必勝客 (花都廣場)

營業中

休息中

一向覺得PizzaHut的簿餅不錯，下午茶都係一個不錯的選擇！大熱天時，約咗朋友行街，下午茶就揀左去pizzahut. 坐位好寬略！冷氣夠！不錯！我叫了「蕃茄蛋意式香草蕃茄包」上碟熱辣辣！焗得好香脆！上面香草加上，加上好creamy的蛋（好似加咗少少沙律醬）！蕃茄好新鮮！好清新的感覺！真的不錯！朋友叫了「大蝦白汁煙肉焗薯蓉配蒜蓉飽」內有煙肉、大蝦其實係一隻極為普通的小蝦！焗薯蓉質感比較粉，好一般！蒜蓉飽都幾香！跟餐有任飲汽水，即時涼快非常！有時飲汽水會令人上癮，真的係有原因！店員態度十分不錯，有時不用說也為我們添加！有勞了！Thx！Pizza 都係堂食好食D！

看見室外傾盆大雨，實在不想出外用同膳，唯有上網找資料點外賣。其實半小時內送到，又真的有效率。套餐選擇及變化都算大，肉醬意粉醬汁勁多，但意粉太腍，放耐了便有點糊口，不大喜歡。作為小食，牛肉丸併意式迷你豬肉腸就好得多，因為兩款食物都不怕長時間給醬汁泡浸，但牛丸確實無乜味，豬肉腸是大路貨色。不想說太多，反正味道有點令人失望。

近來吃了Pizzahut，全新推出的帶子芝味舞台，賣相特別，上層是脆卜卜的薄批，下層是軟棉棉的芝心批，一次可以享受雙重滋味。再加上豐富的配料，鮮味肥大的帶子，醬汁份量適中，令餅底不會過濕，可以保持香脆。創意及味道皆不俗！

下午和媽媽和叔叔跟三姨和三姨丈吃了自助餐，然後，我們三人便行沙田的citysuper，（三姨和三姨丈去了科學館看長毛象），跟著便行一田，但原來一田今日很多人，所以唯有乘港鐵回去，我們首先去圖書館，去圖書館，便要吃晚餐，正想著去；哪兒好呢？突然媽媽話想去吃PIZZA，但芝脆雞和PIZZALAND要行好遠的，但Pizza Hut只需坐小巴，再行少少路便行了，於是我們三人便決定往Pizza Hut 吃Pizza。我們叫了兩個一人套餐：海鮮迷你Pizza，跟磨菇魚忌廉湯，焗海鮮闊條麵，跟磨菇魚忌廉湯，加兩個沙律，再叫多一個西西里肉丸意粉，海鮮迷你Pizza，跟磨菇魚忌廉湯，好正呀，迷你Pizza好多芝士呀！焗海鮮闊條麵，好好味呀．好多海鮮呀，而闊條麵亦不淋，好多芝士，好吃！兩個沙律好多菜及蝦，正！西西里肉丸意粉－好好吃，但原來西西里肉丸是牛肉來的，所對不吃牛肉的人不方便！服務態度很好！不錯！

去Pizza Hut食翻個下午茶，由於唔算好餓，就叫左個多士雞翼薯格餐。雞翼幾唔錯，好入味，好香，肉滑，仲熱辣辣~薯格就過鹹，好似d鹽唔洗錢甘，而且有點淋，唔夠脆。多士還ok啦，普通茶記食嘅甘。拉上補下，總評就是一般般啦! 如果唔系個薯格，我會俾高d分的~~

呢日有野做，就落左黎呢度食個午餐。都好耐無黎過pizza hut食野，咁就食個lunch set啦。唔知點解，一見到海鮮闊條麵就即刻想食。我記得以前係好好食，個汁係好濃忌廉味。咁耐無食過，唔知點啦？海鮮闊條麵上到，個外表真係好吸引。都算幾多既海鮮，可以話係乜都有。味道都唔錯既。闊條麵又算彈牙，呢個係我預期之外。但個忌廉汁就走左樣啦，係無味架。我記得以前係好好食，唔知點解而家無以前咁好食。真係有失望。凍咖啡本來係飲凍奶茶，不過個茶好苦。所以換左杯凍咖啡，其實都唔係太好飲。真係無乜咖啡味啦。呢餐真係走哂樣，個闊條麵無以前咁好食。希望可以改善品質，下次等我可以食多次好味既一餐。

爸爸無煮飯，我同爸媽決定叫PIZZA HUT外賣~叫左 "日日２人套餐" $149 (兔費升級大批)野食半個鐘就送到 ，而且仲好熱錦繡大會鬆厚批(大批)，茄汁底，全部topping都係肉(辣肉腸、煙肉、五香肉粒等等)！芝士仲可以拉架~個批又熱辣辣~~個批又鬆脆~~~好好味喎 (雖然油左少少)香蒜肉絲意粉(無影相~)，份量偏少，雜豆就多，肉絲得好少... 但蒜味夠香！法式田螺伴焗薯蓉，好細盒！！薯蓉都好淺......都有６粒螺既，但好咸...蘑菇忌廉雞湯2客，好味！！！蘑菇夠多~~~個湯又夠香~~調味又剛剛好~~$149三個人食都食唔晒，都抵食喇~~~

普通批 $100 由於係外賣自取，好多credit card都有9折，如恒生、HSBC、東亞......点解pizza hut嘅海鮮雞肉芝麻脆邊批個賣相真實同宣傳照掙咁遠嘅？喱個係pizza hut嘅介紹：全新海鮮雞肉芝麻脆邊批，批邊灑滿香蒜粉及芝麻，惹味與香口交纏，點綴外脆內軟批邊，口感更富層次；批面鋪上多款海鮮及嫩滑雞肉，再配合千島醬，讓你與朋友分享更多美食新體驗。個批邊太少芝麻，我哋又食唔出香蒜粉。由於我勁鍾意食芝麻，所以見到得咁少芝麻，真係勁失望！其實佢喱個idea係好正架，芝麻批邊勁得架！但点解會名不符實呢？唯一值得講嘅係雞肉配千島醬，好夾。

食物都係一貫水準，但係0的服務都唔錯，職員都好好態度，樂於解答顧客的查詢。

weekend有個新節目，就係開wii party，而食物方面的不二之選就係pizza hut外賣，唔洗諗、方便又飽，快手食完又wii過。有新野就要試啦，要了個cheezie bites套餐，呢個新批真係比大家狠批呀，賣點的芝士粒粒飽邊好硬，好好想像力o既表弟仲話佢似恐龍腳(望望o下又幾似﹗)又冇味仲要好大舊。都係芝心批好d，其他的食物就一般水準啦，不過送o黎o個d小食同menu上的有出入，不過都冇人咁得閒對啦，打爆「賤兔」最緊要﹗經過呢次我有兩個「頓悟」：1. pizza hut D 新野真係要睇o下食評先好叫﹗2. 我諗wii應該為pizza hut帶來不少生意﹗

依間應該係做區內速遞多，所以鋪頭環境麻麻地。食左個超級至尊批，好足料！海鮮闊條麵都幾好，每條麵都沾滿芝士架，但就冇咩海鮮囉。蒜蓉包就麻麻地，唔香既，好似唔係幾夠味。下次都係去返上水廣場果間，水準好ｄ～