必勝客 (已結業)

星期日,,同老公係屋企叫左pizza 外賣~因為有新批,,我地2個都不約而同想試下新口味,,就order 左個2人黃金芝士批配傳統煙燻火腿set~上網落order 滿$200,,會送多個葡汁雞皇飯or 意粉,,所以我地通常都係上網order 夠$200,,感覺上抵d唔係講笑,,我食左pizza 咁多年~食過好多種批,,今次pizza hut 呢個新批真係好食到想比10個讚佢~!老公食到唔夠喉~下次我地會order 個大批再食過~實在太好味啦~!!!!!!!!!!!!!!!!!

這夜沒有外出，致電到不知多久沒叫過外賣的必勝客叫了一個薄餅和一個小食拼盤回家吃。接聽電話的店員說因為叫外賣的人多，要等個多鐘頭才可以送到，無所謂啦，ok，等就等吧！結果過了一個小時左右，比預計的時間早了一點兒送來，好，係雖然係耐d，但有早到，無遲到，工作提早達標做到，這心理學的招數果然使得，讓人對它的效率減少反感，對它的服務可能還會增加好感呢！這次叫的「夏威夷風光薄批」，價錢比較便宜，餡料是比較少和清淡的，都是些菠蘿、腸等，可能是因為餡料較少吧，所以食味只是一般。「小食拼盤」內總共有四款小食，分別是「脆薯格」、「烤迷你豬肉腸」、「秘製雞翼」和「芝心卷」，每款各有4件。可能是因為食物做好後還要等一段時間才可以送來，所以普遍不夠熱燙，脆薯格和芝心卷都不夠脆口，烤迷你豬肉腸較為好些，但附上的酸中帶辣的醬汁不好味，雞翼呢？就細隻得很，好像未發育完成一般，埋單差不多$120，不算很便宜。始終，外賣要等這麼久，食物都攤涼了，味道當然會打了一定的折扣，試過這次，下次就算再幫襯「必勝客」，還是稍移玉步好了。

上星期日中午上網外賣速遞扭扭腸批,預計時間八十分鐘,好彩一個鐘就送到.由於是大批一個,所以真的非常大和非常多,外圍的芝士腸做得非常好味,雖然食唔到有蜜糖味,中間的pizza饀加了蜜桃,味道得以中和,頗好味.不過要彈的是個法式田螺很假,完全無田螺味.

今日下午叫外賣pizza,散叫一個農村特色普通厚批,加八隻雞翼,但電話熱線姐姐好好咁對我說雞翼有下午茶餐,非常好.大約四十五分鐘後,pizza送到,但發覺點解個pizza細咗好多,查問下完來比錯咗個下午茶餐的pizza(只有四件),好彩送pizza的人未走,幫我打電話返去問,發現真的送錯了,結果唔駛攞返個下午茶pizza走,變相送多個迷你pizza比我地(但無用,因為係牧農精選,有粟米,我地唔食),但都要等返差唔多三十分鐘,才有返完本我地叫嗰個農村特色.論味道,食物算夠熱,夠味,但略嫌鹹一點.

放假留係屋企唔想出街，所以叫ｐｉｚｚａ　ｈｕｔ外賣。要左個新出既香草軟殼蟹芝脆批，個賣賣相唔多掂，軟殼蟹得好少，好細隻，炸左後唔覺得係食緊軟殼蟹，不過個汁酸酸甜甜，都唔錯既，批面芝士好多，幾好，芝脆批外脆內軟，批邊既芝士夠多，但唔夠芝士味，總括黎講呢個批味道唔特別。聖誕小食格格拼，有豬仔骨，豬肉腸，薯花同芋角。豬仔骨肉質有少少霉，唔易骨肉分離，唔好食。豬肉腸個皮脆，點茄汁食，普通。薯花圍邊係一塊塊薯仔，脆脆地，中間係薯蓉，加埋ｄ肉醬同芝士，幾好味。芋角唔知點解有陣雪味，好差。

食左佢個海鮮拼盤($49), 有4隻白汁釀大蜆,4隻吉列帶子, 4隻香脆魚圈. 唔好食! 個所謂o既吉列帶子竟然係焗o既,唔係炸o既!!!唔會再買!

pizza 叫左香辣大王、超級至尊,意粉焗飯就有焗豬扒餅、肉醬意粉、香蒜肉絲意粉、法式海鮮意粉、吞拿魚煙肉腸螺絲粉,仲有小食,意式肉丸、炸雞肉腸個香辣大王pizza有一層"辣層"夾響中間,如果唔食得辣會覺得佢太辣,個自尊同平時食開咁上下,一味多料,味道就冇乜驚喜香蒜意粉太乾,食落"乾珍珍",令外兩個意粉就多汁d,焗飯唔錯,味道比意粉優勝肉丸好多汁,酸may may,幾醒胃,個炸芝左腸就差d,出面層皮林哂又油,唔好食,甚至可以話係難食食親呢d pizza都好鬼滯,所以每次都係一塊起兩塊止,再加埋d焗飯意粉同小食,真係一餐可以飽一日