肉天使麵。🌟 鮮蜆白酒蒜香煙肉天使麵｜$63＋凍飲$3餐廳職員好細心，拎咗碟意粉嚟之後，仲拎多一隻碟俾我放蜆殼。意粉本身質地幾爽口彈牙，蒜蓉加白酒炒意粉，好惹味，但係又唔會太鹹。蜆肉嘅份量比餐牌仲多！不過佢有啲紅豆同埋青豆，好似同個意粉就唔係太夾啦。但係整體嚟講係好味。😋推薦指數：8/10@littlefoodie_bb

剪完頭髮，食個早餐先～本來去 #敏華冰室 平時去開～但喺佢隔離 #意樂itamomo 有人排隊，入面人頭湧湧，有人氣我又入去試吓先🔸 #薄切牛扒蒜蓉汁 #煎焗流心蛋 #餐肉 #蒜香欖油多士 🥩牛扒 分量充足，有少少燶邊真係幾好食，肉質鬆軟，有牛味，一口咬入去，juicy 又有牛味🍳煎焗流心蛋 有蛋味🥓餐肉 正常🥬 最鐘意❤️ 嗰幾條生菜加咗好多胡麻醬☕️熱奶茶少奶 鐵杯裝嘅奶茶，特別有好感，好有茶味#明白點解咁多人#坐得舒服 #分量充足