意樂餐廳 (啟朗苑)

營業中

休息中

叫左豬斧頭排，跟餐有湯。加左Buffalo chicken wings個湯正常，罐頭湯咁囉。5/10。薯條好油，又好硬，令人失望。1/10，豬扒可以，有少少焦。7/10。豬扒汁係牛肝菌汁，普通。5/10。Buffalo chicken wings, 幾好，幾脆口，8/10。

今時今日，$25蚊，食一個下午茶餐，仲已經包咗: 餐包，粉麵，飲品。仲有乜嘢要求呢。。唔係一般多士，而係牛角包，上枱仲要係暖ga。。。漢堡扒蕃茄湯天使麵。雖然唔係好多嘢食，都叫做有肉啦。。。最後一杯餐茶。(注意:凍飲加三蚊)

今天晚餐去了這家意樂醫肚，我點了海鮮鹹牛肉炒珍珠飯，成個炒飯都炒得幾好，夠乾身，食完好飽，仲包埋嘢飲。服務方面，店員亦很有禮貌，我和家人希望坐在較少人的圓枱，服務員亦可以安排。但有感餐牌選擇很少，特別是晚市，希望之後可以多些選擇。

Tired several of their dishes includes afternoon tea, dinner,and takeaway. Salmon fish sandwich with croissant is unique and spicy shrimpfettuccine comes to mix with salmon was good for me. The rest of them are average.This isn't a place to drink coffee and milk tea as usual. Overall goodexperience and the price is worth it.

新區食店選擇不多(接近冇選擇), 難得呢間餐廳開業至今仍保持好品質 👍🏽 感覺食物新鮮即叫即做, 食材有考慮營養價值, plating 亦很細心! 亦有一班很熱心親切的姐姐 🥰

自從啟德港鐵站開幕之後，就帶動咗啟德區一帶嘅人流，呢日都帶着我家嘅港鐵迷去啟德站打卡，然後睇吓附近有咩啱食，結果就嚟到呢間意樂。以呢間餐廳嘅格局來講，佢嘅下午茶餐價錢都唔算貴，淨係下午茶餐嘅餐牌都有四頁，真係眼花撩亂我揀咗煙三文魚牛角酥配薯條，煙三文魚嘅份量都好多，牛角酥鬆軟，薯條炸得好香口，非常推介！另外叫咗個奶醬多，多士有烘底，仲落咗好多醬添，一啲都唔吝嗇！西多士好厚身，仲配上一大兜糖漿，不過怕太甜所以只落咗一半。呢一餐埋單都唔使$100 ，以後有多個新蒲點啦！

事緣係因為啟德地鐵開新站，所以就去果度睇下有啲咩😆 基本上一出地鐵站口就見到個商場一樓有間餐廳，我地行過左都唔知，最後要行番轉頭先見到部電梯上去一樓😛上到去好似見到間餐廳分開左兩間，依家哩間係食西式嘢，cafe形式，有窗光猛啲，環境又舒服啲，再行入啲就係茶餐廳形式嘅。我地最後都係揀左間坐得鬆動啲嘅哩間餐廳😊😊餐廳裝修得好靚靚，幾有特色，環境乾淨企理，再加上下午茶時間唔算好多人，唔會好嘈好逼咁，坐得舒服😃👍🏼下午茶餐其實都好多選擇嘅，我地未食lunch肚仔餓就揀啲飯/意粉類，後面仲有西多，三文治等等嘅包類嘢食。最後我地叫左個煙肉卡邦尼溫泉蛋長通粉同埋西西里式鮮魷魚扁意粉。哩個係友人叫嘅西西里式鮮魷魚扁意粉，除左魷魚，仲有蜆肉。賣相相當唔錯～哩個係煙肉卡邦尼溫泉蛋長通粉，餐牌講嘅廚師推介。味道非常唔錯嘅，唔會話好膩，雖然啲煙肉有啲啲乾，但係總括黎講哩個價錢係非常之抵食😋奶茶係似茶記果啲，但係茶味唔算太香濃，同埋一啲都唔澀，中規中矩啦～見到張檯貼住張介紹哩度啲咖啡嘅貼紙，好似點都要點黎試吓😆 沖出黎杯咖啡又幾靚喎，咖啡同奶漸變咁落，可以自由調節奶嘅份量🤣 個簡介係講得冇錯，平順滑口，係一開始

因為太懶唔想煮飯於是喺屋企行過去吃新開意樂的平西餐，由於新裝修所以環境坐得幾舒服，對面啲樓未起，玻璃窗可以望到九龍城，真係幾抵一百多有大大塊豬斧頭扒連骨，我仔好鍾意吃有骨的食物，拎住大大件咬比較爽！佢有兩個汁可以揀黑椒或者係菇汁，佢個脆肉瓜同番茄都好好味，又爽又多汁！我好喜歡飲佢嘅紅豆冰，可能佢啲花奶味比較重吧！而佢個意粉都不錯，但係我覺得上一次龍蝦汁意粉好食啲，真係平靚正，好過自己煮，買塊靚扒都要噉嘅價錢！

附近新開的西餐廳，之前試過一次，覺得味道唔差；今晚同個仔再去光顧，我哋坐咗係落單位隔離，正食得津津有味嘅時候，突然有個職員係亞仔個頭上面，伸手遞單比落單的同事。雖然每個職員身上都掛住個“新手”牌，但係無可能發生呢種情況。

屋企附近新開咗開平民價西餐廳放假即刻嚟試吓下午茶！可能新開嘅關係，都幾多人等位，大概等咗15分鐘左右。睇吓餐牌，佢地下午茶款式都幾豐富。鹽樽同胡椒粉好環保又有創意乾蕃茄野菌蒜香天使麵 $40好香蒜香味，啲菌都煮得好入味。而且天使麵唔會太硬或者太淋。最估唔到係原來加咗乾蕃茄連埋一齊咁好食👍🏻吉列炸魚柳塊魚柳炸得好香好脆，但係啲魚肉仲好嫩好滑，唔會乾哂😋薯條係粗薯條而且個調味好好，唔會太淡或者太咸。個田園沙律就普普通通啦，啲菜都新鮮嘅，如果多啲汁就好啦。水牛城辣汁烤雞翼（下午茶+$10）酸酸辣辣咁，雞翼個表面炸得幾脆，但略嫌有少少太厚炸漿。啲肉都ok嫩滑，但係唔夠辣，再辣啲就好啦~柚子蜜味芝麻烤雞翼（下午茶+$10）好重柚子味，好甜，唔太啱我胃口🤭鐘意偏甜味嘅朋友可以試下。咖啡同鴛鴦兩杯都好飲，好香咖啡味，應該係即磨嘅，唔似咖啡粉沖果啲🤭🤭第一次食印象都唔錯，價錢抵食，可以再嚟試吓晚餐😊

屋企附近開左新樓，開左好多新舖頭，我地住附近又多左野行，又方便左，希望可以開多啲平民野。呢間餐廳由開張到宜家已經幫襯左十次，早午晚下午茶都試晒了，無論價錢，服務，味道同環境，我地都十分滿意。全部都好滿意，焗野，啫喱冰冰，下午茶都好正，同格黎百份百同公司，一個西式一個港式。平民價錢，高質享受。