思想煮意 (已搬遷) 新店位置

今日同老公打掃完屋企已經是下午2:00，打算搵間茶餐廳食下午茶，行開經過呢間餐廳，一於試下。我叫了星洲炒米，米粉無炒到碎濕濕，炒功幾好，炒米帶有辣味，配上火腿絲同洋蔥一齊食，唔錯，但佢D蝦粒無味，麻麻地。老公叫了沙嗲炒牛河，牛肉幾淋，但D沙嗲味偏淡，帶D甜味，同食開沙嗲味唔同，河粉都炒得幾好。成餐的重點係餐飲，我叫了凍檸茶，好好飲，茶味夠，好多片檸檬，而且甜度配得剛剛好，一試難忘。老公叫了熱奶茶，茶味濃，而且好滑，奶同茶配合比例剛好，而且好香。這間餐廳茶水做得好出色。

今日一早起身，打算在茶餐廳食早餐，於是選擇這間餐廳食。這間餐廳的早餐價錢相當親民，3餸一麵都是$29，比起一般連鎖店食，已經好抵食。我叫了沙嗲牛肉、漢堡扒、牛腩配公仔麵，每份早餐配白麵包，我將漢堡扒夾埋麵包食，相當好食，漢堡扒煎得幾好，唔多油，但最意想不到係早餐有牛腩食，牛腩好淋，好入味，沙嗲牛都好有沙嗲味，整個早餐食完有飽肚感。我家人叫了雪菜肉絲米配漢堡扒午餐肉，雪菜不是罐頭貨，雪菜比一般出面食都大塊少少，好有雪菜味，午餐肉煎得剛好，都是不油膩，配上麵包食一流。

同老媽子食 都係食下家常野好。晚餐黎講都算ok啦個價錢叫左個東江鹽水雞 。麻麻地。個醬唔知係想點。肉質偏散。個湯個人一碗。但太油無飲反而炒小菜幾有獲氣啵👍🏿不過都係偏油左d

星期六一早落街食早餐，叫咗個早餐Set，煎蛋煎得剛剛好，唔會太老，煎蛋嘅Size可以放係麵包入面夾埋一齊食。沙嗲牛肉麵嘅牛肉夠哂入味又唔韌，沙嗲味好濃。加埋杯香滑奶茶奶茶唔會太甜又夠奶味。

同兔仔睇完醫生，拿拿聲醫完肚就帶佢番屋企，所以揀左呢間茶餐廳。舖頭較細，所以枱同枱之間有點兒迫。麻婆豆腐飯呢個係老公叫既，我食左一兩啖，唔太辣，我都接受到，肉碎都好香好入味。咖喱四寶配蒜蓉包我好鍾意食蒜蓉包，見到呢個就即刻朴搥，佢仲有好多其他咖喱，有豬、雞、牛、羊。但見四寶咁特別所以叫左呢個。四寶係腸仔、煎蛋、漢堡扖、雞翼。老實說，咖喱汁其實似葡汁多啲，雞翼就唔夠入味，但肉夠滑。其他三樣正常味道，無特別。但最驚喜係蒜蓉包，竟然係即叫即焗，仲有咁多片，牛油同蒜蓉都夠多，又香又脆。

星期五的下午，悶熱得來就快把在下熔化，雖然有時間坐在車廂裡，可是下車後卻令在下有點頭暈，於是急步走去茶記坐下來，吃個下午茶抖抖暑。由於未曾吃過午餐，就入了這間茶記，也不想再尋找其他，以免浪費時間。入到後，卻發現店子較細，坐位也較狹窄，坐位幺橙色為主，沒有㘣枱和圓櫈，兩邊卡座加方枱就是了。從牆上的餐單加上餐牌，有咖哩有碟頭飯，也有焗飯午餐和下午茶，款式都不少，而在下進入餐廳的時候，正值是下午茶時間，而且下午茶餐又有炒粉麵，正好為在下未吃午餐，多了一個選擇。雖然下午茶的菜遠肉片炒河，較正餐的份量少，可是見其用碗盛載，份量也不少。時菜是白菜，加上肉片一起炒，而且芡汁未見太多，則是剛剛好，吃起來也有鑊氣，這點不賴，肉片不韌有嚼勁，菜也爽甜。這麼悶熱天氣，來一杯凍咖啡，可令暑氣全消，咖啡味較濃，奶和咖啡尚算調較得宜，而且冰較少，可以品嚐到咖啡應有的味道。整體在茶記裡味道算不錯，但是仍然有改善空間，例如整碟河粉可以炒得更有鑊氣，而咖啡可以弄得更有咖啡香味。