必勝客 (花都廣場)

晚飯唔知食乜，用foodpanda在pizza hut點餐食。點完後去取。一到就有，很有效率食物：芝心pizza，葡汁雞飯，蘑菇湯。三樣嘢都好好味，個普通批我一個人食曬，然後慢慢將盒飯都食埋。勁飽！服務：因為外賣，所以冇服務。收銀個妹妹有禮貌，做嘢爽手。環境：地點方便，容易找到店鋪。裡面乾淨。真係冇乜缺點。食完之後有想要在短期內再食。下次再叫過。好味，短處是貴左少少。如果價格可以下調就好了，一定會經常幫襯。…查看更多

聖誕聚會，一於試下pizza hut新出大芝級扭紋批!叫左個扭轉驚喜4人餐 $448，包左既食物如下: 必勝批 (大批) *1  多多樂脆雞肉扭紋批好多芝士，芝心批邊，pizza面鋪滿芝士，仲加左忌廉芝士球，好食，但食第2舊已經好膩多多樂脆原來係Doritos墨西哥玉米片碎，值得一讚係有用個盒仔分開裝，食先加落pizza，保持到脆口意粉或飯 *2 芝士焗薯粒雞皇飯海鮮闊條麵+$20小食*2焗白汁煙肉薯蓉墨西哥芝士球(10粒)前菜組合*1辣味雞翼 (8隻)飲品*4蘑菇忌廉雞湯  (+$3@)百事可樂最終，4個人係食唔晒既。…查看更多

同一大班朋友慶祝新年，order 左pizza hut 新出芝味8重奏套餐！！芝味8重奏有2款口味，今次就試左海鮮滋味😋😋個pizza 外型就好岩新年食，花花形，花開富貴🌸🌸呢款pizza入面有8款唔同既芝士，包括車打芝士、蒙特利傑克芝士、艾登芝士、雷加托硬芝士、波羅伏洛芝士、馬蘇里拉芝士、忌廉芝士同巴馬臣芝士。其實個pizza 食完一塊就好足夠，pizza 外邊入面有芝士餡上面又有一大舊cream cheese ，都好漏下嫁！！…查看更多

Pizza Hut我知好多人都食過, 不過呢個又的確係一種好方便既大伙兒既外賣食物, 價錢比較經濟而且合適各人口味, 一家大細都岩! 今次叫左呢的食物都係我經常叫開的, 我地叫左大約45分鐘就送黎喇都算幾快, 因平常好多時要等成個幾鐘😅 : 1/ 千島海鮮批 & 超級至尊批 - 配料好多焗得好好, 如果改返做薄批就最好喇2/ 原味 & 辣味雞翼 - 細細個就食啦, 焗得正呀3/ 香蒜肉絲意粉 - 蒜味重, 都係由細食到大4/ 雞皇海鮮焗飯 - 一般般, 不過飯既種類唔多, 所以叫左…查看更多

吃素日試這個至尊素批，選左薄脆批，味道比想像中好吃，芝士厚，料多，青瓜是日本出口，味道好食過有肉既批，下次吃素日可以再叫，平時食一塊已飽，今次食了兩塊😄😄👍🏻…查看更多

網上落單叫左個2人普通批套餐（$205），3個人食份量岩岩好，仲追加左一樣小食，落完單唔洗一個鐘頭就送到。​​意式風情芝心普通批（+$19）​千島醬配雞肉好開胃，芝心批一如既往地好食。送到黎餅底🍕雖然淋左少少，但都同堂食分別相差不太大。​​意式雞皇焗飯​白汁份量好多，足夠撈晒成個飯。由於係焗飯，所以飯質都比較淋，味道不錯，覺得佢既雞皇飯好食過kfc個種。​​蘑菇忌廉雞湯​濃杰度適中，有少量蘑菇塊係湯中，份量剛好。同平時西餐廳飲到既味唔同，但係屬於中上水準。​​追加小食🍴揀左原味雞翼拼儀式迷你腸（+$33），味道正常。​…查看更多

同朋友係屋企gathering夜晚唔想煮飯唔想洗碗食咩好？相信叫Pizza係最佳既選擇由於星期日既關係 所以預早左四點幾落左單揀六點幾送餐 值得一讚既係送餐好準時 早過原定時間5分鐘添呀味道方面 都係保持一貫既水準啦 不過不失 都係由細食到大果個味道叫左兩個大批 已經唔記得左叫左咩批喇 淨係記得兩個都叫左鬆厚批同d小食同意粉個「酥脆蝴蝶蝦」幾好食 大人同細路都鍾意 好快就冇晒而「原味雞翼」就略嫌唔夠入味 色水亦較淺色「香蒜肉絲意粉」同埋「海鮮長通粉」就中規中矩啦…查看更多

今日行過Pizza Hut，突然醒起今日星期三有優惠喎！「WOW Wed狂熱迫降星期三」$98意式風情或至尊鬆厚大批一個 (只限外賣) 响而家疫情嚴重之下 買外賣是常識吧！我地叫左個至尊大厚批加$16轉芝心批等左30分鐘就有得拎喇返到屋企一打開個盒就聞到香噴噴加上又熱辣辣，我即刻忍唔住食咗一件果種感覺即刻返晒嚟味道依舊 甘多年黎味道都keep到 好厲害所以Pizza Hut能屹立不倒係有原因嘅我諗諗吓對上一次食Pizza Hut都差唔多有兩年了，等做我生意就慘啦！哈哈😄…查看更多

Pizza hut 最近新出左個軟殻蟹同埋唐揚炸雞咸蛋黃pizza, 本身想試軟殻蟹，但冇曬，炸雞都ok, 芝心批邊好好味，咸蛋味足夠，雞肉嫩滑。小食有薯格同雞翼，雞翼偏細。…查看更多

-今期流行，流行增肥Pizza🤭萬惡而又集齊潮流飲食的指標，鹹蛋黃+芝士+軟殼蟹 = 必勝！♥《鹹蛋黃醬芝心批之軟殼蟹天王》鹹蛋黃味比較淡，個人喜歡濃一點，而軟殼蟹大概有八小塊，分量尚可🥰可惜的是軟殼蟹不鬆脆，軟掉了QAQ芝心批則是一貫的不過不失，芝士滿滿～總括而言，不過不失，不過夠邪惡（肥）🤣♥小提示 Tips：不要外賣，堂食應該會更不錯喔💛♥…查看更多

因為屋企附近嘅pizza hut執下一間又一間，最近嘅pizza hut都要半個鐘車程，所以已經十幾年冇一家大細去食啦，最近媽媽一直都話好想食，今日就遠遠都去食一次啦！點知遇正大塞車，完全冇巴士，唯有行過去啦，為咗要食pizza，我哋一家去得好盡，行咗45分鐘去到花都廣場分店⋯⋯點知間嘢原來勁細間，真係打咗個突！得四張枱，一個收銀，廚房唔知幾多人，然後冇侍應嘅，全自助，仲要係用紙碟食嘢個種😂大部分人都係外帶嘅，客人都唔少，得一個收銀，真係忙到踢晒腳，要叫嘢食都要慢慢等。食物都係咁，放入錫紙盤到上枱。碗都唔洗請人洗😂😂😂食物方面，新出嘅pizza我叫咗雞肉嘅，肉哩到就冇咩特別，反而邊邊個位有驚喜！充滿芝士得嚟又軟棉棉，好食！芝士波菜都好正，推薦！最值得一讚嘅係哩到嘅員工，雖然見佢哋一直都好忙，但當我哋講緊食唔晒想打包，媽媽話唔知要唔要收錢，就有員工拎咗袋同封口嘅卡紙過嚟，真係細心❤️…查看更多

去朋友屋企打麻雀，我哋肚餓但唔想出街食，就叫咗外賣Pizza，要千島醬配海鮮同埋最重要加芝心，另外再加一個意粉同埋白汁雞皇飯，蒜蓉包同埋四個蘑菇湯，大概＄400價錢都可以接受。等咗半個鐘度就送到黎，熱辣辣嘅批加上軟林林嘅芝心真係非常好食，而千島醬配海鮮一向係我最鍾意嘅選擇，個醬酸酸甜甜，能夠帶出海鮮嘅鮮味，意粉同雞皇飯都唔錯，在座有男孩子，所以最好就叫個飯會飽啲。另外，蒜蓉包好香脆，蒜蓉味好香，蘑菇湯夠濃！…查看更多

同三五知己開party, 當然係食pizza. 叫左個6-8人餐，有2 個批、同小食、飯麵。批就選了意式風情同海陸堡，海陸堡有唔少蝦，而且芝士味比較重，適合鍾意食濃味既人食。而意式風情就以蕃茄同千島醬為主，普普通通。小食係香辣雞翼，不過食落冇辣味，但唔當辣雞咁食，其他都幾好味。另外仲有一個薯蓉，實在太普通，所以冇咩好講，同平時其他店食開既一模一樣。飯就係芝士咖喱海鮮飯、同埋葡汁雞皇飯。2個飯都係汁多餸少，pizza hut既飯麵果然好平凡。…查看更多

8號風球打到黎咩舖頭都冇開開個啲就排哂長龍難得pizzahut有開堂食都唔多人就食佢叫左2人普通批餐 原價175 折左$1401個普通pie 1個麵/飯/雞翼2個野飲 可揀磨菇雞湯/汽水個湯冇特別 都係平時個啲白湯 加mushroom黎得pizza hut雞翼唔少得錦繡至尊厚批可以拉芝士絲係多油架啦好食呀嘛 唔理咁多 食左先有煙肉 辣肉腸 豬肉粒…查看更多

放假的星期日, 懶洋洋的不想外出, 於是決定買外賣。在PIZZA HUT網頁看到外賣自取有8折, 於是決定先ORDER, 再去店鋪取食物。最後點了2-3人套餐, 包括一個至尊普通批、辣味雞翼、薯格拼盤和兩個磨菇湯。至尊普通批選了薄脆批底, 餡料有最愛的辣肉腸, 牛肉粒, 五香肉粒, 磨菇和蕃茄醬, 芝士十分濃郁, 餡料很滋味, 不過薄脆批邊不夠脆, 可能外賣的關係吧。辣味雞翼是如平常一樣好吃, 十分入味, 不過如果可以再辣一點就更好。薯格拼盤: 薯格有點冷, 沒有配上茄汁一起吃會感到不足, 豬仔骨烤得剛剛好, 不會過焦, 而脆皮腸就不過不失。磨菇湯是一如以往的好喝, 湯裡有很多磨菇和雞肉, 忌廉味香濃。…查看更多