影片
因來考alevel,於是便於此享用午餐和下午茶。先講十幾蚊個既午餐。friend叫左咕嚕肉飯, 酸甜適中, 豬肉亦唔會太「鞋」算係不過不失。我就叫左蝦米水蛋飯水蛋有點老, 但係好香蛋味, 蝦米亦好鮮。題外話, 去到攞野呀姐竟然問我洗唔洗額外加d汁佢話因為今日d飯煮硬左, 我話好呀咁,呢到既呀姐都幾好服務跟住反而下午茶有驚喜!!之前有響到讀既friend話下午茶好正, 我就試埋先走,我叫左魚柳包,呢個包我覺得好食過m記同時新既魚柳包好多,魚柳冇落太多濃味既調味料, 即係胡椒粉呀果d,但係卻有一啖啖魚肉既鮮味!信我! 果種鮮味正過m記既魚柳好多!加埋千島醬同埋洋蔥汁,非常惹味, 回味無窮!十幾蚊有咁大個包既下午茶餐, 正!p.s. 有不少校內學生都推薦丸片飯, 話呢樣係招牌菜,可惜當日冇, 希望有機會可以再去試埋呢個。
繼續閱讀