意房菜

營業中

休息中

已經食左好多年嘅意房菜不嬲係我到旺角嘅必食之選，因我唔食牛所以食唔到佢出名的酥皮鵝肝牛柳，但我朋友們必食，今次叫了燒豬肋骨，喜歡佢原條排骨出嚟，見到已經好滿足，不過切落去有點累，4眼哥哥仔見我切得有點吃力便主動問我需唔需要攞入廚房幫我切，當然好啦，好快切完比我馬上開餐，好味呀，有肉汁同有質感，唔會好似出面的咁爛，再問一下原來4眼哥哥話係原條燒的，不會再水煮，所以肉質保持得有質感，再配上自己製蕃茄醬，真係一流，最後嚟埋個牛乳奶凍，奶味重同好滑又夠凍，真係對今晚個餐劃上完滿記號不久會再嚟啊不過如果間舖再大些就可以帶多些朋友來gathering

係旺角行左成日, 又攰又餓, 就同屋企人求其搵間野就腳GE醫肚 果陣9點幾, 見哩間有位就咁入左哩間野 間野好細幾逼下, 而且燈光暗得離譜(鬼屋feel), 但勝在佢冇要求搭枱而我地個位就係正拎餐同茶水bar隔離, 個4眼牙叔(waiter)擺低杯水就走, 咁我地就好開心咁開始揀食乜,咁我地揀左吾夠10mins就落單, 我地就叫左2個set menu,分別係西冷扒餐同豬頸肉石頭鍋飯, 但期間個4眼就係咁細細聲話同同事話我地揀得耐宜家D靚妹吾知點點點, 落單個陣又黑面,我地當冇聽到, 但有少少不悅落左order之後, 佢好快就拎個前菜比我地,  蒜蓉包同小食都係凍GE, 應該放左係到一段時間, d小食(中華沙律+芝士波+沙律醬+炸帶子)份量真係好少, 味道OK, 但蒜蓉包有少少燶味, 擺得耐冇口感, 同埋D湯真係好難飲, 兩碗都係, 我飲左2啖就冇飲食完D小食, 等左陣就上主菜 值得讚, 時間預得好, 但佢上完都吾收前菜D盆= = 佢係到就食完主菜先收...張枱吾大...但佢上主菜果陣個時又話我地坐錯位,,搞到冇位個D,,但做咩你吾收左D盆先再上主菜?!個扒呢, 佢冇問我地要幾成熟,,但

一行同事今次來到女人街內搵食，有同事被焗薯吸引左就決定試一試焗薯set由三十幾蚊至五十蚊不等，跟野飲同小食，價錢合理我今次就叫左個 日式芝士漢堡焗飯，咖喱味的，好香咖喱味而飯面放左隻雞蛋，篤穿有流心，好好味！加埋凍飲埋單都唔洗40蚊！午餐好選擇！

點樣用性價比來形容餐廳，就係明顯有不足，但因為價錢合理及有其他優點所以先會考慮間餐廳最大問題就係太多人，鋪位太細，「搭台」係少不免的情況，而且基本上都好多人等位，所以如果你7點幾想去食的話都好大機會要等.......再等........都係等不過老實講，老闆都知道問題所在，所以態度好NICE，完全係華仔講的服務態度我點了一個NO.1的法國鵝肝牛柳，有餐湯多士、小食(燒扇貝)、MAIN和一杯餐飲(我選珍珠奶茶)，都係收你$82加1可能你會話都差不多要$100一餐，但你諗下大家樂都收50-60一個扒餐，其實都算係咁啦到味道啦，餐湯多士味道剛剛好，唔會好咸，熱辣辣小食(燒扇貝)、成個餐的敗北，明顯係隻扇貝本身無咩味所以燒汁味過濃，不過小食就算啦MAIN法國鵝肝牛柳，酥皮好香口，鵝肝味偏淡，所以配上酥皮食岩岩好，唔會太流，牛柳係全晚最有誠意之作，好軟熟，好入味，主要係牛肉同黑椒，總之就一啖接一啖食得好舒服餐飲珍珠奶茶就一般般啦，但唔係凍0水都算係咁最後成餐食完感覺好飽，滿足的，一百蚊唔使食咁多好野，坐逼D又有咩所謂呀，性價比取勝

通菜街兩旁的確有好多吾同既餐廳 好多餐廳都幾受歡迎 我都介紹過好幾間成日食既餐廳 例如沙嗲王、魚心、料理男、意日菜等等 意日菜曾經系一間我都會經常幫襯既餐廳 但自從上次既不愉快事件之後就無再去了。一直知道呢度有間餐廳叫意房菜 朋友都介紹過好食過意日菜 雖然價錢貴dd 甘今次就泥試下拉 始終學生妹都系食吾起高級餐廳ma我同男朋友今次真系直接行泥意房菜 當時7點幾都開始多人 鋪面好細 同意日菜差魚多 我覺得反而魚心果d會坐得舒服好多 呢度真系塞滿一台岩併排 我地面對面坐低左右隔離一樣有人 相隔既距離只有幾cm甘大把。餐廳燈光比較暗 餐牌同意日菜都幾似 晚餐一set會有餐包+湯+小食+主菜+飲品 價錢大約$80-100左右。首先上場既蒜蓉包明顯系一早預備好再拎出泥 已經變凍變硬 無哂香蒜味 只有一陣陣凍左既麵包味。呢個系我既忌廉湯 原本我就吾中意飲中湯既 反而好中意飲西湯 所以就算罐頭湯都like爆 呢度都算系幾濃 好過好多餐廳為左節省成本搞到忌廉湯淡哂 好難飲！呢個系男朋友既so皮海鮮湯 需要加錢轉既 我覺得個so皮都ok既 不過不失。呢個系我既跟餐小食 芝士波就最好食 成舊痴牙既芝士波系

地方太細，環境擠逼同朋友分別Order兩份五分熟牛扒餐及一份三分熟牛扒餐我的五分熟牛扒卻比朋友一份三份熟更生．．． (待應搞錯三分五分上錯餐)幸好待應態度非常好，願意再煎餐湯不過不失，蒜容包沒有蒜蓉味，飲品唔好飲價錢於旺角晚市算平，但不會再光顧

因星期六要番學校做helper，所以就趁午飯時間較充裕既時候就同一班同學去左意房菜食，因為平時意房菜上菜比較慢，平日都好少去食。一坐低，攞起餐牌睇，竟然加左價！我就叫左個吉列豬扒烏冬加杯茉香奶茶，發現食物既質素退左步，塊豬扒炸過龍，乾到無朋友，比以往既水淮差太遠，杯奶茶都正常既，普通囉，無話特别好飲。整體黎講都尚算ok，都仲做到飯堂，雖然價錢升左，但仲係可接受範圍。

意房菜係我既飯堂一出旺角就去食無他，因為晚餐既大字頭都唔止40蚊不過今次坐左喺最近廚房個位硬係覺得有陣垃圾味叫得佢做飯堂除左佢個價錢吸引其次係佢既野食都OK啦我每次去親都係叫芝士焗薯肉醬千層麵基本上係坐低唔駛睇menu就叫焗薯係薯蓉芝士夠多，好足料要挑剔真係啲千層麵厚左啲啲同埋我通常都只係食到三分二就飽40蚊就咁足料晚餐黎講真係冇得挑剔不過下次我真係寧願等多陣都唔坐最近廚房個位

環境：黑暗餐具：膠杯仔放湯。食物：湯大水、前菜三文魚no喼汁  、主菜牛肉過鬆、鵝肝一般、茄汁意粉一般、大量紅蘿蔔絲伴蝶、加so皮一大塊，成碟野好有藝術飲品：珍珠奶茶ok價錢／用餐後：咁多野食每人八、九十蚊叉不多／但如果唔啱口味就超唔抵食，不會再來食

之前食過午餐, 意粉有口感, 唔會林支支, 抵食又好食, 所以幫襯埋晚餐, 果然冇失望.基本上都唔使等超過10分鐘就會有位, 唔使book.鵝干入口甘香、鬆化! 出面食鵝干既菜式, 平極都要1舊水啦, 呢度幾十蚊有交易, 真係好OK架喇!牛扒冇根, 有牛肉既香味, 冇梳打粉味, 值得一讚!我唔小心打瀉咗杯飲品, 老闆唔會比面色你睇之餘, 仲好好人咁主動安排另一杯比我, 真的很感動!由於主打經濟實惠為主, 所以食完都要快快走的, 如果想食完再吹水hea吓就唔好諗啦!

3 人行出旺角, 點知, 行行下,居然暴雨!!!!见餐廳門口有好多人等位, 应该不错,所以加入埋"塞住條路黨". (哇哈哈哈哈^@@^)大約等左20 分鐘, 終於有位啦!!!!! 晚餐set 有湯,頭盤(燒汁蟹柳薯蓉),主菜,飲品, 我點了牛仔柳黑松露飯, 朋友點了​​肉眼扒.黑松露飯好香, 牛仔柳厚薄適中,有嚼頭及牛肉味. 肉眼扒要左6成熟, 較厚身,很有嚼勁, 牛肉味濃~~~非常多汁. 轉了酥皮湯+ $6 和叫了2 杯特飲+$7.酥皮正常, 湯內有海鲜, 好香.特飲果味濃.超滿足甘食完後,加埋一,  每人付了 $83.食物質素中上,水準相當不錯, 而且選擇多,價錢好平民, 一句形容: 性價比高!!!!!!!非常值得try 的餐廳. 推薦!!!!!!!!!!!!!!!!

又係時候食晚餐, 但係唔知食咩好...就同男友係附近搵下有咩岩食. 睇過幾間餐廳掛係門口既餐牌都睇唔岩..直到行到呢間餐廳, 個女侍應好主動推介餐牌上面既野. 我地就決定入去喇.入到去, 幾黑, 侍應比左4人位我地坐, 所以都唔逼 一坐低就研究下食咩, 餐牌上都幾多選擇, 我地又有選擇困難症所以諗左好耐可能耐過頭, 分別有2位待應走過黎問我地食咩. 雖然我地都係講:"睇睇先", 但係佢地都無黑面, 仲要2個都講左句"sorry" 之後行開左比我地繼續諗最後我地揀左酥皮鵝肝牛柳跟薯菜 同埋 芝士汁龍蝦天使麵. 因為2個都係餐, 所以會有湯, 蒜蓉包, 野飲, 仲可以係4款野食入面揀2款, 我地就揀左tiramisu同奶凍.湯係田螺湯, 但係入面d料切得太細碎, 食唔出咩味, 我覺得同平時忌廉湯既味一樣.蒜蓉包我食唔出有蒜蓉味, 反而食到燶味... 酥皮鵝肝牛柳跟薯菜同門口餐牌張相完全唔同, 相入面既係酥皮包住牛柳, 但係出到黎既賣相係一塊圓形既酥皮, 鵝肝, 牛柳同薯菜分別4樣野擺係碟上面, 就好似m記早晨全餐咁 唯一要讚既係牛柳好腍!芝士汁龍蝦天使麵食落係有芝士味, 但係成個麵好乾,

今日同男朋友去旺角行街行到悶又唔想食連鎖店於是決定去搵新嘢食竟然比我發現呢間咁抵食嘅餐廳。我哋叫咗2個餐，跟咗個龍蝦酥皮湯！哇個湯好入味啲酥皮又脆又香牛油味，好食到dum一聲 重要入面有龍蝦肉喎完全係驚喜囉～我唔食好過食咁啲咁飽嘅嘢所以叫咗個煎鵝肝，個鵝肝唔肥膩不特止仲要同個白酒芒果柚子汁好夾，啲薯蓉亦都好香又唔會太飽，好like牙 男朋友柯打個和牛肋條拼蟹肉薯蓉份量好夠，連平時食3碗飯嘅佢都話有啲飽。我偷食咗一啖，真係忍唔住食多幾啖！哈哈！個牛肉可能好濃好夠味，唔想太「銀」。個蟹肉薯蓉就又啲油，但係都有成80分架～後尾我哋再追加個芝士焗龍蝦（我係龍蝦迷嚟架！），都係架多$80到。。。諗住咁平啲龍蝦未必好靚啦，點知一上碟就比香噴噴嘅芝士吸引住啦。佢個芝士汁入面係有煙肉碎架，好滋味 ^_^ 最估唔到係啲龍蝦入面仲有蟹膏，有淡淡肉～正～～話晒2人餐，梗係有甜品啦。。。甜品係個好細杯嘅奶凍 > _< 完全將你一餐昇華 味道好特別，唔係平時食到嘅味，甜得嚟又有啲奶香，仲要滑到入口即溶～ 冇得頂！！！最後都要讚吓啲員工。全部都好nice好親切，個老闆娘仲好有耐性咁介紹有啲咩啱我哋

放假咪諗住去女人街頭掃街 lo , 點知屋企人行行吓見到依間食店易拉架廣告 , 好似好低食 , 價錢又合理 , 就咁給佢吸引入去幚襯 .店長主動到門外招手入內。内裡空間唔大 , 大概可容納 40 人左右，見小店的餐牌上，有很多選擇，我就點了石頭牛肉飯 + 芋香珍珠奶茶 + 餐湯羅宋 ,媽咪就點咗 芝士焗闊絛千層面 + 椰香珍珠奶茶 + 餐湯忌廉 。當飯上枱時，我見份量都 ok , 剛剛好 , 石頭牛肉飯 - 牛肉好多, 味道普通la , 而芝士焗薯闊絛千層面值得贊賞~很好食ar , 可以同其他貴價餐廳有得比 , 芝士燶 配合 薯蓉 + 千層面 簡直絕配 , 軟硬適中 . 好好味ar 侍應服務都唔錯 , 態度親切 + 勤力.我很滿意 , 又多一個好食ke 飯堂 ... 正ar!!!!!!以 $35 道價錢 , 仲要全包午餐 ...係旺角已經無ka la~~~~

去女人街咁耐， 都唔知有呢間餐廳^_^ 店長主動到門外招手，欣然入內。内裡可容納 40 人左右，見小店的餐牌上，有很多選擇，我就點了日式炸豬排配鰻魚飯+椰香珍珠奶茶。當飯上枱時，我見份量剛剛好 （ 飯、餸比例），而鰻魚很好食，豬肉又炸得軟硬適中； 同時我又看到鄰近客人的海鮮意大利粉很＂得＂，於是順道用手機拍下，同時上載。以 $28 加上$2 自發 tip 來品評，我很滿意。