恆發雞蛋仔 (已結業)

一排無食過雞蛋仔了。這晚在紅磡，回家前專登走去民泰街搵「媽咪」。可惜沒想到10點已經收了鋪，失望地離開時看到街尾這間「恆發雞蛋仔」。反正從來都未幫襯過，一於give it a try吧。雖然店面叫「恆發雞蛋仔」，但原來除了雞蛋仔和夾餅外，還有魚蛋、腸仔等小食，粉麵和三文治等，就像一間小食店，只是不設座位。原味雞蛋仔1底$13，2底$24。另外有5款加料選擇，包括芝麻（$3），芝士夾心（$3），朱古力粒夾心（$4），紅豆泥夾心（$4）和芋頭泥夾心（$6）。我就選了芝麻雞蛋仔（$16）。阿姐收到order後即製，前後都有等了約10-15分鐘。熱辣辣又香噴噴的雞蛋仔拿在手真開心^^ 粒粒雞蛋仔賬卜卜，外層很脆（不過部分邊位有點硬），內裏軟心，質感做得很不錯。味道雖然蛋香不算很突出，加進了黑芝麻和白芝麻，食起來頗香，而且勝在甜度不高。整體來說，這雞蛋仔是好吃的。阿姐服務態度有禮貌又醒目，雖然店內環境有點'呢啡'，尚算衛生。

因為住附近 所以以前經常會食到以前呢到啲野食都幾好食既自從對面開左買一送一魚蛋燒賣 呢間又要跟住人地做優惠當時食既魚蛋已經開始吾好食 冇咖哩味 吾彈牙 又細粒之後我都有再食呢到吾同既野食有7蚊兩粒既牛肉球 冇乜馬弟 吾算太差 都可以放入口既職員方面應該係一家親有個男既中學生左右 幫手態度差 不想做生意咁今次就試下燒賣一串5粒 有一粒旁邊變黑 不知何解醬油不咸 辣油不辣 醬料加了像沒有加燒賣不知是否魚肉還是豬肉做 沒有味道 仲有啲硬 一啲都吾好食往咁多街坊幫親佢咁多年呢到應該係最耐歷史挨得到冇汁既街坊店

放學後經過這裡 肚子有點餓 又看到店員剛好弄好了雞蛋仔 於是便買了一底一接過雞蛋仔 再嗅一嗅 心知不妙 雞蛋仔並無任何蛋香味 或是奶香味試食了一粒 發覺雞蛋仔只是粉漿味 要在口中不停噴氣才感覺到丁點的蛋味味道亦一點也不甜 感覺完完全全是在吃麵粉漿將雞蛋仔咬開一半 果然如我所料 是為了營造外脆內軟 而中間空心的雞蛋仔 但粉漿實在是下得太少 吃起來的質感並不討好吃完亦沒有飽肚感這一間雞蛋仔無論味道或是質感 都明顯是偷工減料得很嚴重完全不值一試

After eating fried dumplings for lunch today, I was going to go to Hunghom Egg Waffles for my waffle fix, but I forgot that they haven't opened yet at 12pm So I searched up this place which was a bit further away (anything for a waffle) and noticed that this store actually sells other savoury snacks in spite of what the shop name suggests. Before I could decide on what to get, a couple of english speaking asian girls were being so amazed at how good their egg waffles smelled, I nearly scoffed ou

看到大大的字“秘製雞蛋仔”覺得蠻誘人，就要了一底（$12）應該不是即叫即整因為沒等幾分鐘很快就有了雞蛋仔蠻大底的，外表超漂亮FLAWLESS但是...好看卻不太好吃噢...雞蛋仔雖然還微暖，但是外皮太脆太脆了，咬下去比餅乾還脆，外皮脆得來里面又不夠軟，加上不夠熱，反而弄巧反掘變了好像在吃雞蛋仔很乾貼出來黃宗澤也來過，可能別的東西還不錯吧，但雞蛋仔真的是一次就夠了還要了一串沙爹麵筋（$6），沙爹醬很濃很足不會太過辣，麵筋不會很油吸滿沙爹​​的味道，很不錯，這麵筋串雖然外表不怎麼樣，但味道蠻好可以encore

記得在Openrice這裡看過其他食家的食評，說恆發這裡的格仔餅也不錯，於是這晚放工後便來試一試。向店員要了一底格仔餅後，她表示由於是即製的，所以要等大約五分鐘。在等候的時間，看到不斷有其他客人來買雞蛋仔或者魚蛋，炒公仔麵等小食。不經不覺，五分鐘很快便過去。店員再次問我要什麼醬，當然是全部醬都要啦！很快這底熱辣辣的雞蛋仔便送到我的手中。吃起來這份格仔餅是外脆內軟的，中間的部份帶點煙韌，只是入口覺得不夠麵粉的香氣，也欠一點蛋香。內裡的花生醬，牛油及煉奶十分足夠，令到這格仔餅吃來香甜十足，甚至有多出的醬料流到雞皮紙袋中。

早上去完飲茶行完街,返到屋企附近想食雞蛋仔又懶得行去寶其利街,咁咪近近地去左恆發.點知一個懶字就瀨野喇我同男友去到後,只見一對男女在等,見到都開始整緊,應該唔會等太耐所以諗住等一陣食新鮮熱辣果底雞蛋仔,點知一等等左半個鐘.都唔知咩事可以整咁耐最衰我已經比左錢,唔係真係走.行去第2度買. 唔係話底雞蛋仔唔好食,但等半個鐘,中間有一底仲要失敗左掉左.咁樣只會無人幫襯同場追加令人唔想再幫襯原因.話說前面對男女叫左雞蛋仔加杯凍檸茶個女仔話杯野有奶味, 個男朋友仔咪代為問舖頭既人問清楚果杯野係咪檸茶.突然有個好似老闆娘既人出現個男仔問:呢杯係咪凍檸茶老闆娘起哂架咁講: 係丫,有咩問題? 男仔;只係想問清楚JAK, D色有D怪怪地.老闆娘: 咁你叫咩丫, 你見到有奶咩? (態度勁差, 唔覺得有錯)個男仔未有再出聲,個老闆娘已經好惡咁反駁其實果男仔只係詢問方式有禮貌去問,但被老闆娘惡言相向.我企係後面真係O哂咀,今時今日仲有咁既態度~真係有問題先講出黎,點知對男女比人兇返轉頭唔出聲只係細細聲抱怨雖然只係買底雞蛋仔唔係諗住會有5星級服務,但係咁樣比人不禮貌對待絕對不容許就算有幾好味都唔會再幫襯

某晚來了紅磡看醫生, 想起這家雞蛋仔有朋友說好好吃晚餐也沒什麼胃口, 就買一客雞蛋仔吃好了他們的製作過程都真的有點...隨性 (想不到有什麼形容詞蛋漿倒到底下的兜, 但我心想, 這樣的雞蛋仔應該會好吃, 看店員都很熟練很快的烘雞蛋仔旁邊的雞蛋仔邊位都很薄, 熱熱的雞蛋仔聞起來很有奶蛋香味果真好吃! 外層夠脆, 裡面很軟, 不是實心的更能吃到外層脆脆的質感奶香跟蛋香都很夠, 甜度也剛好. 很有水準很好吃的雞蛋仔最近吃到美味的雞蛋仔, 是低調高手(他們進步了不少喔, 再之後的, 就是這裡了同區的媽咪雞蛋仔也只有巧克力的好吃, 原味的我覺得還不及這裡下次到紅磡, 一定會再來買

好耐無去黃埔, 所以一定要幫襯之前令我回味無窮的雞蛋仔每次見到佢地倒蛋漿都唔孤寒, 倒到瀉曬, 真係好開心, 咁樣先可以保證每粒蛋仔都足料等三分鐘就有, 我最鍾意既係唔係好甜,而且粒粒都卜卜脆電爐雞蛋仔周圍都有但呢間真係平靚正

見食評咁好, 又咁高分... 專登走去試..ORDER 格仔餅... 即叫即整... ....見阿姐拎一支支樽咁濟D 醬出黎, 液體來的... 一睇就知溝左好多水...一拎上手... 熱辣辣... 但咬萿去就唔掂..... 咬左幾啖都食唔到D 醬.... 皆因阿姐無幫我鋪平D 醬... D 醬又浠.. 流晒落底..到食D 醬.. 好水... 完全唔掂... 同隔黎街GEI 紅X雞蛋仔無得揮咁即質素仲收$12?? 無奶由 lol..

一向都沒有吃街頭小食的習慣，要吃就只吃雞蛋仔和格仔餅。這裡的雞蛋仔和格仔餅，真是一試難忘。眾所周知北角那間雞蛋仔最馳名，我只試過佐敦分店，真的很好味。不過，原來黃埔這一間雞蛋仔，水準有過之而無不及！他們焗出來雞蛋仔，完完整整，每一個都漲卞卞，入口香脆，名乎其實的皮脆內軟！格仔餅是清清楚楚見到一格格，餅底香脆，內裡的牛油、練奶、花生醬份量十足，極之滋味！除了雞蛋仔和格仔餅，此店還售賣其他食品，如燒賣、魚蛋、丸串、魷魚鬚等小食，我見賣相都不錯，有機會一定要試！

食過咁多間雞蛋仔..呢間最令我回味無窮!! 次之黎黃埔都必定黎食!!雖然無媽咪雞蛋仔咁多人, 但係我覺得呢間好食好多!恆發的雞蛋仔外脆內軟..老板唔會因為多人唔夠時間都比你...所以品質絕對有保證!! 等耐D都值得的!格仔餅同樣咁好食! 仲有燒賣...咖哩魚蛋都係我同男友的最愛!

紅磡美食多,有空就會到這邊逛逛.早前曾為紅磡雞蛋仔撰寫過一文(http://www.openrice.com/restaurant/commentdetail.htm?commentid=2139987),當然紅磡這麼大,多過兩間賣雞蛋仔的店也不出奇.這天逛到近黃埔這一頭,就發現了這間恆發.恆發打正旗號賣雞蛋仔,但其實就是一間熟食店.除了雞蛋仔格仔餅這對孖兄弟,還有燒賣,山竹牛肉,腸粉,丸類,粉果和撈麵等熟食,出乎意料的是連泰式鳳爪都有售.小店大清早7時就開門,所以有不少早餐配搭,而且消費滿$10便可以優惠價$5換一杯凍飲,有奶茶,好立克,阿華田和咖啡等早晨好伴侶選擇,相信這裡平日會是上班族買早餐的熱點.另外還有外賣專線方便附近居民.先來一底雞蛋仔,只有2部雞蛋仔機,老闆不停手的弄完一底又一底.我到達時早有一底做好放著,但老闆娘就問我趕不趕,叫我等新鮮熱辣的.不久雞蛋仔好了,本以為老闆會先讓它放放吹吹風才給我,可是他很快就把它入袋了.我動手一踫,雞蛋仔表面原來已很硬.雞蛋仔外形圓渾實淨,表層氣孔細密不透光,拱度好像定實了,圓蛋與圓蛋之間的脆片不薄弱,不會摺起造成倒汗水,保持脆硬和乾爽.

這天經過位置偏僻的恆發雞蛋仔發現有我的至愛沙嗲/咖喱魚蛋! $5/5粒!有點貴..但馬上發覺是值得的魚蛋頗彈牙! 接近墨魚丸的口感!沙嗲醬香濃! 辣度適中~第二串是咖哩味! (忘了拍照! 但外表跟沙嗲魚蛋相差不遠焉XD) 醬汁稍比沙爹醬香辣 味道更佳!服務貼心~用紙袋作碟子放魚蛋光顧時發現老闆正在調醬汁因為他說醬汁變濃了 要加點滾水弄稀一點點用心的小店~下次要吃格仔餅/雞蛋仔~!

好耐之前無意中食左呢間格仔餅, 覺得佢好掂, 因為同其他格仔餅唔同...首先 - 佢係好大個格, 大號waffle咁.第二 - 佢好鬼死脆.... 普通o既格仔餅好多時都係軟淋淋, 無哩口感... 但呢度o既就脆卜卜, 好美味..第三 - 一定要等, 因為只係得兩部waffle機, 佢又要整到脆, 所以要等.第四 - 好熱好熱不過我覺得最好係叫佢攤凍小小先上牛油, 花生醬, 沙糖, 否則所有餡料會溶晒, 最後waffle還waffle, d餡料就流晒係個紙袋度.10蚊一件, 好好味呀... 為左質素, 唔會未得就賣畀人, 好有heart添...