意八餐廳 (已結業)

11點都未食早餐，但係又唔想食午餐，見到呢間餐廳竟然仲有早餐供應（供應到11:30）。二話不說就入去坐低，佢嘅早餐都好多選擇。我哋兩個人都揀咗歐陸早餐，一個要豬扒一個要雞扒，原本係有茄汁豆嘅，不過走咗。早餐放低嘅時候有少少嚇咗一跳。係大份到嚇咗一跳。可能因為佢將啲嘢放平晒，冇疊起，而且多士又用另一隻碟，我一望就覺得自己會食唔晒，點知食下食下又比我食晒。全部食物都係正常水準，不過唔知點解粟米同埋雞蛋都覺得係甜嘅，唔通個廚師落砂糖當係鹽？我真心有咁嘅懷疑，因為粟米甜都唔出奇，點解雞蛋會係甜嘅呢。定係我食咩都覺得甜？我就唔係幾鍾意食甜野嘅。應該係個廚師鍾意食甜野。咁大份早餐先至$36一份，冇投訴，有下次。

意八餐廳今天和朋友做完義工後到意八餐廳吃午餐。我們點了墨西歌瘋狂辣肉醬焗扁意粉及香辣蕃茄帆立貝扁意粉、凍奶茶。墨西歌瘋狂辣肉醬焗扁意粉是焗的熱烘烘的，吃焗的東西最忌不夠熱，以這個意粉的中心也是熱呼呼。辣肉醬味道酸甜，亦有肉香，加上有微辣感覺，吃的時候十分刺，也十分醒胃。面頭上的焗芝士，經一輪烘焗後，有焦脆感，而且芝士味極是香濃。香軟拉絲的芝士配上爽口的意粉，締造出分明的口感層次。至於香辣蕃茄帆立貝扁意粉，蕃茄醬也是帶有辣感，刺激人的食慾。帆立貝大小適中，易於入口，其味鮮甜。扁意粉質地也是Al dente ，整體質素良好。

話說今日去買外賣，收銀姐姐幫前面阿叔落緊單，我咪跟住排係後面等囉。點知有個阿姐走咗去八達通機前面。收銀姐姐幫阿叔落完單，居然同個姐姐落，完全冇視我嘅存在。我就話唔洗排隊架？但佢兩個冇理過我，佢哋落完單後，我再話唔洗排隊架？我要一個xxx，跟住收銀姐姐手指指住我，叫我等陣。咩態度？唔好意思都唔講聲？排隊咁基本嘅規矩都唔識？我做錯咗d咩？最後嬲都唔買，唔想用我d血汗錢出糧俾佢囉。之後都唔會嚟幫襯。好嬲丫

想食平價西式野食 我通常都會揀佢尤其係佢個下午茶時段真係超值 我最鐘意食佢個百里香雞扒忌廉天使麵 雞扒煮得好腍滑 佢個忌廉汁亦好香口 令到我食到停唔到口 再配埋杯凍咖啡 咖啡奶味會比較重 岩哂我口味

作為曾經做過西廚嘅人，平時好少上OpenRice評價餐廳嘅食物，今次真心失望到第一次要上網評論，先可以平息我浪費我錢嘅小小不甘。因為有朋友住藍田，然後成日聽佢話意八啲野食都幾ok下。之前都有來過1次，叫嘅野食係卡邦尼，食物還好一般啦，但係真心未到會推薦俾人嘅程度。咁今日咁啱係藍田，話睇下試下意八其他食物，想叫個叫“活蜆香草魷魚忌廉意粉”嘅食物。落單時，職員複述返我落嘅order，可能佢講嘢太快，因為多人，比較都忙嘅，然後我聽錯耳，然後最後係飯來。ok,尼個都冇問題，因為係我自己冇聽到。但係餐牌係意粉，咁by default，應該係意粉，而不應該係飯，right?!接住，重點來啦！對食物好失望，大伏！！！！！！可能係我自己私下問職員拿左芝士粉加，成碟野係有小小奶騷味。我有聞左職員比嘅果隻芝士粉。原來小小嘅奶騷味來自芝士粉。其實懷疑啲成隻芝士粉用左好耐都未用嗮，然後又keep住用，然後繼續發酵，所以有奶騷味。Anyway，本身食物上到客面前嘅樣係沒有芝士粉嘅，因為我自己加嘅芝士粉，所以唔可以話係食物味道嘅問題。咁講到食物本身，啲奶味cream味好重，cream味重到係你feel到種crea

幫襯呢間餐廳已經好多年，份量開始減少但價錢就一直加價。每次都會叫既柚子蜜雞翼同辣芝士薯角今次有dd失望啦，等候時間已經耐，點知上到黎份量縮水，雞翼唔夠味，薯角個底lon晒，痴甩哂d薯角皮，而且芝士份量不足

今日放下午去行街shopping ，經過啟田ITAMOMO 又唔太多人，去試下先，門口禁飛仔15分鐘有位，首先order 百里香忌廉雞皇焗珍珠飯同芝士焗米蘭長通粉，好快熱辣辣上枱，焗飯醬汁好香，珍珠米粒粒分明，唔爛！芝士長通粉芝士味好濃，好食，覺得唔夠再order瘋狂辣肉醬芝士脆薯皇，餐牌話辣但唔覺好辣，唔夠熱再熱D就好，整體食物滿意！

藍田呢間意八餐廳已經開咗好幾年，由於佢嘅價錢非常之貼地，所以一直都有好多街坊幫襯。🤗我就非常鍾意食呢度嘅茄汁焗豬扒飯😄，因為佢係先用蛋炒飯底，煎左豬扒，然後再放入個兜度，加上芝士蔬菜放入焗爐，呢個就係好好味嘅豬扒焗飯。由於我係食下午茶呢個餐只須$39再加多$2凍咖啡，成為$41性價比非常之高，抵食！先講豬扒比較切得厚身，有啲實。但係先茄焗完之後就非常之好味同個炒飯配合得天衣無縫，通常多汁Juicy!個飯入邊有好多唔同嘅蔬菜,有紫色嘅椰菜,翠玉瓜,南瓜等等!

想當初仲係中學生嘅時候，午餐就好大機會去呢間食！！意八嘅學生餐真係比午餐抵食，學生都唔會覺得太貴。但其實佢平時嘅餐單都好平價，而且啲野食都好好食！上餐嘅速度都非常快，唔會要等太耐！唔知食乜都係一個好選擇！

每次放工諗唔到晚餐食咩嘅話，我都會搭去藍田食呢一間餐廳，因為呢間餐廳真係非常抵食，晚餐嘅性價比好高👍🏻今次就叫左呢一個扒餐，黑椒汁牛扒配飯，配菜有芝士蕃茄、節瓜同埋南瓜，仲有一隻太陽蛋，都幾豐富。牛扒唔會韌，都幾易切，而且有咬口，有牛味，但唔係話非常濃郁，黑椒汁好香，用嚟撈飯一流。女仔食嘅話，其實食到一大半已經好飽特別推介飲品可以叫鹹柑桔蜜，好好飲，如果平時返工用聲多嘅話，飲完喉嚨會舒服好多。整體來講，呢間嘅晚餐性價比好高，另外佢嘅天使麵都好好食，值得推介👍🏻👍🏻👍🏻

喺藍田做完嘢，突然諗起啟田嘅意八，好耐都冇食過墨汁意大利粉，立即前往！意八一直係我心目中嘅平民西餐選擇之一，餐牌選擇豐富，味道唔差，價錢仲好平添！不過藍田呢間舖頭，職員態度麻麻，成日大呼小叫唔用mic，喺餐廳大大聲對話，好嘈😅每一次去都係點呢個墨汁海鮮意大利飯對上一次食意八，已經係好耐之前，個飯多咗好多海鮮同埋配料！上菜有驚喜！上面係滿滿嘅八爪魚墨魚等，仲有好多菇類。意大利飯墨汁味都幾出架！食到成個嘴唇同埋牙齒都係黑色，好有趣🤣跟餐所有嘢飲都係半價

其實呢度拉麵都整得唔錯 拉麵湯底頗濃 加上其他配菜生色不少 而酥雞分量看上去少 但其實可能會食唔曬㖭 雖然酥雞唔算脆 但係加埋沙律醬呢都幾好味 而且兩者配搭好似冇見過都幾新穎㗎

今日難得放假 自己一個走左去自己最愛的餐廳 意八餐廳 最鐘意就係下午茶的時段過去食 次次都人山人海 因為佢價錢夠哂親民 我就會推薦百里香忌廉雞扒焗飯 佢個汁夠哂濃郁 而飯底仲用我鐘意食既珍珠米 搭配上黎真係超正 而雞扒亦十分juicy 唔會乾身

見佢有甜品所以入咗去，但最後話而家無做甜品😔但湯質感有啲怪，但味道唔差㗎嘢飲方面我哋去咗牛乳抹茶紅豆冰，正正常常不過不失啦🤔總括嚟講啲嘢食係對得住個價錢，但味度真係麻麻地。

同家人去食飯等枱共5人。等左大約30分鐘有多，跟門口員工反映後完全沒有改善。最後都係比4人枱加多張櫈。地方細，如果人數大過4強烈建議你去其他地方食。至少唔會等太耐。