必勝客 (港灣豪庭廣場)

最近我同一班朋友去嗌Pizza Hut外賣，真係好開心！我們點咗幾款Pizza，最受歡迎的係海鮮Pizza，芝士超多，真係好好味，海鮮又新鮮，完全唔膩！仲有辣味雞翼，外脆內嫩，辣味啱啱好，配啤酒正！至於配菜，我們試咗大蒜麵包，嗰個香味真係吸引，配上醬汁又係一絕！沙律就普通，但清爽，幫我哋減少咗Pizza的油膩感。最開心係，外賣送到時Pizza仲熱辣辣，香味四溢，大家一見到就忍唔住開食！雖然有點貴，但大家一齊分享，笑聲不斷，真係一個愉快的晚上！下次一定會再訂！…查看更多

食過咁多次pizza hut ，第一次見個pizza邊係白色既pizza，完全焗唔夠就比個客，一d誠意都冇。唔該出爐嗰時睇下個pizza個樣先好送比個客，依d係基本野，咁都唔做唔到既炒得。希望冇下次。…查看更多

用餐日期：2023/11/29用餐時段：午餐用餐費用(每人）：$60餐廳環境：環境整潔乾淨 冷氣足 檯與檯之間闊落 坐得舒服 服務：服務員服務態度好 點菜出菜都快味道：點了夏威夷風光大批$99+芝心$21大批(夏威夷風光)加芝心：現在星期3做緊2款大批特價(夏威夷風光/意式風情) 這次選了夏威夷風光大批外賣(2人食份量剛好）由落單到出貨不用等太耐 因Pizza要新鮮熱辣先好食 每次這家買Pizza外賣必去附近公園食 這家的Pizza味道好 每次批邊必加芝心 這次Pizza包裝盒很可愛 有可愛貼紙 到手時熱辣辣 加左芝心的批邊有濃厚芝士香味超好食 值得推薦…查看更多

上網落order 7點半自取，去到拎餐個staff同我講系統話8點半先拎，叫我有咩不滿自己打去pizzhut hotline問點解，之後我見佢咁串問佢職員編號投訴 佢唔比 咁我就影底佢名牌，佢話我影佢要告我仲講粗口，挑釁叫我夠膽就打佢，結果佢比2個staff拉左入廚房，佢個staff之後check到佢對錯單，張單一早整好，全部staff都無同我道歉，真係。。。未試過去香港任何一間餐廳有咁衰，連茶記都好過佢…查看更多

薩莉亞一向係窮人嘅因物，之前本身食開我拍如風果一間，但果一間執咗所以過嚟呢一間，呢一間薩莉亞距離地鐵嗰個距離非常之遠，不過有個好處就係排隊唔需要等好耐，對面嘅座位亦都非常之歡堂，兩個人坐一個卡位直頭可以打橫嚟錯。今次試咗佢哋嘅新嘢就係芝士意大利雲吞，成個感覺非常之嬲，因為無論表面同埋舊雲吞入邊都有自私，不過佢出邊嘅醬汁整得幾好，另外都叫咗非常出名嘅水牛芝士pizza，啲芝士真係好香，軟硬亦都適中，當然雞翼同埋田螺嘅水準都係可以保持到，希望佢可以開多間喺地鐵站附近…查看更多

星期日夜晚同朋友開party,就諗住食返個增肥大餐,所以叫咗pizza hut兩個批第一個係至尊批,另一個係夏日風情,至尊批我加咗好多芝士粉所以解好嘢味,另一個薄批都好有口感！…查看更多

自從吃素之後，我應該有十年沒吃過 Pizza Hut，估唔到品牌竟然跟得上時代綠色腳步，推出幾款 Go Green 蔬食 Pizza，味道仲出乎意料地好食，就連聽起來超健康的燕麥批底都有驚喜。為配合今次 Pizza Hut 的 Go Green 活動，其中四間分店於即日至12月13日期間，推出三款無蛋奶素食Pizza，並以清新綠色造型及低碳外送速遞措施，為顧客帶來徹底的綠色體驗。為貫徹環保概念，Pizza Hut 即將推出以全新減碳電動車－「綠車」外送速遞訂單，於推廣期內在香港區及九龍區率先粉墨登場，期望於不久的將來全面投入服務，繼續為顧客提供層次豐富的獨特滋味，同時減低對環境的影響。四間指定Pizza Hut分店    + 九龍大角咀港灣豪庭地下G02A號舖    + 土瓜灣馬頭角路33號欣榮花園7號地舖    + 西營盤聖士提反里3號亨順閣地下B舖    + 香港英皇道734-738號友邦香港大樓地下2C舖 我家附近這間大角咀分店正好是有提供蔬食Pizza的分店之一，幾日無行過原來成間變左綠色，好認真咁喎。第四波疫情加上限聚令又收緊，餐廳都比較少人堂食。今次推出的三款蔬食Pizza，topping都係無芝士只有滿滿蔬菜。「食GREEN啲」套餐 HK$148起包括任選以上普通批一個、香烤芥末椰菜花一客及百事可樂 / 蘑菇忌廉雞湯 (任選兩客)如果你叫外賣同家人朋友分享食，可以揀套餐，有Pizza有小食有飲品都幾豐富。食素的話就唔會揀忌廉雞湯啦。「菠菜神蒜批」普通批：HK$116 起 / 大批：HK$152起菠菜、烤蒜粒、洋蔥、香濃茄醬 (有蛋奶)因為本人並非佛教守齋，所以有吃五辛，而且大愛蔥蒜。其實蔥蒜都屬於溫熱食材，平常吃太多生冷蔬菜的話，應該食多一點平衡體質。這個神蒜批真係童叟無欺，粒粒大蒜送上，隔住口罩都聞到強勁蒜香，吸血彊屍會即時暈到。你又沒想過將個大蒜菠菜放在 Pizza 又幾好食，我仲轉埋最近推出的健康仔燕麥批底，本來以為咁健康應該唔好食，點知勁香又脆好有驚喜，食完成口蒜味都好值得。「狂野雜菜批」普通批：HK$126 起 / 大批：HK$162起意大利青瓜、烤豆腐、紅椒、洋蔥、車厘茄、粟米、蘑菇、墨西哥辣椒碎、牧場沙律醬 (無蛋奶)另外這款雜菜批就比較 standard 蔬食感覺，上面是紅紅綠綠黃黃的蔬菜粒，並且有些烤豆腐當蛋白質來源，味道主要是番茄醬的香味，咬起來有蔬菜粒爽口，整體來說不過不失，相比起神蒜批比較沒有 wow factor。香烤芥末椰菜花小食都係菜，真係唔驚食唔夠膳食纖維。這個椰菜花用了芥末烤，吃起來惹味十足，仲有少少辣感，我好鐘意喎！為配合這次 Go Green 活動，連外賣盒都變成綠色，好有心思喎。希望之後會有更多大品牌加入素食行列，植物性飲食是未來大趨勢，不管是為了環境或健康，都應該以素食為主流喲。…查看更多

2019年12月24日 (星期二) 11:30am 23°C 環境光亮整潔，餐具乾淨。 為慶祝家人生日，特地選擇此餐廳用膳。 人數：2人 HK$422.4 不用排隊 海鮮 LAVA 熱 - 奉上時熱騰騰，一股熱氣和芝士香味撲面而來，利害！批邊呈花朵形狀，烤得很脆口，卜卜有聲，而內裏則軟綿綿，絲絲芝士鹹香味，令人感覺佳。菠蘿粒、車喱茄、蝦、雙色椒及洋蔥絲平均分佈於批的中央位置，甜甜酸酸，不會帶辣，惹味香口，叫人食指大動。【推介之選】❤❤❤ 巴馬火腿凱薩沙律 - 原本以為麵包粒會是硬的，吃下時卻發現是鬆脆，一點也不硬呢 ~ 蔬菜綠油油，新鮮爽口，點上旁邊的醬汁，微酸微辣。火腿鹹味濃厚，必須伴隨意粉一起吃，才能被中和。 卡邦尼煙肉意粉 - 賣相一般，不算吸收，意粉滑溜，煙肉粒細小，蘑菇香爽，水準不過不失。 蜆肉焗薯蓉 - 熱騰無比，碗身燙手，薯蓉幼滑，啖啖綿密，蜆肉略為細隻及份量少。 蘑菇忌廉雞湯 - 這湯保持水準，濃稀適中，忌廉味十分香濃，正呀！【推介之選】❤❤❤ 熱奶茶 - 香滑提神，茶味濃郁。【推介之選】❤❤❤《 餐 牌 》：【 溫 馨 提 示 】：❶ 提供午市套餐❷ 另加 HK$10 可提升為酥皮餐湯。❸ 另加 HK$8 可改選特飲❹ 另加 HK$3 可改選 ( 凍 / 熱 ) 朱古力❺ 另加 HK$4 可添飲同款一杯❻ 另收加一服務費❼ 結帳付款須自行到收銀處…查看更多