悠揚閣 (已結業)

舊同學(讀書時代的好Roommate)來香港玩，訂了銅鑼灣的珀麗尚品酒店入住，她叫我請兩天假陪她遊玩及陪她在酒店房住及談天，重拾以前的快樂時光！ 第二朝我地計劃了去迪士尼，去之前食飽一點！就去響網站訂房時包埋的餐廳食！餐廳空間感大，好似幾舒服，又有落地玻璃，陽光照亮著，令活力感更大，一朝早不用死氣沉沉。 早餐選擇雖然唔算多，但就多類型，由沙律，麵包類，熱盤，生果等樣樣齊 。 沙律菜都有好幾款， 而且十分新鮮；麵包除有方包外，仲有我喜愛既牛角包，而且夠鬆軟。 熱盤有茄汁豆，豬肉腸，薯餅同炒蛋。想讚個炒蛋，係半熟炒蛋,啲蛋汁流流吓，好温暖！ 食到咁滿足,充滿氣力咁去迪士尼玩了!