影片
以上資料只供參考, 請與餐廳確認詳情
招牌菜
我本身灣仔返工， 見自己熱氣生倉， 特登lunch time 走20分鐘行去買枝龜靈茶。點知買完,一見， 枝野勁淺色，望一望個底， 完全冇沉澱物， 已心知中伏， 邊有涼茶冇沉澱。飲一啖， 勁甜 ， 接近冇涼茶味。公司廢廢茶包仲有味過佢。大佬我就係生緊瘡， 唔想要甜野， 你宜家比枝糖水我， 想我生得勁D？枝野仲要唔平,$43。其實我只係普通打工仔， 為左枝涼茶， 我今日係要食麵包做lunch 先有錢買。我第一個openrice post,,, 因為真係好嬲 都唔知飲唔飲埋枝糖水好，唉
繼續閱讀
最近成日捱夜又瞓得唔好，生多左飛滋🫣皮膚又成日痕🥹唔知係咪打咗疫苗，諗番起依間恭源堂，以前試過都唔錯。1️⃣鮮製龜苓膏 $45揀左依款凍龜苓膏食落味道甘口，後勁有啲苦，食得到藥材味道，但都算易入口👍🏻以前冬天過黎幫襯比較鍾意食熱，熱食藥材嘅味道更加出，店員話凍熱都無乜所謂🤣夏天熱辣辣就揀咗凍，最鐘意加少少糖漿一齊食，糖漿質感唔會太稠同太甜，加埋龜苓膏食落滑嘟嘟，口感唔錯！最後埋單個陣，店員仲介紹我買龜苓膏套票卡，話有多一盅龜苓膏同一枝涼茶送～就同佢買咗一張，計落都比原價抵👍🏻
繼續閱讀
晚上同肥髀逛完大埔，返到灣仔再轉車，佢話好口渴，又唔想佢飲太多精製嘅飲品，行過呢間涼茶店，入去飲杯中式涼茶，店面細細有桌椅，裝修平實唔花巧，光猛乾淨，店入面嘅牆身貼晒啲藥材茶對身體嘅好處！得一個姨姨店員，佢仲介紹我飲五花茶！同肥髀一人一杯五花茶🍵（$12）好簡單嘅膠杯裝住，五花茶微甜，藥材花味易入口，甘但唔澀！店員姨姨健談又勤快，見佢好忙走出走入，有時入樽！又要睇檔！對人豪爽有禮！可能呢區多外國人，餐牌竟然係中英對照！小店人情味濃！
繼續閱讀
三不五時就要來個涼茶Post，強力徵集涼茶店中款式多，都有列明功效，另外可以問下店方除左涼茶之外仲有龜苓膏，連早餐小食都有得賣既檸檬薏米露 $23去膩醒胃佳品，食滯左或者夏天飲都會好爽酸為果酸，不刺激不嗆口，味清開胃的程度唔係好想飲到太甜，入口甜度溫和，且帶淡淡甘蔗香，應該用左蔗汁之類調味薏米露冇渣有啲可惜，不過黏度不高，順口怡人
繼續閱讀
在 5月尾的一個晚上，於銅鑼灣食完味精沾麵後， 我花了一小時有多在崇光 shopping！ 然後，沿銅鑼灣行到灣仔搭車，當時已經晚上 10:00，行到半路，既口渴又腳攰！ 打算找間糖水舖坐一下兼嘆碗凍冰冰嘅糖水！ 見到灣仔莊士頓道有間 24小時快餐店，又不想走到快餐店飲杯汽水！ 恰巧！我見到有間仍未收舖的涼茶舖！實在太好嘞！ 當我走入去，即刻問老闆娘何時收舖？她回答：11:00！那麼！我急不及待找個座位坐下來！ 當時，仿如在鬧市中找到綠洲！我雙腳終於得以舒緩！ 至於健康飲品由 $11 起，健康又超值！ 在我享受凍飲期間！有位外籍男生走入來，問我們哪裡有找換店？當時已是晚上 10:00， 老闆娘回答：咁夜，係找換店都收舖啦！叫他明天早上 8:30 可走到附近一間找換店！可是，他告訴我們手上只有港幣 $100！ 怎樣返位位於銅鑼灣的酒店？他把酒店卡片給我們看，老闆娘乾脆回答：搭的士啦！但是，他想由灣仔行到銅鑼灣返酒店；由於，他的智能手機及香港電話卡不能上網！ 只好靠我手機上的地圖幫忙吧！ 我建議他影低我手機上的地圖畫面，然後，我帶他到軒尼詩道，他自己走上好幾條街就到！如果，不識路的話再問人啦！我見他猶憐，只得港幣 $100！ 加上他俊朗帶不羈的樣子， 我不想只跟他有一面之緣！於是，我客氣地邀請他坐下來飲杯健康飲品，他並問老闆娘有什麼好介紹？老闆娘則推介五花茶給他！ 當我拿出銀包想為他付款之時，他很豪氣拿出手上僅的港幣 $100！ 他說到不應該由我請他！他坐下來後，大家也喝著各自的冰凍飲品！ 同時也展開話題.... 他是自己一個人首次來香港，旅遊 10天！問他去過什麼地方？只去過海洋公園，當時我打算星期六行山頂，問他有無興趣一起去？他也很有興趣！接著，我留低電話號碼給他，讓他可以在酒店致電給我，此時，我才得知也買了香港電話卡！真醒目！ 整個過程，我主要幫忙翻譯！他反映在香港很難找到說英文的人啊！當他在街上問路時，他以手勢形容很多人灑手擰頭，他覺得好無助！ 所以，他很感激我的幫忙！紫背天葵 (細) $15我印象中，紫背天葵煲出來的顏色及味道好似利賓納！店子的紫背天葵入口卻似酸梅湯！ 酸酸地微澀而清甜！這可能是紫背天葵山楂茶吧！冰涼解渴！用料天然真材實料！ 餐牌上見其功效消脂排毒，利尿水腫！ 紫背天葵本身屬性偏寒，根據網上資料得知具有鎮靜、防高血壓、促進消化、調理腸胃、利尿、舒緩神經、滋養肌膚、容光煥發...等功效；配合山楂，更能消脂消滯！ 回家後，的確沒有再口渴的感覺！值得推介！ 之後，我再幫襯飲紫背天葵！原來老闆娘認得我架！ 還問我那麼喜歡飲，為何不買夠一支呀？ 她亦告訴我，她曾經去過他的國家旅行，當地人很友善....不過呢！如果，妳不喜歡他的話，他可以落降頭令妳喜歡他！聽起來頓時覺得心寒兼恐怖！我不是中了招嗎？ (待續...至 1600篇)
繼續閱讀